Maꞈtehˬ 1:24 - Akha

²⁴ Kʼoeˇ naˇ, Yoˇsehˆ uˬ noeˬ noeˬ laˇ-awˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ neh aˬ yawꞈ-ahˇ ehˇ nehˬ-euˬ loꞈ-ehˇ, Maˬliˇ-ahˇ sheuˬ dahˬ dzaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Yorsaev noeqlar-awr tur-euq nar-aq, Sanqpaq Miqyaer-euq mqtav ghaqkhaer nae aqyawf-anr aernaeq-euq lof-aer Maqliv-anr sheuqdav-euq mae.

Maꞈtehˬ 1:24 ပူးပေါင်းရင်းမြစ်များ

Aˇ dahˬ 6:22

Miˬyehˇ neh kʼaˇ ehˇ nehˬ-euˬ loꞈ-ehˇ Noˇaˬ jahˇ-euˬ meh.

Aˇ dahˬ 7:5

Kʼoeˇ ngeh, Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ Noˇaˬ mˇ-euˬ meh.

Doˆ-iˇ 40:16

Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ-ahˇ Moˇseˬ mˇ-euˬ meh.

Doˆ-iˇ 40:19

Sahˬpaˬ Miˬyehˇ neh dawˬ biꞈ taˬ-eu loꞈ-ehˇ, sehˬ gʼawˆ-ahˇ nyiˬ tiˆ joe kaˬ taˬ-euˬ meh.

Doˆ-iˇ 40:25

Kʼoeˇ naˇ, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Sahˬpaˬ Miˬyehˇ-euˬ mehˬ shi, aˬ yawꞈ tsiˇ kʼmˬ doꞈ-euˬ meh.

Doˆ-iˇ 40:27

Kʼoeˇ naˇ, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, yaw saw jeˬ doꞈ damˬ-euˬ meh.

Doˆ-iˇ 40:32

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Sehˬ gʼawˆ laꞈ kʼoeˇ aˬ yawꞈ maꞈ kʼaˇ uˇ leˇ ngeh, aˬ kuiˇ aˬ laꞈ dzuiꞈ shawˇ-euˬ meh.

Maꞈtehˬ 1:23

“Zaˬ miˬ yaw shawˇ tiˬ gʼaˬ zaˬ tsehˆ leˇ-awˇ, aˬ li tiˬ li ciˬ tehꞈ-a. Aˬ li kʼoeˇ li-ahˇ Eˇmaˬnoeˬlaˇ lehˇ myahˇ tehꞈ-a” lehˇ ehˇ taˬ-euˬ dawˬ jaˆ-eu meh. “Eˇmaˬnoeˬlaˇ” lehˇ ehˇ-eu dawˬ tsuiꞈ-aˬ, “Miˬyehˇ aˬ dui nehˬ-ehˇ jawˇ meh” lehˇ ehˇ mawꞈ-eu meh.

Maꞈtehˬ 1:25

Ehˇ kʼawꞈ, aˬ li kʼoeˇ li maˬ dehꞈ le kʼoeˇ keuˆ ni, aˬ yawꞈ Maˬliˇ nehˬ-ehˇ maˬ yuꞈ taꞈ ni jawˇ-euˬ meh. Aˬ li kʼoeˇ li-ahˇ Yeˬsuˇ lehˇ aˬ yawꞈ myahˇ nehˬ-euˬ meh.

Yoˇhaˬ 15:14

Ngaˬ neh dawˬ biꞈ taˬ-euˬ loꞈ-ehˇ naw maꞈ mˇ naˇ, naw maꞈ ngaˬ-euˬ cawˬ ma.

Gʼaˬkʼehˇ 12:7

Ja pyuˬ ni SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ kʼoeˇ gaˇ yawꞈ le-awˇ, paˬ kuˆ aˇ lawˆ kʼoeˇ lawˆ-ahˇ yaw shehꞈ bya le-euˬ meh. Mˬ taˆ gʼaˬ kʼehˇ kʼoeˇ gʼaˬ Beˬtuˆluˆ-euˬ baꞈ pu-ahˇ ngawˬ zuˆ-awˇ, “Yaw kawˇ-ehˇ tuˇ-awˬ” lehˇ laˆ noeˬ-euˬ meh. Beˬtuˆluˆ-euˬ aˬ laꞈ-ahˇ paꞈ taˬ-euˬ shmˇ caˆ kʼoeˇ deuˬ ga puiˇ-iˇ-euˬ meh.

Gʼaˬkʼehˇ 5:19

Ehˇ kʼawꞈ, kʼoeˇ ngeh miˇ Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ paꞈ kuˆ laˇ gʼoˆ pah le-awˇ, gʼaˬ kʼehˇ deuˬ-ahˇ sheuˬ doˆ nehˬ-awˇ, heu loꞈ-ehˇ ehˇ nehˬ-euˬ meh.