Maꞈtehˬ 11:17 - Akha

¹⁷ ‘Nga maꞈ tahˬ diˬ-awˇ bawˬ law baw kʼawꞈ, naw maꞈ gaˇ nyeh maˬ nyeh nga tawˇ. Nga maꞈ kuiˇ deuˇ gui kʼawꞈ, naw maꞈ tsawˇ ngoeˇ maˬ ngoeˇ nga tawˇ.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ ‘Nga’maf, nawmaf-euq gharduq lafjeq baw-eu khawf, nawmaf lafjeq maqtsawq-a. Nga’maf, nawmaf-euq gharduq tsawrngoer ngoer-eu khawf, nawmaf maqngoer-a.’

Maꞈtehˬ 11:17 ပူးပေါင်းရင်းမြစ်များ

Aˇ dahˬ 50:10

Yawˇdaˬ lawˇ baˬ-euˬ nahˇ ma doˆ kʼehˬ paw jaˆ-eu Aˬtaˆ lehˇ kuˇ-eu cehˇ bymˇ saˬ kʼawꞈ deh ga-ahˇ le keuˆ ngeh, aˬ yawꞈ maꞈ gʼawˬ myahˇ ni guˇ guˇ-ehˇ tsawˇ ngoeˇ ngoeˇ-euˬ meh. Shiꞈ nah keuˆ ni bawˬ-iˬ gʼeh-awˇ, aˬ yawꞈ-euˬ aˬ da-ahˇ Yoˇsehˆ tsawˇ ngoeˇ ngoeˇ nehˬ-euˬ meh.

1 Sahˬpaˬ 1:40

Aˬ yawꞈ maꞈ bawˬ law baw baw-ehˇ miˇ tsaˬ tahˬ kʼawˇ luˆ laˇ tsaˇ-i guˇ-awˇ, aˬ yawꞈ mehˬ nah caw teh kʼoꞈ laꞈ-euˬ meh.

Iˇsaˬyaˇ 30:29

Ehˇ kʼawꞈ, Miˬyehˇ-euˬ tsawˇ haˬ deuˬ pyeuꞈ-eu naw maꞈ deuˬ-aˬ, muiˬ-eu shawˇ-eu bawˬ-iˬ gʼeh-eu uˬ ciꞈ tiˬ miˇ loꞈ-ehˇ, laˬ kʼaˬ cehˇ-awˇ caˇ dawˬ ya caˇ tehꞈ-a. Iˇsaˬleˬlaˆ-ahˇ haw piˇ-eu gʼaˬ pyeuꞈ-eu, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ, bawˬ law baw-awˇ le-eu tsawˇ haˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Yeˬlaˬmiˇ 31:4

Miˬ shuiꞈ-ahˇ duˇ-eu Iˇsaˬleˬlaˆ-oˇ, nawˬ-ahˇ paˇ bi dehꞈ doˆ laˇ ma. Nawˇ cehˇ lehˇ ciˆ ciˆ-ehˇ, laˬ kʼaˬ cehˇ-awˇ gaˇ nyeh ya nyeh tehꞈ-a.

Maꞈtehˬ 11:16

“Heu ziˇ-euˬ tsawˇ haˬ heu deuˬ aˬ geu jeˬ-ahˇ shaˇ cehˆ haw paˬ nga. Aˬ yawꞈ maꞈ-aˬ, lehˆ lehˆ kawˆ-ahˇ nuiˇ-awˇ tiˬ maꞈ tiˇ maꞈ heu loꞈ-ehˇ guˇ cawˬ luꞈ-eu zaˬ deuˬ-ahˇ duˇ-eu meh.

Maꞈtehˬ 11:18

Yoˇhaˬ oe ngeh, hawˬ maˬ dzaˬ ni dzahˬ-awˇ aˬ gaꞈ dzaˇ uiˇ maˬ dawˇ-eu miˇ neh, ‘Tsawˇ haˬ heu gʼaˬ nehꞈ uˇ-eu tsawˇ haˬ ngaˇ’ lehˇ, yawˬ gʼaˬ na luꞈ ehˇ-eu meh.

