Maˬlaˬkiˇ 2:10 - Akha

¹⁰ Aˬ dui dawˬ tawˆ luꞈ-euˬ aˬ da yaw dzahˇ tiˬ gʼaˬ tehꞈ maˬ ngeuˇ loˇ. Aˬ dui dawˬ tawˆ luꞈ-ahˇ Miˬyehˇ tiˬ gʼaˬ neh tehꞈ-ehˇ beh taˬ-euˬ maˬ ngeuˇ-a loˇ. Toˆ-ehˇ ngeuˇ naˇ, aˬ dui tiˬ gʼaˬ tiˇ gʼaˬ saˇ jaˇ dzaˬ taˬ-euˬ gaˇ aˬ jeˬ miˇ neh puiˬ te. Aˬ dui-euˬ aˬ poeˬ aˬ bawˇ deuˬ nehˬ-ehˇ Miˬyehˇ neh dzaˬ taˬ-eu dawˬ ma saˇ jaˇ-ahˇ aˬ jeˬ miˇ neh puiˬ te.

Maˬlaˬkiˇ 2:10 ပူးပေါင်းရင်းမြစ်များ

Neˬhaˬmiˇ 13:29

Miˬyehˇ-oˇ, piˇ ma-euˬ aˇ yaˬ-ahˇ maˬ ehˇ, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ nawˬ neh jaˇ taˬ-euˬ saˇ jaˇ-ahˇ maˬ ehˇ, tsawˇ haˬ kʼoeˇ deuˬ yawˬ ha-euˬ aˇ yaˬ-ahˇ yehˬ bawˬ sehˇ lu-ehˇ gʼeh-euˬ gaˇ taˬ ngehˇ nehˬ.

Yawˇbaˆ 31:15

Ngaˬ-ahˇ beh-euˬ Miˬyehˇ hawˇ-eu ngaˬ-euˬ zaˬ kʼaˆ-ahˇ beh-euˬ Miˬyehˇ aˬ yawꞈ tiˬ gʼaˬ meh.

Jaceuq 100:3

Sahˬpaˬ Miˬyehˇ-aˬ, Miˬyehˇ meh lehˇ noeˬ siˬ-awˬ. Aˬ yawꞈ aˬ dui-ahˇ beh-awˇ, aˬ dui aˬ yawꞈ-euˬ ma. Aˬ dui aˬ yawꞈ-euˬ tsawˇ haˬ pyeuꞈ-awˇ, aˬ yawꞈ-euˬ yawˇ yawˇ maꞈ pyeuꞈ-eu ma.

Doˆ-iˇ 19:4

“Sahˬpaˬ Miˬyehˇ pyeuꞈ-eu ngaˇ-aˬ, Iˇsaˬleˬlaˆ tsawˇ haˬ deuˬ-ahˇ aˬ joˆ-ehˇ jahˇ nehˬ-awˇ, kʼaˬ dzeˇ dzeˇ ma tiˬ mawˇ, yawˬ ha-euˬ zaˬ-ahˇ aˬ dahˇ kʼoeˇ taˆ euˬ-awˇ zaw gʼeh-eu loꞈ-ehˇ, ngaˇ jawˇ-eu jawˇ duˬ heu tsahˇ-ahˇ, naw maꞈ-ahˇ ngaˇ sheuˬ doˆ laꞈ-euˬ naw maꞈ siˬ nya-eu meh.

Doˆ-iˇ 19:5

Nymˬ-mˇ naw maꞈ ngaˬ-euˬ ehˇ dawˬ naˇ haˬ-awˇ, ngaˬ-euˬ dawˬ ma saˇ jaˇ laꞈ kʼoeˇ ziꞈ naˇ, naw maꞈ ngaˬ-euˬ tsawˇ haˬ pyeuꞈ tehꞈ-a. Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ, ngaˬ-euˬ tsawˇ haˬ deuˬ pyeuꞈ-eu ma.

