Maꞈtehˬ 11:7 - Akha

⁷ Yoˇhaˬ-euˬ zaˬ lahˇ kʼoeˇ deuˬ gʼoꞈ dzeuˇ ngeh, Yeˬsuˇ tsawˇ haˬ aˇ maꞈ kʼoeˇ deuˬ-ahˇ, Yoˇhaˬ-euˬ gaˇ kawˆ heu loꞈ-ehˇ ja mehˬ nehˬ-euˬ meh. “Bawˇ tsahˬ bawˇ dahˇ-ahˇ Yoˇhaˬ jawˇ gaˇ naw maꞈ iˇ ngeh, aˬ jeˬ-ahˇ ya mawˇ ni noeˬ tmˬ-awˇ iˇ teˬ. Aˇ toꞈ aˇ bawˬ-ahˇ jaˬ lehˇ baw nyeh gaˇ haw-iˇ teˬ loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Yorhaq-euq zaqlanr deuq ghofdov-ir luf ngae, Yeqsur danqbae-awr, Yorhaq-euq garkawv tsawrhaq armaf mafma deuq-anr heulof-aer aernaeq-euq mae: “Nawmaf bawrtsanq bawrdanr-anr ir-awr aqjeq-anr haw-eu laer ir-euq le? Jaqlaer baw-eu mirnae nyaeluf-eu artof-euq arkanq-anr laq?

Maꞈtehˬ 11:7 ပူးပေါင်းရင်းမြစ်များ

Aˇ dahˬ 49:4

Nawˇ-aˬ, guˆ laˇ paˬ-ehˇ gʼeh-eu iˇ jeuˬ oe gaˇ duˇ-eu tsawˇ haˬ meh. Ehˇ kʼawꞈ, aˬ cawˬ taꞈ-ehˇ huiˬ dzehˬ-eu gʼaˬ, nawˇ maˬ pyeuꞈ laˇ nya-a. Aˬ jeˬ miˇ neh ehˇ naˇ, ngaˬ-euˬ ma nyiˇ nehˬ-ehˇ nawˇ joe-awˇ, Yawˬ ha aˬ da-euˬ yuꞈ zaˇ-ahˇ nawˇ laˆ jawꞈ-euˬ meh.

Maꞈtehˬ 11:8

Maˬ ngeuˇ naˇ, aˬ jeˬ-ahˇ haw-iˇ-eu lehˇ iˇ teˬ. Muiˬ dui dui-eu mehˬ tsoeˬ dm luꞈ-eu tsawˇ haˬ-ahˇ haw-iˇ teˬ loˇ. Kʼoeˇ loꞈ-ehˇ gʼeh-eu mehˬ tsoeˬ dm-eu tsawˇ haˬ-aˬ, sahˬ paˬ-euˬ hawˇ nymˇ-ahˇ jawˇ-eu maˬ ngeuˇ-a loˇ.

Maꞈtehˬ 12:20

Gʼaˬ byehˆ byehˆ-eu tsawˇ haˬ kʼoeˇ taˆ, aˬ yawꞈ nui nahˬ nui yu ahˇ-awˇ, shaˬ zahˬ naꞈ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ nehˬ tehꞈ-a. Yaw tsaˬ yaw dawˇ gʼaˬ leˇ ngeh keuˆ, aˬ yawꞈ leh jeh gʼaˬ maˬ byehˆ-aˇ.

Maꞈtehˬ 21:25

Yoˇhaˬ iˇ cuꞈ shawˇ-eu kʼoeˇ, aˬ gaˇ-euˬ baoˬ za-awˇ shawˇ ta. Miˬyehˇ neh bi shawˇ taˬ loˇ. Tsawˇ haˬ neh bi shawˇ taˬ loˇ.” Kʼoeˇ ngeh, aˬ yawꞈ maꞈ yaw kaˬ heu loꞈ-ehˇ ja-eu meh. “Aˬ dui maꞈ aˬ joˆ-ehˇ ehˇ paˬ nga. ‘Miˬyehˇ neh bi shawˇ-euˬ meh’ lehˇ ehˇ naˇ, ‘Toˆ-ehˇ maˇ-iˬ, naw maꞈ aˬ jeˬ miˇ neh Yoˇhaˬ-ahˇ maˬ jah te’ lehˇ aˬ yawꞈ ehˇ laˇ tehꞈ-a.

