Maꞈtehˬ 13:33 - Akha

³³ Aˬ yawꞈ maꞈ-ahˇ Yeˬsuˇ yaw jeˬ ma jeˬ tiˬ hmˬ heu loꞈ-ehˇ paˇ ja mehˬ nehˬ-euˬ meh. “Mˬtaˆ Miˇkʼahˬ-aˬ, heu loꞈ-ehˇ duˇ-eu meh. Zaˬ miˬ zaˬ tiˬ gʼaˬ dehˬ tseˬ ui cuiˆ yuˇ-awˇ, cehˇ meu smˇ puˬ-ahˇ keuˬ-awˇ, dawˬ tawˆ luꞈ bi poˬ laˇ jiˇ gaˇ duˇ-eu meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Yeqsur, aqyawf maf-anr yawjeq majeq dawq yawqdawqyawq heulof-aer par maeqnaeq-euq mae, “Mqtav mirkhanq-aq heulof-aer dur-eu mae. Zaqmiq aqbur tiq ghaq daeqtseq yur-awr, caermeu smr puq-euq lafkhoer dawvzaf taq-awr nae, dawqtawvluf bi poqlar-euq gar dur-eu mae.”

Maꞈtehˬ 13:33 ပူးပေါင်းရင်းမြစ်များ

Aˇ dahˬ 18:6

Aˬbyaˬhaˬ-aˬ, sehˬ gʼawˆ-ahˇ yaw kawˇ-ehˇ gʼoꞈ uˇ leˇ-awˇ, “Muiˬ dui dui-eu cehˇ meu tiˬ tahˇ sheu doˆ-awˇ, kuiˇ dui dui-eu kaˬ muˇ ui cuiˆ yaw kawˇ-ehˇ jahˇ sheˇ” lehˇ, Saˬlaˇ-ahˇ ehˇ nehˬ-euˬ meh.

2 Saˬmeuˬlaˆ 13:6

Kʼoeˇ naˇ, Aˬmaˬnoˬ pyaˬ-eu jahˇ geuꞈ-awˇ, yuꞈ zaˇ-ahˇ yuꞈ leˇ-euˬ meh. Sahˬ paˬ Daˬbiˇ aˬ yawꞈ-ahˇ haw le ngeh, heu loꞈ-ehˇ ehˇ nehˬ-euˬ meh. “Taˬmaˬ-ahˇ heu gaˇ bi oe-awˇ, ngaˇ mawˇ gaˇ kaˬ muˇ bi jahˇ-awˇ, kaˬ muˇ kʼoeˇ aˬ yawꞈ yuˇ-awˇ ngaˬ-ahˇ bi dzaˬ le nehˬ laꞈ.”

Yawˇbaˆ 17:9

Yawˬ haˇ yawˬ ha yaw tsaˬ yaw dawˇ ma lehˇ ehˇ-eu tsawˇ haˬ deuˬ, aˬ yawꞈ maꞈ yaw tsaˬ ma lehˇ, ngehˬ jawˇ ngehˬ noeˬ luꞈ meh.

Dawqdaq 4:18

Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Maꞈtehˬ 13:24

Aˬ yawꞈ maꞈ-ahˇ Yeˬsuˇ yaw jeˬ ma jeˬ tiˬ hmˬ heu loꞈ-ehˇ paˇ ja mehˬ nehˬ-euˬ meh. “Miˬyehˇ Miˇkʼahˬ-aˬ, heu loꞈ-ehˇ duˇ-eu meh.

Maˬkuˆ 13:20

Ehˇ kʼawꞈ, aˇ nah aˇ yamˬ kʼoeˇ Sahˬpaˬ Miˬyehˇ neh laˆ nymˇ taˬ-euˬ meh. Aˬ yawꞈ kʼoeˇ loꞈ-ehˇ maˬ laˆ nymˇ law nmˇ-aˬ, tsawˇ haˬ tiˬ gʼaˬ-iˬ maˬ dzeuˇ-iˇ nya-aˇ. Aˬ yawꞈ neh tseˇ doˆ-euˬ tsawˇ haˬ deuˬ gʼaˇ duˬ shaˇ noeˬ-awˇ, aˇ nah aˇ yamˬ kʼoeˇ nymˇ le ni aˬ yawꞈ jahˇ-euˬ meh.

Luˇkaꞈ 13:21

Kʼoeˇ-aˬ, zaˬ miˬ zaˬ tiˬ gʼaˬ dehˬ tseˬ ui cuiˆ yuˇ-awˇ, cehˇ meu smˇ puˬ-ahˇ keuˬ-awˇ, dawˬ tawˆ luꞈ bi poˬ laˇ jiˇ gaˇ duˇ-eu meh.

