Maˬkuˆ 9:43 - Akha43 Kʼoeˇ miˇ neh, nawˬ-euˬ aˬ laꞈ tiˬ pyawˬ baˬ da neh nawˇ iˬ baˇ ya mˇ-euˬ ngeuˇ naˇ, aˬ laꞈ kʼoeˇ pyawˬ toˆ tsehˆ dzeh-awˬ. Aˬ laꞈ nyiˬ pyawˬ luꞈ tsoꞈ-awˇ, tiˬ jawˇ-iˬ maˬ miˆ-iˇ ni doꞈ luꞈ-eu shiˬ buiˇ lah ma-ahˇ bi biˬ puꞈ-eu naˆ maˬ tseˇ, aˬ laꞈ tiˬ pyawˬ tehꞈ-ehˇ tsoꞈ kʼawꞈ, mˬ taˆ miˇ kʼahˬ-ahˇ le keuˆ-awˇ ya dehꞈ-eu-aˬ, nawˬ-euˬ gʼaˇ duˬ muiˬ dzehˬ tehꞈ-a. အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq43 Nawq-euq aqlaf tiq laf nawq-anr iqbax bi mrlaf nar-aq, deuvtsaev dzae-awq. Aqlaf nyiq lafluf tsof-awr, maqmiv-ir-eu miqdzaq dofluf-eu shiqbuir lanma-anr ya’ur-ir-eu navmaqtser, arsaer danq-ir-awr, li-eu maqbawni daef-eu jeq-euq lafkhoer ya urler-eu-aq muiqdzaeq taef-a. အခန်းကိုကြည့်ပါ။ |
Maˬkuˆ 9:43
23 ပူးပေါင်းရင်းမြစ်များ
Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-oˇ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ nehˬ-ehˇ, dawˬ ma saˇ jaˇ dzaˬ-awˇ gʼawˇ mawˇ a nehˬ laꞈ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ neh mˇ-euˬ yaw haiˬ jeˬ baˬ da, ngaˇ nui ma pehˇ-eu jeˬ miˬ dzaˬ doꞈ doˆ laˇ-awˇ, laˆ miˆ nya-eu gʼaˬ maˬ jawˇ-a.”
Ehˇ kʼawꞈ, tsawˇ haˬ heu deuˬ-ahˇ coeˬ leˇ ni aˇ nyaꞈ maˬ jahˇ mawꞈ nya. Kʼoeˇ miˇ neh, lah-ahˇ iˇ-awˇ ngaˬ juiꞈ juiꞈ-iˇ-awˬ. Juiꞈ paꞈ beh beh-euˬ ngaˬ shaˬ kʼoeˇ mawˇ gʼeu doˆ-awˬ. Aˇ nyaꞈ gʼaˇ duˬ Uˬ duˬ tahˬ nymˇ nymˇ ma-euˬ kawˬ doˆ tsehˆ nya ni poeˬ-eu pyuˇ maˇ byaˆ tiˬ byaˆ, ngaˬ shaˬ kʼoeˇ mawˇ-euˬ kʼaˬ meh-ahˇ tsmˬ gaˇ nawˇ ya mawˇ tehꞈ-a. Maˇ byaˆ kʼoeˇ byaˆ yuˇ-awˇ, aˬ yawꞈ maꞈ-ahˇ kawˬ doˆ nehˬ-awˬ.”
“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.
Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Yawˬ ha-euˬ mehˇ nmˇ -ahˇ nui ma pehˇ-eu tsawˇ haˬ aˬ geu gʼaˬ maˬ kaˬ, yaˇ kʼaˬ daˇ gaˇ ya daˬ tehꞈ-a. Yawˬ ha-euˬ mehˇ nmˇ-ahˇ yaˬ kʼehˇ yaˬ-eu tsawˇ haˬ-aˬ, yaˇ kʼaˬ daˇ-eu deuˬ-euˬ mehˬ shi bi sheuˬ keuˆ gʼeh tehꞈ-a. Yawˬ ha-euˬ mehˇ nmˇ-ahˇ, ‘Miˬyehˇ-ahˇ maˬ siˬ nya-eu tsawˇ cawˆ’ lehˇ ehˇ-eu tsawˇ haˬ-aˬ, shiˬ buiˇ lah ma-ahˇ ya shaˬ tehꞈ-a.