Doˆ-iˇ 24:3

Iˇsaˬleˬlaˆ tsawˇ haˬ deuˬ jawˇ gaˇ Moˇseˬ iˇ-awˇ, Sahˬpaˬ Miˬyehˇ neh biꞈ nehˬ-euˬ dawˬ deuˬ hawˇ-eu zahˇ sahˇ kʼoꞈ deuˬ, aˬ yawꞈ maꞈ-ahˇ dzawˇ mehˬ nehˬ-euˬ meh. Kʼoeˇ ngeh, tsawˇ haˬ dawˬ tawˆ luꞈ, “Sahˬpaˬ Miˬyehˇ neh kʼaˇ ehˇ taˬ-euˬ yawˬ jeˬ na luꞈ nga maꞈ mˇ ma” lehˇ ehˇ-eu meh.

Doˆ-iˇ 24:7

Kʼoeˇ naˇ, Sahˬpaˬ Miˬyehˇ-euˬ dawˬ boꞈ ahˇ taˬ-euˬ dawˬ ma saˇ jaˇ sahˬ boꞈ yuˇ-awˇ, Iˇsaˬleˬlaˆ tsawˇ haˬ deuˬ-ahˇ yaw kʼaˆ-ehˇ guˇ-awˇ gui mehˬ nehˬ-euˬ meh. Kʼoeˇ ngeh, “Sahˬpaˬ Miˬyehˇ-euˬ ehˇ dawˬ nga maꞈ naˇ haˬ geuꞈ-awˇ, aˬ yawꞈ neh kʼaˇ ehˇ taˬ-euˬ yawˬ jeˬ na luꞈ mˇ ma” lehˇ, aˬ yawꞈ maꞈ ehˇ-eu meh.

Iˇsaˬyaˇ 43:1

Iˇsaˬleˬlaˆ-oˇ, nawˬ-ahˇ beh-euˬ Miˬyehˇ heu loꞈ-ehˇ ehˇ-eu meh. “Taˬ guˆ. Nawˬ-ahˇ ngaˇ ka kʼoꞈ ma. Nawˬ-ahˇ ngaˇ tsawˇ myahˇ kuˇ-awˇ tseˇ-euˬ ma. Nawˇ ngaˬ-euˬ tsawˇ haˬ ma.

Iˇsaˬyaˇ 43:15

Ngaˇ-aˬ, muiˬ-eu shawˇ-eu Miˬyehˇ pyeuꞈ-eu, naw maꞈ-euˬ Sahˬpaˬ Miˬyehˇ ma. Naw maꞈ Iˇsaˬleˬlaˆ tsawˇ haˬ deuˬ-ahˇ ngaˬ neh beh-awˇ, ngaˇ naw maꞈ-euˬ sahˬ paˬ ma.”

Iˇsaˬyaˇ 43:7

Aˬ yawꞈ maꞈ ngaˬ-euˬ tsawˇ haˬ ma. Ngaˬ-euˬ yaw shehꞈ kʼahˬ sehˇ bi doˆ laˇ ni, aˬ yawꞈ maꞈ-ahˇ ngaˇ beh-euˬ ma.”

Iˇsaˬyaˇ 44:2

Nawˬ-ahˇ beh-euˬ Sahˬpaˬ Miˬyehˇ kʼoeˇ gʼaˬ ngaˇ ma. Nawˇ dehꞈ doˆ le ngeh tiˬ nah neh, nawˬ-ahˇ ngaˇ caw ba nehˬ-euˬ ma. Taˬ guˆ. Nawˇ ngaˬ-euˬ zaˬ kʼaˆ ma. Nawˬ-ahˇ ngaˇ gaˬ-awˇ tseˇ doˆ taˬ-euˬ ma.