Yoˇhaˬ 15:2

Aˇ siˬ maˬ siˬ le-eu ngaˬ-euˬ uˬ laꞈ deuˬ-ahˇ aˬ yawꞈ deuˆ cuˬ dzeh jiˇ-eu meh. Ehˇ kʼawꞈ, aˇ siˬ siˬ le-eu uˬ laꞈ deuˬ-ahˇ-aˬ, bi siˬ dzehˬ le-eu gʼaˇ duˬ, uˬ pyaˬ daw nehˬ-eu meh.

Gaˬlaˬtiˆ 5:9

“Cehˇ meu tiˬ tsmˇ tsmˇ lah-ehˇ bi poˬ laˇ-eu gʼaˇ duˬ dehˬ tseˬ ui cuiˆ tehꞈ-ehˇ ya dawˆ-eu meh” lehˇ ehˇ taˬ-euˬ meh.

Piˇliˇpiˆ 1:6

Muiˬ-eu gaˇ heu hmˬ-ahˇ naw maꞈ laꞈ kʼoeˇ aˇ dahˬ beh le-euˬ gʼaˬ pyeuꞈ-eu Miˬyehˇ-aˬ, gaˇ heu hmˬ mˇ jiˇ-eu aˇ nah pyeuꞈ-eu Yeˬsuˇ Ka li zaꞈ le-eu Aˇ nah-ahˇ keuˆ ni mˇ daˆ gʼeh leꞈ tehꞈ-a lehˇ ngaˇ jah duˬ taˬ-euˬ ma.

Piˇliˇpiˆ 1:9

Naw maꞈ-euˬ gʼoeˇ-eu gaˬ-eu jeˬ tiˬ jawˇ saˇ-iˬ tiˬ jawˇ huiˬ laˇ mahˇ laˇ-eu laꞈ kʼoeˇ, yaw tsaˬ yaw dawˇ jeˬ-ahˇ siˬ duˬ mawˇ duˬ nya laˇ-awˇ, yaw muiˬ yaw doeˇ tseˇ paˆ geuꞈ nya laˇ ni ngaˇ guiˬ lahˬ shaˇ-eu ma.

2 Beˬtuˆluˆ 3:18

Ehˇ kʼawꞈ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ laꞈ kʼoeˇ hawˇ-eu aˬ yawꞈ-ahˇ siˬ nya-eu jeˬ laꞈ kʼoeˇ huiˬ laˇ mahˇ laˇ luꞈ-eu jeˬ taˬ bi tsehˆ-iˇ. Nymˬ-mˇ hawˇ-eu mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ

Yaˇ kʼaˬ daˇ 6:19

Kʼoeˇ naˇ, Giˇdoˬ gʼaˬ iˇ kahˇ-ahˇ gʼoꞈ uˇ-iˇ-awˇ, ciꞈ myehꞈ ciꞈ zaˬ sehꞈ-awˇ dzaˇ jahˇ-euˬ meh. Cehˇ meu koꞈ jawꞈ-i yuˇ-awˇ, dehˬ tseˬ maˬ ahˇ-eu kaˬ muˇ kʼawꞈ jahˇ-euˬ meh. Ciꞈ myehꞈ shaˬ jiˇ kʼoeˇ kʼa puˬ-ahˇ dawˆ ahˇ-awˇ, ciꞈ myehꞈ shaˬ jiˇ jahˇ-euˬ dzaˇ uiˇ-ahˇ oeˬ lahˬ-ahˇ shehˆ ahˇ-awˇ, tsuiꞈ kaˆ aˇ bawˇ dawˬ pehˬ-ahˇ nuiˇ luꞈ-eu Sahˬpaˬ Miˬyehˇ-euˬ gʼaˬ kʼehˇ-ahˇ ciˬ nehˬ leˇ-euˬ meh.

1 Saˬmeuˬlaˆ 1:24

Aˬ li kʼoeˇ li aˬ coeˇ gʼehˆ laˇ ngeh, Shiˇloˬ meuˬ-ahˇ ciˬ gʼeh-euˬ meh. Smˇ kʼoꞈ byah-eu mawˇ neˇ mawˇ gaw zaˬ tiˬ mawˇ, cehˇ meu smˇ pehˬ hawˇ-eu, aˬ gaꞈ dzaˇ uiˇ tiˬ byah ni dahˬ-eu shaˬ kʼoˆ iˇ puˬ tiˬ siˬ aˬ yawꞈ yuˇ gʼeh-euˬ meh. Aˬ li zaˬ nahˬ Saˬmeuˬlaˆ-ahˇ, Shiˇloˬ meuˬ-ahˇ jaˆ-eu Sahˬpaˬ Miˬyehˇ-euˬ nymˇ-ahˇ aˬ yawꞈ ciˬ gʼeh-euˬ meh.