Maˬlaˬkiˇ 2:15 - Akha

¹⁵ Nyiˬ gʼaˬ-euˬ tiˬ mawˇ do tehꞈ-ehˇ pyeuꞈ-awˇ, nui ma tiˬ siˬ tehꞈ-ehˇ taꞈ ni Miˬyehˇ jahˇ-euˬ maˬ ngeuˇ-a loˇ. Aˬ yawꞈ-euˬ noeˬ tmˬ duˬ aˬ joˆ-ehˇ jaˆ ta. Naw nyaꞈ o neh jeuˬ le o le-euˬ zaˬ deuˬ Miˬyehˇ-euˬ tsawˇ haˬ maˇ maˇ ni pyeuꞈ laˇ gaˇ noeˬ tmˬ-euˬ maˬ ngeuˇ-a loˇ. Kʼoeˇ miˇ neh, naw maꞈ tiˬ gʼaˬ-iˬ yawˬ ha-euˬ miˬ zaˬ-ahˇ saˇ jaˇ taˬ puiˬ.

Maˬlaˬkiˇ 2:15 ပူးပေါင်းရင်းမြစ်များ

Aˇ dahˬ 1:27

Kʼoeˇ naˇ, tsawˇ haˬ zaˬ-ahˇ Miˬyehˇ beh-euˬ meh. Tsawˇ haˬ zaˬ-ahˇ aˬ yawꞈ beh ngeh, aˬ yawꞈ-ahˇ duˇ ni beh-euˬ meh. Zaˬ miˬ zaˬ hawˇ-eu kʼaˬ dzeˇ zaˬ aˬ yawꞈ beh-euˬ meh.

Aˇ dahˬ 2:7

Kʼoeˇ ngeh, Miˬyehˇ pyeuꞈ-eu Sahˬpaˬ Miˬyehˇ miˇ tsaˬ-ahˇ shaˬ jehˆ ui cuiˆ tsuˆ doˆ-awˇ, tsawˇ haˬ mawˇ kawˇ tehˆ-euˬ meh. Kʼoeˇ naˇ, naˇ mehˇ laꞈ kʼoeˇ dehꞈ-eu saꞈ laˇ baw ahˇ nehˬ ngeh, tsawˇ haˬ kʼoeˇ gʼaˬ yaw dehꞈ dehꞈ laˇ-euˬ meh.

Aˇ dahˬ 24:44

Zaˬ miˬ aˬ buˇ zaˬ guˬ kʼoeˇ gʼaˬ ngaˬ-ahˇ iˇ cuꞈ bi dawˇ laꞈ-eu uˬ taꞈ, ngaˬ-euˬ law taw deuˬ-ahˇ kʼawꞈ iˇ cuꞈ bi dawˇ ma lehˇ aˬ yawꞈ ehˇ naˇ, zaˬ miˬ aˬ buˇ zaˬ guˬ kʼoeˇ gʼaˬ-aˬ, ngaˬ-euˬ baw leˬ-euˬ aˬ li gʼaˇ duˬ tseˇ doˆ taˬ-euˬ zaˬ miˬ aˬ buˇ pyeuꞈ luꞈ-uˇ’ lehˇ shaˇ-euˬ ma.

Aˇ dahˬ 27:46

Iˇtsaˆ-ahˇ Leˬbehˇkaꞈ ehˇ nehˬ-eu, “Aˬ cawˬ tsawˇ jeuˬ pyeuꞈ-eu Iˇsawˇ-euˬ miˬ zaˬ deuˬ baˬ da neh ngaˇ nui ma cawˆ dui dui nya. Yaˬkoˆ gʼaˬ kʼawꞈ, Heˬtaˆ tsawˇ jeuˬ-ahˇ paˇ sheuˬ lawˬ naˇ, ngaˇ shiˇ-eu maˬ ngeuˇ naˇ maˬ paˇ dzeˇ miˇ-a.”