“Zaˬ kʼaˆ kʼoeˇ gʼaˬ gʼoꞈ laˇ-awˇ, nymˇ sahˇ gʼaˬ-ahˇ gaˇ kawˆ kʼoeˇ deuˬ dzawˇ nehˬ laˇ-euˬ meh. Kʼoeˇ ngeh, nymˇ sahˇ gʼaˬ nui ma pehˇ laˇ-awˇ, aˬ yawꞈ-euˬ zaˬ kʼaˆ-ahˇ ehˇ nehˬ-eu, ‘Meuˬ laꞈ kʼoeˇ kʼaˇ jaˆ-eu gaˇ ma huiˬ huiˬ nyiˇ nyiˇ doe ni yaw kawˇ-ehˇ iˇ-awˇ, shaˬ zaˬ zahˬ zaˬ deuˬ, kuiˇ kuˆ laꞈ kuˆ deuˬ, kuiˇ shiˇ laꞈ shiˇ deuˬ hawˇ-eu, myaˆ behꞈ deuˬ kuˇ uiˬ laˬ-iˇ-awˬ.’
Naw maꞈ laꞈ kʼoeˇ gaˇ mˇ luꞈ-eu jeˬ pyeuꞈ-eu, miˇ tsaˬ shiˬ shaˬ jiˇ-ahˇ nui kʼahˇ jaˆ-eu laꞈ kʼoeˇ jawꞈ dui dui-eu kʼaˬ miˬ sheu-eu gʼawˬ mya jeˬ mˇ-eu, yaw haiˬ jeˬ mˇ-eu, nui kʼahˇ huiˬ-eu, heu deuˬ-ahˇ naw maꞈ ya laˆ sehꞈ jiˇ meh. (Nui kʼahˇ huiˬ-eu jeˬ-aˬ, tahˬ pahˬ aˬ ma mawˇ kawˇ-ahˇ uˬ duˬ tahˬ gaˇ duˇ-eu meh.)
Guiˬ lahˬ yaw dzahˇ kʼoeˇ aˬ dui-ahˇ heu loꞈ-ehˇ mehˬ nehˬ tsoˆ nehˬ laꞈ-euˬ meh. Miˬyehˇ-ahˇ yaw zeu maˬ baw-eu yaw dehꞈ dehꞈ-eu jeˬ hawˇ-eu shiˬ shaˬ jiˇ-euˬ nui noeˬ nui loˆ-ahˇ byehˇ dzeh-eu gʼaˇ duˬ maˬ ehˇ, miˇ tsaˬ heu kʼoeˇ taˆ dehꞈ ngeh yawˬ ha-euˬ nui ma-ahˇ gʼaˬ leˇ-awˇ, nui ma yaw dawˇ dawˇ-ehˇ dehꞈ-eu laꞈ kʼoeˇ Miˬyehˇ-ahˇ yaw zeu baw-awˇ,
Jah-eu jeˬ gaˇ kawˆ saˇ kiˇ kamˬ-euˬ tsawˇ haˬ kʼoeˇ deuˬ, aˬ dui-euˬ tiˬ jawˬ tiˬ byah ni jawˇ luꞈ ma. Kʼoeˇ miˇ neh, gaˇ ma-ahˇ kʼaˇ jaˆ tsoeˬ-eu yawˬ jeˬ na luꞈ-ahˇ aˬ dui teuˆ lehˆ-awˇ, aˬ dui-ahˇ deuˇ geuˆ ni lahˇ cuꞈ taꞈ-euˬ iˬ baˇ-ahˇ behˇ lehˆ-awˇ, aˬ dui mehˬ shi laˆ saˆ taˬ-euˬ cehˆ ceh ceh-eu gaˇ ma-ahˇ nui ma ziꞈ dah ni cehˆ gʼeh kaˇ-euˇ.
ကြော်ငြာတွေ