Iˇsaˬyaˇ 51:2

Naw maꞈ-euˬ aˬ da yaw dzahˇ Aˬbyaˬhaˬ-ahˇ shaˇ noeˬ-awˬ. Aˬ ma ma dzahˇ Saˬlaˇ-ahˇ noeˬ keuˆ-awˬ. Aˬbyaˬhaˬ-ahˇ ngaˇ kuˇ doˆ ngeh zaˬ maˬ jawˇ kʼawꞈ, ngaˇ guiˬ lahˬ biꞈ-awˇ zaˬ oeˬ sahˇ le ngeh, aˬ yawꞈ-euˬ zaˬ deuˬ uˆ deuˬ maˬ gui jiˇ coeˇ-a.

Iˇsaˬyaˇ 63:16

Sahˬpaˬ Miˬyehˇ nawˇ nga maꞈ-euˬ aˬ da ma. Nga maꞈ-euˬ aˬ da yaw dzahˇ Aˬbyaˬhaˬ hawˇ-eu Yaˬkoˆ, nga maꞈ-ahˇ maˬ siˬ nya-euˬ kʼawꞈ, nawˇ nga maꞈ-euˬ aˬ da pyeuꞈ-awˇ, nga maꞈ-ahˇ aˬ myah luꞈ ka kʼoꞈ-euˬ meh.

Iˇsaˬyaˇ 64:7

Nawˬ-euˬ tsawˇ myahˇ-ahˇ kuˇ-eu tsawˇ haˬ maˬ jawˇ-a. Nawˬ-ahˇ uˬ duˬ tahˬ shaˇ-eu tsawˇ haˬ maˬ jawˇ-a. Nga maꞈ-euˬ iˬ baˇ baˬ da neh, nawˬ-euˬ myaˆ pyawˬ ciˬ zaꞈ taˬ-awˇ, nga maꞈ-ahˇ byehˇ dzeh laꞈ-euˬ meh.

Iˇsaˬyaˇ 64:8

Ehˇ kʼawꞈ, Sahˬpaˬ Miˬyehˇ nawˇ-aˬ, nga maꞈ-euˬ aˬ da ma. Nga maꞈ shaˬ jehˆ pyeuꞈ-awˇ, nawˇ oeˬ lahˬ tehˆ-eu yaw sahˇ meh. Nga maꞈ-ahˇ beh-euˬ gʼaˬ nawˇ meh.

Yeˬlaˬmiˇ 31:9

Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”

Yeˬsaˬgeˬlaˇ 33:24

“Tsawˇ haˬ zaˬ-oˇ, Iˇsaˬleˬlaˆ miˇ kʼahˬ laꞈ kʼoeˇ jaˆ-eu cawˆ-iˇ-euˬ meuˬ deuˬ laꞈ kʼoeˇ jawˇ-eu tsawˇ haˬ deuˬ heu loꞈ-ehˇ ehˇ luꞈ meh. ‘Aˬbyaˬhaˬ tiˬ gʼaˬ tehꞈ-ahˇ kʼawꞈ, miˇ kʼahˬ heu kʼahˬ kʼahˬ lah ni biꞈ-euˬ-aˬ, aˬ dui heu myaˆ ni paˇ gʼeh-eu-aˬ, miˇ kʼahˬ heu kʼahˬ za tsehˆ-euˬ ngaˇ’ lehˇ ehˇ luꞈ meh.

Maˬlaˬkiˇ 1:6

Piˇ ma deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Zaˬ deuˬ aˬ da-ahˇ yaw zeu baw-eu siˬ nya-awˇ, zaˬ kʼaˆ deuˬ baw leˬ-ahˇ yaw zeu baw-eu siˬ nya meh. Ngaˇ naw maꞈ-euˬ aˬ da ma. Aˬ jeˬ miˇ neh ngaˬ-ahˇ yaw zeu maˬ baw te. Naw maꞈ ngaˬ-ahˇ yehˬ bawˬ sehˇ lu-ehˇ gʼeh-eu uˬ taꞈ, ‘Nga maꞈ nawˬ-ahˇ aˬ joˆ-ehˇ jahˇ-awˇ yehˬ bawˬ sehˇ lu-ehˇ gʼeh taˬ-euˬ jaˆ ta’ lehˇ, naw maꞈ paˇ ehˇ-eu meh.

