Maꞈtehˬ 12:34 - Akha

³⁴ Aˇ lawˇ uiˇ naˆ-euˬ zaˬ deuˬ-oˇ, naw maꞈ haiˬ dui dui-eu tsawˇ haˬ pyeuꞈ-eu-aˬ, dawˬ yaw muiˬ aˬ joˆ-ehˇ ngehˬ doˆ laꞈ nya nmˇ. Kʼaˬ meh-aˬ, nui ma laꞈ kʼoeˇ tiˬ byah ni shaˇ dawˆ taˬ-euˬ jeˬ ngehˬ doˆ laꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Dof khav-eu arlawr-euq zaqdeuq-or! Nawmaf-aq, tsawrdoer mirnae, dawqmuiq aqjox-aer ngaeqnya-eu lawr? Aqjeq mirnae aernar-aq, nuima-euq lafkhoer khar dawvbyan taq-euq jeq khaqmae-anr ngaeqdov laf-eu mae.

Maꞈtehˬ 12:34 ပူးပေါင်းရင်းမြစ်များ

Jaceuq 53:1

Aˬ dzawˬ deuˬ-euˬ nui ma laꞈ kʼoeˇ, “Miˬyehˇ maˬ jawˇ-a” lehˇ ehˇ luꞈ meh. Aˬ yawꞈ maꞈ dehꞈ bahˬ jiˇ-awˇ, guˆ dui dui paˬ-ehˇ gʼeh-eu jeˬ mˇ luꞈ meh. Yaw tsaˬ yaw dawˇ jeˬ mˇ-eu tiˬ gʼaˬ-iˬ maˬ jawˇ-a.

Jaceuq 64:3

Aˬ yawꞈ maꞈ-euˬ mehˬ laˇ mi cehˇ loꞈ-ehˇ siˬ taˆ taˬ-awˇ, kaˆ myaˬ-ahˇ duˇ-eu dawˬ ngoꞈ daˆ taˬ-euˬ meh.

Jaceuq 64:5

Yaw haiˬ jeˬ mˇ-eu gʼaˇ duˬ tiˬ gʼaˬ tiˇ gʼaˬ gʼaˬ biꞈ-awˇ, tsawˇ haˬ zaˬ-ahˇ lahˇ ju kʼmˇ-eu gʼaˇ duˬ, mehˬ bawˬ mˇ taꞈ-eu laꞈ kʼoeˇ, “Tiˬ gʼaˬ-iˬ maˬ siˬ maˬ mawˇ nya-aˇ” lehˇ ehˇ-eu meh.

Dawqdaq 16:23

Zaˬ siˬ tsawˇ gahˇ ahˇ-eu deuˬ dawˬ maˬ ngehˬ mi naˆ-ehˇ, yaw muiˬ paˬ-ehˇ shaˇ noeˬ-eu miˇ neh, kʼaˇ ngehˬ doˆ-euˬ dawˬ naˇ haˬ muiˬ-eu meh.

Dawqdaq 4:23

Dehꞈ jeˬ dehꞈ kawˆ nui ma-ahˇ doˆ le-euˬ miˇ neh, nui ma-ahˇ noeˬ-awˇ yaw dehꞈ dehꞈ-awˬ.

Iˇsaˬyaˇ 32:6

Aˬ dzawˬ dawˬ doeˇ ngehˬ-awˇ, aˇ gah nui noeˬ yaw cawˆ tehꞈ meh. Aˬ dzawˬ aˇ gah mˇ-eu ngehˬ-eu, Sahˬpaˬ Miˬyehˇ-ahˇ yehˬ bawˬ sehˇ lu-ehˇ gʼeh-awˇ, mehꞈ-eu shuꞈ-eu deuˬ-ahˇ bi dzaˬ bi dawˇ-eu maˬ baw-a.

Iˇsaˬyaˇ 59:14

Yaw tsaˬ yaw dawˇ jeˬ-ahˇ teh dzeh nehˬ-awˇ, yaw muiˬ yaw jaˬ jeˬ dawˬ peh maˬ nyiˬ laˇ nya-a. Yaw tsaˬ yaw dawˇ jeˬ meuˬ lehˆ kawˆ-ahˇ coˬ-iˇ-awˇ, yaw sui yaw dawˇ jeˬ jawˇ duˬ maˬ jaˆ-a.

