Maꞈtehˬ 10:24 - Akha

²⁴ “Mehˬ-eu saˬ laˬ naˆ maˬ tseˇ huiˬ dzehˬ-eu gʼaˬ zaˬ gʼaˬ kʼehˇ maˬ jawˇ-a. Baw leˬ naˆ maˬ tseˇ huiˬ dzehˬ-eu zaˬ kʼaˆ kʼawꞈ maˬ jawˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ “Zaqlanr-aq, saqlaq taf-aer maq huiqdzaeq-aer, kuirlaf zaqkhav khawf, yawsanr ghaq taf-aer maq huiqdzaeq-ar.

Maꞈtehˬ 10:24 ပူးပေါင်းရင်းမြစ်များ

2 Saˬmeuˬlaˆ 11:11

Uˇliˇyaˆ ehˇ-eu, “Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ aˬ cawˬ-ahˇ guiˇ deuˆ luꞈ-awˇ, Dawˬ ma saˇ jaˇ Bahˬ keuˆ kʼawꞈ, aˬ yawꞈ maꞈ nehˬ-ehˇ jaˆ-eu meh. Nga maꞈ kʼoeˇ taˆ uˆ lahˇ-eu Yoˇbaˬ hawˇ-eu aˬ yawꞈ-euˬ guiˇ maꞈ deuˬ kʼoeˇ taˆ aˬ yuiꞈ geuꞈ luꞈ-eu deuˬ, deh ga-ahˇ guiˇ daˬ daˬ-awˇ jawˇ luꞈ-eu meh. Aˬ yawꞈ maꞈ kʼoeˇ loꞈ-ehˇ guiˇ deuˆ deuˆ-ehˇ jawˇ ngeh, ngaˇ iˇ kahˇ-ahˇ gʼoꞈ-iˇ-awˇ dzaˬ byawˬ dawˇ byawˬ-eu laꞈ kʼoeˇ, ngaˬ-euˬ miˬ zaˬ nehˬ-ehˇ aˬ joˆ-ehˇ yuꞈ taꞈ-iˇ nmˇ. Yawˬ ha-euˬ gʼawˇ mawˇ yaw muiˬ yaw shawˇ shawˇ-ehˇ ya jawˇ-eu, heu loꞈ-ehˇ gʼeh-eu guiˇ deuˆ luꞈ-eu aˇ yamˬ-ahˇ, kʼoeˇ loꞈ-ehˇ gʼeh-eu jeˬ ngaˇ maˬ mˇ.”

Maꞈtehˬ 10:25

Kʼoeˇ miˇ neh, gʼaˬ kʼehˇ gʼaˬ yawˬ ha-euˬ saˬ laˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ-awˇ, zaˬ kʼaˆ gʼaˬ yawˬ ha-euˬ baw leˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ tehꞈ-a. Nymˇ sahˇ aˬ da gʼaˬ-ahˇ Beˬlaˇzeˬbuˇlaˆ lehˇ kuˇ naˇ, nymˇ kʼahˬ zaˬ deuˬ-ahˇ kʼoeˇ naˆ maˬ tseˇ doeˇ-eu tsawˇ myahˇ kuˇ-eu tsaˬ tehꞈ-a.

Luˇkaꞈ 6:40

Dzaw zaˬ-aˬ, mehˬ zaˬ naˆ maˬ tseˇ huiˬ dzehˬ mahˇ dzehˬ ta loˇ. Ehˇ kʼawꞈ, dawˬ tawˆ luꞈ dzaw luiˆ jiˇ-euˬ dzaw zaˬ tiˬ gʼaˬ-aˬ, yawˬ ha-ahˇ mehˬ-euˬ saˬ laˬ gʼaˬ naˆ ni huiˬ keuˆ leˇ nya-eu meh.

Yoˇhaˬ 13:16

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Zaˬ kʼaˆ-aˬ baw leˬ naˆ maˬ tseˇ maˬ huiˬ dzehˬ-aˇ. Myawˬ kʼehˇ gʼoˆ le-euˬ gʼaˬ-aˬ, aˬ yawꞈ-ahˇ kʼehˇ gʼeh leꞈ-euˬ gʼaˬ naˆ maˬ tseˇ maˬ huiˬ dzehˬ-aˇ.

Yoˇhaˬ 15:20

‘Baw leˬ naˆ maˬ tseˇ huiˬ dzehˬ-eu zaˬ kʼaˆ maˬ jawˇ-a’ lehˇ ngaˬ neh naw maꞈ-ahˇ ehˇ nehˬ-euˬ dawˬ-ahˇ taˬ ngehˇ. Aˬ yawꞈ maꞈ ngaˬ-ahˇ kʼehˬ nehˬ kʼaˆ nehˬ laꞈ-euˬ-aˬ, naw maꞈ-ahˇ kʼawꞈ kʼehˬ nehˬ kʼaˆ nehˬ laꞈ tehꞈ-a. Aˬ yawꞈ maꞈ ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ naˇ, naw maꞈ neh mehˬ nehˬ tsoˆ nehˬ-euˬ dawˬ-ahˇ kʼawꞈ naˆ haˬ geuꞈ tehꞈ -a.