Aˇ dahˬ 6:2

Kʼoeˇ ngeh, mˬ taˆ zaˬ yo deuˬ miˇ tsa zaˬ miˬ kʼoeˇ deuˬ aˇ gʼehˇ muiˬ gaˇ ya mawˇ-awˇ, yawˬ ha kʼaˇ mawꞈ leˇ-eu gʼaˬ-ahˇ sheuˬ geuꞈ-euˬ meh.

Eˇzaˬlaˬ 9:4

Ngaˇ noeˬ shaˬ dui dui-eu laꞈ kʼoeˇ uˬ ciꞈ uˬ taw paw poˆ lawˇ-eu shehˇ-eu yamˬ keuˆ laˇ ngeh keuˆ ni kʼoeˇ loꞈ-ehˇ dzuˇ luꞈ ngeh, Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ kʼoeˇ deuˬ neh mˇ-euˬ iˬ baˇ gaˇ kawˆ-ahˇ Iˇsaˬleˬlaˆ tsawˇ jeuˬ-euˬ Miˬyehˇ neh ehˇ-euˬ gaˇ kʼaˇ guˆ-eu tsawˇ haˬ dawˬ tawˆ luꞈ ngaˬ-euˬ dawˬ peh uiˬ laˇ-euˬ meh.

Neˬhaˬmiˇ 13:24

Aˬ yawꞈ maꞈ-euˬ zaˬ tiˬ paˆ-aˬ, Aˬshaˬdoˇ dawˬ hawˇ-eu tsawˇ jeuˬ nui deuˬ-euˬ dawˬ ngehˬ-awˇ, Yuˇdaˆ dawˬ maˬ ngehˬ nya-a.

Yawˇbaˆ 27:3

Miˬyehˇ ngaˬ-ahˇ saꞈ kʼaˇ bi gʼawˇ kʼoeˇ keuˆ ni,

Doˆ-iˇ 20:14

“Aˬ cawˬ-euˬ miˬ zaˬ-ahˇ nawˇ maˬ ya bahˬ maˬ ya muˆ-a.

Dawqdaq 2:17

Yo zaˬ-ahˇ saˇ jaˇ maˬ ziꞈ-ehˇ, saˇ jaˇ dzaˬ-euˬ dawˬ-ahˇ ngehˇ-eu, zaˬ miˬ yaw haiˬ-euˬ mehˇ shuiˇ-ahˇ, nawˇ jaw dzeuˇ nya tehꞈ-a.

Dawqdaq 4:23

Dehꞈ jeˬ dehꞈ kawˆ nui ma-ahˇ doˆ le-euˬ miˇ neh, nui ma-ahˇ noeˬ-awˇ yaw dehꞈ dehꞈ-awˬ.

Dawqdaq 6:25

Aˇ gʼehˇ muiˬ gaˇ mehˇ juiˇ taˬ juiˇ. Aˬ yawꞈ-euˬ myaˆ nuiˆ neh taˬ bi ju lahˇ.

Dawqdaq 7:25

Kʼoeˇ loꞈ-ehˇ gʼeh-eu zaˬ miˬ zaˬ neh muˇ juˇ taˬ bi juˇ gʼaˬ. Aˬ yawꞈ-euˬ mehˬ nah taˬ caw teh.

Dawˬ tsoˆ 12:7

Aˬ dui-euˬ gʼawˇ mawˇ miˇ tsaˬ-ahˇ gʼoꞈ kʼoꞈ-iˇ-awˇ, aˬ duiˬ-euˬ saꞈ laˇ-aˬ, dehꞈ-eu saꞈ laˇ biꞈ-eu yaw sahˇ pyeuꞈ-eu Miˬyehˇ jawˇ gaˇ gʼoꞈ leˇ tehꞈ-a. Aˇ yamˬ kʼoeˇ yamˬ maˬ keuˆ le mi naˆ-ehˇ, Miˬyehˇ-euˬ guiˬ lahˬ-ahˇ noeˬ keuˆ-awˬ.