Maˬlaˬkiˇ 2:11

Yuˇdaˆ miˇ kʼahˬ zaˬ deuˬ Miˬyehˇ nehˬ-ehˇ dzaˬ taˬ-eu saˇ jaˇ puiˬ-awˇ, Yeˬluˇsaˬlehˬ meuˬ hawˇ-eu miˇ kʼahˬ heu kʼahˬ doe ni, jawꞈ dui dui-eu jeˬ mˇ byah taˬ-euˬ meh. Sahˬpaˬ Miˬyehˇ gaˬ dui dui-eu Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ jawꞈ-euˬ meh. Kʼaˬ dzeˇ zaˬ deuˬ aˬ cawˬ tsawˇ jeuˬ-euˬ miˬ yehˇ-ahˇ uˬ duˬ tahˬ-eu zaˬ miˬ zaˬ deuˬ-ahˇ sheuˬ dahˬ dzaˬ-euˬ meh.

Maˬlaˬkiˇ 2:8

“Ehˇ kʼawꞈ, nymˬ-mˇ piˇ ma geuꞈ luꞈ-eu naw maꞈ-aˬ, yaw tsaˬ yaw dawˇ gaˇ ma-ahˇ gʼawˬ-iˇ taˬ-euˬ meh. Naw maꞈ mehˬ bahˬ tsoˆ bahˬ-euˬ miˇ neh, tsawˇ haˬ gʼawˬ mya ni yaw lehˬ jeˬ mˇ luꞈ meh. Ngaˬ neh naw maꞈ-ahˇ biꞈ taˬ-euˬ dawˬ ma saˇ jaˇ-ahˇ naw maꞈ puiˬ-euˬ meh.

Maꞈtehˬ 10:21

“Mehˇ nmˇ yaw kaˬ tiˬ gʼaˬ tiˇ gʼaˬ bi shiˇ ni ahˬ dzaˬ-awˇ, aˬ da deuˬ kʼawꞈ zaˬ deuˬ-ahˇ kʼoeˇ loꞈ-ehˇ jahˇ nehˬ-eu jeˬ keuˆ le tehꞈ-a. Zaˬ deuˬ yawˬ ha-euˬ aˬ da aˬ ma bi shiˇ-eu jeˬ toˆ tehꞈ-a.

Maꞈtehˬ 22:16

Aˬ yawꞈ maꞈ-euˬ zaˬ lahˇ tiˬ paˆ na deuˬ hawˇ-eu, Heˬloˆ aˇ muˇ -ahˇ uˇ-eu tsawˇ haˬ tiˬ paˆ na deuˬ-ahˇ, Yeˬsuˇ jawˇ gaˇ aˬ yawꞈ maꞈ pyehˬ gʼeh-euˬ meh. Aˬ yawꞈ maꞈ ehˇ-eu, “Saˬ laˬ-oˇ, nawˇ-aˬ, dawˇ coe ni ehˇ-eu tsawˇ haˬ meh lehˇ nga maꞈ siˬ nya ma. Tsawˇ haˬ zaˬ-euˬ myaˆ pyawˬ-ahˇ nawˇ maˬ haw-eu uˬ taꞈ, aˬ cawˬ noeˬ doeˇ laˇ gaˇ nawˇ maˬ yahˇ ni, tsawˇ haˬ zaˬ gʼaˇ duˬ Miˬyehˇ-euˬ nui kʼahˇ aˬ joˆ-ehˇ jaˆ-eu gaˇ kawˆ, dawˇ coe ni mehˬ-eu meh.

