Maˬlaˬkiˇ 1:4 - Akha

⁴ Iˇsawˇ-euˬ zaˬ deuˬ uˆ deuˬ pyeuꞈ-eu Eˬdoˬ tsawˇ haˬ deuˬ, “Nga maꞈ-euˬ meuˬ deuˬ cawˆ-iˇ-euˬ meh. Ehˇ kʼawꞈ, nga maꞈ paˇ gawˬ muiˬ geuꞈ ma” lehˇ ehˇ laˇ naˇ, Sahˬpaˬ Miˬyehˇ heu loꞈ-ehˇ ehˇ tehꞈ-a. “Aˬ yawꞈ maꞈ paˇ gawˬ muiˬ kʼawꞈ, ngaˇ tiˬ poˆ paˇ laˆ byaˆ dzeh ma. Aˬ yawꞈ maꞈ-ahˇ aˬ cawˬ haiˬ-eu miˇ kʼahˬ lehˇ kuˇ-awˇ, mˬ maˬ maˬ byaˆ zaˇ ziˇ Sahˬpaˬ Miˬyehˇ nui ma pehˇ-eu miˇ kʼahˬ lehˇ ehˇ tehꞈ-a.”

Maˬlaˬkiˇ 1:4 ပူးပေါင်းရင်းမြစ်များ

Yawˇbaˆ 12:14

Miˬyehˇ neh laˆ pyaˆ-euˬ jeˬ-ahˇ aˬ suˇ gʼaˬ laˆ muiˬ nya-awˇ, Miˬyehˇ neh paꞈ tawꞈ-euˬ gʼaˬ-ahˇ aˬ suˇ gʼaˬ puiˇ pyehˬ nya nmˇ.

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Yawˇbaˆ 9:4

Miˬyehˇ-aˬ, tsawˇ gahˇ ahˇ dui dui-awˇ baoˬ huiˬ-eu meh. Tsawˇ haˬ zaˬ tiˬ gʼaˬ-iˬ aˬ yawꞈ-ahˇ maˬ ciˬ daˬ peuˬ-a.

Jaceuq 127:1

Sahˬpaˬ Miˬyehˇ neh tsoˆ-euˬ maˬ ngeuˇ naˇ, nymˇ tsoˆ-eu tsawˇ haˬ deuˬ neh mˇ-euˬ gaˇ yawꞈ ngehꞈ meh. Sahˬpaˬ Miˬyehˇ neh loꞈ piˇ-euˬ maˬ ngeuˇ naˇ, meuˬ-ahˇ loꞈ piˇ-eu tsawˇ haˬ deuˬ maˬ yuꞈ ni loꞈ kʼawꞈ yawꞈ ngehꞈ meh.

Jaceuq 137:7

Yeˬluˇsaˬlehˬ meuˬ-ahˇ deuˆ gʼaˬ ngeh nah, Eˬdoˬ tsawˇ haˬ deuˬ neh jahˇ nehˬ laꞈ-euˬ jeˬ-ahˇ taˬ ngehˇ. “Meuˬ teu meuˬ miˇ tsa tuˆ ni laˆ meuˇ nehˬ-awˬ” lehˇ, aˬ yawꞈ maꞈ ehˇ nawˆ nawˆ-euˬ gaˇ taˬ ngehˇ.

Jaceuq 33:10

Miˇkʼahˬtsawˇjeuˬmehˬbawˬmˇ-euˬ, SahˬpaˬMiˬyehˇlaˆngehꞈnehˬ-awˇ, tsawˇhaˬzaˬneh bawˬtoˆtoˆ-euˬ, aˬyawꞈlaˆcawˆjiˇnehˬ-eu meh.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Iˇsaˬyaˇ 10:4

Aˬ cawˬ neh bi deuˆ sehꞈ-eu jeˬ hawˇ-eu, aˬ cawˬ miˇ kʼahˬ-ahˇ bi nyehꞈ gʼeh-eu nyiˬ jeˬ uˬ taꞈ, gaˇ ma yawˬ kahˇ yawˬ maˬ dahˇ-a. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ taˬ leˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ, maˬ baꞈ ka ni bi jaˆ tehꞈ-a.

Iˇsaˬyaˇ 11:14

Ehˇ kʼawꞈ, aˬ yawꞈ maꞈ nui ma gm-eu laꞈ kʼoeˇ, nahˇ ma ga kʼehˬ paw-euˬ Piˇliˇtiˆ tsawˇ haˬ-ahˇ guiˇ deuˆ-awˇ, nahˇ ma doˆ kʼehˬ paw jawˇ-eu tsawˇ haˬ deuˬ-euˬ pyuˇ shuiˇ deuˆ geuꞈ tehꞈ-a. Eˬdoˬ miˇ kʼahˬ hawˇ-eu Mawˇbaˆ miˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Aˬmoˬ miˇ kʼahˬ aˬ yawꞈ maꞈ-euˬ laꞈ oꞈ awꞈ tehꞈ-a.