Maꞈtehˬ 9:15

Yeˬsuˇ ehˇ-eu, “Oeˇ mˇ baˇ gaˇ laˇ-euˬ tsawˇ haˬ deuˬ, miˬ zaˬ sheuˬ daˆ-eu gʼaˬ aˬ yawꞈ maꞈ nehˬ-ehˇ kʼaˇ jawˇ kʼoeˇ keuˆ ni noeˬ shaˬ tehꞈ-a loˇ. Miˬ zaˬ sheuˬ daˆ-eu tsawˇ haˬ kʼoeˇ gʼaˬ aˬ yawꞈ maꞈ nehˬ-ehˇ maˬ ya jawˇ ni bi sheuˬ byoˆ gʼeh-eu tiˬ nah keuˆ le tehꞈ-a. Kʼoeˇ ngeh jawˇ, aˬ yawꞈ maꞈ maˬ dzaˬ-eu zahˇ jahˇ tehꞈ-a.

Maꞈtehˬ 9:23

Yaw huiˬ yaw mahˇ kʼoeˇ gʼaˬ-euˬ nymˇ-ahˇ Yeˬsuˇ le keuˆ ngeh, tsawˇ shiˇ bawˬ law baw-eu deuˬ kʼawꞈ kʼoeˇ gaˇ jawˇ-awˇ, tsawˇ haˬ gʼawˬ mya ni lawꞈ gʼa luꞈ gaˇ ya mawˇ-euˬ meh.

Luˇkaꞈ 15:25

“Kʼoeˇ ngeh, aˬ li aˬ yuiꞈ gʼaˬ yaˇ ngeh iˇ-euˬ meh. Aˬ yawꞈ gʼoꞈ laˇ-awˇ, nymˇ dzeˇ gʼoꞈ keuˆ laˇ ngeh, caˇ dawˬ caˇ caˇ-ehˇ gaˇ nyeh nyeh-eu teˇ saˇ ya gaˬ-euˬ meh.

Luˇkaꞈ 23:27

Tsawˇ haˬ aˇ maꞈ maꞈ ma hawˇ-eu, Yeˬsuˇ gʼaˇ duˬ noeˬ shaˬ-awˇ tsawˇ ngoeˇ ngoeˇ luꞈ-eu zaˬ miˬ zaˬ deuˬ, Yeˬsuˇ mehˬ nah caw teh luꞈ-eu meh.

Luˇkaꞈ 7:32

Aˬ yawꞈ maꞈ-aˬ, lehˆ lehˆ kawˆ-ahˇ nuiˇ-awˇ tiˬ maꞈ tiˇ maꞈ heu loꞈ-ehˇ guˇ cawˬ luꞈ-eu zaˬ deuˬ-ahˇ duˇ-eu meh. ‘Nga maꞈ tahˬ diˬ-awˇ bawˬ law baw kʼawꞈ, naw maꞈ gaˇ nyeh maˬ nyeh nga tawˇ. Nga maꞈ kuiˇ deuˇ gui kʼawꞈ, naw maꞈ tsawˇ ngoeˇ maˬ ngoeˇ nga tawˇ.’

Luˇkaꞈ 8:52

Kʼoeˇ gaˇ jawˇ-eu tsawˇ haˬ deuˬ aˬ buˇ kʼoeˇ buˇ gʼaˇ duˬ tsawˇ ngoeˇ ngoeˇ-awˇ, noeˬ shaˬ luꞈ-eu meh. Yeˬsuˇ aˬ yawꞈ maꞈ-ahˇ ehˇ nehˬ-eu, “Taˬ ngoeˇ. Aˬ yawꞈ shiˇ-euˬ maˬ ngeuˇ-a. Yuꞈ kʼaˆ taˬ-euˬ tehꞈ meh.”