Maꞈtehˬ 3:9

Aˬbyaˬhaˬ naw maꞈ-euˬ aˬ da ma lehˇ ehˇ naˇ, kʼehˬ-eu kʼaˆ-eu jeˬ-ahˇ ya buˬ-iˇ ma lehˇ naw maꞈ taˬ noeˬ. Ngaˇ naw maꞈ-ahˇ ehˇ nehˬ nyaˇ. Kʼaˬ lo heu deuˬ kʼawꞈ Aˬbyaˬhaˬ-euˬ zaˬ pyeuꞈ jiˇ laˇ ni Miˬyehˇ jahˇ nya meh.

Luˇkaꞈ 1:73

Aˬ dui yaw dehꞈ dehꞈ-eu tiˬ ziˇ, aˬ yawꞈ mehˬ shi muiˬ-eu shawˇ-eu, yaw tsaˬ yaw dawˇ tsawˇ haˬ pyeuꞈ-awˇ, guˆ-eu gaˆ-eu jeˬ maˬ jaˆ ni, yawꞈ-euˬ gaˇ ya mˇ-eu gʼaˇ duˬ, muiˇ-eu deuˬ-euˬ aˬ laꞈ laꞈ kʼoeˇ, aˬ dui-ahˇ ka kʼoꞈ nehˬ ma lehˇ, Aˬ da yaw dzahˇ Aˬbyaˬhaˬ-ahˇ, aˬ yawꞈ saˇ jaˇ dzaˬ taˬ-euˬ meh.

Luˇkaꞈ 3:8

Naw maꞈ iˬ baˇ noeˬ poˆ gʼaˬ-euˬ ngaˇ lehˇ yaw muiˬ paˬ-ehˇ siˬ duˬ mawˇ duˬ laˇ ni dehꞈ-awˬ. Aˬbyaˬhaˬ-aˬ, nga maꞈ-euˬ aˬ da yaw dzahˇ ma lehˇ, naw maꞈ-euˬ nui ma laꞈ kʼoeˇ yawˬ haˇ yawˬ ha ehˇ ehˇ-ehˇ taˬ jawˇ. Ngaˇ naw maꞈ-ahˇ ehˇ nehˬ nyaˇ. Miˬyehˇ-aˬ, kʼaˬ lo heu deuˬ yuˇ-awˇ, Aˬbyaˬhaˬ-euˬ oeˬ paˬ oeˬ ma jahˇ doˆ nya meh.

Yoˇhaˬ 8:39

Aˬ yawꞈ maꞈ Yeˬsuˇ-ahˇ ehˇ-eu, “Nga maꞈ-euˬ aˬ da-aˬ, Aˬbyaˬhaˬ ma.” Yeˬsuˇ ehˇ-eu, “Naw maꞈ maˇ maˇ ni Aˬbyaˬhaˬ-euˬ zaˬ ma lehˇ ngeuˇ naˇ, aˬ yawꞈ neh mˇ-euˬ jeˬ naw maꞈ mˇ tehꞈ-a.

Yoˇhaˬ 8:41

Naw maꞈ-aˬ, naw maꞈ-euˬ aˬ da mˇ-euˬ loꞈ-ehˇ mˇ-eu meh. Aˬ yawꞈ maꞈ ehˇ-eu, “Nga maꞈ-euˬ aˬ da-aˬ, Miˬyehˇ tiˬ gʼaˬ tehꞈ ma. Nga maꞈ maˇ maˇ ni aˬ yawꞈ-euˬ zaˬ ma. Jawˇ zaˇ shaˬ leˇ-awˇ dehꞈ le-euˬ zaˬ deuˬ maˬ ngeuˇ.”

Yoˇhaˬ 8:53

Aˬ dui-euˬ aˬ da Aˬbyaˬhaˬ shiˇ-euˬ meh. Nawˇ Aˬbyaˬhaˬ naˆ maˬ tseˇ huiˬ dzehˬ ma lehˇ ehˇ mawꞈ te loˇ. Miˬyehˇ gʼaˇ duˬ ngehˬ dah-eu deuˬ gʼeh shiˇ-euˬ meh. Nawˇ aˬ suˇ gʼaˬ te lehˇ ehˇ-eu gʼeh te.”