Iˇsaˬyaˇ 34:10

Uˬ ciꞈ nah gʼahˇ maˬ ehˇ puiˆ-eu miˇ neh, mˬ maˬ maˬ byaˆ zaˇ ziˇ uˬ kʼoeˬ doˆ luꞈ tehꞈ-a. Miˇ kʼahˬ kʼoeˇ kʼahˬ tiˬ ziˇ saˇ-iˬ tiˬ ziˇ byoˆ le-eu miˇ neh, iˇ tsehˆ laˇ tsehˆ-eu maˬ jawˇ-ehˇ pyeuꞈ-iˇ tehꞈ-a.

Iˇsaˬyaˇ 34:5

Mˬ taˆ Sahˬpaˬ Miˬyehˇ mi cehˇ sheu doˆ leꞈ-awˇ, aˬ yawꞈ laˆ cawˆ ma lehˇ noeˬ duˬ taˬ-euˬ deuˬ jawˇ luꞈ-eu, Eˬdoˬ meuˬ-ahˇ deuˆ le tehꞈ-a.

Yeˬlaˬmiˇ 31:17

Mehˬ hu paw nawˇ noeˬ tmˬ kʼaˇ za tehꞈ-a. Nawˬ-euˬ zaˬ deuˬ gʼoꞈ doˆ laˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 49:20

Kʼoeˇ miˇ neh, Eˬdoˬ tsawˇ haˬ deuˬ-ahˇ ngaˇ jahˇ nehˬ-eu lehˇ lehˬ hmˬ taˬ-euˬ jeˬ hawˇ-eu, Teˬmaˬ meuˬ-ahˇ jawˇ-eu deuˬ-ahˇ ngaˇ jahˇ nehˬ mawꞈ-eu gaˇ kawˆ-ahˇ naˇ haˬ-awˬ. Aˬ yawꞈ maꞈ-euˬ zaˬ deuˬ-ahˇ keuˆ ni bi tsahˇ byoˆ gʼeh gaˇ keuˆ-awˇ, tsawˇ haˬ yawˬ gʼaˬ na luꞈ guˆ dui dui-iˇ tehꞈ-a.

Yeˬlaˬmiˇ 49:7

Eˬdoˬ miˇ kʼahˬ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Eˬdoˬ tsawˇ haˬ deuˬ tsawˇ gahˇ maˬ paˇ ahˇ mehˬ loˇ. Aˬ yawꞈ maꞈ-ahˇ nui noeˬ nui duˇ biꞈ-eu deuˬ, aˬ joˆ-ehˇ ya jahˇ-eu gaˇ kawˆ aˬ yawꞈ maꞈ-ahˇ maˬ paˇ ehˇ nehˬ nya meh loˇ. Aˬ yawꞈ maꞈ-euˬ zaˬ siˬ tsawˇ gahˇ dawˬ tawˆ luꞈ byoˆ jiˇ mehˬ loˇ.

Yeˬlaˬmiˇ 49:8

Deˬdaˬ meuˬ-ahˇ jawˇ-eu tsawˇ haˬ deuˬ-oˇ, naˇ kʼah ciˬ pyawˇ-awˇ cehˆ byoˆ-awˇ, dzuˇ zaꞈ byoˆ-awˬ. Iˇsawˇ-euˬ zaˬ deuˬ uˆ deuˬ-ahˇ ngaˇ laˆ cawˆ-eu lehˇ gʼeh-eu ma. Aˬ jeˬ miˇ neh ehˇ naˇ, aˬ yawꞈ maꞈ-ahˇ ngaˇ kʼehˬ nehˬ kʼaˆ nehˬ-eu aˇ yamˬ tsaˬ laˇ-euˬ meh.

Yeˬlaˬmiˇ 5:17

Naw maꞈ-euˬ dzaˬ la gʼo cehˇ aˬ yawꞈ maꞈ dzaˬ-awˇ, naw maꞈ-euˬ aˬ buˇ aˬ li deuˬ-ahˇ aˬ yawꞈ maꞈ sehꞈ tehꞈ-a. Naw maꞈ-euˬ yawˇ hawˇ-eu mawˇ neˇ sehꞈ dzaˬ-awˇ, aˬ gaꞈ yaˇ kmˇ, siˬ guˬ guˬ yaˇ, aˬ yawꞈ maꞈ laˆ cawˆ jiˇ tehꞈ-a. Naw maꞈ nui kʼaˬ tsmˬ-eu ziꞈ dah ni gʼeh-eu meuˬ deuˬ kʼawꞈ, aˬ yawꞈ maꞈ-euˬ guiˇ maꞈ neh bi laˆ cawˆ tehꞈ-a.

