Maˬkuˆ 9:24 - Akha

²⁴ Kʼoeˇ ngeh, aˬ da kʼoeˇ gʼaˬ ngoeˇ ngoeˇ-ehˇ ehˇ-eu, “Ngaˇ aˬ diˇ jah ma. Ehˇ kʼawꞈ, jah-eu maˬ loꞈ nya. Jah-eu myaˬ laˇ ni ngehˬ gʼeh nehˬ laꞈ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Khoerngae, aqli khoerghaq-euq aqda tiqpov taef-aer myavbir juju-aer gurdov laf-eu, “Sanqpaq-or! Ngar jan ma. Ngar jan-eu myaqlarni cawba naeqlaf-awq.”

Maˬkuˆ 9:24 ပူးပေါင်းရင်းမြစ်များ

2 Saˬmeuˬlaˆ 16:12

Ngaˇ ya daˬ luꞈ-eu jeˬ-ahˇ Sahˬpaˬ Miˬyehˇ haw mawˇ-awˇ, iˬ nah ngaˬ-euˬ kʼoeˇ taˆ heu loꞈ-ehˇ yaˬ kʼehˇ yaˬ nehˬ laꞈ-euˬ aˇ poeˬ, guiˬ lahˬ biꞈ laꞈ-eu aˇ nah baw tehꞈ-a.”

2 Sahˬpaˬ 20:5

“Sahˬpaˬ Miˬyehˇ-euˬ tsawˇ haˬ deuˬ-ahˇ uˆ lahˇ-eu gʼaˬ pyeuꞈ-eu Heˬsaˬgiˇ-ahˇ, heu loꞈ-ehˇ ehˇ nehˬ-awˬ. ‘Nawˬ poeˬ Daˬbiˇ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ, nawˬ-euˬ shaˇ dawˬ ya gaˬ-awˇ, nawˇ myaˆ biˇ yoeˇ le gaˇ ya mawˇ-euˬ ma. Nawˬ-ahˇ ngaˇ laˆ taˬ nehˬ-awˇ, smˬ nah laꞈ kʼoeˇ Uˬ duˬ tahˬ nymˇ nymˇ ma-ahˇ nawˇ ya le tehꞈ-a.

Jaceuq 126:5

Myaˆ biˇ yoeˇ-awˇ siˬ yoeˬ sehˬ-euˬ tsawˇ haˬ deuˬ, laˬ kʼaˬ cehˇ taˆ ni cehˇ ya yehˬ-eu guiˬ lahˬ biꞈ-awˬ.

Jaceuq 39:12

SahˬpaˬMiˬyehˇ shaˇdawˬgaˬ-awˇ, guˇ-eu teˇsaˇnaˇhaˬnehˬlaꞈ. Ngaˇmyaˆbiˇlaꞈkʼawˆkʼawˆluꞈngeh, maˬhaw cawˬni taˬjawˇnehˬlaꞈ. Ngaˬ-euˬ aˬpoeˬkʼoeˇdeuˬloꞈ-ehˇ, ngaˇkʼawꞈdaˬyah tiˬ gʼaˬpyeuꞈ-awˇ, tiˬkʼehˇlaˇkʼehˬnaˬ-eu tehꞈma.

Yeˬlaˬmiˇ 14:17

Aˬ yawꞈ maꞈ-ahˇ heu loꞈ-ehˇ ehˇ nehˬ-iˇ-eu gʼaˇ duˬ Sahˬpaˬ Miˬyehˇ ngaˬ-ahˇ dawˬ biꞈ laꞈ-euˬ meh. “Ngaˬ-euˬ tsawˇ haˬ deuˬ yaw kʼaˆ-ehˇ bi laˆ naˇ-awˇ, aˇ dzehˬ-ehˇ deuˬ leˇ-euˬ miˇ neh, ngaˬ-euˬ myaˆ biˇ maˬ tsiˇ leˇ ni yoeˇ-awˇ, maˬ naˬ leˇ ni ya ngoeˇ luꞈ-uˇ.

Maˬkuˆ 9:23

Yeˬsuˇ ehˇ-eu, “Gʼeh nya naˇ lehˇ aˬ jeˬ miˇ neh ehˇ te. Jah-eu tsawˇ haˬ gʼaˇ duˬ yawˬ jeˬ na luꞈ pyeuꞈ laˇ nya meh.”

Maˬkuˆ 9:25

Aˬ yawꞈ maꞈ jawˇ gaˇ tsawˇ haˬ aˇ maꞈ cehˆ laꞈ luꞈ gaˇ Yeˬsuˇ ya mawˇ ngeh, nehꞈ kʼoeˇ mawˇ-ahˇ dawˬ biꞈ-awˇ ehˇ nehˬ-eu, “Aˬ dzawˬ bi dzawˬ-iˇ-awˇ naˬ bawˬ bi bawˬ-iˇ-eu nehꞈ-oˇ, aˬ li teu li laꞈ kʼoeˇ neh doˆ le-awˬ. Aˬ kaˇ naˇ, aˬ yawꞈ laꞈ kʼoeˇ tiˬ jawˇ-iˬ taˬ paˇ uˇ-iˇ lehˇ nawˬ-ahˇ ngaˇ dawˬ biꞈ-eu ma.”