Iˇsaˬyaˇ 59:4

Naw maꞈ yaˇ kʼaˬ daˇ duˬ-ahˇ le-eu kʼawꞈ, yaw tsaˬ yaw dawˇ jeˬ naw maꞈ jawˇ paw maˬ pyawˬ-ehˇ, jaˬ myawꞈ myawꞈ-awˇ gʼaˬ leˇ ni leh jeh-eu laꞈ kʼoeˇ, aˬ cawˬ-ahˇ coeˬ leˇ-eu jeˬ toˆ-eu meh.

Iˇsaˬyaˇ 9:17

Kʼoeˇ miˇ neh zaˬ guˬ deuˬ-ahˇ Sahˬpaˬ Miˬyehˇ maˬ taˬ nehˬ-ehˇ, muˇ coeˬ aˬ nmˇ hawˇ-eu miˬ coeˬ miˬ ma-ahˇ gʼawˬ shaˬ maˬ gaˬ ni, tiˬ gʼaˬ-iˬ maˬ bi dzeuˇ-iˇ-a. Aˬ yawꞈ maꞈ Miˬyehˇ maˬ baw-ehˇ, yaw haiˬ tehꞈ-ehˇ mˇ-eu uˬ taꞈ, dawˬ ngehˬ-eu yaw muiˬ maˬ ahˇ-eu miˇ neh meh. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ shuꞈ-iˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ, maˬ baꞈ ka ni bi jaˆ tehꞈ-a.

Maꞈtehˬ 12:35

Tsawˇ muiˬ-aˬ, yawˬ ha neh jeˬ hmˬ taˬ-euˬ yaw muiˬ jeˬ beuˬ doˆ laꞈ-awˇ, tsawˇ doeˇ-aˬ, yawˬ ha neh jeˬ hmˬ taˬ-euˬ yaw doeˇ jeˬ beuˬ doˆ laꞈ tehꞈ-a.

Maꞈtehˬ 15:18

Ehˇ kʼawꞈ, kʼaˬ meh-ahˇ kʼaˇ doˆ le-eu jeˬ-aˬ, nui ma laꞈ kʼoeˇ neh doˆ laˇ-awˇ, tsawˇ haˬ zaˬ-ahˇ maˬ shawˇ ni bi pyeuꞈ-iˇ-eu meh.

Maꞈtehˬ 23:33

Aˇ lawˇ uiˇ naˆ-euˬ zaˬ deuˬ-oˇ, shiˬ buiˇ lah ma-ahˇ maˬ ya uˇ-iˇ ni ya dzeuˇ-iˇ ma lehˇ naw maꞈ noeˬ te loˇ.

Maꞈtehˬ 3:7

Paˬliˬsehˇ deuˬ hawˇ-eu Saˬduˬgehˇ deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ.

Luˇkaꞈ 3:7

Yoˇhaˬ neh iˇ cuꞈ bi shawˇ-eu gʼaˇ duˬ, tsawˇ haˬ aˇ maꞈ maꞈ ma Yoˇhaˬ jawˇ gaˇ oe doˆ-euˬ meh. Aˬ yawꞈ maꞈ-ahˇ aˬ yawꞈ ehˇ nehˬ-eu, “Aˇ lawˇ uiˇ naˆ deuˬ-oˇ, Miˬyehˇ neh bi keuˆ le-eu lehˇ lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ cehˆ dzeuˇ nya tehꞈ-a lehˇ, naw maꞈ-ahˇ aˬ suˇ gʼaˬ neh mehˬ gahˇ nehˬ laꞈ taˬ.

Luˇkaꞈ 6:45

Tsawˇ haˬ yaw muiˬ-aˬ, yawˬ ha-euˬ nui ma laꞈ kʼoeˇ jeˬ hmˬ taˬ-euˬ yaw muiˬ jeˬ yuˇ doˆ laꞈ-awˇ, tsawˇ haˬ yaw haiˬ-aˬ, yawˬ ha-eu nui ma laꞈ kʼoeˇ shaˇ dawˆ taˬ-euˬ yaw haiˬ jeˬ beuˬ doˆ laꞈ-eu meh. Aˬ jeˬ miˇ neh ehˇ naˇ, nui ma laꞈ kʼoeˇ kʼaˇ ahˇ-eu jeˬ, kʼaˬ meh-ahˇ ngehˬ doˆ laꞈ-eu meh.