Ngoeˇ dawˬ 3:37

Sahˬpaˬ Miˬyehˇ maˬ bi pyeuꞈ gaˇ, aˬ suˇ gʼaˬ neh dawˬ biꞈ nehˬ-awˇ, mˇ pyeuꞈ shaˇ pyeuꞈ nya-eu jawˇ ta.

Yeˬsaˬgeˬlaˇ 11:10

Naw maꞈ-aˬ, yawˬ ha-euˬ miˇ kʼahˬ laꞈ kʼoeˇ guiˇ deuˆ gaˇ bi deuˆ sehꞈ tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ, yawˬ gʼaˬ na luꞈ ya siˬ duˬ tehꞈ-a.

Yeˬsaˬgeˬlaˇ 25:13

Nymˬ-mˇ poˆ jawˇ, Eˬdoˬ miˇ kʼahˬ-ahˇ ngaˇ kʼehˬ-awˇ, tsawˇ haˬ hawˇ-eu jeˬ zaˬ dawˬ tawˆ luꞈ sehꞈ jiˇ ma lehˇ ngaˇ ehˇ-eu ma. Teˬmaˬ meuˬ-ahˇ neh Deˬdaˬ meuˬ-ahˇ keuˆ ni, ciˬ cuˇ ni bi pyeuꞈ-iˇ-awˇ, guiˇ deuˆ-eu laꞈ kʼoeˇ bi shiˇ jiˇ ma.

Yeˬsaˬgeˬlaˇ 25:14

Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ Eˬdoˬ miˇ kʼahˬ-ahˇ laꞈ poˆ poˆ kʼoꞈ nehˬ-awˇ, ngaˇ nui ma pehˇ-eu jeˬ Eˬdoˬ miˇ kʼahˬ-ahˇ siˬ leˇ ngeh keuˆ ni jahˇ nehˬ tehꞈ-a. Ngaˇ laꞈ poˆ poˆ kʼoꞈ nehˬ-euˬ jeˬ aˬ joˆ-ehˇ gʼeh-eu nya lehˇ, aˬ yawꞈ maꞈ-ahˇ siˬ duˬ leˇ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 26:14

Ngaˬ shaˬ poˆ-eu deuˬ, ngaˬ myahˬ sheu lawꞈ nya ni, kʼaˬ lo tiˬ siˬ tehꞈ-ehˇ buˇ law ni bi dzeˇ yaꞈ ma. Meuˬ heu tiˬ jawˇ-iˬ maˬ paˇ ya tsoˆ geuꞈ-aˇ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 35:4

Nawˬ-euˬ meuˬ deuˬ laˆ cawˆ jiˇ-awˇ, nawˇ coꞈ gaˆ ni bi pyeuꞈ-iˇ ma. Ngaˇ Sahˬpaˬ Miˬyehˇ pyeuꞈ-eu gaˇ, kʼoeˇ ngeh nawˇ ya siˬ duˬ tehꞈ-a.

Yeˬsaˬgeˬlaˇ 35:9

Mˬ maˬ maˬ byaˆ zaˇ ziˇ nawˇ bawˇ tsahˬ pyeuꞈ-iˇ ni ngaˇ jahˇ-awˇ, nawˬ-euˬ meuˬ deuˬ laꞈ kʼoeˇ tsawˇ haˬ tiˬ gʼaˬ-iˬ maˬ paˇ jawˇ laˇ-aˇ. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu nawˇ ya siˬ duˬ tehꞈ-a.

Aˬmoˆ 1:11

Sahˬpaˬ Miˬyehˇ ehˇ-eu, “Eˬdoˬ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ aˇ jeuˬ aˇ ca pyeuꞈ-eu Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ shaˬ teh teh-eu loꞈ-ehˇ teh -awˇ, gʼawˬ shaˬ gaˬ-eu nui ma tiˬ pawꞈ-iˬ maˬ ahˇ-a. Aˬ yawꞈ maꞈ nui ma pehˇ-eu yaw li maˬ baw-ehˇ, tiˬ jawˇ-iˬ pehˇ taˬ-euˬ maˬ baw-a.

Aˬmoˆ 3:15

Tsahˬ gaˆ yamˬ-ahˇ jawˇ-eu gʼaˇ duˬ hawˇ-eu jawˇ la yamˬ-ahˇ jawˇ-eu gʼaˇ duˬ lehˇ tsoˆ baw taˬ-euˬ nymˇ dawˬ tawˆ luꞈ-ahˇ ngaˇ laˆ cawˆ ma. Ya ma juiˇ neh laˆ muiˬ taˬ-euˬ nymˇ deuˬ coˬ pyaˆ coˬ shaˆ tehꞈ-a. Nymˇ yaw huiˬ yawˬ nymˇ na luꞈ ya cawˆ-iˇ tehꞈ-a.”

