Maˬlaˬkiˇ 3:3 - Akha

³ Pyuˇ kʼoˇ baw guiˇ-awˇ laˆ shawˇ-eu loꞈ-ehˇ, yaˇ kʼaˬ daˇ-eu gʼaˇ duˬ aˬ yawꞈ oe tehꞈ-a. Piˇ ma deuˬ Sahˬpaˬ Miˬyehˇ-ahˇ tsaˬ-eu dawˇ-eu lawˇ-eu jeˬ lawˇ nehˬ laˇ ni, baw baw-eu tsawˇ haˬ pyuˇ hawˇ-eu shuiˇ baw guiˇ-awˇ laˆ shawˇ-eu loꞈ-ehˇ, Sahˬpaˬ Miˬyehˇ-euˬ dawˬ tsaꞈ dawˬ dzawˇ mˇ-eu gʼaˬ piˇ ma kʼoeˇ deuˬ-ahˇ shawˇ tehꞈ-a.

Maˬlaˬkiˇ 3:3 ပူးပေါင်းရင်းမြစ်များ

Jaceuq 116:17

Nawˬ-euˬ guiˬ lahˬ-ahˇ noeˬ keuˆ-eu lawˇ-eu jeˬ ngaˇ lawˇ-awˇ, nawˬ-ahˇ ngaˇ guiˬ lahˬ shaˇ ma.

Jaceuq 4:5

Tsaˬ-eu dawˇ-eu lawˇshehˇ-eu jeˬ SahˬpaˬMiˬyehˇ-ahˇ lawˇ nehˬ-awˇ, yawꞈ-ahˇtehꞈ-ehˇ naw maꞈ gʼoe-awˬ.

Jaceuq 4:6

“Sahˬpaˬ Miˬyehˇ-oˇ, nga maꞈ-ahˇ, gʼawˬshaˬtiˬpoˆhaw gaˬlaꞈ-awˇ, guiˬlahˬ shehˬlahˬnehˬlaꞈ-awˬ” lehˇ tsawˇhaˬgʼawˬmya ni shaˇ-eu meh.

Jaceuq 50:14

Guiˬ lahˬ-ahˇ noeˬ keuˆ-eu jeˬ naw maꞈ neh Miˬyehˇ-ahˇ lawˇ nehˬ-euˬ jeˬ bi pyeuꞈ-awˇ, naw maꞈ neh saˇ jaˇ kʼaˇ dzaˬ taˬ-euˬ loꞈ-ehˇ, Baoˬ huiˬ-eu gʼaˬ-ahˇ biꞈ-awˬ.

Jaceuq 50:23

Guiˬ lahˬ noeˬ keuˆ-awˇ, ja ceuˬ-eu jeˬ-aˬ, ngaˬ-ahˇ taˬ huiˬ-eu lawˇ-eu jeˬ pyeuꞈ-eu meh. Ngaˬ-euˬ ehˇ dawˬ kʼaˇ naˇ haˬ geuꞈ-eu deuˬ-ahˇ, ngaˇ aˬ diˇ ka kʼoꞈ nehˬ ma.”

Jaceuq 51:19

Kʼoeˇ naˇ, nawˇ nui kʼahˇ shiˇ-eu tsaˬ-eu dawˇ-eu lawˇ-eu jeˬ pyeuꞈ-eu, miˬ dzaˬ-ahˇ dzah puiˆ-awˇ lawˇ-eu jeˬ hawˇ-eu, mawˇ neˇ mawˇ gaw deuˬ-ahˇ nawˬ-euˬ lawˇ duˬ kʼoeˇ taˆ ya lawˇ tehꞈ-a.

Jaceuq 66:10

Miˬyehˇ-oˇ, nga maꞈ-ahˇ nawˇ lawˬ haw-euˬ meh. Pyuˇ-ahˇ miˬ dzaˬ neh lawˬ haw-eu loꞈ-ehˇ lawˬ haw nehˬ laꞈ-euˬ meh.

Dawqdaq 17:3

Shuiˇ hawˇ-eu pyuˇ-ahˇ miˬ dzaˬ neh lawˬ haw-awˇ, tsawˇ haˬ zaˬ-euˬ nui ma-ahˇ Sahˬpaˬ Miˬyehˇ lawˬ haw-eu meh.

Dawqdaq 25:4

Pyuˇ pyuˇ kʼoˇ laꞈ kʼoeˇ ahˇ-eu maˬ muiˬ-eu deuˬ kʼaˇ shawˇ doˆ ngeh, ba jiˬ tiˬ gʼaˬ muiˬ dui dui-eu myawˬ guˇ tehˆ doˆ nya-eu meh.