Yeˬlaˬmiˇ 2:21

Muiˬ dui dui-eu aˇ nuiˆ pahˬ-awˇ ka-euˬ aˬ gaꞈ baw duˆ loꞈ-ehˇ, nawˬ-ahˇ ngaˇ ka-euˬ ma. Ehˇ kʼawꞈ, nymˬ-mˇ nawˬ-ahˇ haw ngeh, buꞈ-iˇ-awˇ gaˇ dahˇ maˬ tsoeˬ-eu aˬ gaꞈ baw duˆ-ahˇ duˇ-eu meh.

Hawˇseˬ 1:10

Iˇsaˬleˬlaˆ tsawˇ haˬ deuˬ-aˬ, iˬ ma laˆ shaˆ kʼaˇ shuiꞈ loꞈ-ehˇ maˬ gui jiˇ coeˇ ni myaˬ laˇ tehꞈ-a. “Naw maꞈ ngaˬ-euˬ tsawˇ haˬ maˬ ngeuˇ” lehˇ, iˬ nah aˬ yawꞈ maꞈ-ahˇ Miˬyehˇ ehˇ kʼawꞈ, “Naw maꞈ-aˬ, dehꞈ luꞈ-eu Miˬyehˇ-euˬ zaˬ deuˬ meh” lehˇ, aˬ yawꞈ maꞈ-ahˇ aˬ yawꞈ paˇ ehˇ-eu aˇ nah keuˆ le tehꞈ-a.

Uˬ duˬ 20:10

Iˇsaˬleˬlaˆ tsawˇ haˬ cawˬ cawˬ, kʼaˬ dzeˇ zaˬ tiˬ gʼaˬ aˬ cawˬ-euˬ miˬ zaˬ-ahˇ bahˬ naˇ, bahˬ-euˬ kʼaˬ dzeˇ zaˬ hawˇ-eu zaˬ miˬ zaˬ kʼoeˇ nyiˬ gʼaˬ luꞈ, sehꞈ nehˬ gaˇ ya daˬ tehꞈ-a.

Maˬlaˬkiˇ 2:14

Aˬ jeˬ miˇ neh lawˇ-eu shehˇ-eu jeˬ-ahˇ aˬ yawꞈ maˬ paˇ ha geuꞈ nehˬ laꞈ ta lehˇ, naw maꞈ ehˇ tehꞈ-a. Naw maꞈ zaˬ guˬ pyeuꞈ ngeh neh sheuˬ taˬ-euˬ miˬ zaˬ-ahˇ, naw maꞈ saˇ jaˇ puiˬ-euˬ gaˇ kawˆ aˬ yawꞈ siˬ nya-eu miˇ neh, maˬ ha geuꞈ-eu jeˬ pyeuꞈ-eu meh. Aˬ yawꞈ-aˬ, naw maꞈ-euˬ dehꞈ cawˬ pyeuꞈ-awˇ, aˬ yawꞈ-ahˇ aˬ myah luꞈ saˇ jaˇ ziꞈ ma lehˇ Miˬyehˇ mehˬ shi naw maꞈ saˇ jaˇ dzaˬ taˬ-euˬ jaˆ kʼawꞈ, saˇ jaˇ puiˬ-euˬ meh.

Maꞈtehˬ 15:19

Aˬ jeˬ miˇ neh ehˇ naˇ, nui ma laꞈ kʼoeˇ neh doˆ laˇ-euˬ jeˬ-aˬ, aˬ cawˬ-ahˇ sehꞈ-eu, aˬ cawˬ-euˬ miˬ zaˬ yo zaˬ-ahˇ bahˬ-eu, heu loꞈ-ehˇ gʼeh-eu maˬ muiˬ maˬ jaˬ-eu nui noeˬ deuˬ hawˇ-eu, tahˇ joe joe-eu, jaˬ myawꞈ myawꞈ-eu, aˬ cawˬ-ahˇ maˬ ngeuˇ-eu jeˬ dehˬ lehꞈ-eu, heu loꞈ-ehˇ gʼeh-eu maˬ tsaˬ maˬ dawˇ-eu nui noeˬ nui loˆ deuˬ meh.

