Maˬlaˬkiˇ 1:14 - Akha

¹⁴ Jeˬ zaˬ kuˆ laꞈ kʼoeˇ, ngaˬ-ahˇ biꞈ ma lehˇ ehˇ taˬ-euˬ jeˬ shawˇ jawˇ kʼawꞈ, maˬ shawˇ-eu jeˬ zaˬ tsahˇ-awˇ ngaˬ-ahˇ lawˇ nehˬ laˇ-euˬ mehˇ shuiˇ shuiˇ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a. Aˬ jeˬ miˇ neh ehˇ naˇ, ngaˇ-aˬ, huiˬ dui dui-eu sahˬ paˬ pyeuꞈ-awˇ, miˇ tsaˬ tsawˇ jeuˬ dawˬ tawˆ luꞈ ngaˬ-ahˇ guˆ-eu meh.”

Maˬlaˬkiˇ 1:14 ပူးပေါင်းရင်းမြစ်များ

Aˇ dahˬ 27:12

Iˇ no ngaˬ da ngaˬ-ahˇ sawˆ haw-awˇ, ngaˇ jaˬ myawꞈ myawꞈ laˇ-euˬ nga lehˇ siˬ duˬ naˇ, aˬ joˆ-ehˇ jahˇ nmˇ. Guiˬ lahˬ maˬ za-eu uˬ taꞈ, yaˬ kʼehˇ yaˬ nehˬ laꞈ gaˇ ya daˬ tehꞈ-a.”

2 Saˬmeuˬlaˆ 24:24

Ehˇ kʼawꞈ, sahˬ paˬ ehˇ-eu, “Tiˬ jeˬ-iˬ yawꞈ ngehꞈ-ehˇ ngaˇ maˬ yuˇ. Kʼoeˇ-euˬ gʼaˇ duˬ ngaˇ nawˬ-ahˇ aˇ poeˬ biꞈ ma. Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, aˇ poeˬ maˬ biꞈ ni yawꞈ ngehꞈ-ehˇ za-euˬ jeˬ ngaˇ maˬ lawˇ nehˬ.” Kʼoeˇ naˇ, pyuˇ maˇ byaˆ ngaˬ tseˇ byaˆ biꞈ-awˇ, cehˇ bymˇ saˬ kʼawꞈ hawˇ-eu mawˇ neˇ mawˇ gaw kʼoeˇ deuˬ aˬ yawꞈ zeuˇ tsehˆ-euˬ meh.

Jaceuq 102:16

Ziˇoˬ meuˬ-ahˇ Sahˬpaˬ Miˬyehˇ paˇ tsoˆ muiˬ ngeh, aˬ yawꞈ huiˬ-eu mahˇ-eu gaˇ kawˆ pah mehˬ tehꞈ-a.

Jaceuq 47:2

Huiˬ dui mahˇ dui dui-eu gʼaˬ pyeuꞈ-eu Sahˬpaˬ Miˬyehˇ-aˬ, guˆ paˬ-ehˇ gʼeh-eu tiˬ gʼaˬ meh. Aˬ yawꞈ-aˬ, miˇ kʼahˬ dawˬ tawˆ luꞈ kʼoeˇ taˆ uˆ lahˇ-eu huiˬ-eu sahˬ paˬ meh.

Jaceuq 47:3

Aˬ yawꞈ neh aˬ dui-ahˇ tsawˇ haˬ dawˬ tawˆ luꞈ kʼoeˇ taˆ bi gʼaˬ leˇ nehˬ laꞈ-awˇ, tsawˇ jeuˬ dawˬ tawˆ luꞈ kʼoeˇ taˆ bi uˆ lahˇ laꞈ-euˬ meh.

Jaceuq 47:8

Miˬyehˇ-aˬ, aˬ yawꞈ-euˬ muiˬ-eu shawˇ-eu nuiˇ mahˬ kʼoeˇ taˆ nuiˇ-awˇ, tsawˇ jeuˬ dawˬ tawˆ luꞈ kʼoeˇ taˆ uˆ lahˇ-eu meh.

Jaceuq 48:2

Miˬyehˇ-euˬ Ziˇoˬ gawˬ jawˬ-aˬ, yaw goˇ-ahˇ jaˆ-awˇ haw muiˬ dui dui-eu meh. Huiˬ-eu sahˬ paˬ-euˬ meuˬ kʼoeˇ meuˬ, miˇ kʼahˬ dawˬ tawˆ luꞈ kʼoeˇ taˆ laˬ kʼaˬ cehˇ-eu jeˬ bi keuˆ le-eu meh.

