Maˬlaˬkiˇ 1:5 - Akha

⁵ Kʼoeˇ loꞈ-ehˇ pyeuꞈ laˇ gaˇ Iˇsaˬleˬlaˆ taawˇ haˬ deuˬ ya mawˇ duˬ-awˇ, “Sahˬpaˬ Miˬyehˇ-aˬ, Iˇsaˬleˬlaˆ miˇ kʼahˬ laꞈ nyiˇ paw kʼawꞈ baoˬ ahˇ law hawˇ nga” lehˇ ehˇ tehꞈ-a.

Maˬlaˬkiˇ 1:5 ပူးပေါင်းရင်းမြစ်များ

2 Laˬsaˬbaˬ 29:8

Kʼoeˇ baˬ da neh, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ Sahˬpaˬ Miˬyehˇ nui ma pehˇ laˇ-awˇ, aˬ yawꞈ neh aˬ yawꞈ maꞈ-ahˇ jahˇ nehˬ-euˬ jeˬ-ahˇ tsawˇ haˬ yawˬ gʼaˬ na luꞈ tsawˬ guˆ-iˇ-euˬ meh. Gaˇ kawˆ heu naw maꞈ yaw muiˬ paˬ-ehˇ siˬ duˬ taˬ-euˬ meh.

Yeˬsaˬgeˬlaˇ 38:16

Miˇ kʼahˬ nyiˬ tsehˆ-ehˇ baw gʼeh leꞈ-eu ja lehˇ lehˇ ma loꞈ-ehˇ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ guiˇ deuˆ le-eu lehˇ nawˇ oe tehꞈ-a. Aˇ nah aˇ yamˬ kʼoeˇ keuˆ le ngeh, ngaˇ aˬ suˇ gʼaˬ nga lehˇ tsawˇ jeuˬ dawˬ tawˆ luꞈ bi mawˇ duˬ-eu gʼaˇ duˬ maˬ ehˇ, nawˬ-ahˇ zmˬ-awˇ ngaˬ neh mˇ-euˬ jeˬ baˬ da neh, ngaˬ-euˬ muiˬ-eu shawˇ-eu jeˬ bi siˬ bi mawˇ duˬ-eu gʼaˇ duˬ maˬ ehˇ, nawˬ-ahˇ pyehˬ gʼeh-awˇ, ngaˬ-euˬ miˇ kʼahˬ-ahˇ guiˇ bi deuˆ-iˇ ma.

Yeˬsaˬgeˬlaˇ 38:23

Ngaˇ huiˬ dui mahˇ dui dui-awˇ muiˬ-eu shawˇ-eu gʼaˬ pyeuꞈ-eu gaˇ kawˆ, tsawˇ jeuˬ dawˬ tawˆ luꞈ-ahˇ kʼoeˇ ngeh nah bi siˬ duˬ ma. Ngaˇ Sahˬpaˬ Miˬyehˇ pyeuꞈ-eu aˬ yawꞈ maꞈ-ahˇ siˬ duˬ leˇ tehꞈ-a.”

Yeˬsaˬgeˬlaˇ 39:9

Iˇsaˬleˬlaˆ meuˬ deuˬ laꞈ kʼoeˇ jawˇ-eu tsawˇ haˬ deuˬ doˆ le-awˇ, byehˇ dzeh taˬ-euˬ guiˇ deuˆ-eu keu ka deuˬ gʼoˆ-awˇ, miˬ dzaˬ geuꞈ tehꞈ-a. Dehˬ daˬ duˬ, kaˆ myaˬ, gahˬ hawˇ-eu, diˬ duˇ deuˬ aˬ yawꞈ maꞈ gʼoˆ uiˬ-awˇ miˬ dzaˬ geuꞈ ngeh, shiꞈ kʼoꞈ keuˆ ni doꞈ loꞈ tehꞈ-a.

Miˇkaˬ 5:4

Aˬ yawꞈ oe ngeh, Sahˬpaˬ Miˬyehˇ jawˇ gaˇ neh oe-euˬ gʼaˬ hawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ gʼoe-awˇ, aˬ yawꞈ-euˬ tsawˇ haˬ deuˬ-ahˇ uˆ lahˇ tehꞈ-a. Aˬ yawꞈ-euˬ tsawˇ haˬ deuˬ guˆ kʼaˇ maˬ za ni ya dehꞈ tehꞈ-a. Aˬ jeˬ miˇ neh ehˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ huiˬ-eu mahˇ-eu gaˇ kawˆ siˬ nya tehꞈ-a.

Dawˬmehˬ 11:7

Sahˬpaˬ Miˬyehˇ neh mˇ-euˬ huiˬ-eu gaˇ heu deuˬ dawˬ tawˆ luꞈ-ahˇ, naw maꞈ ya mawˇ-euˬ meh.

Dawˬmehˬ 4:3

Peˬoˇ gawˬ jawˬ-ahˇ Sahˬpaˬ Miˬyehˇ neh mˇ-euˬ jeˬ naw maꞈ ya mawˇ-euˬ meh. Kʼoeˇ gaˇ, Baˬlaˇ-ahˇ uˬ duˬ kʼaˇ tahˬ-euˬ tsawˇ haˬ deuˬ-ahˇ aˬ yawꞈ sehꞈ-euˬ meh.

Yawˇshuˆ 24:7

Caw ba nehˬ laꞈ-awˬ lehˇ naw maꞈ-euˬ aˬ poeˬ aˬ bawˇ deuˬ ngaˬ-ahˇ guˇ ngeh, Iˇjiˇtuˆ tsawˇ haˬ hawˇ-eu aˬ yawꞈ maꞈ-euˬ yaw kaˬ-ahˇ, zahˇ tsui ni gʼeh-eu jeˬ ngaˇ bi keuˆ le-euˬ ma. Iˬ ma laˆ shaˆ iˇ cuꞈ bi dahˬ daˆ laˇ-awˇ, Iˇjiˇtuˆ tsawˇ haˬ deuˬ-ahˇ bi dah pymˬ sehꞈ-euˬ ma. Iˇjiˇtuˆ tsawˇ haˬ-ahˇ ngaˬ neh jahˇ nehˬ-eu gaˇ kawˆ naw maꞈ siˬ nya meh. “Bawˇ tsahˬ bawˇ dahˇ laꞈ kʼoeˇ aˇ yamˬ gʼawˬ myahˇ ni naw maꞈ jawˇ-euˬ meh.

1 Saˬmeuˬlaˆ 12:16

Teu miˇ neh, nymˬ-mˇ ciˬ cuˇ ni yawꞈ-awˇ haw-awˬ. Sahˬpaˬ Miˬyehˇ mˇ-eu lehˇ lehˬ hmˬ taˬ-euˬ kʼaˆ jeˬ-ehˇ gʼeh-eu jeˬ-ahˇ naw maꞈ ya mawˇ tehꞈ-a.