Maˬlaˬkiˇ 1:3 - Akha

³ Iˇsawˇ hawˇ-eu aˬ yawꞈ-euˬ zaˬ deuˬ uˆ deuˬ-ahˇ ngaˇ bye-euˬ ma. Iˇsawˇ jawˇ-eu gawˬ jawˬ gawˬ duˇ miˇ kʼahˬ deuˬ-ahˇ ngaˇ ngehˬ maˬ gʼeh ni byehˇ byoˆ nehˬ-awˇ, bawˇ tsahˬ jeˬ zaˬ jawˇ duˬ bi pyeuꞈ-iˇ-euˬ ma.”

Maˬlaˬkiˇ 1:3 ပူးပေါင်းရင်းမြစ်များ

Aˇ dahˬ 25:23

Sahˬpaˬ Miˬyehˇ aˬ yawꞈ-ahˇ ehˇ nehˬ-eu, “Nawˬ-euˬ uˬ maˆ laꞈ kʼoeˇ tsawˇ jeuˬ nyiˬ jeuˬ uˇ luꞈ-eu meh. Tiˬ jeuˬ tiˇ jeuˬ maˬ tsaˬ leˇ-eu tsawˇ jeuˬ nyiˬ jeuˬ-ahˇ nawˇ ya bi dehꞈ doˆ le tehꞈ-a. Tsawˇ jeuˬ tiˬ jeuˬ-aˬ, yawˬ jeuˬ yawˬ naˆ maˬ tseˇ gʼaˬ kʼaˆ dzehˬ tehꞈ-a. Aˬ yuiꞈ gʼaˬ-aˬ, aˬ nyiˇ gʼaˬ-euˬ laꞈ oꞈ ya awꞈ tehꞈ-a.”

Iˇsaˬyaˇ 35:7

Lahˇ dui dui-eu kʼaˇ shuiꞈ deh yaˇ lah pyeuꞈ-iˇ-awˇ, gui coˇ ni gʼeh-eu miˇ kʼahˬ lawˇ gawˆ yoeˇ le tehꞈ-a. Bawˇ tsahˬ aˬ kuiˬ deuˬ jawˇ-euˬ diˬ shuiˇ-ahˇ, aˇ toꞈ hawˇ-eu huˇ seu dehꞈ laˇ tehꞈ-a.

Yeˬlaˬmiˇ 49:10

Ehˇ kʼawꞈ, Iˇsawˇ-euˬ zaˬ deuˬ uˆ deuˬ-ahˇ ngaˇ dzuˇ tsui ni ya jiˇ nehˬ-awˇ, aˬ yawꞈ maꞈ maˬ cehˆ zaꞈ dzeuˇ nya ni, ngaˇ poˆ mawˇ jiˇ-euˬ ma. Eˬdoˬ tsawˇ haˬ tiˬ gʼaˬ-iˬ maˬ dzeuˇ-iˇ ni bi laˆ cawˆ jiˇ-euˬ meh.

Yeˬlaˬmiˇ 49:20

Kʼoeˇ miˇ neh, Eˬdoˬ tsawˇ haˬ deuˬ-ahˇ ngaˇ jahˇ nehˬ-eu lehˇ lehˬ hmˬ taˬ-euˬ jeˬ hawˇ-eu, Teˬmaˬ meuˬ-ahˇ jawˇ-eu deuˬ-ahˇ ngaˇ jahˇ nehˬ mawꞈ-eu gaˇ kawˆ-ahˇ naˇ haˬ-awˬ. Aˬ yawꞈ maꞈ-euˬ zaˬ deuˬ-ahˇ keuˆ ni bi tsahˇ byoˆ gʼeh gaˇ keuˆ-awˇ, tsawˇ haˬ yawˬ gʼaˬ na luꞈ guˆ dui dui-iˇ tehꞈ-a.

Yeˬlaˬmiˇ 49:33

Haˬzawˇ meuˬ-aˬ, mˬ maˬ maˬ byaˆ zaˇ ziˇ bawˇ tsahˬ aˬ kuiˬ jawˇ-eu kʼaˇ shuiꞈ deh ga bi pyeuꞈ-iˇ ma. Tsawˇ haˬ tiˬ gʼaˬ-iˬ kʼoeˇ gaˇ maˬ paˇ jawˇ leˇ-aˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 49:7

Eˬdoˬ miˇ kʼahˬ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Eˬdoˬ tsawˇ haˬ deuˬ tsawˇ gahˇ maˬ paˇ ahˇ mehˬ loˇ. Aˬ yawꞈ maꞈ-ahˇ nui noeˬ nui duˇ biꞈ-eu deuˬ, aˬ joˆ-ehˇ ya jahˇ-eu gaˇ kawˆ aˬ yawꞈ maꞈ-ahˇ maˬ paˇ ehˇ nehˬ nya meh loˇ. Aˬ yawꞈ maꞈ-euˬ zaˬ siˬ tsawˇ gahˇ dawˬ tawˆ luꞈ byoˆ jiˇ mehˬ loˇ.