Yoˇhaˬ 8:56

Ngaˇ oe-eu aˇ nah-ahˇ ya mawˇ tehꞈ-a lehˇ noeˬ-awˇ, naw maꞈ-euˬ aˬ da Aˬbyaˬhaˬ laˬ kʼaˬ cehˇ-euˬ meh. Aˬ yawꞈ aˬ diˇ ya mawˇ-awˇ laˬ kʼaˬ ya cehˇ-euˬ meh.”

Gʼaˬkʼehˇ 17:24

Miˇ tsaˬ tahˬ kʼawˇ hawˇ-eu kʼoeˇ-euˬ kʼoeˇ taˆ kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ beh-euˬ yaw sahˇ Miˬyehˇ-aˬ, Mˬsahˇ Sahˬpaˬ Miˇsahˇ Sahˬma pyeuꞈ-awˇ, tsawˇ haˬ zaˬ-euˬ aˬ laꞈ neh tsoˆ-euˬ uˬ duˬ tahˬ nymˇ-ahˇ uˇ-eu maˬ ngeuˇ-a.

Gʼaˬkʼehˇ 17:25

Aˬ dui tsawˇ haˬ zaˬ-euˬ aˬ laꞈ neh ngehˬ gʼeh bo saˆ-awˇ mˇ cu nehˬ-eu jeˬ-ahˇ aˬ yawꞈ maˬ loˬ-a. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ-ahˇ, dehꞈ-eu jeˬ, saꞈ gʼawˇ nya-eu jeˬ hawˇ-eu, yawˬ jeˬ na luꞈ biꞈ-eu gʼaˬ-aˬ, aˬ yawꞈ meh.

Gʼaˬkʼehˇ 17:26

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

Gʼaˬkʼehˇ 7:2

Saˬteˬpaˬ ehˇ-eu, “Aˬ yuiꞈ aˬ nyiˇ aˬ da aˬ ma deuˬ-oˇ, ngaˇ ehˇ gaˇ naˇ haˬ sheˇ. Aˬ dui-euˬ aˬ da yaw dzahˇ Aˬbyaˬhaˬ Haˬlaˬ meuˬ-ahˇ maˬ jawˇ-iˇ mi naˆ-ehˇ, Maˬsoˬpaˬtaˬmiˇ miˇ kʼahˬ laꞈ kʼoeˇ yaw shehꞈ kʼahˬ sehˇ huiˬ-eu Miˬyehˇ aˬ yawꞈ-euˬ mehˬ shi doˆ le-awˇ,

Gʼaˬkʼehˇ 7:26

Yawˬ nah yawˬ Iˇsaˬleˬlaˆ tsawˇ haˬ nyiˬ gʼaˬ yaw kaˬ ceh luꞈ gaˇ aˬ yawꞈ mawˇ-awˇ, aˇ kaˬ piˇ nehˬ-eu laꞈ kʼoeˇ, ‘Naˇ haˬ sheˇ. Iˇsaˬleˬlaˆ tsawˇ haˬ cawˬ cawˬ aˬ jeˬ miˇ neh teu loꞈ-ehˇ ceh dzaˬ te’ lehˇ ehˇ nehˬ-euˬ meh.

Lormav 4:1

Aˬ dui tsawˇ jeuˬ-euˬ aˬ da yaw dzahˇ gʼaˬ pyeuꞈ-eu Aˬbyaˬhaˬ gaˇ kawˆ aˬ joˆ-ehˇ ehˇ nmˇ.

Lormav 9:10

Kʼoeˇ uˬ taꞈ, Leˬbehˇkaꞈ-euˬ aˬ li nyiˬ li luꞈ, aˬ da Iˇtsaˆ tiˬ gʼaˬ-euˬ zaˬ tehꞈ meh.

