Maˬkuˆ 9:26 - Akha

²⁶ Kʼoeˇ ngeh, nehꞈ kʼoeˇ mawˇ yaw kʼaˆ-ehˇ guˇ laˇ-awˇ, aˬ li kʼoeˇ li-ahˇ mawˇ bawˬ coˬ coˬ-ehˇ yaw kʼaˆ-ehˇ bi teuˆ laˇ-awˇ doˆ-iˇ-euˬ meh. Aˬ li kʼoeˇ li yaw shiˇ-ahˇ duˇ-eu miˇ neh, yawˬ gʼaˬ na luꞈ “Shiˇ-euˬ ngaˇ” lehˇ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Khoerngae, naef khoermawr tersar gurkhav lef-awr, aqli khoerghaq-anr yawkhav-aer bi teuvlar-awr nae dovle-euq mae. Aqli khoerghaq shirtaq-euq lof-aer dur-eu mirnae, tsawrhaq ghawqmya ghaq aer-eu, “Aqyawf shir-euq ngar-a.”

Maˬkuˆ 9:26 ပူးပေါင်းရင်းမြစ်များ

Doˆ-iˇ 5:23

Iˇjiˇtuˆ sahˬ paˬ jawˇ gaˇ ngaˇ iˇ-awˇ, dawˬ ngehˬ cawˬ-euˬ ngeh nah neh, Iˇsaˬleˬlaˆ tsawˇ haˬ-ahˇ aˬ yawꞈ kʼehˬ nehˬ kʼaˆ nehˬ luꞈ meh. Ehˇ kʼawꞈ, aˬ yawꞈ maꞈ-ahˇ ngehˬ maˬ gʼeh ni nawˇ aˬ joˆ-ehˇ jawˇ tehˬ coeˇ-eu nya.”

Maꞈtehˬ 15:22

Miˇ kʼahˬ kʼoeˇ kʼahˬ-ahˇ jawˇ-eu Kaˬnaˬ tsawˇ jeuˬ zaˬ miˬ zaˬ tiˬ gʼaˬ aˬ yawꞈ jawˇ gaˇ laˇ-awˇ, “Daˬbiˇ-euˬ Zaˬmaˇ-oˇ, ngaˬ-ahˇ gʼawˬ shaˬ gaˬ nehˬ laꞈ sheˇ. Ngaˬ buˇ-ahˇ nehꞈ uˇ leˇ taˬ-awˇ, uˇ gawˇ laˇ paˬ-ehˇ shaˬ dui dui luꞈ meh” lehˇ guˇ-awˇ ehˇ-eu meh.

Maˬkuˆ 1:26

Nehꞈ yaw jawꞈ kʼoeˇ mawˇ tsawˇ haˬ kʼoeˇ gʼaˬ-ahˇ yaw kʼaˆ-ehˇ bi teuˆ laˇ-awˇ, tiˬ teˇ guˇ kʼaˆ laˇ-awˇ doˆ-iˇ-euˬ meh.

Maˬkuˆ 9:18

Nehꞈ kʼoeˇ mawˇ aˬ yawꞈ-ahˇ kʼaˇ uˇ-iˇ ngeh, miˇ tsa ciˬ tahˬ ciˬ tuˆ nehˬ-eu meh. Kʼoeˇ naˇ, kʼaˬ meh-ahˇ buiˇ meuꞈ doˆ le-awˇ, seuˬ teuꞈ teuꞈ-ehˇ, gʼawˇ mawˇ gʼahˇ cawˬ ni pyeuꞈ-iˇ-eu meh. Nehꞈ kʼoeˇ mawˇ teh doˆ nehˬ laꞈ lehˇ, nawˬ-euˬ zaˬ lahˇ deuˬ-ahˇ ngaˇ shaˇ-euˬ kʼawꞈ, aˬ yawꞈ maꞈ maˬ teh doˆ nehˬ laꞈ nya-a.”

Maˬkuˆ 9:20

Aˬ li kʼoeˇ li-ahˇ Yeˬsuˇ jawˇ gaˇ sheuˬ laꞈ-awˇ, nehꞈ kʼoeˇ mawˇ Yeˬsuˇ-ahˇ ya mawˇ-eu nehˬ-ehˇ tiˬ poˆ tehꞈ-ehˇ, aˬ li kʼoeˇ li-ahˇ shaˬ guˬ shaˬ caˆ bi gʼeu laˇ-awˇ, mahˬ poˆ poˆ poˆ-ehˇ, kʼaˬ meh-ahˇ buiˇ meuꞈ paˬ paˬ-ehˇ bi teuˆ-euˬ meh.

Maˬkuˆ 9:25

Aˬ yawꞈ maꞈ jawˇ gaˇ tsawˇ haˬ aˇ maꞈ cehˆ laꞈ luꞈ gaˇ Yeˬsuˇ ya mawˇ ngeh, nehꞈ kʼoeˇ mawˇ-ahˇ dawˬ biꞈ-awˇ ehˇ nehˬ-eu, “Aˬ dzawˬ bi dzawˬ-iˇ-awˇ naˬ bawˬ bi bawˬ-iˇ-eu nehꞈ-oˇ, aˬ li teu li laꞈ kʼoeˇ neh doˆ le-awˬ. Aˬ kaˇ naˇ, aˬ yawꞈ laꞈ kʼoeˇ tiˬ jawˇ-iˬ taˬ paˇ uˇ-iˇ lehˇ nawˬ-ahˇ ngaˇ dawˬ biꞈ-eu ma.”

Maˬkuˆ 9:27

Ehˇ kʼawꞈ, Yeˬsuˇ aˬ li kʼoeˇ li-euˬ aˬ laꞈ-ahˇ nyehꞈ tehˬ-awˇ tsahˇ tuˇ nehˬ ngeh, tuˇ laˇ-euˬ meh.

Panmaeq 12:12

Kʼoeˇ miˇ neh, mˬ hawˇ-eu mˬ kʼoeˇ taˆ kʼaˇ jawˇ kʼaˇ deuˬ laˬ kʼaˬ cehˇ-awˬ. Ehˇ kʼawꞈ, miˇ tsaˬ hawˇ-eu iˬ ma laˆ shaˆ naw nyaꞈ aˇ naˆ ni noeˬ shaˬ paˬ-ehˇ gʼeh-eu nga. Aˬ jeˬ miˇ neh ehˇ naˇ, Nehꞈ sahˬ paˬ naw nyaꞈ jawˇ gaˇ zaꞈ ka keuˆ le-awˇ, aˬ yawꞈ gʼaˇ duˬ aˇ yamˬ ui cuiˆ maˬ ngeuˇ naˇ maˬ paˇ jaˆ meh lehˇ siˬ nya-eu miˇ neh, nui ma pehˇ dui dui-eu meh.