Yoˇhaˬ 8:44

Naw maꞈ-aˬ, naw maꞈ-euˬ aˬ da nehˬ sahˬ paˬ-euˬ zaˬ deuˬ pyeuꞈ-awˇ, naw maꞈ-euˬ aˬ da-euˬ nui kʼahˇ mehˬ nah caw teh mawꞈ-eu meh. Aˬ yawꞈ-aˬ, aˇ dahˬ beh ngeh neh aˬ cawˬ-ahˇ sehꞈ-euˬ gʼaˬ pyeuꞈ-awˇ, yaw tsaˬ yaw dawˇ paw tiˬ pawꞈ-iˬ maˬ pyawˬ-a. Aˬ jeˬ miˇ neh ehˇnaˇ, aˬ yawꞈ laꞈ kʼoeˇ yaw tsawˬ yaw dawˇ jeˬ maˬ ahˇ-a. Aˬ yawꞈ jaˬ myawꞈ myawꞈ-eu kʼoeˇ-aˬ, kʼoeˇ loꞈ-ehˇ mˇ-eu lehˇ seu le-euˬ miˇ neh meh. Aˬ jeˬ miˇ neh ehˇ naˇ, aˬ yawꞈ-aˬ, jaˬ myawꞈ myawꞈ-eu deuˬ dawˬ tawˆ luꞈ-euˬ aˬ da yaw dzahˇ gʼaˬ meh.

Eˇpeˇsu 4:29

Aˬ cawˬ-ahˇ bi coeˬ leˇ-eu dawˬ taˬ ngehˬ. Ehˇ kʼawꞈ, nawˬ neh ngehˬ-euˬ dawˬ aˬ cawˬ gʼaˇ duˬ muiˬ ni, loˬ-eu jeˬ-ahˇ caw ba nya-awˇ bi huiˬ bi mahˇ laˇ nya-eu gaˇ dahˇ tsoeˬ-eu dawˬ ngehˬ-awˬ.

Eˇpeˇsu 5:4

Jawꞈ dui dui-eu dawˬ, gaˇ dahˇ maˬ tsoeˬ-eu dawˬ hawˇ-eu, yaw jawꞈ jeˬ gaˇ kawˆ cehꞈ lehꞈ ka niˇ gʼa-eu dawˬ heu deuˬ-ahˇ naw maꞈ tiˬ pawꞈ-iˬ ngehˬ-eu maˬ tsaˬ-a.

Yaˬkoˆ 3:2

Aˬ dui dawˬ tawˆ luꞈ tiˬ kʼehˬ maˬ taˬ ni mˇ lehˬ-eu meh. Ehˇ kʼawꞈ, tsawˇ haˬ tiˬ gʼaˬ na ngehˬ lehˬ tmˇ lehˬ-eu maˬ baw naˇ, byah-eu loꞈ-eu tsawˇ haˬ pyeuꞈ-awˇ, yawˬ ha-euˬ nui ma gʼawˇ mawˇ dawˬ tawˆ luꞈ-ahˇ yaw muiˬ paˬ-ehˇ gʼaˬ leˇ-eu tsawˇ haˬ pyeuꞈ-eu meh.

1 Yoˇhaˬ 3:10

Miˬyehˇ-euˬ zaˬ hawˇ-eu Nehꞈ sahˬ paˬ-euˬ zaˬ yaw kaˬ kʼoeˇ naˆ ni beu gaˇ-eu meh. Yaw tsaˬ yaw dawˇ jeˬ maˬ mˇ-ehˇ, Ka li zaˬ cawˬ cawˬ maˬ gaˬ-eu tsawˇ haˬ-aˬ, Miˬyehˇ-euˬ zaˬ maˬ ngeuˇ-a.

1 Saˬmeuˬlaˆ 24:13

Haiˬ-eu tsawˇ haˬ deuˬ tehꞈ-ehˇ yaw haiˬ jeˬ mˇ-eu meh lehˇ ehˇ-eu tsawˇ mawˬ dawˬ daˬ nawˇ siˬ nya meh. Kʼoeˇ miˇ neh, nawˬ-ahˇ laˆ tahˬ laˆ naˇ-eu jeˬ ngaˇ maˬ mˇ.