Maꞈtehˬ 1:17 - Akha

¹⁷ Aˬbyaˬhaˬ-ahˇ neh Daˬbiˇ-ahˇ keuˆ ni tseˇ oeˬ tsuiꞈ meh. Daˬbiˇ-ahˇ neh Baˬbuˇloˬ miˇ kʼahˬ-ahˇ bi nyehꞈ ka gʼeh-euˬ ziˇ-ahˇ keuˆ ni tseˇ oeˬ tsuiꞈ meh. Kʼoeˇ ziˇ-ahˇ neh Ka li-ahˇ keuˆ ni tseˇ oeˬ tsuiꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoermirnae, Aqbyaqhaq-anr nae Daqbir-anr keuvni 14 tsuif byan-eu mae. Daqbir-anr nae Baqburloq mirkhanq-anr bi nyaefghae ngae keuvni 14 tsuif, Baqburloq mirkhanq-anr bi nyaefghae-euq ngae-anr nae Kali-anr keuvni khawf 14 tsuif-eu byan mae.

Maꞈtehˬ 1:17 ပူးပေါင်းရင်းမြစ်များ

2 Sahˬpaˬ 24:14

Sahˬ paˬ-euˬ aˬ li dawˬ tawˆ luꞈ hawˇ-eu, aˬ yuiꞈ aˬ tsu dawˬ tawˆ luꞈ ahˇ leˇ-ehˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ tiˬ muiˇ gʼaˬ-ahˇ, Neˬbuˬkaˬneˬzaˬ nyehꞈ gʼeh-euˬ meh. Ba jiˬ hawˇ-eu laꞈ myawˬ laꞈ sawˆ kʼaˇ nya-eu tsawˇ haˬ dawˬ tawˆ luꞈ-ahˇ kʼawꞈ, aˬ yawꞈ neh nyehꞈ gʼeh-awˇ, yaw shaˬ zaˬ deuˬ tehꞈ-ehˇ Yuˇdaˆ miˇ kʼahˬ laꞈ kʼoeˇ bi jawˇ yaꞈ-euˬ meh.

Maꞈtehˬ 11:2

Ka li mˇ luꞈ shaˇ luꞈ-eu gaˇ kawˆ kʼoeˇ deuˬ-ahˇ, tawˬ-ahˇ uˇ luꞈ-eu Iˇ cuꞈ shawˇ-eu Yoˇhaˬ ya gaˬ ngeh, aˬ yawꞈ-euˬ zaˬ lahˇ tiˬ paˆ na deuˬ-ahˇ aˬ yawꞈ jawˇ gaˇ kʼehˇ gʼeh-euˬ meh.

Yoˇhaˬ 1:41

Aˬ yawꞈ-euˬ mehˇ nmˇ Siˇmoˬ-ahˇ aˬ yawꞈ yaw kawˇ-ehˇ poˆ mawˇ-awˇ, “Nga nyaꞈ Meˬsiˇyaˆ-ahˇ ya mawˇ gʼaˬ-euˬ ma” lehˇ ehˇ nehˬ-euˬ meh. (ʼMeˬsiˇyaˆʼ hawˇ-eu ʼKa liʼ lehˇ ehˇ-eu tsawˇ myahˇ heu nyiˬ myahˇ dawˬ tsuiꞈ tiˬ kawˆ meh.)