Maꞈtehˬ 12:46 - Akha

⁴⁶ Yeˬsuˇ tsawˇ haˬ aˇ maꞈ-ahˇ mehˬ nehˬ tsoˆ nehˬ luꞈ ngeh, aˬ yawꞈ-euˬ aˬ ma hawˇ-eu mehˇ nmˇ deuˬ oe keuˆ-euˬ meh. Aˬ yawꞈ maꞈ laꞈ nyiˇ yawꞈ-awˇ, “Yeˬsuˇ-ahˇ dawˬ ngehˬ cawˬ mawꞈ nya” lehˇ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁶ Yeqsur, tsawrhaq armaf mafma-anr maeqnaeqluf ngae, aqyawf-euq aqma hawr-eu aqyawf-euq maernmr deuq, Yeqsur-anr dawq ngaeqcawqmawf nya laer lafnyir paw yawfluf-eu mae.

Maꞈtehˬ 12:46 ပူးပေါင်းရင်းမြစ်များ

Maꞈtehˬ 1:18

Yeˬsuˇ Ka li dehꞈ le-euˬ gaˇ kawˆ-aˬ, heu loꞈ-ehˇ meh. Aˬ yawꞈ-euˬ aˬ ma Maˬliˇ-aˬ, Yoˇsehˆ-ahˇ dahˬ dzaˬ-iˇ-eu gʼaˇ duˬ ngehˬ cawˬ tsehˆ taˬ-euˬ meh. Ehˇ kʼawꞈ, Maˬliˇ-aˬ, aˬ yawꞈ nyaꞈ oeˇ mˇ maˬ baˇ mi naˆ-ehˇ, Muiˬ-eu shawˇ-eu Yaw sahˇ Miˬyehˇ baˬ da neh zaˬ tsehˆ leˇ-euˬ gaˇ kawˆ, yawˬ haˇ yawˬ ha ya siˬ-euˬ meh.

Maꞈtehˬ 12:47

“Nawˬ ma hawˇ-eu nawˬ-euˬ mehˇ nmˇ deuˬ nawˬ-ahˇ dawˬ ngehˬ cawˬ mawꞈ nya lehˇ, laꞈ nyiˇ yawꞈ luꞈ meh” lehˇ, tsawˇ haˬ tiˬ gʼaˬ Yeˬsuˇ-ahˇ ehˇ gaˬ leˇ-euˬ meh.

Maꞈtehˬ 13:55

Aˬ yawꞈ laꞈ saˇ maˇ-euˬ aˬ li maˬ ngeuˇ-a loˇ. Maˬliˇ-euˬ aˬ li kʼoeˇ gʼaˬ maˬ ngeuˇ-a loˇ. Yaˬkoˆ, Yoˇsehˆ, Siˇmoˬ, Yuˇdaˆ, aˬ ha mehˇ nmˇ-euˬ aˇ doˆ kʼoeˇ gʼaˬ maˬ ngeuˇ-a loˇ.

Maꞈtehˬ 2:11

Aˬ yawꞈ maꞈ nymˇ laꞈ kʼoeˇ uˇ leˇ ngeh, zaˬ nahˬ hawˇ-eu aˬ ma Maˬliˇ-ahˇ ya mawˇ-awˇ, pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh. Aˬ yawꞈ maꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ, lawˇ baoˬ, muˇ laˬ, heu deuˬ yuˇ doˆ-awˇ, aˬ yawꞈ-ahˇ damˬ nehˬ-euˬ meh.

Maꞈtehˬ 2:20

“Tuˇ-awˬ. Aˬ nyaꞈ ma zaˬ seuˬ-awˇ Iˇsaˬleˬlaˆ miˇ kʼahˬ-ahˇ gʼoꞈ leˇ-awˬ. Aˬ li-ahˇ sehꞈ-eu lehˇ leh jeh-eu tsawˇ haˬ deuˬ shiˇ jiˇ-euˬ meh.”

Maˬkuˆ 2:21

“Tsawˇ haˬ tiˬ gʼaˬ-iˬ mehˬ tsoeˬ yaw cehˇ-ahˇ saˬ paˇ yaw shuiꞈ neh pehˇ tsahˇ maˬ doꞈ-aˇ. Kʼoeˇ loꞈ-ehˇ doꞈ naˇ, pehˇ tsahˇ yaw shuiꞈ kʼoeˇ baˬ da neh mehˬ tsoeˬ yaw cehˇ kʼoeˇ kahˇ paˇ pyaˬ dzehˬ-iˇ-awˇ, yaw beh naˆ maˬ tseˇ maˇ kʼehˬ jeˇ dzehˬ laˇ tehꞈ-a.