Iˇsaˬyaˇ 1:25

Nawˬ-ahˇ ngaˇ do yuˇ ma. Pyuˇ baw guiˇ-awˇ laˆ shawˇ geuꞈ-eu loꞈ-ehˇ, nawˬ-euˬ iˬ baˇ ngaˇ laˆ shawˇ ma.

Iˇsaˬyaˇ 48:10

Pyuˇ-ahˇ miˬ dzaˬ neh lawˬ haw-eu loꞈ-ehˇ, guˆ-eu gaˆ-eu miˬ dzaˬ laꞈ kʼoeˇ, nawˬ-ahˇ ngaˇ lawˬ haw-awˇ, nawˇ gaˇ dahˇ maˬ tsoeˬ-eu laˆ duˬ-euˬ ma.

Iˇsaˬyaˇ 61:6

Naw maꞈ-ahˇ Sahˬpaˬ Miˬyehˇ-euˬ piˇ ma lehˇ kuˇ-awˇ, aˬ dui Miˬyehˇ-euˬ gʼaˬ zaˬ lehˇ myahˇ tehꞈ-a. Miˇ kʼahˬ tsawˇ jeuˬ deuˬ-euˬ pyuˇ shuiˇ naw maꞈ dzaˬ-awˇ, aˬ yawꞈ maꞈ-euˬ pyuˇ shuiˇ myawˬ gahˬ, naw maꞈ-euˬ kʼahˬ sehˇ pyeuꞈ tehꞈ-a.

Yeˬlaˬmiˇ 9:7

Kʼoeˇ miˇ neh Baoˬ huiˬ-eu Sahˬpaˬ Miˬyehˇ ehˇ-eu, “Shmˇ puiˆ neˇ-awˇ tsehˬ ka haw-eu loꞈ-ehˇ, ngaˬ-euˬ tsawˇ haˬ deuˬ-ahˇ ngaˇ lawˬ haw ma. Ngaˬ-euˬ tsawˇ haˬ iˬ baˇ mˇ-euˬ miˇ neh, ngaˇ aˬ jeˬ paˇ gʼeh nehˬ nya nmˇ.

Yeˬsaˬgeˬlaˇ 20:38

Naw maꞈ laꞈ kʼoeˇ ngaˬ-ahˇ puiˬ-awˇ iˬ baˇ mˇ-eu deuˬ ngaˇ yuˇ dzeh ma. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ, nymˬ-mˇ aˬ yawꞈ maꞈ ya jawˇ luꞈ-eu miˇ kʼahˬ laꞈ kʼoeˇ neh ngaˇ sheuˬ doˆ nehˬ ma. Ehˇ kʼawꞈ, Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ maꞈ maˬ bi gʼoꞈ jawˇ laˇ. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˆ kawˆ naw maꞈ ya siˬ duˬ tehꞈ-a.”

Daˬyeˬlaˇ 11:35

Zaˬ siˬ tsawˇ gahˇ byah-eu aˬ yuiꞈ aˬ tsu tiˬ paˆ na deuˬ bi sehꞈ tehꞈ-a. Ehˇ kʼawꞈ kʼoeˇ loꞈ-ehˇ bi sehꞈ-euˬ baˬ da neh, tsawˇ haˬ zaˬ deuˬ muiˬ laˇ shawˇ laˇ tehꞈ-a. Miˬyehˇ neh lehˬ hmˬ taˬ-euˬ aˇ saˬ saˬ-eu aˇ yamˬ keuˆ laˇ ngeh keuˆ ni, kʼoeˇ loꞈ-ehˇ pyeuꞈ pyeuꞈ-ehˇ jaˆ tehꞈ-a.

Daˬyeˬlaˇ 12:10

Tsawˇ haˬ gʼawˬ mya ni muiˬ laˇ shawˇ laˇ tehꞈ-a. Haiˬ-eu tsawˇ haˬ deuˬ-aˬ, gaˇ kawˆ heu maˬ siˬ nya ni yaw haiˬ jeˬ mˇ mˇ-ehˇ jawˇ tehꞈ-a. Ehˇ kʼawꞈ, tsawˇ gahˇ ahˇ-eu deuˬ-aˬ, gʼoˆ shaw nya tehꞈ-a.

Hawˇseˬ 14:2

Guiˬ lahˬ shaˇ dawˬ heu yuˇ laꞈ-awˇ, lawˇ-eu shehˇ-eu tiˬ jeˬ loꞈ-ehˇ, Sahˬpaˬ Miˬyehˇ-ahˇ damˬ nehˬ-awˬ. “Nga maꞈ-euˬ iˬ baˇ pyehˬ laꞈ-awˇ, nga maꞈ shaˇ dawˬ naˇ haˬ nehˬ laꞈ. Nga maꞈ saˇ jaˇ dzaˬ-euˬ loꞈ-ehˇ, nawˬ-ahˇ nga maꞈ ja ceuˬ-eu ma.