Maꞈtehˬ 3:5

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ maˬ ehˇ, Yuˇdaˆ miˇ kʼahˬ doe ni jawˇ-eu tsawˇ haˬ deuˬ maˬ ehˇ, Yawˇdaˬ lawˇ baˬ dawˬ peh jawˇ-eu tsawˇ haˬ deuˬ maˬ ehˇ, aˬ yawꞈ jawˇ gaˇ laˇ-eu meh.

Luˇkaꞈ 8:18

“Naw maꞈ ya gaˬ-euˬ gaˇ kawˆ heu-ahˇ yaw muiˬ paˬ-ehˇ noeˬ gahˇ-awˬ. Aˬ jeˬ miˇ neh ehˇ naˇ, jaˆ-eu tsawˇ haˬ-ahˇ paˇ biꞈ lahˬ nehˬ-awˇ, maˬ jaˆ-eu tsawˇ haˬ-ahˇ-aˬ, yawˬ ha neh jaˆ ma lehˇ kʼaˇ noeˬ taˬ-euˬ dawˬ tawˆ luꞈ yuˇ jiˇ nehˬ tehꞈ-a.”

Yoˇhaˬ 1:38

Yeˬsuˇ nahˇ gʼoꞈ gʼoꞈ haw-awˇ, aˬ yawꞈ nyaꞈ aˬ yawꞈ-euˬ mehˬ nah oe luꞈ gaˇ ya mawˇ ngeh, “Naw nyaꞈ aˬ jeˬ shaˇ caw te” lehˇ naˇ haˬ-euˬ meh. “Laˬ biˇ-oˇ, nawˇ aˬ gaˇ jawˇ te” lehˇ aˬ yawꞈ nyaꞈ aˬ yawꞈ-ahˇ ehˇ-eu meh. (ʼLaˬ biˇʼ lehˇ ehˇ-eu-aˬ, ʼsaˬ laˬʼ lehˇ ehˇ mawꞈ-eu meh.)

Yoˇhaˬ 5:35

Yoˇhaˬ neh ehˇ-euˬ dawˬ-aˬ, bya cehˆ ni doꞈ luꞈ-eu tsiˇ kʼmˬ-ahˇ duˇ-awˇ, naw maꞈ-ahˇ laˬ kʼaˬ bi cehˇ-eu meh. Naw maꞈ-ahˇ laˬ kʼaˬ bi cehˇ-eu yaw shehꞈ-ahˇ duˇ-eu aˬ yawꞈ-euˬ dawˬ kʼoeˇ-ahˇ, naw maꞈ tiˬ kʼehˬ tiˬ yamˬ ha geuꞈ-euˬ meh.

Eˇpeˇsu 4:14

Kʼoeˇ ngeh jawˇ aˬ dui-aˬ, jah-eu jeˬ laꞈ kʼoeˇ zaˬ loꞈ-ehˇ maˬ paˇ pyeuꞈ-ehˇ, aˬ cawˬ-ahˇ tsawˇ gahˇ gahˇ-awˇ gaˇ ma sheuˬ bahˬ nehˬ-eu tsawˇ haˬ deuˬ-euˬ mehˇ shuiˇ jaˬ lehˇ baw laˇ ngeh, aˬ dui-ahˇ maˬ baw poˆ maˬ baw laˆ nya-aˇ.

Yaˬkoˆ 1:6

Ehˇ kʼawꞈ, naw maꞈ guiˬ lahˬ shaˇ ngeh maˬ jah coeˇ-eu nui ma maˬ bi ahˇ ni, jah-eu laꞈ kʼoeˇ shaˇ-awˬ. Maˬ jah coeˇ-eu tsawˇ haˬ-aˬ, jaˬ lehˇ kʼaˇ hehˇ-eu paw pyawˇ-iˇ-eu iˬ ma laˆ shaˆ iˇ luˆ dzeh gaˇ duˇ-eu meh.