1 Gawˇliˬtu 8:6

Ehˇ kʼawꞈ, aˬ dui-euˬ gʼaˇ duˬ-aˬ, Miˬyehˇ tiˬ gʼaˬ jawˇ-eu tehꞈ ma. Aˬ yawꞈ-aˬ, dawˬ tawˆ luꞈ-ahˇ Beh-euˬ yaw sahˇ Aˬda pyeuꞈ-awˇ, aˬ yawꞈ gʼaˇ duˬ aˬ dui dehꞈ luꞈ-eu ma.

Eˇpeˇsu 4:25

Kʼoeˇ miˇ neh, jaˬ myawꞈ taˬ paˇ mawꞈ. Ka li zaˬ cawˬ cawˬ yawˬ gʼaˬ na luꞈ yaw tsaˬ yaw dawˇ jeˬ ngehˬ-awˬ tmˇ-awˬ. Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li-euˬ gʼawˇ mawˇ laꞈ kʼoeˇ tiˬ gaˇ taꞈ-eu ma.

Eˇpeˇsu 4:6

Tsawˇ jeuˬ dawˬ tawˆ luꞈ-euˬ Aˬda pyeuꞈ-eu Miˬyehˇ tiˬ gʼaˬ tehꞈ-ehˇ jawˇ-eu meh. Aˬ yawꞈ-aˬ, dawˬ tawˆ luꞈ kʼoeˇ taˆ Sahˬpaˬ pyeuꞈ-awˇ, dawˬ tawˆ luꞈ laꞈ kʼoeˇ gaˇ mˇ-awˇ, dawˬ tawˆ luꞈ laꞈ kʼoeˇ jawˇ-eu meh.

1 Teˇsaˬloˇni 4:6

Gaˇ kawˆ heu hmˬ-ahˇ taꞈ leˇ-awˇ, tsawˇ haˬ tiˬ gʼaˬ-iˬ aˬ yuiꞈ aˬ nyiˇ Ka li zaˬ-euˬ nymˇ jiˇ-ahˇ coeˬ-eu ciˆ-eu bahˬ-eu muˆ-eu jeˬ maˬ mˇ kʼmˬ-a. Gaˇ Kawˆ heu naw maꞈ-ahˇ nga maꞈ mehˬ nehˬ dzeuˇ gʼaˬ-euˬ ma. Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Yeˬsuˇ kʼehˬ nehˬ kʼaˆ nehˬ tehꞈ-a lehˇ, nga maꞈ yaw kʼaˆ kʼaˆ-ehˇ ehˇ-euˬ ma.

HeˬByehˇ 12:9

Aˬ dui-euˬ zaˬ baw aˬ da deuˬ kʼawꞈ, aˬ dui-ahˇ diˬ laˇ-eu meh. Ehˇ kʼawꞈ, yawˬ ha-euˬ aˬ da-ahˇ aˬ dui yaw zeu baw-eu ma. Toˆ-ehˇ ngeuˇ naˇ, mˬ kʼoeˇ taˆ jawˇ-eu aˬ dui-euˬ Aˬ da pyeuꞈ-eu Miˬyehˇ-ahˇ aˬ dui aˇ naˆ ni yaw zeu baw-awˇ dehꞈ paˬ nga.

Yawˇshuˆ 24:3

Kʼoeˇ naˇ, naw maꞈ-euˬ aˬ poeˬ pyeuꞈ-eu Aˬbyaˬhaˬ-ahˇ Uˇpaˬlaˇ lawˇ baˬ nui baˬ-ahˇ jaˆ-eu miˇ kʼahˬ-ahˇ neh ngaˇ sheuˬ doˆ laꞈ-awˇ, Kaˬnaˬ miˇ kʼahˬ nyiˬ tsehˆ-ehˇ sheuˬ doˆ gʼeh-euˬ ma. Aˬ yawꞈ-euˬ zaˬ deuˬ uˆ deuˬ gʼawˬ mya ni bi jeuˬ bi o le-euˬ ma. Aˬ yawꞈ-ahˇ ngaˇ Iˇtsaˆ biꞈ-euˬ ma.