Maˬkuˆ 6:3

Tsawˇ haˬ heu gʼaˬ Maˬliˇ-euˬ aˬ li laꞈ saˇ maˇ kʼoeˇ gʼaˬ maˬ ngeuˇ nga loˇ. Yaˬkoˆ, Yoˇsehˆ, Yuˇdaˆ, Siˇmoˬ aˬ ha mehˇ nmˇ-euˬ aˇ doˆ maˬ ngeuˇ nga loˇ. Aˬ yawꞈ-euˬ dmˇ ma deuˬ aˬ dui maꞈ nehˬ-ehˇ jawˇ luꞈ meh tawˇ.” Aˬ yawꞈ maꞈ aˬ yawꞈ-ahˇ myaˆ naˆ-awˇ bye-eu meh.

Luˇkaꞈ 1:43

Ngaˬ-euˬ Sahˬpaˬ-euˬ aˬ ma ngaˇ jawˇ gaˇ dawˬ deh gʼa laˇ-euˬ heu, ngaˇ aˇ naˆ ni guiˬ lahˬ huiˬ-eu nga.

Luˇkaꞈ 2:33

Zaˬ nahˬ-euˬ gaˇ kawˆ Suˇmoˬ kʼoeˇ loꞈ-ehˇ ehˇ gaˇ, zaˬ nahˬ-euˬ aˬ da aˬ ma zahˬ leˇ-euˬ meh.

Luˇkaꞈ 2:34

Aˬ yawꞈ maꞈ-ahˇ Suˇmoˬ dawˬ ngehˬ gʼeh nehˬ-awˇ, aˬ ma gʼaˬ pyeuꞈ-eu Maˬliˇ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ miˇ kʼahˬ laꞈ kʼoeˇ tsawˇ haˬ gʼawˬ mya ni cawˆ-iˇ-awˇ, tsawˇ haˬ gʼawˬ mya ni ka kʼoꞈ-eu jeˬ-ahˇ za ni, zaˬ nahˬ heu gʼaˬ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, aˬ cawˬ ja bu ja doeˇ gaˇ ya daˬ-eu Miˬyehˇ neh bi siˬ bi mawˇ le-euˬ jeˬ pyeuꞈ-awˇ,

Luˇkaꞈ 2:48

Aˬ yawꞈ-euˬ aˬ ma aˬ da aˬ yawꞈ-ahˇ poˆ mawˇ ngeh, zahˬ leˇ-awˇ, aˬ yawꞈ-euˬ aˬ ma ehˇ-eu, “Aˬ li-oˇ, aˬ jeˬ miˇ neh heu loꞈ-ehˇ bi shaˬ laꞈ te. Nawˬ da nga nyaꞈ nawˬ-ahˇ kʼahˬ lahˇ-awˇ poˆ luꞈ-eu shiˇ-iˬ law miˇ-a tawˇ.”

Luˇkaꞈ 2:51

Kʼoeˇ naˇ, aˬ yawꞈ nyaꞈ nehˬ-ehˇ Naˬzaˬlehˇ meuˬ-ahˇ Yeˬsuˇ gʼoꞈ-iˇ-awˇ, ehˇ dawˬ naˇ haˬ naˇ haˬ-ehˇ jawˇ-euˬ meh. Aˬ yawꞈ-euˬ aˬ ma-aˬ, gaˇ kawˆ kʼoeˇ deuˬ dawˬ tawˆ luꞈ, nui ma laꞈ kʼoeˇ juiˇ taˬ-euˬ meh.

Luˇkaꞈ 8:10

Yeˬsuˇ aˬ yawꞈ maꞈ-ahˇ ehˇ nehˬ-eu, “Miˬyehˇ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, nui deuˬ-aˬ, ya mawˇ-euˬ kʼawꞈ maˬ siˬ nya-ehˇ, ya gaˬ-euˬ kʼawꞈ maˬ gʼoˆ shaw nya-eu miˇ neh, yaw jeˬ ma jeˬ ja-awˇ ya mehˬ nehˬ-eu meh.

Yoˇhaˬ 19:25

Yeˬsuˇ-euˬ laꞈ yaꞈ dawˬ peh tehˬ ni yawꞈ luꞈ-eu tsawˇ haˬ deuˬ-aˬ, Yeˬsuˇ-euˬ aˬ ma, Yeˬsuˇ-euˬ aˬ mui, Gaˬlawˇpaˇ-euˬ nymˇ dahˬ pyeuꞈ-eu Maˬliˇ hawˇ-eu, Maˬgaˬdaˬlaˇ meuˬ-ahˇ jawˇ-eu Maˬliˇ, aˬ ha oeˬ gʼaˬ meh.

