Maꞈtehˬ 13:35 - Akha

³⁵ Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ heu deuˬ byah laˇ ni, aˬ yawꞈ kʼoeˇ loꞈ-ehˇ mehˬ nehˬ-euˬ meh. “Ngaˬ-euˬ kʼaˬ meh ngaˇ mˇ nga-awˇ, yaw jeˬ ma jeˬ ja mehˬ nehˬ-awˇ, Miˇ beh ngeh neh zaꞈ taˬ-euˬ jeˬ, aˬ yawꞈ maꞈ-ahˇ dzawˇ duˬ nehˬ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Khoer-aq, Miqyaer gharduq ngaeqdan-eu tsawrhaq nae ngaeqtaq-euq heudawq byanlar-euq mae, “Ngar, ngaq-euq khaqmae mrnga-awr nae yawjeq majeq dawq ja’maeqnaeq ma. Mirtsaq bae ngae nae zaftaq-euq deuq ngar aernaeq ma.” (Jc 78:2)

Maꞈtehˬ 13:35 ပူးပေါင်းရင်းမြစ်များ

Jaceuq 49:4

Tsawˇ mawˬ dawˬ daˬ-ahˇ ngaˇ shaˇ noeˬ-awˇ, deuˇ-mˬ diˬ-awˇ dawˬ tsuiꞈ yuˇ doˆ ma.

Jaceuq 78:2

Tsawˇ gahˇ ahˇ-eu dawˬ daˬ deuˬ ngaˇ zmˬ-awˇ, dzeuˇ yaꞈ-euˬ gaˇ kawˆ dawˬ tsuiꞈ pah mehˬ nehˬ ma.

Iˇsaˬyaˇ 42:9

Ngaˬ neh ngehˬ taˬ ehˇ taˬ-euˬ jeˬ iˬ nah byah laˇ luꞈ-awˇ, aˬ kaˇ pyeuꞈ laˇ-eu jeˬ nymˬ-mˇ, maˬ pyeuꞈ laˇ mi naˆ-ehˇ nawˬ-ahˇ ngaˇ ehˇ nehˬ ma.”

Aˬmoˆ 3:7

Baoˬ huiˬ-eu Sahˬpaˬ Miˬyehˇ-aˬ, aˬ yawꞈ-euˬ zaˬ kʼaˆ pyeuꞈ-eu Miˬyehˇ gʼaˇ duˬ ngehˬ dah-eu deuˬ-ahˇ maˬ pah mehˬ nehˬ ni tiˬ jeˬ-iˬ maˬ mˇ dzeuˇ-a.

Maꞈtehˬ 13:14

Miˬyehˇ gʼaˇ duˬ ngehˬ dah-eu Iˇsaˬyaˇ neh ehˇ taˬ-euˬ dawˬ heu deuˬ-aˬ, aˬ yawꞈ maꞈ loꞈ-ehˇ gʼeh gaˇ ehˇ taˬ-euˬ dawˬ meh. ‘Tsawˇ haˬ heu deuˬ gaˬ dehˆ-euˬ kʼawꞈ, tiˬ pawꞈ-iˬ maˬ gʼoˆ shaw nya-a. Tsawˇ haˬ heu deuˬ mawˇ dehˆ-euˬ kʼawꞈ, tiˬ pawꞈ-iˬ maˬ siˬ duˬ leˇ-a.

Maꞈtehˬ 13:3

Aˬ yawꞈ yaw jeˬ ma jeˬ ja ja-ehˇ, gʼawˬ mya jeˬ mehˬ nehˬ tsoˆ nehˬ-euˬ meh. “Siˬ yoeˬ sehˬ-eu tsawˇ haˬ tiˬ gʼaˬ siˬ yoeˬ sehˬ-iˇ-euˬ meh.

Maꞈtehˬ 25:34

Kʼoeˇ naˇ, aˬ yawꞈ-euˬ aˇ maˇ paw jawˇ-eu tsawˇ haˬ deuˬ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ Da neh guiˬ lahˬ biꞈ taˬ-euˬ tsawˇ haˬ deuˬ-oˇ, laˇ-awˬ. Mˬ beh miˇ beh ngeh neh naw maꞈ gʼaˇ duˬ lehˬ hmˬ taˬ-euˬ miˇ kʼahˬ-ahˇ jawˇ laˇ-awˬ.

Maꞈtehˬ 5:2

Kʼoeˇ ngeh, aˬ yawꞈ maꞈ-ahˇ heu loꞈ-ehˇ mehˬ nehˬ tsoˆ nehˬ-euˬ meh.

Luˇkaꞈ 10:14

Ehˇ kʼawꞈ, Yaˇ kʼaˬ daˇ-eu Aˇ nah keuˆ le ngeh, Duˇlu meuˬ hawˇ-eu Siˇdoˬ meuˬ naˆ maˬ tseˇ, naw nyaꞈ nyiꞈ meuˬ-ahˇ Miˬyehˇ kʼehˬ nehˬ laꞈ tehꞈ-a.