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Bawˇtsahˬ 8:6

“Iˇsaˬleˬlaˆ tsawˇ haˬ deuˬ hawˇ-eu Leˬbiˇ tsawˇ haˬ biˇ paˆ-awˇ, Leˬbiˇ tsawˇ haˬ deuˬ bi muiˬ bi shawˇ laˇ-eu zahˇ jahˇ-awˬ.

Luˇkaꞈ 3:16

Kʼoeˇ ngeh, aˬ yawꞈ maꞈ dawˬ tawˆ luꞈ-ahˇ Yoˇhaˬ heu loꞈ-ehˇ ehˇ kʼoꞈ nehˬ-euˬ meh. “Ngaˇ naw maꞈ-ahˇ iˇ cuꞈ laꞈ kʼoeˇ iˇ cuꞈ shawˇ nehˬ-eu ma. Ehˇ kʼawꞈ, ngaˇ naˆ maˬ tseˇ huiˬ dzehˬ mahˇ dzehˬ-eu gʼaˬ oe luꞈ meh. Ngaˇ-aˬ, aˬ yawꞈ-euˬ sehˬ nawˆ aˇ caˆ puiˇ nehˬ-eu tehꞈ-ehˇ kʼawꞈ, mˇ-eu maˬ geuˇ nya. Aˬ yawꞈ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu miˬ dzaˬ laꞈ kʼoeˇ, naw maꞈ-ahˇ iˇ cuꞈ shawˇ nehˬ laꞈ tehꞈ-a.

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Lormav 15:16

Yuˇdaˆ tsawˇ haˬ maˬ ngeuˇ-eu deuˬ-euˬ gʼaˇ duˬ gaˇ bi mˇ-eu lehˇ, ngaˬ-ahˇ Yeˬsuˇ Ka li-euˬ zaˬ kʼaˆ bi geuꞈ laꞈ-euˬ meh. Miˬyehˇ-euˬ Laˬ kʼa cehˇ-eu Guiˬ lahˬ dawˬ mehˬ-eu gaˇ-ahˇ taꞈ leˇ-awˇ, piˇ ma tiˬ gʼaˬ loꞈ-ehˇ ngaˇ gaˇ mˇ luꞈ-eu ma. Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ-ahˇ lawˇ nehˬ-euˬ jeˬ loꞈ-ehˇ Miˬyehˇ ha geuꞈ nya ni, Muiˬ-eu Shawˇ-eu Yaw sahˇ Miˬyehˇ neh Miˬyehˇ-ahˇ damˬ nehˬ-euˬ jeˬ loꞈ-ehˇ bi pyeuꞈ-eu gʼaˇ duˬ, piˇ ma tiˬ gʼaˬ loꞈ-ehˇ ngaˇ mˇ luꞈ-eu ma.

Piˇliˇpiˆ 2:17

Naw maꞈ-euˬ jah-eu jeˬ Miˬyehˇ-ahˇ lawˇ nehˬ-euˬ kʼoeˇ taˆ, ngaˬ-euˬ shiˬ ya shehˆ daˆ nehˬ law hawˇ kʼawꞈ, ngaˇ nui kʼahˇ shiˇ-awˇ, naw maꞈ dawˬ tawˆ luꞈ nehˬ-ehˇ tiˬ kawˆ loꞈ-ehˇ laˬ kʼaˬ caw cehˇ-eu ma.

Piˇliˇpiˆ 4:18

Naw maꞈ neh kʼaˇ biꞈ laꞈ-euˬ yawˬ jeˬ na luꞈ gʼaˇ duˬ, guiˬ lahˬ huiˬ-eu dawˬ tsaꞈ ahˇ laꞈ-eu ma. Ngaˇ loˬ-eu myaˆ maˬ tseˇ naw maꞈ ngaˬ-ahˇ biꞈ laˬ-euˬ meh. Naw maꞈ neh biꞈ laꞈ-euˬ laꞈ sawˬ deuˬ-ahˇ Iˇbaˬpawˬdiˇ neh hehˇ keuˆ nehˬ leꞈ-euˬ miˇ neh, ngaˇ kʼaˇ loˬ-eu jeˬ nymˬ-mˇ byah miˇ-a. Laꞈ sawˬ heu deuˬ-aˬ, Miˬyehˇ nui kʼahˇ shiˇ-awˇ ha geuꞈ-euˬ saw dui dui-eu lawˇ-eu jeˬ pyeuꞈ-eu meh.

