Maꞈtehˬ 12:27 - Akha

²⁷ Beˬlaˇzeˬbuˇlaˆ-euˬ baoˬ-ahˇ gʼoe-awˇ ngaˇ nehꞈ teh doˆ-eu ngeuˇ naˇ, naw maꞈ-euˬ zaˬ lahˇ deuˬ aˬ suˇ gʼaˬ-euˬ baoˬ-ahˇ gʼoe-awˇ nehꞈ teh doˆ ta. Naw maꞈ ngehˬ-euˬ dawˬ maˬ tsaˬ-eu gaˇ kawˆ, naw maꞈ-euˬ zaˬ lahˇ deuˬ neh mˇ-euˬ gaˇ kʼoeˇ deuˬ, saˇ kiˇ kamˬ luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Ngar, Beqsaqburlar-anr ghoeghoe-aer naef-anr taedov-eu ngeur nar-aq, nawmaf-euq zaqdeuq lawr nae, aqsur ghaq-anr ghoeghoe-aer naef-anr taedov-eu la? Khoermirnae, aqyawfmaf, nawmaf-anr yarkhaq dar-eu deuq pyeuf taef-a.

Maꞈtehˬ 12:27 ပူးပေါင်းရင်းမြစ်များ

Maꞈtehˬ 10:25

Kʼoeˇ miˇ neh, gʼaˬ kʼehˇ gʼaˬ yawˬ ha-euˬ saˬ laˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ-awˇ, zaˬ kʼaˆ gʼaˬ yawˬ ha-euˬ baw leˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ tehꞈ-a. Nymˇ sahˇ aˬ da gʼaˬ-ahˇ Beˬlaˇzeˬbuˇlaˆ lehˇ kuˇ naˇ, nymˇ kʼahˬ zaˬ deuˬ-ahˇ kʼoeˇ naˆ maˬ tseˇ doeˇ-eu tsawˇ myahˇ kuˇ-eu tsaˬ tehꞈ-a.

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Maꞈtehˬ 9:34

Ehˇ kʼawꞈ, Paˬliˬsehˇ deuˬ ehˇ-eu, “Nehꞈ Sahˬpaˬ-euˬ baoˬ-ahˇ aˬ yawꞈ gʼoe-awˇ nehꞈ teh doˆ-eu ngaˇ.”

Luˇkaꞈ 11:19

Beˬlaˇzeˬbuˇlaˆ-euˬ baoˬ-ahˇ gʼoe-awˇ ngaˇ nehꞈ teh doˆ-eu ngeuˇ naˇ, naw maꞈ-euˬ zaˬ lahˇ deuˬ aˬ suˇ gʼaˬ-euˬ baoˬ-ahˇ gʼoe-awˇ nehꞈ teh doˆ ta. Naw maꞈ neh ehˇ-euˬ maˬ tsaˬ-eu gaˇ kawˆ, naw maꞈ-euˬ zaˬ lahˇ deuˬ neh mˇ-euˬ gaˇ deuˬ saˇ kiˇ kamˬ luꞈ meh.

Luˇkaꞈ 19:22

“Aˬ yawꞈ ehˇ kʼoꞈ nehˬ-eu, ‘Haiˬ dui dui-eu zaˬ kʼaˆ-oˇ, nawˬ-euˬ kʼaˬ meh-ahˇ doˆ le-euˬ dawˬ neh, nawˬ-ahˇ ngaˇ yaˇ kʼaˬ daˇ ma. Ngaˬ neh maˬ yuˇ taˬ-euˬ gaˇ ngaˇ yuˇ geuꞈ-awˇ, ngaˬ neh maˬ sehˬ-euˬ gaˇ ngaˇ yehˬ dzaˬ-euˬ nawˇ siˬ duˬ-eu nga laˬ.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.