Yeˬlaˬmiˇ 49:8

Deˬdaˬ meuˬ-ahˇ jawˇ-eu tsawˇ haˬ deuˬ-oˇ, naˇ kʼah ciˬ pyawˇ-awˇ cehˆ byoˆ-awˇ, dzuˇ zaꞈ byoˆ-awˬ. Iˇsawˇ-euˬ zaˬ deuˬ uˆ deuˬ-ahˇ ngaˇ laˆ cawˆ-eu lehˇ gʼeh-eu ma. Aˬ jeˬ miˇ neh ehˇ naˇ, aˬ yawꞈ maꞈ-ahˇ ngaˇ kʼehˬ nehˬ kʼaˆ nehˬ-eu aˇ yamˬ tsaˬ laˇ-euˬ meh.

Yeˬlaˬmiˇ 51:37

Miˇ kʼahˬ kʼoeˇ kʼahˬ-aˬ, yaw cawˆ jeˬ-euˬ duˬ gahˬ pyeuꞈ-iˇ-awˇ, bawˇ tsahˬ jeˬ zaˬ deuˬ-euˬ jawˇ duˬ pyeuꞈ-iˇ tehꞈ-a. Kʼoeˇ-aˬ, guˆ laˇ paˬ-ehˇ gʼeh-eu jawˇ duˬ pyeuꞈ-iˇ-awˇ, tsawˇ haˬ tiˬ gʼaˬ-iˬ maˬ jawˇ-eu uˬ taꞈ, kʼaˇ le mawˇ-euˬ tsawˇ haˬ deuˬ tsawˬ guˆ dui dui iˇ tehꞈ-a.

Yeˬlaˬmiˇ 9:11

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ meuˬ coeˬ jehˆ bymˇ bi pyeuꞈ-iˇ-awˇ, bawˇ tsahˬ aˬ kuiˬ jawˇ duˬ bi pyeuꞈ-iˇ ma. Yuˇdaˆ miˇ kʼahˬ-euˬ meuˬ deuˬ, bawˇ tsahˬ bawˇ dahˇ bi pyeuꞈ-iˇ ma.”

Ngoeˇ dawˬ 4:22

Ziˇoˬ meuˬ-oˇ, nawˬ-ahˇ kʼehˬ-eu, gʼawˬ myahˇ ni maˬ paˇ ya daˬ meh. Aˬ cawˬ miˇ kʼahˬ laꞈ kʼoeˇ, aˬ dui, gʼawˬ myahˇ ni maˬ paˇ ya shaˬ meh. Ehˇ kʼawꞈ Eˬdoˬ meuˬ-oˇ nawˇ-aˬ, nawˬ-euˬ iˬ baˇ bi pah dzeh-awˇ, Sahˬpaˬ Miˬyehˇ neh bi kʼehˬ meh.

Yeˬsaˬgeˬlaˇ 36:7

Dawˬ peh jawˇ-eu tsawˇ jeuˬ ya shaꞈ dawˇ tehꞈ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ maˇ jawˆ ni ehˇ tsehˆ-eu ma.

Yeˬsaˬgeˬlaˇ 36:9

Naw maꞈ jawˇ paw ngaˇ pyawˬ-awˇ, naw maꞈ-euˬ deh yaˇ paˇ tsehˬ-awˇ, siˬ yoeˬ paˇ ya sehˬ tehꞈ-a lehˇ, ngaˇ ehˇ tsehˆ-eu ma.

Yawˇlaˆ 3:19

“Iˇjiˇtuˆ hawˇ-eu Eˬdoˬ-aˬ, Yuˇdaˆ miˇ kʼahˬ-ahˇ guiˇ deuˆ-awˇ, maˬ lehˬ maˬ ca-eu tsawˇ haˬ-ahˇ, shiˬ sehꞈ yoeˇ-euˬ jaˆ-eu miˇ neh, Iˇjiˇtuˆ miˇ kʼahˬ byoˆ le-awˇ, kʼaˇ shuiꞈ deh ga pyeuꞈ-iˇ tehꞈ-a. Eˬdoˬ miˇ kʼahˬ gʼeh byoˆ le-awˇ, bawˇtsahˬ bawˇdahˇ pyeuꞈ-iˇ tehꞈ-a.

Aaˇbaˬdiˇ 1:10

Nawˬ-euˬ mehˇ nmˇ deuˬ pyeuꞈ luꞈ-eu, Yaˬkoˆ-euˬ zaˬ kʼoeˇ deuˬ-ahˇ nawˇ, tahˇ joe joe-awˇ sehꞈ-euˬ miˇ neh, luˬ-eu seˇ-eu nawˇ ya daˬ-awˇ, mˬ maˬ maˬ byaˆ daˬ ga tehꞈ-a.

Luˇkaꞈ 14:26

“Ngaˬ-euˬ mehˬ nah caw teh laˇ-eu tsawˇ haˬ aˬ geu gʼaˬ maˬ kaˬ, yawˬ ha-euˬ aˬ da aˬ ma, yawˬ ha-euˬ miˬ sawˇ zaˬ, yawˬ ha-euˬ mehˇ nmˇ dmˇ ma deuˬ-ahˇ byehˇ dzeh coeˇ-eu uˬ taꞈ, yawˬ haˇ yawˬ ha maˬ byehˇ dzeh coeˇ naˇ, ngaˬ-euˬ zaˬ lahˇ maˬ geuꞈ nya-a.