Jaceuq 68:35

Aˬ yawꞈ-euˬ muiˬ-eu shawˇ-eu jawˇ duˬ-ahˇ neh doˆ le-eu Miˬyehˇ, aˇ naˆ ni zahˬ leˇ paˬ-ehˇ gʼeh-eu nga. Iˇsaˬleˬlaˆ-euˬ Miˬyehˇ aˇ naˆ ni zahˬ leˇ paˬ-ehˇ gʼeh-eu nga. Aˬ yawꞈ-euˬ tsawˇ jeuˬ-ahˇ, gʼaˬ hawˇ-eu baoˬ aˬ yawꞈ biꞈ nehˬ-euˬ meh. Miˬyehˇ-ahˇ ja ceuˬ-awˬ.

Jaceuq 76:12

Miˇ kʼahˬ-ahˇ uˆ lahˇ-eu deuˬ nui ma baˬ-iˇ ni aˬ yawꞈ jahˇ-awˇ, sahˬ paˬ deuˬ-ahˇ aˬ yawꞈ laˆ guˆ-eu meh.

Jaceuq 95:3

Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, Baoˬ huiˬ-eu Miˬyehˇ pyeuꞈ-awˇ, Miˬyehˇ dawˬ tawˆ kʼoeˇ taˆ baoˬ huiˬ-eu sahˬ paˬ meh.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Yeˬlaˬmiˇ 46:18

Ngaˇ, Baoˬ huiˬ-eu Sahˬpaˬ Miˬyehˇ-aˬ, dzoeˬ dzaˬ sahˬ paˬ pyeuꞈ-awˇ, dehꞈ luꞈ-eu Miˬyehˇ ma. Gawˬ jawˬ dawˬ tawˆ kʼoeˇ taˆ Taˬbawˬ gawˬ jawˬ goˇ-eu loꞈ-ehˇ, laˆ shaˆ kʼoeˇ taˆ Kaˬlaˬmeˬlaˇ gawˬ jawˬ uˆ-eu loꞈ-ehˇ, naw maꞈ-ahˇ guiˇ deuˆ le-eu gʼaˬ, gʼaˬ kʼaˆ aˬ cawˬ taꞈ-ehˇ dzehˬ ma.

Yeˬlaˬmiˇ 48:10

Sahˬpaˬ Miˬyehˇ neh bi mˇ-euˬ jeˬ-ahˇ nui ma pi-awˇ maˬ mˇ-eu tsawˇ haˬ, yaˬ kʼehˇ yaˬ gaˇ ya daˬ tehꞈ-a. Mi cehˇ tuˆ tehˬ-awˇ tsawˇ haˬ-ahˇ maˬ sehꞈ peuˬ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a.

Yeˬlaˬmiˇ 48:15

Mawˇbaˆ miˇ kʼahˬ hawˇ-eu kʼoeˇ gaˇ jaˆ-euˬ meuˬ deuˬ, dawˬ tawˆ luꞈ bi laˆ cawˆ jiˇ-awˇ loˆ dui dui-eu zaˬ guˬ deuˬ bi sehꞈ-euˬ meh lehˇ, ngaˇ Baoˬ huiˬ-eu Sahˬpaˬ Miˬyehˇ, miˇ kʼahˬ sahˬ paˬ pyeuꞈ-eu gʼaˬ ehˇ-eu ma.

Daˬyeˬlaˇ 4:37

“Nymˬ-mˇ poˆ jawˇ, ngaˇ Neˬbuˬkaˬneˬzaˬ-aˬ, mˬ taˆ Sahˬ paˬ-ahˇ ja ceuˬ-awˇ taˬ huiˬ-eu uˬ taꞈ, ciˬ huiˬ ciˬ mahˇ dui dui-eu ma. Aˬ yawꞈ neh kʼaˇ mˇ kʼaˇ shaˇ-euˬ jeˬ tsaˬ dui dawˇ dui dui-awˇ, nui ma huiˬ-eu mahˇ-eu tsawˇ haˬ-ahˇ aˬ yawꞈ zuiˆ gʼaˬ nya-eu meh.”

