Maˬkuˆ 9:9 - Akha

⁹ Aˬ yawꞈ maꞈ gawˬ jawˬ-ahˇ neh zaꞈ ka le luꞈ geh, Yeˬsuˇ aˬ yawꞈ maꞈ-ahˇ dawˬ biꞈ-awˇ ehˇ-eu, “Tsawˇ haˬ-euˬ Zaˬmaˇ shiˇ-awˇ, Miˬyehˇ neh maˬ bi gʼoꞈ dehꞈ laˇ kʼoeˇ keuˆ ni, naw maꞈ neh kʼaˇ ya mawˇ-euˬ jeˬ, tiˬ gʼaˬ-ahˇ-iˬ taˬ ja nehˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoernar-aq, gawqjawq-anr nae zafkale ngae, Tsawrhaq-euq Zaqyo shir-awr maq ghofdaef lar-euq khoer-aq, nawmaf nae ya’mawr-euq garkawv aqcawq-anr taq ja’naeq de-eq laer Yeqsur, aqyawf maf-anr dawq bif-euq mae.

Maˬkuˆ 9:9 ပူးပေါင်းရင်းမြစ်များ

Maꞈtehˬ 12:19

Tsawˇ pyehˇ pyehˇ-awˇ guˇ gʼaˬ-eu jeˬ, gaˇ ma doe ni lawꞈ gʼa-eu jeˬ, aˬ yawꞈ tiˬ jawˇ-iˬ maˬ jahˇ-aˇ.

Maꞈtehˬ 12:40

Ngaˬ shaˬ shaˬ ma-euˬ uˬ maˆ laꞈ kʼoeˇ Yawˇnaˆ smˬ nah smˬ miˇ uˇ-euˬ loꞈ-ehˇ, Tsawˇhaˬ-euˬ Zaˬmaˇ kʼawꞈ, miˇ tsaˬ dawˬ dah smˬ nah smˬ miˇ ya uˇ tehꞈ-a.

Maꞈtehˬ 16:21

Kʼoeˇ ngeh nah neh aˇ dahˬ beh-awˇ, zaˬ lahˇ deuˬ-ahˇ Yeˬsuˇ heu loꞈ-ehˇ bya cehˆ ni ehˇ nehˬ-euˬ meh. “Yeˬluˇsaˬlehˬ meuˬ-ahˇ ngaˇ le-awˇ, aˬ yuiꞈ aˬ tsu deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, ngaˬ-ahˇ gʼawˬ mya jeˬ jahˇ nehˬ laꞈ gaˇ ya daˬ dui dui-eu yaw duˬ baw meh. Aˬ cawˬ ngaˬ-ahˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ ngaˬ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 27:63

Aˬ yawꞈ maꞈ sahˬ paˬ Piˇlaˆ-ahˇ ehˇ nehˬ-eu, “Sahˬ paˬ-oˇ, jaꞈ myawꞈ aˬ da kʼoeˇ gʼaˬ maˬ shiˇ mi naˆ-ehˇ, smˬ nah byah laˇ naˇ Miˬyehˇ aˬ yawꞈ-ahˇ paˇ bi gʼoꞈ dehꞈ laˇ meh lehˇ aˬ yawꞈ ehˇ-eu nga maꞈ ya gaˬ taˬ-euˬ ma.

Maꞈtehˬ 8:4

Kʼoeˇ naˇ, aˬ yawꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Gaˇ kawˆ heu tsawˇ haˬ tiˬ gʼaˬ-ahˇ-iˬ maˬ ja mehˬ ni yahˇ-awˬ. Ehˇ kʼawꞈ, piˇ ma jawˇ gaˇ iˇ-awˇ, nawˬ-euˬ gʼawˇ mawˇ-ahˇ bi pyehˆ tseˇ duˬ-awˬ. Kʼoeˇ naˇ, nawˬ-euˬ naˇ gawˇ taˬ leˇ-euˬ gaˇ kawˆ aˬ cawˬ bi siˬ duˬ-eu gʼaˇ duˬ, Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ lawˇ-eu shehˇ-eu jeˬ mˇ-iˇ-awˬ.”

Maˬkuˆ 5:43

Gaˇ kawˆ kʼoeˇ aˬ cawˬ maˬ bi siˬ ni yahˇ-eu gʼaˇ duˬ, aˬ yawꞈ maꞈ-ahˇ Yeˬsuˇ yaw kʼaˆ kʼaˆ-ehˇ ehˇ nehˬ-euˬ meh. Kʼoeˇ naˇ, “Aˬ buˇ-ahˇ tiˬ jeˬ paˬ bi dzaˬ-awˬ” lehˇ, aˬ yawꞈ maꞈ-ahˇ Yeˬsuˇ ehˇ nehˬ-euˬ meh.

Maˬkuˆ 7:36

Gaˇ kawˆ kʼoeˇ aˬ cawˬ tiˬ gʼaˬ-ahˇ-iˬ maˬ ya ja nehˬ-eu gʼaˇ duˬ, tsawˇ haˬ kʼoeˇ deuˬ-ahˇ Yeˬsuˇ dawˬ biꞈ-euˬ meh. Ehˇ kʼawꞈ, aˬ yawꞈ ngehˬ-ehˇ laˆ tsoeˬ naˇ, aˬ yawꞈ maꞈ ngehˬ-ehˇ ja byah gʼeh-euˬ meh.

Maˬkuˆ 9:10

Yeˬsuˇ neh dawˬ biꞈ-euˬ loꞈ-ehˇ aˬ yawꞈ maꞈ naˇ haˬ geuꞈ-euˬ meh. Ehˇ kʼawꞈ, aˬ yawꞈ maꞈ yaw kaˬ ja-eu, “Shiˇ-awˇ gʼoꞈ dehꞈ laˇ-eu lehˇ ehˇ-eu teu aˬ jeˬ-ahˇ ehˇ mawꞈ-eu nga.”

Maˬkuˆ 9:8

Aˬ yawꞈ maꞈ tiˬ jawˬ haw doe gʼeh kʼawꞈ, nui gʼaˬ tiˬ gʼaˬ-iˬ maˬ jawˇ-ehˇ, Yeˬsuˇ tiˬ gʼaˬ tehꞈ-ehˇ aˬ yawꞈ maꞈ nehˬ-ehˇ jawˇ luꞈ gaˇ ya mawˇ-euˬ meh.

Luˇkaꞈ 24:46

Kʼoeˇ naˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ meh. Ka li-aˬ, sehꞈ gaˇ ya daˬ-awˇ, smˬ nah byah laˇ naˇ, Miˬyehˇ neh paˇ bi gʼoꞈ dehꞈ laˇ tehꞈ-a.

Luˇkaꞈ 9:36

Kʼoeˇ loꞈ-ehˇ ngehˬ doˆ laˇ ngeh, Yeˬsuˇ tiˬ gʼaˬ tehꞈ-ehˇ jawˇ luꞈ gaˇ aˬ ha smˇ gʼaˬ ya mawˇ-euˬ meh. Kʼoeˇ naˇ, aˬ yawꞈ maꞈ neh ya mawˇ-euˬ gaˇ kawˆ kʼoeˇ, aˇ nah aˇ yamˬ kʼoeˇ yamˬ laꞈ kʼoeˇ aˬ cawˬ tiˬ gʼaˬ-ahˇ-iˬ maˬ ehˇ nehˬ ni, ciˬ cuˇ ni jawˇ-euˬ meh.