Maꞈtehˬ 10:37 - Akha

³⁷ “Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ da aˬ ma-ahˇ gaˬ dzehˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a. Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ buˇ aˬ li-ahˇ gaˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ “Ngaq-anr gaq-eu navmaqtser, aqma aqda-anr gaq-eu tsawrhaq-aq, ngaq-anr maqgeux-a. Ngaq-anr gaq-eu navmaqtser, zaq-anr gaq-eu tsawrhaq-aq, ngaq-anr maqgeux-a.

Maꞈtehˬ 10:37 ပူးပေါင်းရင်းမြစ်များ

Aˇ dahˬ 21:11

Dawˬ heu dawˬ baˬ da neh Aˬbyaˬhaˬ nui ma tiˬ pawꞈ-iˬ maˬ saˇ-a. Aˬ jeˬ miˇ neh ehˇ naˇ, Iˇshaˬmeˬlaˇ gʼaˬ kʼawꞈ aˬ yawꞈ-euˬ aˬ li pyeuꞈ-eu meh.

Zaˬkaˬliˇ 13:3

Tsawˇ haˬ tiˬ gʼaˬ na Miˬyehˇ gʼaˇ duˬ ngehˬ dah-eu gʼaˬ paˇ geuꞈ laˇ naˇ, ‘Nawˇ Sahˬpaˬ Miˬyehˇ-euˬ dawˬ ngehˬ dah-eu ma lehˇ ehˇ-awˇ jaˬ myawꞈ myawꞈ-eu miˇ neh ya shiˇ tehꞈ-a’ lehˇ aˬ yawꞈ-euˬ zaˬ baw aˬ ma aˬ da aˬ yawꞈ-ahˇ ehˇ tehꞈ-a. Aˬ yawꞈ miˬyehˇ gʼaˇ duˬ ngehˬ dah ngeh, aˬ yawꞈ-euˬ zaˬ baw aˬ ma aˬ da aˬ yawꞈ-ahˇ tsawˆ sehꞈ tehꞈ-a.

Maꞈtehˬ 22:37

Yeˬsuˇ ehˇ-eu, “‘Nawˬ-euˬ nui ma dawˬ tawˆ luꞈ, nawˬ-euˬ saꞈ laˇ dawˬ tawˆ luꞈ, nawˬ-euˬ nui noeˬ nui duˇ dawˬ tawˆ luꞈ, nawˬ-euˬ Miˬyehˇ pyeuꞈ-eu SahˬpaˬMiˬyehˇ-ahˇ gaˬ-awˬ.’

Maꞈtehˬ 22:8

Kʼoeˇ naˇ, aˬ yawꞈ-euˬ zaˬ kʼaˆ deuˬ-ahˇ aˬ yawꞈ ehˇ nehˬ-eu, ‘Oeˇ mˇ baˇ-eu dah laˇ-euˬ meh. Ehˇ kʼawꞈ, kuˇ taˬ-euˬ tsawˇ haˬ deuˬ oeˇ mˇ baˇ-eu bawˬ-iˬ heu-ahˇ laˇ-eu maˬ geuˇ nga.

Luˇkaꞈ 14:26

“Ngaˬ-euˬ mehˬ nah caw teh laˇ-eu tsawˇ haˬ aˬ geu gʼaˬ maˬ kaˬ, yawˬ ha-euˬ aˬ da aˬ ma, yawˬ ha-euˬ miˬ sawˇ zaˬ, yawˬ ha-euˬ mehˇ nmˇ dmˇ ma deuˬ-ahˇ byehˇ dzeh coeˇ-eu uˬ taꞈ, yawˬ haˇ yawˬ ha maˬ byehˇ dzeh coeˇ naˇ, ngaˬ-euˬ zaˬ lahˇ maˬ geuꞈ nya-a.

Luˇkaꞈ 20:35

Ehˇ kʼawꞈ, gʼoꞈ dehꞈ laˇ-eu geuˇ-awˇ, aˬ kaˇ kaˇ ziˇ laꞈ kʼoeˇ ya dehꞈ ya jawˇ-eu tsawˇ haˬ deuˬ-aˬ, sheuˬ dahˬ dzaˬ taꞈ-eu maˬ paˇ baw meh.

