Maꞈtehˬ 13:30 - Akha

³⁰ Cehˇ laˆ luiˆ yamˬ tsaˬ laˇ ngeh keuˆ ni, cehˇ hawˇ-eu shmˇ ma tiˬ kawˆ loꞈ-ehˇ dehꞈ tawˬ luꞈ-uˇ. Shmˇ ma deuˬ jeˬ huˬ gʼawˇ uiˬ-awˇ, aˇ dzahˬ dzahˬ uiˬ-awˇ miˬ dzaˬ-ahˇ baꞈ puiˆ gʼaˬ miˇ tsa, cehˇ yehˬ cehˇ diˬ luiˆ-awˇ cehˇ jiˇ-ahˇ pi ahˇ-awˬ lehˇ, cehˇ yehˬ cehˇ diˬ-eu tsawˇ haˬ deuˬ-ahˇ ngaˇ ehˇ nehˬ ma.’ ”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Caer yaeq ngae keuvni, nyiq jeq luf-anr tiqkawv lof-aer bidaef-awq. Caer yaeq yamq keuvlar nar-aq, Shmrma jeqhu lavuiq-awr, miqdzaq-anr bafpuiv-eu gharduq ardzanq dzanqtaq-awq. Caer-anr-aq, ngaq-euq caerjir-euq lafkhoer pi’anr taq-awq laer ngar, caer yaeq-eu deuq-anr aernaeq ma.’ ”

Maꞈtehˬ 13:30 ပူးပေါင်းရင်းမြစ်များ

2 Saˬmeuˬlaˆ 23:7

Shmˇ jehˆ kaˆ neh sheu doˆ leꞈ-awˇ, gahˬ gahˬ yoeˬ neh pehˆ pyaˆ nehˬ-awˇ, miˬ dzaˬ dzah puiˆ byoˆ nehˬ tehꞈ-a.”

Yawˇbaˆ 39:12

Cehˇ bymˇ saˬ kʼawꞈ-ahˇ jaˆ-eu nawˬ-euˬ cehˇ-ahˇ, cehˇ jiˇ-ahˇ tawˬ ahˇ nehˬ laꞈ tehꞈ-a lehˇ noeˬ tmˬ nya te loˇ.

Iˇsaˬyaˇ 17:5

Iˇsaˬleˬlaˆ miˇ kʼahˬ-euˬ aˇ gʼehˇ-aˬ, cehˇ yehˬ gʼaˬ-awˇ cehˇ nmˇ bi gʼoˆ jiˇ-euˬ, Leˬpeˬ deh kʼawꞈ-ahˇ jaˆ-eu yaˇ loꞈ-ehˇ, juiˇ kʼeu ni jaˆ tehꞈ-a.

Maˬlaˬkiˇ 3:18

Yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ aˬ joˆ-ehˇ beu gaˇ-eu gaˇ kawˆ hawˇ-eu, ngaˬ-euˬ ehˇ dawˬ naˇ haˬ-eu tsawˇ haˬ hawˇ-eu maˬ naˇ haˬ-eu tsawˇ haˬ aˬ joˆ-ehˇ paˆ gaˇ-eu gaˇ kawˆ, ngaˬ-euˬ tsawˇ haˬ deuˬ tiˬ poˆ paˇ ya mawˇ duˬ tehꞈ-a.”

Maꞈtehˬ 13:25

Tiˬ miˇ-aˬ, aˬ cawˬ yuꞈ tsiˇ jiˇ-euˬ yamˬ-ahˇ, muiˇ-eu tsawˇ haˬ tiˬ gʼaˬ oe-awˇ, cehˇ siˬ yoeˬ sehˬ taˬ-euˬ gaˇ shmˇ ma sehˬ kʼoeˬ-awˇ cah-euˬ meh.

Maꞈtehˬ 13:29

Aˬ yawꞈ ehˇ-eu, ‘Taˬ moꞈ dzeh-iˇ siˬ. aˬ jeˬ miˇ neh ehˇ naˇ, naw maꞈ shmˇ ma moꞈ dzeh ngeh, cehˇ cehˇ bawˬ tiˬ bawˬ na gʼawˇ dzeh-iˬ-eu baw le.

Maꞈtehˬ 25:32

Miˇ tsaˬ tsawˇ jeuˬ tsawˇ ca dawˬ tawˆ luꞈ aˬ yawꞈ-euˬ mehˬ shi uiˬ laˇ tehꞈ-a. Yawˇ bo-eu tsawˇ haˬ yawˇ hawˇ-eu ciꞈ myehꞈ biˇ paˆ-eu loꞈ-ehˇ, tsawˇ haˬ kʼoeˇ deuˬ-ahˇ aˬ yawꞈ nyiˬ muˇ biˇ paˆ tehꞈ-a.