2 Tiˆmoˇseˬ 4:6

Ngaˇ-aˬ, ngaˬ-euˬ gʼawˇ mawˇ ya lawˇ nehˬ-eu aˇ yamˬ keuˆ le-euˬ meh. Miˇ tsaˬ kʼoeˇ taˆ yaw dehꞈ dehꞈ-eu jeˬ-ahˇ byehˇ yaꞈ-awˇ ya gʼoꞈ leˇ-eu aˇ yamˬ nymˬ-mˇ keuˆ le taˬ-euˬ meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

HeˬByehˇ 12:10

Aˬ dui-euˬ zaˬ baw aˬ da deuˬ-aˬ aˬ yawꞈ maꞈ neh tsaˬ meh lehˇ noeˬ-euˬ loꞈ-ehˇ aˬ dui-ahˇ tiˬ kʼehˇ laˇ kʼehˬ mehˬ paˇ zuiˆ paˇ-eu meh. Ehˇ kʼawꞈ, Miˬyehˇ aˬ dui-ahˇ mehˬ-eu zuiˆ-eu kʼoeˇ-aˬ, aˬ dui gʼaˇ duˬ muiˬ ni mˇ-eu jeˬ pyeuꞈ-eu meh. Aˬ yawꞈ loꞈ-ehˇ bi muiˬ bi shawˇ laˇ-eu gʼaˇ duˬ mˇ-eu meh.

1 Beˬtuˆluˆ 1:7

Lawˬ haw-eu kʼoeˇ-aˬ, naw maꞈ-euˬ jah-eu jeˬ maˇ jawˆ ni gʼeh-eu gaˇ kawˆ bi siˬ duˬ laˇ-eu gʼaˇ duˬ meh. Laˆ piˬ laˆ byoˆ nya-eu jeˬ pyeuꞈ-eu shuiˇ-ahˇ kʼawꞈ miˬ dzaˬ neh ya lawˬ haw-eu-aˬ, shuiˇ naˆ maˬ tseˇ poeˬ dui lawˬ dui dui-eu naw maꞈ-euˬ jah-eu jeˬ-ahˇ kʼawꞈ ya bi lawˬ haw tehꞈ-a. Kʼoeˇ naˇ, Yeˬsuˇ Ka li-ahˇ bya cehˆ ni ya mawˇ ngeh nah Miˬyehˇ naw maꞈ-ahˇ ja ceuˬ nehˬ laꞈ-awˇ, yaw shehꞈ kʼahˬ sehˇ bi za-eu uˬ taꞈ, ciˬ huiˬ ciˬ mahˇ nehˬ laꞈ tehꞈ-a.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.

Panmaeq 1:6

Kʼoeˇ uˬ taꞈ, aˬ yawꞈ-euˬ Aˬda Miˬyehˇ-euˬ gaˇ bi mˇ-eu gʼaˇ duˬ, aˬ dui-ahˇ piˇ ma-euˬ miˇ kʼahˬ tiˬ kʼahˬ bi pyeuꞈ laˇ-euˬ meh. Yaw shehꞈ kʼahˬ sehˇ hawˇ-eu baoˬ, mˬ maˬ maˬ byaˆ zaˇ ziˇ Yeˬsuˇ Ka li-ahˇ jaˆ luꞈ-uˇ. Aˬ miˬ.

Panmaeq 3:18

Kʼoeˇ miˇ neh, nawˇ smˇ muiˬ bi muiˬ laˇ-eu gʼaˇ duˬ, ngaˇ jawˇ gaˇ maˇ jawˆ ni gʼeh-eu shuiˇ zeuˇ laˇ-awˬ lehˇ nui noeˬ nui duˇ biꞈ-eu ma. Nawˇ dm-eu gʼaˇ duˬ mehˬ tsoeˬ yaw pyuˇ kʼawꞈ zeuˇ-awˇ, shaꞈ dawˇ dui dui paˬ-ehˇ neˇ myawˆ ni gʼeh-eu nawˬ-euˬ gʼawˇ mawˇ-ahˇ dm kaˬ-awˬ. Nawˬ-euˬ myaˆ nuiˆ mawˇ nya laˇ ni, myaˆ nuiˆ-ahˇ dawˆ-eu tsiˇ zeuˇ-awˬ.

Panmaeq 5:10

Yawꞈ maꞈ Miˬyehˇ-euˬ gaˇ mˇ-eu, piˇ ma miˇkʼahˬ pyeuꞈ laˇ nya ni, nawˬ neh jahˇ nehˬ gʼaˬ-euˬ loꞈ-ehˇ, yawꞈ maꞈ miˇ tsaˬ heu-euˬ kʼoeˇ taˆ, uˆ lahˇ-eu deuˬ ya geuꞈ tehꞈ-a.”