Maꞈtehˬ 1:20 - Akha

²⁰ Kʼoeˇ loꞈ-ehˇ shaˇ noeˬ luꞈ-eu aˇ yamˬ-ahˇ, aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ, heu loꞈ-ehˇ ehˇ-eu meh. “Daˬbiˇ-euˬ aˬ li Yoˇsehˆ-oˇ, Maˬliˇ-ahˇ sheuˬ-eu gaˇ kawˆ taˬ noeˬ shaˬ. Aˬ yawꞈ zaˬ tsehˆ leˇ-euˬ-aˬ, Muiˬ-eu shawˇ-eu Yaw sahˇ Miˬyehˇ baˬ da neh meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Yorsaev khoerlof-aer sharnoeqluf ngae, aqyawf yufmav mav-eu lafkhoer, Sanqpaq Miqyaer-euq mqtav ghaqkhaer dovle-awr heulof-aer aer-eu mae: “Daqbir-euq zaqyo Yorsaev-or, nawq nae aertsaev taq-euq Maqliv-anr sheuqdanq dzaq-eu taq noeqshaq. Aqjeq mirnae aernar-aq, aqyawf piluf-eu zaq-aq, Yawshawr Saflar-euq baqda’nae tsaevler-euq mae.

Maꞈtehˬ 1:20 ပူးပေါင်းရင်းမြစ်များ

Aˇ dahˬ 31:11

Yuꞈ maˆ maˆ-eu laꞈ kʼoeˇ, Miˬyehˇ gʼaˬ kʼehˇ ngaˬ-ahˇ kuˇ le-awˇ, ngaˇ oˬ toˬ nehˬ-euˬ ma.

Aˇ dahˬ 46:3

Miˬyehˇ ehˇ-eu, “Ngaˇ-aˬ, nawˬ da-euˬ Miˬyehˇ pyeuꞈ-eu Miˬyehˇ ma. Iˇjiˇtuˆ miˇ kʼahˬ-ahˇ maˬ guˆ ni iˇ-awˬ. Miˇ kʼahˬ kʼoeˇ kʼahˬ laꞈ kʼoeˇ, nawˬ-euˬ zaˬ nawˬ-euˬ uˆ deuˬ-ahˇ huiˬ-eu tsawˇ jeuˬ bi pyeuꞈ laˇ ma.

1 Sahˬpaˬ 17:13

Kʼoeˇ ngeh, miˬ coeˬ miˬ ma kʼoeˇ gʼaˬ-ahˇ Eˇliˇyaˆ ehˇ nehˬ-eu, “Taˬ noeˬ shaˬ. Gʼoꞈ leˇ-awˇ kaˬ muˇ jahˇ leˇ-awˬ. Nawˇ kʼaˇ jaˆ-eu jeˬ laꞈ kʼoeˇ kaˬ muˇ yaw zaˬ zaˬ-ehˇ tiˬ siˬ jahˇ-awˇ, ngaˇ jawˇ gaˇ jeˬ huˬ yuˇ laꞈ-awˬ. Kʼoeˇ naˇ, kʼaˇ dzeˇ-eu deuˬ naw nyaꞈ ma zaˬ jahˇ dzaˬ-awˬ.

1 Sahˬpaˬ 3:5

Kʼoeˇ ngeh miˇ aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ aˬ yawꞈ jawˇ gaˇ doˆ le-awˇ, “Nawˇ ngaˬ-ahˇ aˬ geu jeˬ shaˇ mawꞈ te” lehˇ ehˇ le-euˬ meh.

Jaceuq 119:125

Ngaˇ-aˬ, nawˬ-euˬ zaˬ kʼaˆ pyeuꞈ-eu ma. Nawˬ neh mehˬ nehˬ tsoˆ nehˬ-euˬ jeˬ-ahˇ ngaˇ gʼoˆ shaw nya ni, noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 143:8

Nawˬ-ahˇ ngaˇ gʼoe luꞈ-eu miˇ neh, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ, yawˬ shawˬ na luꞈ ngaˬ-ahˇ bi noeˬ mawˇ laꞈ. Ngaˬ-euˬ shaˇ dawˬ nawˇ jawˇ gaˇ le keuˆ ngeh, ngaˇ ya iˇ-eu gaˇ ma mehˬ laꞈ.

Jaceuq 94:19

Ngaˇ noeˬ shaˬ noeˬ zahˬ-awˇ noeˬ dui noeˬ duiˇ ngeh, nawˇ ngaˬ-ahˇ nui saˇ bi za-awˇ laˬ kʼaˬ bi cehˇ laꞈ-euˬ meh.

