Maꞈtehˬ 12:44 - Akha

⁴⁴ Kʼoeˇ naˇ, ‘Ngaˬ-euˬ nymˇ-ahˇ paˇ gʼoꞈ jawˇ leˇ ma’ lehˇ ehˇ-awˇ gʼoꞈ leˇ ngeh, nymˇ kʼoeˇ nymˇ juˇ tsui ni laˆ saˆ taˬ-awˇ, tiˬ gʼaˬ-iˬ maˬ jawˇ ni ngehꞈ luꞈ gaˇ ya mawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁴ Khoermirnae, aqyawf aer-eu, ‘Ngar, ngaq nae dovle-euq ngaq-euq nymr-anr ghofler ma.’ Khoernar-aq, aqyawf ghofkeuvler ngae, nymr khoernymr yavjur taq-awr juirkheuni lavsav taq-euq uqtaf, yawqngaef-aer jav-eu gar ya’mawr-euq mae.

Maꞈtehˬ 12:44 ပူးပေါင်းရင်းမြစ်များ

Hawˇseˬ 7:6

Yawꞈ maꞈ nui ma yaw gʼoꞈ mˇ-eu, nui ma miˬ dzaˬ doꞈ laˇ taˬ-euˬ, uˬ ciꞈ miˇ lah laꞈ kʼoeˇ buiˇ-awˇ, uˬ shawˬ miˬ lmˇ nyehˆ laˇ-eu meh.

Maꞈtehˬ 12:29

“Tsawˇ haˬ tiˬ gʼaˬ-iˬ gʼaˬ kʼaˆ aˬ da-euˬ nymˇ-ahˇ uˇ leˇ-awˇ, myawˬ gahˬ maˬ yuˇ geuꞈ leˇ nya-a. Gʼaˬ kʼaˆ aˬ da kʼoeˇ gʼaˬ-ahˇ paꞈ cuꞈ gʼaˬ miˇ tsa tehꞈ-ehˇ, aˬ yawꞈ-euˬ nymˇ laꞈ kʼoeˇ jaˆ-eu myawˬ gahˬ yuˇ geuꞈ nya-eu meh.

Maꞈtehˬ 12:43

“Tsawˇ haˬ tiˬ gʼaˬ laꞈ kʼoeˇ jawˇ-eu nehꞈ yaw jawꞈ tiˬ mawˇ doˆ-iˇ-awˇ, gui coˇ ni gʼeh-eu miˇ kʼahˬ-ahˇ gʼaˬ naˬ naˬ duˬ poˆ-iˇ ngeh, maˬ poˆ mawˇ nya-a.

Maꞈtehˬ 12:45

Nehꞈ kʼoeˇ mawˇ paˇ iˇ doˆ-awˇ, aˬ yawꞈ naˆ maˬ tseˇ haiˬ-eu nehꞈ shiꞈ mawˇ paˇ kuˇ ahˇ laˬ-iˇ-awˇ bi jawˇ-euˬ meh. Kʼoeˇ loꞈ-ehˇ pyeuꞈ laˇ gʼaˬ ngeh jawˇ, tsawˇ haˬ kʼoeˇ gʼaˬ yaw beh naˆ maˬ tseˇ paˇ doeˇ dzehˬ laˇ tehꞈ-a. Heu ziˇ-ahˇ dehꞈ-eu haiˬ-eu tsawˇ haˬ deuˬ kʼoeˇ taˆ, kʼoeˇ loꞈ-ehˇ keuˆ le tehꞈ-a.”

Luˇkaꞈ 11:25

Kʼoeˇ naˇ, aˬ yawꞈ paˇ gʼoꞈ leˇ haw ngeh, nymˇ kʼoeˇ nymˇ juˇ tsui ni yaˆ juiˇ taˬ-awˇ jaˆ gaˇ ya mawˇ-euˬ meh.

Yoˇhaˬ 12:6

Shaˬ zaˬ zahˬ zaˬ deuˬ gʼaˇ duˬ shaˇ noeˬ-awˇ aˬ yawꞈ kʼoeˇ loꞈ-ehˇ ehˇ-eu maˬ ngeuˇ-a. Aˬ yawꞈ smˇ kʼoeˬ tiˬ gʼaˬ miˇ neh, kʼoeˇ loꞈ-ehˇ gʼeh-eu dawˬ ngehˬ-eu meh. Aˬ yawꞈ-aˬ, pyuˇ pawˬ behˆ tawˬ-eu pyuˇ jeˬ hmˬ-eu gʼaˬ pyeuꞈ-awˇ, tiˬ poˆ na pyuˇ daˬ yuˇ-awˇ aˬ yawꞈ-euˬ gʼaˇ duˬ zmˬ-eu tsawˇ haˬ pyeuꞈ-eu meh.