Aˬmoˆ 5:11

Iˇ shaˬ zaˬ deuˬ-ahˇ naw maꞈ zuiˆ gʼaˬ-awˇ, aˬ yawꞈ maꞈ-euˬ cehˇ naw maꞈ nawˬ dzaˬ kʼaˆ dzaˬ-eu meh. Kʼoeˇ miˇ neh, naw maꞈ neh tsoˆ-euˬ muiˬ dui dui-eu kʼaˬ lo nymˇ-ahˇ naw maꞈ maˬ paˇ ya jawˇ-ehˇ, naw maꞈ neh ka taˬ-euˬ haw muiˬ dui dui-eu aˬ gaꞈ yaˇ kmˇ-ahˇ neh doˆ le-euˬ aˬ gaꞈ dzaˇ uiˇ naw maꞈ maˬ paˇ ya dawˇ meh.

Aˬmoˆ 6:11

Sahˬpaˬ Miˬyehˇ dawˬ biꞈ ngeh, nymˇ yaw huiˬ yaw nyiˇ dawˬ tawˆ luꞈ pyaˆ-iˇ shaˆ-iˇ jiˇ tehꞈ-a.

Aˬmoˆ 6:2

Kaˬlaˬneˬ meuˬ-ahˇ iˇ-awˇ haw-iˇ-awˬ. Kʼoeˇ naˇ, huiˬ-eu Haˬmaˆ meuˬ-ahˇ iˇ-awˇ, Gaˬdaˇ meuˬ-ahˇ iˇ ka gʼeh-awˬ. Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ naˆ maˬ tseˇ miˇ kʼahˬ kʼoeˇ kʼahˬ muiˬ dzehˬ nga loˇ lehˇ haw-iˇ-awˬ. Aˬ yawꞈ maꞈ-euˬ miˇ kʼahˬ naw maꞈ-euˬ miˇ kʼahˬ naˆ maˬ tseˇ jeˇ ta loˇ.

Aaˇbaˬdiˇ 1:1

Heu-aˬ, Miˬyehˇ gʼaˇ duˬ Awˇbaˬdiˇ neh ngehˬ dah-euˬ dawˬ deuˬ meh. Eˬdoˬ miˇ kʼahˬ-euˬ gaˇ kawˆ Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. Sahˬpaˬ Miˬyehˇ gʼaˬ kʼehˇ pyehˬ-awˇ, miˇ kʼahˬ doe ni bi tsaꞈ gaˬ-euˬ, dawˬ kʼoeˇ nga maꞈ ya gaˬ-euˬ ma. “Lehˬ hmˬ-awˬ. Eˬdoˬ miˇ kʼahˬ-ahˇ, aˬ dui guiˇ deuˆ-iˇ-eu lehˇ ma.

Aaˇbaˬdiˇ 1:10

Nawˬ-euˬ mehˇ nmˇ deuˬ pyeuꞈ luꞈ-eu, Yaˬkoˆ-euˬ zaˬ kʼoeˇ deuˬ-ahˇ nawˇ, tahˇ joe joe-awˇ sehꞈ-euˬ miˇ neh, luˬ-eu seˇ-eu nawˇ ya daˬ-awˇ, mˬ maˬ maˬ byaˆ daˬ ga tehꞈ-a.

Maˬlaˬkiˇ 1:3

Iˇsawˇ hawˇ-eu aˬ yawꞈ-euˬ zaˬ deuˬ uˆ deuˬ-ahˇ ngaˇ bye-euˬ ma. Iˇsawˇ jawˇ-eu gawˬ jawˬ gawˬ duˇ miˇ kʼahˬ deuˬ-ahˇ ngaˇ ngehˬ maˬ gʼeh ni byehˇ byoˆ nehˬ-awˇ, bawˇ tsahˬ jeˬ zaˬ jawˇ duˬ bi pyeuꞈ-iˇ-euˬ ma.”

Maꞈtehˬ 12:30

“Ngaˇ jawˇ paw maˬ pyawˬ-eu tsawˇ haˬ-aˬ, ngaˬ-ahˇ muiˇ-eu tsawˇ haˬ meh. Ngaˬ nehˬ-ehˇ tiˬ kawˆ loꞈ-ehˇ maˬ gʼoˆ uiˬ maˬ gʼoˆ bymˇ-eu tsawˇ haˬ-aˬ, byaˆ dzeh-eu tsawˇ haˬ meh.