Yoˇhaˬ 17:24

Aˬda-oˇ, nawˬ neh biꞈ laꞈ-euˬ tsawˇ haˬ heu deuˬ nawˇ ngaˬ-ahˇ biꞈ laꞈ-euˬ yaw shehꞈ kʼahˬ sehˇ-ahˇ mawˇ nya ni, aˬ yawꞈ maꞈ-ahˇ ngaˇ kʼaˇ jawˇ gaˇ bi jawˇ mawꞈ-eu ma. Aˬ jeˬ miˇ neh ehˇ naˇ, miˇ tsaˬ tahˬ kʼawˇ maˬ beh mi naˆ-ehˇ nawˇ ngaˬ-ahˇ gaˬ-euˬ meh.

Gʼaˬkʼehˇ 15:18

gaˇ kawˆ heu deuˬ aˇ hu ba neh, bi siˬ laꞈ-euˬ yaw sahˇ pyeuꞈ-eu, SahˬpaˬMiˬyehˇ ehˇ taˬ-euˬ meh.’

1 Gawˇliˬtu 2:7

Ngaˇ mehˬ luꞈ-eu zaˬ siˬ tsawˇ gahˇ kʼoeˇ-aˬ, Miˬyehˇ-euˬ zaꞈ taˬ-euˬ zaˬ siˬ tsawˇ gahˇ meh. Zaˬ siˬ tsawˇ gahˇ kʼoeˇ-aˬ, tsawˇ haˬ zaˬ deuˬ maˬ siˬ nya-eu zaꞈ taˬ-euˬ jeˬ pyeuꞈ-eu meh. Ehˇ kʼawꞈ, aˬ dui yaw shehꞈ kʼahˬ sehˇ bi za-eu lehˇ, miˇ tsaˬ tahˬ kʼawˇ maˬ beh mi naˆ-ehˇ zaˬ siˬ tsawˇ gahˇ kʼoeˇ-ahˇ Miˬyehˇ tseˇ doˆ taˬ-euˬ meh.

Eˇpeˇsu 3:5

Dzeuˇ laˇ ngeh, zaꞈ taˬ-euˬ gaˇ kawˆ heu tsawˇ haˬ zaˬ-ahˇ maˬ bi siˬ-aˬ. Ehˇ kʼawꞈ nymˬ-mˇ-aˬ, Yaw sahˇ Miˬyehˇ-ahˇ gʼoe-eu laꞈ kʼoeˇ aˬ yawꞈ-euˬ muiˬ-eu shawˇ-eu gʼaˬ kʼehˇ deuˬ hawˇ-eu Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ pah mehˬ nehˬ-euˬ meh.

Eˇpeˇsu 3:9

Kʼoeˇ-aˬ, Miˬyehˇ neh lehˬ hmˬ taˬ-euˬ zaꞈ taˬ-euˬ jeˬ-ahˇ tsawˇ haˬ dawˬ tawˆ luꞈ bi mawˇ-eu gʼaˇ duˬ meh. Dawˬ tawˆ luꞈ-ahˇ beh-euˬ Miˬyehˇ-aˬ, aˬ yawꞈ neh zaꞈ taˬ-euˬ jeˬ-ahˇ aˇ hu ba neh iˬ nah keuˆ ni dehˬ kaˬ taˬ-euˬ meh.

HeˬByehˇ 1:1

Aˇ hu ba, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, aˬ dui-euˬ aˬ poeˬ aˬ bawˇ deuˬ-ahˇ Miˬyehˇ gʼawˬ mya poˆ, gʼawˬ mya jeˬ dawˬ ngehˬ cawˬ-euˬ meh.

Panmaeq 13:8

Bi sehꞈ-euˬ Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ, miˇ tsaˬ tahˬ kʼawˇ maˬ beh mi naˆ-ehˇ tsawˇ myahˇ bi boꞈ ahˇ taˬ-euˬ tsawˇ haˬ deuˬ maˬ ngeuˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ jeˬ zaˬ yaw haiˬ kʼoeˇ mawˇ-ahˇ uˬ duˬ tahˬ tehꞈ-a.

Panmaeq 17:8

Nawˇ mawˇ-euˬ jeˬ zaˬ kʼoeˇ mawˇ-aˬ, aˇ hu dehꞈ-euˬ kʼawꞈ, nymˬ-mˇ maˬ paˇ dehꞈ meh. Gʼawˬ myahˇ maˬ gʼeh-ehˇ yaw li maˬ baw-eu duˬ kʼahˬ-ahˇ neh doˆ laˇ-awˇ, luˬ-iˇ seˇ-iˇ-eu jeˬ laꞈ kʼoeˇ ya uˇ-iˇ tehꞈ-a. Mˬ hawˇ-eu miˇ maˬ beh mi naˆ-ehˇ saꞈ laˇ dehꞈ-eu sahˬ boꞈ laꞈ kʼoeˇ tsawˇ myahˇ maˬ bi boꞈ ahˇ taˬ-euˬ miˇ tsaˬ kʼoeˇ taˆ jawˇ luꞈ-eu tsawˇ haˬ deuˬ-aˬ, jeˬ zaˬ yaw haiˬ kʼoeˇ mawˇ-ahˇ ya mawˇ ngeh zahˬ dui dui leˇ tehꞈ-a. Aˬ jeˬ miˇ neh ehˇ naˇ, jeˬ zaˬ yaw haiˬ kʼoeˇ mawˇ dzeuˇ laˇ ngeh yaw dehꞈ dehꞈ-euˬ kʼawꞈ, nymˬ-mˇ maˬ paˇ dehꞈ meh. Ehˇ kʼawꞈ, tiˬ poˆ paˇ doˆ laˇ tehꞈ-a.