Maˬkuˆ 9:29 - Akha

²⁹ Yeˬsuˇ ehˇ-eu, “Guiˬ lahˬ shaˇ-eu jeˬ baˬ da neh tehꞈ-ehˇ nehꞈ kʼoeˇ jeˬ-ahˇ teh doˆ nya-eu meh. Nuiˬ jeˬ jahˇ-awˇ maˬ teh doˆ nya-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Khoerngae, Yeqsur, aqyawf maf-anr aernaeq-eu, “Heulof-aer ghae-eu naef-anr-aq, dzardzaq sheuq-awr guiqlanq shar-eu baqda’nae taef-aer taedov nya-eu mae.”

Maˬkuˆ 9:29 ပူးပေါင်းရင်းမြစ်များ

Daˬyeˬlaˇ 9:3

Kʼoeˇ naˇ, ngaˇ maˬ dzaˬ maˬ dawˇ ni jawˇ-awˇ, guˬ daˇ pehˇ zeuˇ mehˬ tsoeˬ dm-euˬ uˬ taꞈ, kʼaˬ lehˇ tsahˬ-ahˇ nuiˇ-awˇ, Sahˬpaˬ Miˬyehˇ pyeuꞈ-eu Miˬyehˇ-ahˇ guiˬ lahˬ shaˇ dui dui-euˬ ma.

Maꞈtehˬ 12:45

Nehꞈ kʼoeˇ mawˇ paˇ iˇ doˆ-awˇ, aˬ yawꞈ naˆ maˬ tseˇ haiˬ-eu nehꞈ shiꞈ mawˇ paˇ kuˇ ahˇ laˬ-iˇ-awˇ bi jawˇ-euˬ meh. Kʼoeˇ loꞈ-ehˇ pyeuꞈ laˇ gʼaˬ ngeh jawˇ, tsawˇ haˬ kʼoeˇ gʼaˬ yaw beh naˆ maˬ tseˇ paˇ doeˇ dzehˬ laˇ tehꞈ-a. Heu ziˇ-ahˇ dehꞈ-eu haiˬ-eu tsawˇ haˬ deuˬ kʼoeˇ taˆ, kʼoeˇ loꞈ-ehˇ keuˆ le tehꞈ-a.”

Maꞈtehˬ 17:20

Yeˬsuˇ ehˇ-eu, “Naw maꞈ jah-eu maˬ loꞈ-eu miˇ neh meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, gawˬ jawˬ heu jawˬ-ahˇ kʼoeˇ paw dzeˇ jiˆ-iˇ-awˬ lehˇ ehˇ nehˬ ngeh, jiˆ-iˇ tehꞈ-a. Naw maꞈ maˬ jahˇ nya-eu tiˬ jeˬ-iˬ maˬ baw-aˇ.”

Maˬkuˆ 9:28

Yeˬsuˇ nymˇ laꞈ kʼoeˇ uˇ leˇ-awˇ jawˇ ngeh, zaˬ lahˇ deuˬ aˬ yawꞈ-ahˇ ciˬ cuˇ ni naˇ haˬ-eu, “Aˬ jeˬ miˇ neh nga maꞈ nehꞈ kʼoeˇ mawˇ-ahˇ maˬ teh doˆ nya ta.”

Maˬkuˆ 9:30

Yeˬsuˇ hawˇ-eu aˬ yawꞈ-euˬ zaˬ lahˇ deuˬ jawˇ duˬ kʼoeˇ tsahˇ-ahˇ neh doˆ-iˇ-awˇ, Gaˬliˬlehˇ miˇ kʼahˬ laꞈ kʼoeˇ iˇ gʼeh-euˬ meh. Yeˬsuˇ-aˬ, aˬ yawꞈ aˬ geu tsahˇ-ahˇ jawˇ-eu gaˇ kawˆ aˬ cawˬ maˬ bi siˬ mawꞈ-a.

Luˇkaꞈ 11:26

Aˬ yawꞈ paˇ doˆ-iˇ-awˇ, aˬ yawꞈ naˆ maˬ tseˇ haiˬ-eu nehꞈ shiꞈ mawˇ paˇ kuˇ ahˇ laꞈ-awˇ bi jawˇ-euˬ meh. Kʼoeˇ loꞈ-ehˇ pyeuꞈ laˇ gʼaˬ ngeh jawˇ, tsawˇ haˬ kʼoeˇ gʼaˬ yaw beh naˆ maˬ tseˇ doeˇ dzehˬ laˇ tehꞈ-a.”

