Maꞈtehˬ 11:29 - Akha

²⁹ Ngaˬ-euˬ kʼaˆ baꞈ baꞈ-awˇ ngaˬ-ahˇ dzaw geuꞈ-awˬ. Aˬ jeˬ miˇ neh ehˇ naˇ, ngaˇ-aˬ, nui nahˬ nui yu ahˇ-awˇ, naw maꞈ-euˬ saꞈ laˇ gʼaˬ doeˇ dah kʼaˇ za ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Ngar-aq, nuima nanqyuni ghae-awr nuinanq nuiyu anr-eu ma. Nawmaf, ngaq-euq khavbaf baf-awr, ngaq-anr dzawgeuf-awq. Khoerlof-aer dzawgeuf nar-aq, nawmaf-euq nuima saflar ghaqnaq za taef-a.

Maꞈtehˬ 11:29 ပူးပေါင်းရင်းမြစ်များ

2 Laˬsaˬbaˬ 10:11

‘Ngaˬ da-aˬ, kah dui dui-eu kʼaˆ behˆ naw maꞈ-ahˇ ciˬ pi-euˬ meh. Ngaˇ-aˬ, kʼoeˇ naˆ maˬ tseˇ kah-eu kʼaˆ behˆ naw maꞈ-ahˇ paˇ ciˬ pi nehˬ ma. Ngaˬ da naw maꞈ-ahˇ aˇ caˆ neh juiꞈ-euˬ meh. Ehˇ kʼawꞈ, ngaˇ naw maꞈ-ahˇ boeˬ kaˬ laˬ ma nyehꞈ kawꞈ ma’ lehˇ ehˇ nehˬ-awˬ.”

Jaceuq 116:7

Ngaˬ-euˬ nui ma-oˇ, gʼaˬ byehˆ taˬ byehˆ. Sahˬpaˬ Miˬyehˇ nawˬ-ahˇ ngehˬ gʼeh dah teˬ luꞈ meh.

Jaceuq 131:1

Sahˬpaˬ Miˬyehˇ-oˇ, nui ma huiˬ-eu mahˇ-eu jeˬ ngaˇ byehˇ dzeh-awˇ, nui nahˬ nui yu laꞈ kʼoeˇ dehꞈ ma. Ngaˇ maˬ gʼaˬ leˇ-eu kʼaˆ-eu shaˬ-eu gaˇ deuˬ ngaˇ maˬ mˇ.

Dawqdaq 3:17

Zaˬ siˬ tsawˇ gahˇ kaˇ iˇ gaˇ laˬ kʼaˬ cehˇ-eu jeˬ byah-awˇ, aˬ yawꞈ-euˬ gaˇ ma-ahˇ nui saˇ oꞈ-eu jeˬ jaˆ-eu meh.

Iˇsaˬyaˇ 28:12

Gʼaˬ doeˇ dah-eu jeˬ hawˇ-eu nui saˇ oꞈ-eu jeˬ, naw maꞈ-ahˇ aˬ yawꞈ mehˬ kʼawꞈ, aˬ yawꞈ ehˇ gaˇ naw maꞈ maˬ naˇ haˬ-a.

Iˇsaˬyaˇ 29:19

Nui ma nahˬ yu ni gʼeh-eu deuˬ tiˬ poˆ, Sahˬpaˬ Miˬyehˇ laꞈ kʼoeˇ laˬ kʼaˬ paˇ ya cehˇ-awˇ, aˬ cawˬ mehˬ shi iˇ shaˬ shaˬ luꞈ-eu deuˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ laꞈ kʼoeˇ, laˬ kʼaˬ cehˇ nui saˇ oꞈ tehꞈ-a.

Yeˬlaˬmiˇ 6:16

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ehˇ nehˬ-eu, “Gaˇ ma gaˇ tsmˇ-ahˇ yawꞈ-awˇ haw duˬ-awˬ. Aˇ hu ba-euˬ gaˇ ma gaˇ oeˇ naˇ haˬ duˬ-awˬ. Gaˇ ma gaˇ muiˬ naˇ haˬ duˬ-awˇ cah naˇ, nui saˇ oꞈ-awˇ ya dehꞈ tehꞈ-a.” Ehˇ kʼawꞈ, “Gaˇ ma gaˇ muiˬ-ahˇ maˬ cah” lehˇ, Sahˬpaˬ Miˬyehˇ-ahˇ aˬ yawꞈ maꞈ ehˇ-eu meh.

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Bawˇtsahˬ 12:3

(Moˇseˬ-aˬ, nui ma nahˬ yu ni gʼeh-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ laꞈ kʼoeˇ, aˬ cawˬ naˆ maˬ tseˇ nui nahˬ nui yu ahˇ-eu tsawˇ haˬ tiˬ gʼaˬ pyeuꞈ-eu meh.)

Maꞈtehˬ 17:5

Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Maꞈtehˬ 21:5

“Haw yawˬ, nawˬ-euˬ sahˬ paˬ, nawˇ jawˇ gaˇ oe meh lehˇ, Ziˇoˬ-ahˇ ehˇ gaˬ-awˬ. Aˬ yawꞈ nui nahˬ nui yu ahˇ-awˇ, mahˬ tahˬ laˆ-ahˇ dziˬ-awˇ oe meh. Tahˬ laˆ mahˬ ma-euˬ zaˬ pyeuꞈ-eu, tahˬ laˆ zaˬ-ahˇ dziˬ leꞈ-euˬ meh.”