Luˇkaꞈ 21:36

Keuˆ le teuˇ le-eu gaˇ kawˆ kʼoeˇ deuˬ dawˬ tawˆ luꞈ-ahˇ, naw maꞈ dehꞈ dzeuˇ jawˇ dzeuˇ nya ni gʼaˬ tiˬ byah ahˇ-awˇ, Tsawˇhaˬ-euˬ Zaˬmaˇ mehˬ shi ya yawꞈ gaˇ dehꞈ keuˆ nya ni, aˬ myah luꞈ yaw beuˇ beuˇ-ehˇ jawˇ-awˇ guiˬ lahˬ shaˇ-awˬ.”

Yoˇhaˬ 5:23

Kʼoeˇ miˇ neh, tsawˇ haˬ dawˬ tawˆ luꞈ Aˬda-ahˇ taˬ huiˬ taˬ mahˇ-eu loꞈ-ehˇ, Zaˬmaˇ-ahˇ taˬ huiˬ taˬ mahˇ tehꞈ-a. Zaˬ maˇ-ahˇ maˬ taˬ huiˬ-eu tsawˇ haˬ-aˬ, aˬ yawꞈ-ahˇ kʼehˇ gʼeh leꞈ-euˬ Aˬda-ahˇ maˬ taˬ huiˬ gaˇ duˇ-eu meh.

Dawˬmehˬ 33:9

Aˬ da aˬ ma-ahˇ naˆ maˬ tseˇ, nawˬ-ahˇ yawꞈ maꞈ saˇ jaˇ ziꞈ-awˇ, mehˇ nmˇ hawˇ-eu zaˬ-ahˇ maˬ tseˇ, nawˬ-ahˇ nui ma taꞈ dzehˬ-eu meh. Nawˬ-euˬ dawˬ ma saˇ jaˇ laꞈ kʼoeˇ, maˬ poˆ maˬ paˇ ni ziꞈ-eu meh.

Panmaeq 3:4

Ehˇ kʼawꞈ, Saˬdiˇ meuˬ-ahˇ jawˇ-eu naw maꞈ heu myaˆ gʼaˬ-aˬ, mehˬ tsoeˬ maˬ jawꞈ-iˇ-aˬ siˬ. Naw maꞈ ngaˬ nehˬ-ehˇ cah-awˇ, mehˬ tsoeˬ yaw pyuˇ ya dm tehꞈ-a. Aˬ jeˬ miˇ neh ehˇ naˇ, naw maꞈ kʼoeˇ loꞈ-ehˇ mˇ geuˇ-eu tsawˇ haˬ pyeuꞈ-eu meh.

1 Saˬmeuˬlaˆ 2:29

Toˆ-ehˇ ngeuˇ naˇ, ngaˬ-euˬ tsawˇ haˬ deuˬ-ahˇ ngaˬ neh bi lawˇ-euˬ loꞈ-ehˇ, aˬ yawꞈ maꞈ ngaˬ-ahˇ lawˇ nehˬ laꞈ-euˬ jeˬ hawˇ-eu damˬ nehˬ laꞈ-euˬ jeˬ-ahˇ, aˬ jeˬ miˇ neh mehˇ juiˇ juiˇ te. Ngaˬ-ahˇ kʼaˇ lawˇ kʼaˇ shehˇ laˇ-euˬ jeˬ laꞈ kʼoeˇ, kʼaˇ muiˬ kʼaˇ kuiˇ-eu jeˬ-ahˇ nawˬ li deuˬ yuˇ doˆ-awˇ dzaˬ luꞈ gaˇ haw sheˇ. Eˇliˆ-oˇ, nawˬ-euˬ aˬ li deuˬ-ahˇ kʼoeˇ loꞈ-ehˇ bi jahˇ-awˇ, ngaˬ-ahˇ naˆ maˬ tseˇ aˬ yawꞈ maꞈ-ahˇ nawˇ aˬ jeˬ miˇ neh taˬ huiˬ te.