Yoˇhaˬ 20:22

Kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ kʼoeˇ taˆ aˬ yawꞈ saꞈ baw nehˬ-awˇ, heu loꞈ-ehˇ ehˇ nehˬ-euˬ meh. “Muiˬ-eu Shawˇ-eu Yaw sahˇ Miˬyehˇ-ahˇ ha geuꞈ-awˬ.

Gʼaˬkʼehˇ 3:25

Miˬyehˇ neh aˬ yawꞈ gʼaˇ duˬ ngehˬ dah-eu deuˬ-ahˇ gʼoe-awˇ saˇ jaˇ dzaˬ taˬ-euˬ-aˬ, naw maꞈ gʼaˇ duˬ pyeuꞈ-awˇ, naw maꞈ-euˬ aˬ poeˬ aˬ bawˇ deuˬ hawˇ-eu Miˬyehˇ yaw kaˬ dzaˬ taˬ-euˬ dawˬ ma saˇ jaˇ kʼoeˇ, naw maꞈ-ahˇ kʼawꞈ taꞈ-eu meh. Miˬyehˇ neh Aˬbyaˬhaˬ-ahˇ ‘Nawˬ-euˬ zaˬ nawˬ-euˬ uˆ deuˬ-ahˇ gʼoe-awˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ-ahˇ ngaˇ guiˬ lahˬ biꞈ ma lehˇ ehˇ nehˬ-euˬ dawˬ kʼoeˇ dawˬ, naw maꞈ-ahˇ kʼawꞈ ehˇ mawꞈ-eu meh.

1 Gawˇliˬtu 7:14

Aˬ jeˬ miˇ neh ehˇ naˇ, Ka li-ahˇ maˬ jah-eu kʼaˬ dzeˇ zaˬ kʼoeˇ gʼaˬ-aˬ, aˬ yawꞈ-euˬ miˬ zaˬ-ahˇ taꞈ leˇ-eu laꞈ kʼoeˇ, Miˬyehˇ ha geuꞈ nya-eu tsawˇ haˬ pyeuꞈ laˇ-euˬ meh. Ka li-ahˇ maˬ jah-eu miˬ zaˬ kʼoeˇ gʼaˬ kʼawꞈ, Ka li-ahˇ jah-eu aˬ yawꞈ-euˬ kʼaˬ dzeˇ zaˬ-ahˇ taꞈ leˇ-euˬ laꞈ kʼoeˇ, Miˬyehˇ ha geuꞈ nya-eu tsawˇ haˬ pyeuꞈ laˇ-euˬ meh. Kʼoeˇ loꞈ-ehˇ maˬ jahˇ naˇ, aˬ yawꞈ maꞈ-euˬ zaˬ deuˬ lawˇ ciꞈ zaˬ-euˬ zaˬ deuˬ-ahˇ duˇ tehꞈ-a. Kʼoeˇ loꞈ-ehˇ jahˇ naˇ, zaˬ kʼoeˇ deuˬ Miˬyehˇ ha geuꞈ nya-eu tsawˇ haˬ pyeuꞈ laˇ tehꞈ-a.

1 Gawˇliˬtu 7:2

Ehˇ kʼawꞈ, aˬ cawˬ nehˬ-ehˇ joe ni muˇ juˇ juˇ-eu jeˬ jaˆ myaˬ-eu miˇ neh, kʼaˬ dzeˇ zaˬ yawˬ gʼaˬ na luꞈ miˬ zaˬ baw-eu tsaˬ-awˇ, zaˬ miˬ zaˬ yawˬ gʼaˬ na luꞈ kʼawꞈ kʼaˬ dzeˇ zaˬ baw-eu tsaˬ meh.