Dawqdaq 12:5

Yaw tsaˬ yaw dawˇ tsawˇ haˬ nui ma dawˇ-awˇ, haiˬ-eu tsawˇ haˬ-euˬ mehˬ bawˬ nui gʼoꞈ ahˇ-eu meh.

Iˇsaˬyaˇ 26:3

Nui ma ziꞈ dah ni gʼeh-awˇ, nawˬ-ahˇ jah-eu tsawˇ haˬ deuˬ-ahˇ, byah dui dui-eu nui saˇ oꞈ-eu jeˬ, Sahˬpaˬ Miˬyehˇ nawˇ biꞈ nehˬ-awˬ.

Iˇsaˬyaˇ 30:21

Naw maꞈ gaˇ oˆ gaˇ taˆ cah lehˬ iˇ lehˬ ngeh, “Gaˇ ma heu gaˇ dahˇ meh. Gaˇ ma-ahˇ cah-awˬ” lehˇ, naw maꞈ-euˬ naˇ kʼah aˬ yawꞈ jawˇ-awˇ ehˇ tehꞈ-a.

Iˇsaˬyaˇ 51:7

“Ngaˬ-euˬ zahˇ dawˬ kʼoꞈ dawˬ nui ma laꞈ kʼoeˇ ahˇ-awˇ, tsaˬ-eu dawˇ-eu jeˬ siˬ nya-eu naw maꞈ, ngaˇ ehˇ gaˇ naˇ haˬ-awˬ. Aˬ cawˬ naw maꞈ-ahˇ yehˬ bawˬ sehˇ lu-ehˇ ehˇ laˇ-awˇ lmˬ gaˇ, naw maꞈ ta guˆ.

Iˇsaˬyaˇ 7:13

Iˇsaˬyaˇ ehˇ-eu, “Sahˬ paˬ Daˬbiˇ-euˬ shiˬ shaˬ pyeuꞈ-eu gʼaˬ-oˇ, naˇ haˬ-awˬ. Tsawˇ haˬ zaˬ maˬ oˇ coeˇ laˇ ni jahˇ-euˬ tehꞈ-ehˇ maˬ juˬ ni, Miˬyehˇ maˬ oˇ coeˇ-ehˇ pyeuꞈ laˇ ni paˇ jahˇ-eu gʼeh te loˇ.

Iˇsaˬyaˇ 7:2

Suˇliˆ guiˇ maꞈ deuˬ Iˇsaˬleˬlaˆ miˇ kʼahˬ-ahˇ oe uiˬ taˬ-euˬ gaˇ kawˆ Yuˇdaˆ sahˬ paˬ ya gaˬ ngeh, aˬ yawꞈ hawˇ-eu aˬ yawꞈ-euˬ tsawˇ haˬ deuˬ dawˬ tawˆ luꞈ guˆ dui dui-iˇ-awˇ, jaˬ lehˇ neh bi baw nyeh-euˬ aˇ bawˇ loꞈ-ehˇ yaw dzuˬ dzuˬ dui dui-euˬ meh.

Yeˬlaˬmiˇ 31:22

Saˇ jaˇ maˬ ziꞈ-eu tsawˇ jeuˬ-oˇ, aˇ myah keuˆ ni nyi naˬ-eu lehˇ gʼeh te. Miˇ tsaˬ kʼoeˇ taˆ yaw shuiꞈ tiˬ jeˬ ngaˇ beh paˇ taˬ-euˬ ma. Kʼaˬ dzeˇ zaˬ-ahˇ zaˬ miˬ zaˬ ya haw piˇ paˬ-ehˇ, tahˬ poˆ-ehˇ beh paˇ taˬ-euˬ ma.”

Yeˬlaˬmiˇ 33:26

Yaˬkoˆ-euˬ zaˬ deuˬ uˆ deuˬ hawˇ-eu ngaˬ-euˬ zaˬ kʼaˆ Daˬbiˇ-ahˇ ngaˬ neh dzaˬ taˬ-euˬ saˇ jaˇ heu, maˬ poˆ maˬ paˇ laˇ ni bi ziꞈ ma. Aˬbyaˬhaˬ, Iˇtsaˆ hawˇ-eu Yaˬkoˆ-euˬ zaˬ deuˬ uˆ deuˬ-ahˇ bi uˆ lahˇ-eu gʼaˇ duˬ, Daˬbiˇ-euˬ zaˬ deuˬ uˆ deuˬ laꞈ kʼoeˇ, sahˬ paˬ tiˬ gʼaˬ ngaˇ tseˇ doˆ ma. Ngaˬ-euˬ tsawˇ jeuˬ-ahˇ ngaˇ gʼawˬ shaˬ gaˬ-awˇ, paˇ bi dehꞈ dzaˬ laˇ ma.”