Yoˇhaˬ 2:1

Smˬ nah byah laˇ ngeh, Gaˬliˬlehˇ miˇ kʼahˬ Gaˬnaˬ meuˬ-ahˇ oeˇ mˇ baˇ-eu bawˬ-iˬ jaˆ-eu meh. Yeˬsuˇ-euˬ aˬ ma kʼawꞈ kʼoeˇ gaˇ jawˇ-eu meh.

Yoˇhaˬ 2:12

Kʼoeˇ naˇ, Yeˬsuˇ hawˇ-eu aˬ yawꞈ-euˬ aˬ ma, aˬ yawꞈ-euˬ mehˇ nmˇ deuˬ, aˬ yawꞈ-euˬ zaˬ lahˇ deuˬ, Gaˬbeˬneˬoˬ meuˬ-ahˇ iˇ-awˇ, nah kaˬ nah jawˇ byah ni gʼaˬ naˬ naˬ-euˬ meh.

Yoˇhaˬ 2:5

Kʼoeˇ ngeh, “Ngaˬ li kʼaˇ ehˇ-eu loꞈ-ehˇ mˇ-awˬ” lehˇ, zaˬ kʼaˆ deuˬ-ahˇ Yeˬsuˇ-euˬ aˬ ma ehˇ nehˬ-euˬ meh.

Yoˇhaˬ 7:10

Yeˬsuˇ-euˬ mehˇ nmˇ deuˬ Sehˬ gʼawˆ-euˬ bawˬ-iˬ-ahˇ iˇ dzeuˇ ngeh, Yeˬsuˇ jiˇ iˇ-euˬ meh. Ehˇ kʼawꞈ, aˬ yawꞈ bya cehˆ ni maˬ iˇ-ehˇ, ciˬ cuˇ ni iˇ kʼoeˬ-euˬ meh.

Yoˇhaˬ 7:3

Kʼoeˇ miˇ neh, aˬ yawꞈ-euˬ mehˇ nmˇ deuˬ aˬ yawꞈ-ahˇ ehˇ-eu, “Nawˬ-euˬ mehˬ nah caw teh-eu tsawˇ haˬ deuˬ nawˬ neh mˇ mehˬ-euˬ zahˬ leˇ paˬ-ehˇ gʼeh-eu gaˇ deuˬ-ahˇ ya mawˇ ni, heu gaˇ dzuˇ dzuˇ-ehˇ maˬ jawˇ ni Yuˇdaˆ miˇ kʼahˬ-ahˇ iˇ-awˬ.

Yoˇhaˬ 7:5

Aˬ yawꞈ-euˬ uˇ pyehˆ mehˇ nmˇ deuˬ kʼawꞈ aˬ yawꞈ-ahˇ maˬ jah-a.

Gʼaˬkʼehˇ 1:14

Aˬ yawꞈ maꞈ-aˬ, zaˬ miˬ zaˬ deuˬ hawˇ-eu, Yeˬsuˇ-euˬ aˬ ma Maˬliˇ hawˇ-eu Yeˬsuˇ-euˬ aˬ nyiˇ deuˬ nehˬ-ehˇ tiˬ kawˆ loꞈ-ehˇ, tiˬ kʼehˬ maˬ taˬ ni uiˬ leˇ-awˇ guiˬ lahˬ shaˇ-eu meh.

1 Gawˇliˬtu 9:5

Gʼaˬ kʼehˇ nui deuˬ pyeuꞈ-eu Sahˬpaˬ Yeˬsuˇ-euˬ mehˇ nmˇ deuˬ hawˇ-eu Beˬtuˆluˆ maꞈ loꞈ-ehˇ, ngaˇ gʼeh Ka li-ahˇ jah-eu miˬ zaˬ tiˬ gʼaˬ sheuˬ-awˇ cah-eu aˬ kawˬ-aˬ maˬ jaˆ ta loˇ.

Gaˬlaˬtiˆ 1:19

Sahˬpaˬ Yeˬsuˇ-euˬ aˬ nyiˇ Yaˬkoˆ maˬ ngeuˇ naˇ, gʼaˬ kʼehˇ tiˬ gʼaˬ-iˬ ngaˇ maˬ mawˇ-aˬ.