Daˬyeˬlaˇ 9:4

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ jeuˬ-euˬ iˬ baˇ ehˇ doˆ nehˬ-euˬ ma. “Sahˬpaˬ Miˬyehˇ pyeuꞈ-eu Miˬyehˇ-oˇ, nawˇ-aˬ, huiˬ dui mahˇ dui dui-eu gʼaˬ meh. Nawˬ-ahˇ nga maꞈ taˬ huiˬ taˬ mahˇ-eu ma. Nawˬ-euˬ dawˬ ma saˇ jaˇ-ahˇ nawˇ maˬ byehˇ dzeh ni, nawˬ-ahˇ gaˬ-awˇ, nawˬ-euˬ dawˬ-ahˇ naˇ haˬ geuꞈ-eu tsawˇ haˬ deuˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ tiˬ jawˇ-iˬ maˬ tsehˆ-iˇ-a.

Zeˬpaˬniˇ 2:11

Sahˬpaˬ Miˬyehˇ aˬ yawꞈ maꞈ-ahˇ, yaw kʼaˆ-ehˇ laˆ guˆ nehˬ tehꞈ-a. miˇ taˆ miˬyehˇ dawˬ tawˆ luꞈ-ahˇ, SahˬpaˬMiˬyehˇ laˆ cawˆ jiˇ-awˇ, miˇtsaˬtsawˇjeuˬtsawˇca dawˬtawˆ, yawˬ ha jawˇ-eu miˇ kʼahˬ laꞈ kʼoeˇ, aˬ yawꞈ-ahˇ uˬ duˬ tahˬ tehꞈ-a.

Zaˬkaˬliˇ 14:9

Kʼoeˇ naˇ, miˇ tsaˬ dawˬ tawˆ luꞈ kʼoeˇ taˆ Sahˬpaˬ Miˬyehˇ sahˬ paˬ geuꞈ-awˇ uˆ lahˇ tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ Miˬyehˇ-ahˇ tehꞈ-ehˇ uˬ duˬ tahˬ-awˇ, Miˬyehˇ-euˬ tsawˇ myahˇ tiˬ myahˇ tehꞈ-ehˇ jaˆ tehꞈ-a.

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Maˬlaˬkiˇ 1:8

Myaˆ behꞈ behꞈ-eu jeˬ zaˬ, naˇ gawˇ ahˇ-eu jeˬ zaˬ, kuiˇ kuˆ laꞈ kuˆ kuˆ-eu jeˬ zaˬ heu deuˬ naw maꞈ ngaˬ-ahˇ lawˇ nehˬ laˇ ngeh, tiˬ jeˬ-iˬ maˬ bahˬ-aˇ lehˇ noeˬ te loˇ. Miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ-ahˇ kʼoeˇ loꞈ-ehˇ gʼeh-eu jeˬ zaˬ biꞈ leˇ haw sheˇ. Aˬ yawꞈ maꞈ nui kʼahˇ shiˇ-awˇ laˬ kʼaˬ tiˬ cehˇ ha geuꞈ nehˬ laꞈ tehꞈ-a loˇ.”

Maˬlaˬkiˇ 2:1

Baoˬ huiˬ-eu Sahˬpaˬ Miˬyehˇ piˇ ma deuˬ-ahˇ heu loꞈ-ehˇ ehˇ-eu meh. “Naw maꞈ-ahˇ ngaˇ heu loꞈ-ehˇ dawˬ biꞈ-eu ma.

Maˬlaˬkiˇ 3:9

Tsawˇ jeuˬ jeuˬ lah ni ngaˬ-ahˇ mehˇ shuiˇ shuiˇ-eu miˇ neh, naw maꞈ dawˬ tawˆ luꞈ yaˬ kʼehˇ yaˬ gaˇ ya daˬ tehꞈ-a.

Maꞈtehˬ 24:51

Kʼoeˇ ngeh jawˇ, baw leˬ gʼaˬ neh zaˬ kʼaˆ kʼoeˇ gʼaˬ-ahˇ shiˇ taw tehˬ ni diˬ-awˇ, awꞈ-aˬ tahˬ kʼoˬ-ahˇ duˇ-eu tsawˇ haˬ deuˬ ya mˇ-eu shaˬ zahˬ aˬ yawꞈ-ahˇ bi mˇ tehꞈ-a. Kʼoeˇ gaˇ, aˬ yawꞈ ngoeˇ-awˇ seuˬ teuꞈ teuꞈ-ehˇ ya jawˇ tehꞈ-a.