2 Gawˇliˬtu 6:18

Ngaˇ naw maꞈ-euˬ aˬ da geuꞈ-awˇ, naw maꞈ ngaˬ-euˬ zaˬ geuꞈ ma lehˇ, Baoˬ huiˬ Sahˬpaˬ Miˬyehˇ ehˇ meh.”

Eˇpeˇsu 6:4

Aˬ da aˬ ma deuˬ-oˇ, naw maꞈ-euˬ zaˬ deuˬ nui ma pehˇ ni taˬ jahˇ. Sahˬpaˬ Yeˬsuˇ-euˬ zahˇ sahˇ kʼoꞈ mehˬ nehˬ tsoˆ nehˬ-awˇ, bo saˆ huiˬ-awˬ.

Dawˬmehˬ 7:4

Aˬ jeˬ miˇ neh ehˇ naˇ, aˬ yawꞈ maꞈ naw maꞈ-euˬ zaˬ deuˬ-ahˇ Sahˬpaˬ Miˬyehˇ-ahˇ sheuˬ gʼawˬ-awˇ, miˬyehˇ nui deuˬ-ahˇ uˬ duˬ bi tahˬ tehꞈ-a. Kʼoeˇ loꞈ-ehˇ pyeuꞈ laˇ naˇ, naw maꞈ-ahˇ Sahˬpaˬ Miˬyehˇ nui ma pehˇ-awˇ, naw maꞈ-ahˇ tiˬ poˆ tehꞈ-ehˇ laˆ luˬ laˆ seˇ nehˬ laꞈ tehꞈ-a.

Tiˇtuˆ 1:6

Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu tsawˇ haˬ ya bi pyeuꞈ meh. Miˬ zaˬ tiˬ gʼaˬ tehꞈ-ehˇ ya bi baw-awˇ, aˬ yawꞈ-euˬ zaˬ deuˬ kʼawꞈ Ka li-ahˇ jah-eu tsawˇ haˬ ya bi pyeuꞈ meh. Ehˇ dawˬ maˬ naˇ haˬ-eu aˬ dzawˬ aˇ gah gah-eu zaˬ deuˬ maˬ ya bi pyeuꞈ-a.

Luˇta 4:12

Zaˬ miˬ zaˬ heu gʼaˬ o neh, Sahˬpaˬ Miˬyehˇ nawˬ-ahˇ biꞈ-euˬ aˬ buˇ aˬ li deuˬ baˬ da neh, Yuˇdaˆ hawˇ-eu Taˬmaˬ-euˬ aˬ li pyeuꞈ-eu Paˬyehˆ-euˬ nymˇ jiˇ loꞈ-ehˇ, nawˬ-euˬ nymˇ jiˇ kʼawꞈ tsawˇ myahˇ doˆ luꞈ-uˇ.”

1 Saˬmeuˬlaˆ 2:20

Kʼoeˇ loꞈ-ehˇ kʼaˇ lawˇ kʼaˇ shehˇ laˇ ngeh, Eˇlaˬkaˬnaˬ aˬ nyaꞈ dzeˇ zaˬ-ahˇ Eˇliˆ dawˬ ngehˬ gʼeh nehˬ-awˇ, “Sahˬpaˬ Miˬyehˇ-ahˇ a nehˬ taˬ-euˬ nawˬ li heu li-euˬ dah zaˇ, zaˬ miˬ zaˬ heu gʼaˬ o neh Sahˬpaˬ Miˬyehˇ nawˬ-ahˇ zaˬ paˇ bi jawˇ le luꞈ-uˇ” lehˇ, Eˇlaˬkaˬnaˬ-ahˇ ehˇ nehˬ-eu meh. Kʼoeˇ naˇ, aˬ nyaꞈ dzeˇ zaˬ gʼoꞈ-iˇ-eu meh.