Maꞈtehˬ 25:41

“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.

Maꞈtehˬ 3:12

Aˬ yawꞈ-euˬ aˬ laꞈ-ahˇ, cehˇ baw shawˇ-eu baw seu tuˆ tehˬ taˬ-euˬ meh. Cehˇ maˇ deuˬ-ahˇ cehˇ jiˇ laꞈ kʼoeˇ pi ahˇ-awˇ, cehˇ kʼawꞈ deuˬ-ahˇ-aˬ, tiˬ jawˇ-iˬ maˬ miˆ-iˇ-eu miˬ dzaˬ tsawˬ bu laꞈ kʼoeˇ baꞈ puiˆ tehꞈ-a.”

Luˇkaꞈ 3:17

Cehˇ baw shawˇ-awˇ, aˬ yawꞈ-euˬ cehˇ jiˇ laꞈ kʼoeˇ pi ahˇ taˬ-eu gʼaˇ duˬ, aˬ yawꞈ-euˬ aˬ laꞈ-ahˇ baw seu tuˆ tehˬ taˬ-euˬ meh. Ehˇ kʼawꞈ, cehˇ kʼawꞈ hawˇ-eu myaˆ pawꞈ deuˬ-ahˇ-aˬ,tiˬ jawˇ-iˬ maˬ miˆ-iˇ nya-eu miˬ dzaˬ laꞈ kʼoeˇ jehˆ puiˆ tehꞈ-a.”

Yoˇhaˬ 15:6

Ngaˬ-ahˇ maˬ kʼaˇ tsoꞈ tsaꞈ-eu tsawˇ haˬ-aˬ, uˬ laꞈ bi deuˆ tsehˆ dzeh-awˇ koˆ-iˇ gaˇ duˇ tehꞈ-a. Kʼoeˇ loꞈ-ehˇ gʼeh-eu uˬ laꞈ deuˬ-ahˇ gʼoˆ uiˬ-awˇ, miˬ dzaˬ jehˆ bymˇ-ahˇ baꞈ ahˇ-awˇ bi puiˆ dzaˬ jiˇ tehꞈ-a.

1 Gawˇliˬtu 4:5

Kʼoeˇ miˇ neh, aˇ yamˬ maˬ keuˆ laˇ mi naˆ-ehˇ tsawˇ haˬ tiˬ gʼaˬ-ahˇ-iˬ naw maꞈ yaw lehˬ taˬ poˆ. Aˇ saˬ saˬ-eu yaˇ kʼaˬ daˇ-eu kʼoeˇ-aˬ, Sahˬpaˬ Miˬyehˇ oe keuˆ gaˇ ya dawˬ-eu meh. Yaw zahˇ laꞈ kʼoeˇ zaꞈ taˬ-euˬ jeˬ-ahˇ yaw shehꞈ laꞈ kʼoeˇ aˬ yawꞈ yuˇ doˆ laꞈ-awˇ, tsawˇ haˬ zaˬ-euˬ nui maˬ laꞈ kʼoeˇ zaꞈ taˬ-euˬ nui noeˬ-ahˇ aˬ yawꞈ pah dzeh tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ-ahˇ oꞈ-eu geuˇ-eu loꞈ-ehˇ Miˬyehˇ ja ceuˬ nehˬ tehꞈ-a.

1 Tiˆmoˇseˬ 5:24

Tsawˇ haˬ tiˬ paˆ na deuˬ-euˬ iˬ baˇ-aˬ, bya cehˆ ni mawˇ laˇ-awˇ, iˬ baˇ kʼoeˇ aˬ yawꞈ maꞈ-ahˇ yaˇ kʼaˬ daˇ gaˇ sheuˬ gʼeh-eu meh.

1 Saˬmeuˬlaˆ 25:29

Tsawˇ haˬ tiˬ gʼaˬ na nawˬ-ahˇ guiˇ deuˆ le-awˇ, nawˬ-ahˇ sehꞈ-eu lehˇ leh jeh ngeh, aˇ poeˬ kʼaˆ-eu pyuˇ shuiˇ myawˬ gahˬ-ahˇ aˬ cawˬ haw piˇ-eu loꞈ-ehˇ, Sahˬpaˬ Miˬyehˇ nawˬ-ahˇ haw piˇ nehˬ laꞈ tehꞈ-a. Nawˬ-ahˇ muiˇ-eu tsawˇ haˬ deuˬ-ahˇ kʼawꞈ, caˬ oeˬ neh bi beuˆ byoˆ gʼeh-euˬ caˬ oeˬ miˬ siˬ loꞈ-ehˇ, Sahˬpaˬ Miˬyehˇ neh bi beuˆ byoˆ tehꞈ-a.