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Maꞈtehˬ 7:24

“Ngaˬ neh mehˬ-euˬ dawˬ-ahˇ ya gaˬ-awˇ naˇ haˬ geuꞈ-eu tsawˇ haˬ yawˬ gʼaˬ na luꞈ, kʼaˬ lo kʼoeˇ taˆ nymˇ tsoˆ-eu noeˬ dahˇ doe-eu tsawˇ haˬ-ahˇ duˇ-eu meh.

Luˇkaꞈ 8:35

Tsawˇ haˬ gʼawˬ mya ni aˬ joˆ-ehˇ pyeuꞈ laˇ-euˬ gaˇ haw le-eu lehˇ oe-awˇ, Yeˬsuˇ-euˬ dawˬ peh oe keuˆ ngeh, nehꞈ bi teh doˆ-euˬ tsawˇ haˬ kʼoeˇ gʼaˬ paˇ muiˬ kʼoꞈ laˇ-awˇ, mehˬ tsoeˬ yaw muiˬ-ehˇ dm-awˇ Yeˬsuˇ-euˬ aˬ kuiˇ dawˬ peh nuiˇ luꞈ gaˇ ya mawˇ-euˬ miˇ neh, aˬ yawꞈ maꞈ guˆ dui dui-iˇ-euˬ meh.

Yoˇhaˬ 13:15

Naw maꞈ ngaˬ-ahˇ dzaw geuꞈ-awˇ mˇ nya ni, ngaˇ naw maꞈ-ahˇ mˇ mehˬ nehˬ gʼaˬ-euˬ ma.

Yoˇhaˬ 13:17

Nymˬ-mˇ, gaˇ kawˆ heu deuˬ naw maꞈ ya siˬ gʼaˬ jiˇ-euˬ meh. Siˬ nya-eu loꞈ-ehˇ mˇ naˇ, naw maꞈ aˇ naˆ ni guiˬ lahˬ huiˬ-eu nga.

Gʼaˬkʼehˇ 7:37

‘Ngaˬ-ahˇ kʼehˇ gʼeh leꞈ-euˬ loꞈ-ehˇ, Miˬyehˇ gʼaˇ duˬ ngehˬ dah-eu tiˬ gʼaˬ naw maꞈ jawˇ gaˇ Miˬyehˇ paˇ kʼehˇ gʼeh leꞈ tehꞈ-a. Aˬ yawꞈ-aˬ, naw maꞈ-euˬ aˇ jeuˬ aˇ ca pyeuꞈ tehꞈ-a’ lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-euˬ gʼaˬ-aˬ, Moˇseˬ meh.

1 Gawˇliˬtu 9:21

Kʼoeˇ loꞈ-ehˇ duˇ ni, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ laꞈ nyiˇ jawˇ-eu aˬ cawˬ tsawˇ jeuˬ deuˬ Ka li zaˬ bi pyeuꞈ laˇ-eu gʼaˇ duˬ, ngaˬ-euˬ gʼawˇ mawˇ Yuˇdaˆ tsawˇ haˬ maˬ ngeuˇ-eu loꞈ-ehˇ geuꞈ-awˇ mehˬ-euˬ ma. Kʼoeˇ loꞈ-ehˇ mˇ-euˬ kʼoeˇ-aˬ, Miˬyehˇ-euˬ zahˇ dawˬ kʼoꞈ dawˬ-ahˇ ngaˇ maˬ caw teh lehˇ ehˇ mawꞈ-eu maˬ ngeuˇ. Ngaˇ-aˬ, maˇ maˇ ni Ka li-euˬ zahˇ dawˬ kʼoꞈ dawˬ uˬ moˆ jawˇ daˆ laꞈ-euˬ tsawˇ haˬ ma.

2 Gawˇliˬtu 10:1

Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

2 Gawˇliˬtu 10:5

Miˬyehˇ-ahˇ siˬ nya-eu jeˬ-ahˇ kʼaˇ laˆ tsoeˬ-eu nui ma huiˬ-eu mahˇ-eu jeˬ-ahˇ nga maꞈ gʼeu ka-eu ma. Nui noeˬ yawˬ hmˬ na luꞈ-ahˇ nga maꞈ paꞈ cuꞈ-awˇ, Ka li-euˬ ehˇ dawˬ bi naˇ haˬ-eu ma.

Piˇliˇpiˆ 2:5

Yeˬsuˇ Ka li loꞈ-ehˇ nui ma taˬ-awˬ.

1 Teˇsaˬloˇni 4:2

Nga maꞈ Sahˬpaˬ Yeˬsuˇ-euˬ baoˬ-ahˇ gʼoe-awˇ naw maꞈ-ahˇ mehˬ nehˬ-euˬ dehꞈ-eu jawˇ-eu gaˇ kawˆ naw maꞈ siˬ nya meh.

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

HeˬByehˇ 5:9

Aˬ yawꞈ laꞈ kʼoeˇ byah laˇ paˬ-ehˇ gʼeh-eu jeˬ bi byah laˇ gʼaˬ jiˇ ngeh, aˬ yawꞈ-euˬ dawˬ-ahˇ kʼaˇ naˇ haˬ geuꞈ-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ ka kʼoꞈ-eu jeˬ maˬ tsehˆ leˇ ni biꞈ-eu gʼaˬ pyeuꞈ laˇ-euˬ meh.

1 Yoˇhaˬ 2:6

Miˬyehˇ laꞈ kʼoeˇ jawˇ luꞈ ma lehˇ ehˇ-eu tsawˇ haˬ aˬ geu gʼaˬ maˬ kaˬ, Yeˬsuˇ Ka li dehꞈ-eu loꞈ-ehˇ dehꞈ-eu tsaˬ meh.