Yeˬlaˬmiˇ 40:9

Aˬ yawꞈ maꞈ-ahˇ Geˬdaˬliˇ heu loꞈ-ehˇ ehˇ nehˬ-euˬ meh. “Naw maꞈ Baˬbuˇloˬ tsawˇ haˬ deuˬ-ahˇ guˆ-awˇ aˬ yawꞈ maꞈ jawˇ paw cehˆ uˇ leˇ-eu maˬ loˬ-a. Miˇ kʼahˬ heu kʼahˬ laꞈ kʼoeˇ jawˇ-awˇ, Baˬbuˇloˬ sahˬ paˬ-euˬ gaˇ mˇ-awˬ. Naw maꞈ yaw muiˬ-ehˇ ya dehꞈ ya jawˇ tehꞈ-a.

Yawˇlaˆ 2:28

“Aˬ kaˇ keuˆ laˇ-eu aˇ yamˬ-ahˇ, yawˬ gʼaˬ yawˬ na luꞈ-euˬ kʼoeˇ taˆ, ngaˬ-euˬ yaw sahˇ shehˆ daˆ nehˬ-awˇ, naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Tsawˇ mawˬ deuˬ yuꞈ maˆ maˆ mawˇ-awˇ, zaˬ guˬ deuˬ kʼawꞈ yaw sahˇ laꞈ kʼoeˇ, siˬ-eu mawˇ-eu jeˬ za tehꞈ-a.

Bawˇtsahˬ 12:6

Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.

Maꞈtehˬ 1:18

Yeˬsuˇ Ka li dehꞈ le-euˬ gaˇ kawˆ-aˬ, heu loꞈ-ehˇ meh. Aˬ yawꞈ-euˬ aˬ ma Maˬliˇ-aˬ, Yoˇsehˆ-ahˇ dahˬ dzaˬ-iˇ-eu gʼaˇ duˬ ngehˬ cawˬ tsehˆ taˬ-euˬ meh. Ehˇ kʼawꞈ, Maˬliˇ-aˬ, aˬ yawꞈ nyaꞈ oeˇ mˇ maˬ baˇ mi naˆ-ehˇ, Muiˬ-eu shawˇ-eu Yaw sahˇ Miˬyehˇ baˬ da neh zaˬ tsehˆ leˇ-euˬ gaˇ kawˆ, yawˬ haˇ yawˬ ha ya siˬ-euˬ meh.

Maꞈtehˬ 2:12

Aˬ yawꞈ maꞈ sahˬ paˬ Heˬloˆ jawˇ gaˇ maˬ ya gʼoꞈ-iˇ ni, yuꞈ maˆ maˆ-eu laꞈ kʼoeˇ Miˬyehˇ neh aˬ yawꞈ maꞈ-ahˇ ehˇ nehˬ-euˬ miˇ neh, yawˬ paw yawˬ gaˇ jaw jaw-awˇ aˬ yawꞈ maꞈ-euˬ miˇ kʼahˬ-ahˇ gʼoꞈ-iˇ-euˬ meh.

Maꞈtehˬ 2:13

Aˬ yawꞈ maꞈ gʼoꞈ-iˇ dzeuˇ ngeh, Yoˇsehˆ yuꞈ maˆ maˆ-eu laꞈ kʼoeˇ Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ doˆ le-awˇ, heu loꞈ-ehˇ ehˇ-eu meh. “Aˬ li zaˬ nahˬ heu gʼaˬ-ahˇ sehꞈ-eu lehˇ Heˬloˆ poˆ tehꞈ-a. Kʼoeˇ miˇ neh tuˇ-awˇ, aˬ nyaꞈ ma zaˬ-ahˇ sheuˬ-awˇ, Iˇjiˇtuˆ miˇ kʼahˬ-ahˇ cehˆ-awˬ. Ngaˇ nawˬ-ahˇ maˬ ngehˬ cawˬ le kʼoeˇ keuˆ ni, kʼoeˇ gaˇ jawˇ-awˬ.”

