Maˬkuˆ 9:45 - Akha

⁴⁵ Nawˬ-euˬ aˬ kuiˇ tiˬ kahˬ baˬ da neh nawˇ iˬ baˇ ya mˇ-euˬ ngeuˇ naˇ, aˬ kuiˇ kʼoeˇ kahˬ deuˆ tsehˆ dzeh-awˬ. Aˬ kuiˇ nyiˬ kahˬ luꞈ tsoꞈ-awˇ shiˬ buiˇ lah ma-ahˇ bi biˬ puꞈ-eu naˆ maˬ tseˇ, aˬ kuiˇ tiˬ kahˬ tehꞈ-ehˇ tsoꞈ kʼawꞈ, mˬ taˆ miˇ kʼahˬ-ahˇ le keuˆ-awˇ ya dehꞈ-eu-aˬ, nawˬ-euˬ gʼaˇ duˬ muiˬ dzehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁵ Nawq-euq aqkuir tiq kuir nawq-anr iqbax bi mrlaeq lar-eu nar-aq, deuvtsaev dzae-awq. Aqkuir nyiq kuirluf tsof-awr, shiqbuir lanma-anr bi bafanr ghae-eu navmaqtser, arsaer danq-ir-awr, li-eu maqbawni daef-eu jeq-euq lafkhoer ya urler-eu-aq muiqdzaeq taef-a.

Maˬkuˆ 9:45 ပူးပေါင်းရင်းမြစ်များ

Maꞈtehˬ 18:8

“Nawˇ jah-eu nui ma byoˆ-iˇ ni, nawˬ-euˬ aˬ laꞈ neh maˬ ehˇ, aˬ kuiˇ neh maˬ ehˇ, jahˇ-euˬ ngeuˇ naˇ, deuˆ tsehˆ-awˇ biˬ dzeh-awˬ. Aˬ kuiˇ aˬ laꞈ aˇ sehˇ byah-awˇ mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ bi baꞈ puiˆ-eu naˆ maˬ tseˇ, aˬ kuiˇ aˬ laꞈ aˇ sehˇ dahˬ-iˇ-awˇ dehꞈ-eu jeˬ za-eu-aˬ muiˬ dzehˬ tehꞈ-a.

Maꞈtehˬ 5:22

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Yawˬ ha-euˬ mehˇ nmˇ -ahˇ nui ma pehˇ-eu tsawˇ haˬ aˬ geu gʼaˬ maˬ kaˬ, yaˇ kʼaˬ daˇ gaˇ ya daˬ tehꞈ-a. Yawˬ ha-euˬ mehˇ nmˇ-ahˇ yaˬ kʼehˇ yaˬ-eu tsawˇ haˬ-aˬ, yaˇ kʼaˬ daˇ-eu deuˬ-euˬ mehˬ shi bi sheuˬ keuˆ gʼeh tehꞈ-a. Yawˬ ha-euˬ mehˇ nmˇ-ahˇ, ‘Miˬyehˇ-ahˇ maˬ siˬ nya-eu tsawˇ cawˆ’ lehˇ ehˇ-eu tsawˇ haˬ-aˬ, shiˬ buiˇ lah ma-ahˇ ya shaˬ tehꞈ-a.

Maˬkuˆ 9:43

Kʼoeˇ miˇ neh, nawˬ-euˬ aˬ laꞈ tiˬ pyawˬ baˬ da neh nawˇ iˬ baˇ ya mˇ-euˬ ngeuˇ naˇ, aˬ laꞈ kʼoeˇ pyawˬ toˆ tsehˆ dzeh-awˬ. Aˬ laꞈ nyiˬ pyawˬ luꞈ tsoꞈ-awˇ, tiˬ jawˇ-iˬ maˬ miˆ-iˇ ni doꞈ luꞈ-eu shiˬ buiˇ lah ma-ahˇ bi biˬ puꞈ-eu naˆ maˬ tseˇ, aˬ laꞈ tiˬ pyawˬ tehꞈ-ehˇ tsoꞈ kʼawꞈ, mˬ taˆ miˇ kʼahˬ-ahˇ le keuˆ-awˇ ya dehꞈ-eu-aˬ, nawˬ-euˬ gʼaˇ duˬ muiˬ dzehˬ tehꞈ-a.