Yoˇhaˬ 13:2

Yeˬsuˇ hawˇ-eu aˬ yawꞈ-euˬ zaˬ lahˇ deuˬ ciꞈ hawˬ dzaˬ luꞈ-eu meh. Siˇmoˬ Iˇsaˬgaˬliˬoˆ-euˬ aˬ li Yuˇdaˆ-euˬ nui ma laꞈ kʼoeˇ, Yeˬsuˇ-ahˇ ahˬ dzaˬ mawꞈ-eu nui ma Nehꞈsahˬpaˬ neh dawˆ ahˇ gʼaˬ nehˬ-euˬ meh.

Yoˇhaˬ 13:27

Kaˬ muˇ kʼoeˇ-ahˇ Yuˇdaˆ yuˇ-eu nehˬ-ehˇ, Saˬdaˬ aˬ yawꞈ-euˬ laꞈ kʼoeˇ uˇ leˇ-euˬ meh. “Nawˇ mˇ-eu lehˇ gʼeh-eu jeˬ-ahˇ yaw kawˇ-ehˇ mˇ-awˬ” lehˇ, aˬ yawꞈ-ahˇ Yeˬsuˇ ehˇ nehˬ-euˬ meh.

1 Gawˇliˬtu 11:19

Naw maꞈ-euˬ laꞈ kʼoeˇ muiˬ dzehˬ-eu tsawˇ haˬ deuˬ-ahˇ siˬ duˬ mawˇ duˬ laˇ ni, aˇ muˇ muˇ paˆ-eu jeˬ jaˆ laˇ-eu baw tehꞈ-a.

Eˇpeˇsu 2:2

Kʼoeˇ ngeh, miˇ tsaˬ heu-ahˇ taꞈ-eu maˬ muiˬ maˬ jaˬ-eu jeˬ mehˬ nah naw maꞈ caw teh-awˇ, mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ-euˬ mehˬ nah caw teh-euˬ meh. Yaw sahˇ kʼoeˇ-aˬ, nymˬ-mˇ Miˬyehˇ-euˬ dawˬ-ahˇ maˬ naˇ haˬ-eu deuˬ-ahˇ uˆ lahˇ luꞈ-eu meh.

1 Yoˇhaˬ 2:19

Tsawˇ haˬ heu deuˬ-aˬ, aˬ dui-euˬ aˇ maꞈ aˇ muˇ-ahˇ maˇ maˇ ni taꞈ-eu deuˬ maˬ ngeuˇ-a. Kʼoeˇ miˇ neh, aˬ yawꞈ maꞈ aˬ dui-ahˇ gʼawˬ-iˇ-eu meh. Aˬ yawꞈ maꞈ aˬ dui-euˬ aˇ maꞈ aˇ muˇ-ahˇ taꞈ law nmˇ-aˬ, aˬ dui-ahˇ maˬ gʼawˬ-iˇ ni jawˇ tehꞈ-a. Aˬ yawꞈ maꞈ aˬ dui-ahˇ maˬ taꞈ-eu gaˇ kawˆ bi siˬ duˬ laˇ-eu gʼaˇ duˬ, aˬ dui-ahˇ gʼawˬ-iˇ-euˬ jeˬ pyeuꞈ-eu meh.

1 Yoˇhaˬ 4:4

Ehˇ kʼawꞈ, ngaˇ gaˬ dui dui-eu zaˬ deuˬ-oˇ, naw maꞈ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ kʼoeˇ deuˬ-ahˇ gʼaˬ leˇ-euˬ meh. Aˬ jeˬ miˇ neh ehˇ naˇ, naw maꞈ laꞈ kʼoeˇ jawˇ luꞈ-eu Yaw sahˇ-aˬ, miˇ tsaˬ heu-ahˇ taꞈ-eu tsawˇ haˬ deuˬ laꞈ kʼoeˇ jawˇ luꞈ-eu yaw sahˇ naˆ maˬ tseˇ baoˬ ahˇ dzehˬ-eu meh.