Maꞈtehˬ 2:19

Heˬloˆ shiˇ dzeuˇ ngeh jawˇ, Iˇjiˇtuˆ miˇ kʼahˬ-ahˇ Yoˇsehˆ yuꞈ maˆ maˆ-eu laꞈ kʼoeˇ, SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ ehˇ-eu,

Maꞈtehˬ 2:22

Ehˇ kʼawꞈ, Heˬloˆ-euˬ dah zaˇ aˬ yawꞈ-euˬ aˬ li Aˬgeˬlaˇ gʼaˬ Yuˇdaˆ miˇ kʼahˬ-euˬ sahˬ paˬ geuꞈ luꞈ-eu Yoˇsehˆ ya gaˬ ngeh, kʼoeˇ gaˇ maˬ gʼoꞈ leˇ peuˬ-a. Yuꞈ maˆ maˆ-eu laꞈ kʼoeˇ aˬ yawꞈ-ahˇ tiˬ poˆ paˇ mehˬ gahˇ nehˬ-euˬ loꞈ-ehˇ, Gaˬliˬlehˇ miˇ kʼahˬ-ahˇ le-euˬ meh.

Maꞈtehˬ 27:19

Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ Piˇlaˆ nuiˇ luꞈ ngeh, aˬ yawꞈ-euˬ nymˇ dahˬ heu loꞈ-ehˇ dawˬ tsaꞈ tsaꞈ ahˇ leꞈ-euˬ meh. “Iˬ baˇ maˬ ahˇ-eu tsawˇ haˬ kʼoeˇ gʼaˬ-ahˇ tiˬ jeˬ-iˬ taˬ jahˇ. Miˇ ciꞈ ngaˇ yuꞈ maˆ maˆ-eu laꞈ kʼoeˇ, aˬ yawꞈ baˬ da neh shaˬ zahˬ mˇ dui dui-euˬ ma.”

Maꞈtehˬ 28:5

Mˬ taˆ gʼaˬ kʼehˇ kʼoeˇ gʼaˬ zaˬ miˬ zaˬ kʼoeˇ nyiˬ gʼaˬ-ahˇ heu loꞈ-ehˇ ehˇ nehˬ-euˬ meh. “Naw nyaꞈ taˬ guˆ. Laꞈ yaꞈ kʼoeˇ taˆ bi taꞈ sehꞈ-euˬ Yeˬsuˇ kʼoeˇ gʼaˬ-ahˇ naw nyaꞈ poˆ luꞈ-eu ngaˇ siˬ nya ma.

Luˇkaꞈ 1:19

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Ngaˇ-aˬ, Miˬyehˇ-euˬ mehˬ shi yawꞈ-awˇ myawˬ kʼehˇ gʼoˆ luꞈ-eu Gaˬbeˬlaˇ ma. Aˬ yawꞈ ngaˬ-ahˇ kʼehˇ gʼeh leꞈ-awˇ, laˬ kʼaˬ cehˇ dui dui laˇ paˬ-ehˇ gʼeh-eu gaˇ kawˆ heu nawˬ-ahˇ bi tsaꞈ gaˬ le-euˬ meh.

Luˇkaꞈ 2:4

Yoˇsehˆ-aˬ, sahˬ paˬ Daˬbiˇ-euˬ tsuiꞈ-ahˇ taꞈ-eu miˇ neh, Gaˬliˬlehˇ miˇ kʼahˬ Naˬzaˬlehˇ meuˬ-ahˇ neh Sahˬpaˬ Daˬbiˇ dehꞈ le-euˬ meuˬ pyeuꞈ-eu Yuˇdaˆ miˇ kʼahˬ Behˬlehˬhehˬ meuˬ-ahˇ iˇ-euˬ meh.

Gʼaˬkʼehˇ 5:19

Ehˇ kʼawꞈ, kʼoeˇ ngeh miˇ Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ paꞈ kuˆ laˇ gʼoˆ pah le-awˇ, gʼaˬ kʼehˇ deuˬ-ahˇ sheuˬ doˆ nehˬ-awˇ, heu loꞈ-ehˇ ehˇ nehˬ-euˬ meh.

Panmaeq 19:7

Aˬyawꞈ huiˬ dui mahˇ dui dui gaˇ, laˬ kʼaˬ cehˇ-awˇ ja ceuˬ kaˇ-euˇ. Aˬ jeˬ miˇ neh ehˇ naˇ, Yawˇ zaˬ oeˇ mˇ baˇ-eu gʼeh-awˇ, zaˬ miˬ lehˬ hmˬ dah taˬ-euˬ meh.

Yaˇ kʼaˬ daˇ 13:3

Sahˬpaˬ Miˬyehˇ-euˬ gʼaˬ kʼehˇ miˬ zaˬ gʼaˬ jawˇ gaˇ oe-awˇ ehˇ-eu, “Nawˇ-aˬ, zaˬ tiˬ gʼaˬ-iˬ maˬ jawˇ le haw-aˬ. Ehˇ kʼawꞈ, gʼawˬ myahˇ maˬ gʼeh-ehˇ nawˇ aˬ nyiˇ pi leˇ-awˇ, aˬ li tiˬ li ya ciˬ tehꞈ-a.