Gʼaˬkʼehˇ 14:23

Ka li zaˬ aˇ muˇ yawˬ muˇ na luꞈ laꞈ kʼoeˇ, aˬ yuiꞈ aˬ tsu tseˇ doˆ nehˬ-awˇ, maˬ dzaˬ-eu zahˇ jahˇ-awˇ guiˬ lahˬ shaˇ-eu laꞈ kʼoeˇ, aˬ yawꞈ maꞈ jah luꞈ-eu Sahˬpaˬ Miˬyehˇ-euˬ aˬ laꞈ laꞈ kʼoeˇ a nehˬ yaꞈ-euˬ meh.

1 Gawˇliˬtu 9:27

Aˬ cawˬ-ahˇ dawˬ mehˬ mehˬ-eu gʼaˬ geuꞈ-eu kʼawꞈ, yawˬ ha gʼaˬ Miˬyehˇ mehˬ shi smˬ-iˇ-euˬ tsawˇ haˬ maˬ ya pyeuꞈ-eu gʼaˇ duˬ, ngaˬ-euˬ gʼawˇ mawˇ gʼahˇ laˇ ni yawˬ haˇ yawˬ ha teˇ teˇ-ehˇ zuiˆ luꞈ-eu ma.

2 Gawˇliˬtu 11:27

Gaˇ mˇ dui dui-awˇ shaˬ dui dui-eu laꞈ kʼoeˇ, uˬ ciꞈ maˬ yuꞈ ni gʼawˬ mya poˆ leh jeh haw-euˬ ma. Hawˬ mehꞈ-eu, iˇ cuꞈ mehꞈ-eu, dzaˬ dzaˬ dawˇ dawˇ maˬ jaˆ-ehˇ ya dzahˬ-eu, dm gʼaˬ dm lmˇ maˬ jaˆ-ehˇ yaw gaˆ gaˆ-eu, heu deuˬ-ahˇ daˬ dzeuˇ yaꞈ-euˬ ma.

2 Gawˇliˬtu 12:8

Shaˬ zahˬ kʼoeˇ yuˇ dzeh nehˬ laꞈ-eu gʼaˇ duˬ, smˬ poˆ keuˆ ni Sahˬpaˬ Yeˬsuˇ-ahˇ ngaˇ shaˇ-euˬ ma.

2 Gawˇliˬtu 6:5

Aˬ cawˬ neh bi diˬ dui dui-euˬ, tawˬ-ahˇ bi dawˆ-euˬ, tsawˇ haˬ aˇ maꞈ neh yehˬ bawˬ-ehˇ bi gʼeh-euˬ, gaˇ aˇ dzehˬ mˇ dzeuˇ-euˬ, maˬ ya yuꞈ dehˆ-euˬ, maˬ ya dzaˬ maˬ ya dawˇ dehˆ-euˬ, heu deuˬ-ahˇ nga maꞈ daˬ-euˬ ma.

Eˇpeˇsu 6:18

Miˬyehˇ caw ba laꞈ ni guiˬ lahˬ shaˇ-awˇ, kʼoeˇ deuˬ dawˬ tawˆ luꞈ-ahˇ mˇ gʼeh-awˬ. Yaw sahˇ Miˬyehˇ sheuˬ gʼeh-eu laꞈ kʼoeˇ aˬ myah luꞈ guiˬ lahˬ shaˇ-awˬ. Maˬ ya smˬ-iˇ ni aˬ myah luꞈ yaw beuˇ beuˇ-ehˇ jawˇ-awˬ. Miˬyehˇ-euˬ tsawˇ haˬ dawˬ tawˆ luꞈ gʼaˇ duˬ aˬ myah luꞈ guiˬ lahˬ shaˇ-awˬ.

Yaˬkoˆ 5:15

Jah-eu laꞈ kʼoeˇ guiˬ lahˬ shaˇ-eu jeˬ-aˬ, naˇ-eu tsawˇ haˬ-ahˇ bi taˬ leˇ-eu meh. Sahˬpaˬ Miˬyehˇ aˬ yawꞈ-ahˇ jawˇ saˇ bi doˆ laˇ-awˇ, aˬ yawꞈ iˬ baˇ mˇ taˬ-euˬ jaˆ naˇ, iˬ baˇ pyehˬ nehˬ tehꞈ-a.