Maꞈtehˬ 5:35

Miˇ-ahˇ gʼoe-awˇ neh kʼawꞈ taˬ kamˬ. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ-euˬ aˬ kuiˇ cawˬ taˬ duˬ meh. Yeˬluˇsaˬlehˬ meuˬ-ahˇ gʼoe-awˇ neh kʼawꞈ taˬ kamˬ. Aˬ jeˬ miˇ neh ehˇ naˇ, kʼoeˇ-aˬ, huiˬ dui dui-eu Sahˬ paˬ-euˬ meuˬ meh.

Maˬkuˆ 14:8

Zaˬ miˬ zaˬ heu gʼaˬ aˬ yawꞈ kʼaˇ gʼeh nya-eu loꞈ-ehˇ mˇ-euˬ meh. Ngaˬ-ahˇ baꞈ pahˬ-eu aˇ yamˬ maˬ keuˆ laˇ mi naˆ-ehˇ, ngaˬ-euˬ gʼawˇ mawˇ-ahˇ tsiˇ yaw saw jeˬ shehˆ daˆ-awˇ, baꞈ pahˬ-eu gʼaˇ duˬ laˆ saˆ nehˬ laꞈ-euˬ meh.

Luˇkaꞈ 12:46

tiˬ nah keuˆ laˇ ngeh, zaˬ kʼaˆ kʼoeˇ gʼaˬ maˬ noeˬ maˬ duˇ-ehˇ jawˇ gaˇ, baw leˬ gʼaˬ gʼoꞈ keuˆ le tehꞈ-a. Kʼoeˇ ngeh, baw leˬ gʼaˬ zaˬ kʼaˆ kʼoeˇ gʼaˬ-ahˇ shiˇ taw tehˬ ni diˬ-awˇ, saˇ jaˇ maˬ ziꞈ-eu zaˬ kʼaˆ deuˬ nehˬ-ehˇ tiˬ kawˆ loꞈ-ehˇ bi jawˇ tehꞈ-a.

2 Gawˇliˬtu 8:12

Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.

Dawˬmehˬ 28:58

“Sahˬ boꞈ heu taꞈ laꞈ kʼoeˇ boꞈ taˬ-euˬ Miˬyehˇ neh mehˬ nehˬ tsoˆ nehˬ-euˬ jeˬ dawˬ tawˆ luꞈ-ahˇ saˇ jaˇ ziꞈ-awˇ maˬ caw teh-ehˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˬ dui dui leˇ paˬ-ehˇ gʼeh-eu tsawˇ myahˇ-ahˇ yaw zeu maˬ baw naˇ,

1 Tiˆmoˇseˬ 6:15

Dawˬ tawˆ luꞈ kʼoeˇ taˆ tiˬ gʼaˬ tehꞈ-ehˇ uˆ lahˇ luꞈ-eu guiˬ lahˬ huiˬ-eu Uˆ lahˇ-eu gʼaˬ pyeuꞈ-awˇ, sahˬ paˬ kʼoeˇ taˆ Sahˬpaˬ, sahˬ ma kʼoeˇ taˆ Sahˬma pyeuꞈ-eu Miˬyehˇ-aˬ, aˬ yawꞈ-ahˇ aˇ yamˬ tsaˬ ngeh bi oe tehꞈ-a.

HeˬByehˇ 12:29

Aˬ jeˬ miˇ neh ehˇ naˇ, aˬ dui-euˬ Miˬyehˇ-aˬ, maˇ maˇ ni laˆ luˬ laˆ seˇ-eu miˬ dzaˬ pyeuꞈ-eu meh.

Panmaeq 15:4

Sahˬpaˬ Miˬyehˇ-oˇ, nawˬ-euˬ mehˬ shi yawꞈ-awˇ, maˬ zahˬ leˇ-eu aˬ suˇ jawˇ ta. Nawˇ huiˬdui mahˇdui dui meh lehˇ, maˬ ja ceuˬ-eu aˬ suˇ jawˇ ta. Nawˇ tehꞈ-ehˇ muiˬ-eu shawˇ-eu meh. Nawˬ neh mˇ-euˬ yaw tsaˬ yaw dawˇ, tsawˇ haˬ zaˬ mawˇ jiˇ-euˬ miˇ neh, Miˇ kʼahˬ tsawˇ jeuˬ dawˬ tawˆ laˇ-awˇ, nawˬ-ahˇ uˬ duˬ tahˬ laˇ tehꞈ-a.”

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.