Luˇkaꞈ 17:5

“Nga maꞈ jah-eu jeˬ bi myaˬ laˇ nehˬ laꞈ” lehˇ, gʼaˬ kʼehˇ deuˬ Sahˬpaˬ Yeˬsuˇ-ahˇ shaˇ-eu meh.

Luˇkaꞈ 7:38

Aˬ yawꞈ Yeˬsuˇ-euˬ naˇ kʼah aˬ kuiˇ dawˬ peh yawꞈ-awˇ ngoeˇ-eu miˇ neh, Yeˬsuˇ-euˬ aˬ kuiˇ-ahˇ myaˆ biˇ dzaˆ daˆ-euˬ meh. Kʼoeˇ ngeh, aˬ yawꞈ-euˬ uˬ duˬ tsehˇ kahˇ neh Yeˬsuˇ-euˬ aˬ kuiˇ-ahˇ dzaˆ daˆ taˬ-euˬ myaˆ biˇ kʼoeˇ shiˆ gui nehˬ-awˇ, aˬ kuiˇ-ahˇ mehˬ cuˇ cuˇ-awˇ, tsiˇ yaw saw jeˬ shehˆ daˆ nehˬ-euˬ meh.

Luˇkaꞈ 7:44

Kʼoeˇ naˇ, Yeˬsuˇ zaˬ miˬ zaˬ kʼoeˇ gʼaˬ-ahˇ tiˬ poˆ haw-awˇ, Siˇmoˬ-ahˇ heu loꞈ-ehˇ ehˇ nehˬ-euˬ meh. “Zaˬ miˬ zaˬ heu gʼaˬ-ahˇ nymˬ-mˇ nawˇ mawˇ luꞈ ngaˇ. Ngaˇ nawˬ-euˬ nymˇ-ahˇ uˇ laˇ taˬ-awˇ jawˇ-eu ma. Nawˇ ngaˬ-ahˇ aˬ kuiˇ dzuiꞈ-eu iˇ cuꞈ maˬ ciˬ nehˬ laꞈ-aˬ. Ehˇ kʼawꞈ, zaˬ miˬ zaˬ heu gʼaˬ aˬ yawꞈ-euˬ myaˆ biˇ neh ngaˬ-euˬ aˬ kuiˇ dzuiꞈ shawˇ-awˇ, aˬ yawꞈ-euˬ uˬ duˬ tsehˇ kahˇ neh shiˆ gui nehˬ laꞈ-euˬ meh.

Gʼaˬkʼehˇ 10:19

Yaw sahˇ laꞈ kʼoeˇ ya mawˇ-euˬ gaˇ kawˆ kʼoeˇ-euˬ dawˬ tsuiꞈ-ahˇ Beˬtuˆluˆ shaˇ sawˇ haw luꞈ ngeh, Yaw sahˇ Miˬyehˇ aˬ yawꞈ-ahˇ ehˇ-eu, “Naˇhaˬ sheˇ. Tsawˇ haˬ smˇ gʼaˬ nawˬ-ahˇ poˆ le-euˬ meh.

Gʼaˬkʼehˇ 10:31

Aˬ yawꞈ ehˇ-eu, ‘Gawˬneˬliˇ-oˇ, nawˬ-euˬ shaˇ dawˬ-ahˇ Miˬyehˇ gaˬ-awˇ, nawˬ neh shaˬ zaˬ zahˬ zaˬ-ahˇ caw ba-euˬ aˬ yawꞈ siˬ luꞈ mawˇ luꞈ meh.

2 Gawˇliˬtu 2:4

Ngaˇ nui ma cawˆ dui dui-awˇ shaˬ zahˬ mˇ-eu laꞈ kʼoeˇ, myaˆ biˇ doˆ doˆ-ehˇ naw maꞈ-ahˇ sahˬ boꞈ kʼoeˇ taꞈ boꞈ ahˇ leꞈ-euˬ ma. Ngaˬ-euˬ nui ma laꞈ kʼoeˇ-aˬ, naw maꞈ-ahˇ bi noeˬ shaˬ mawꞈ-eu maˬ ngeuˇ. Ngaˇ naw maꞈ-ahˇ aˇ naˆ ni gaˬ-eu gaˇ kawˆ bi siˬ duˬ mawꞈ-eu ma.

Eˇpeˇsu 2:8

Aˬ jeˬ miˇ neh ehˇ naˇ, naw maꞈ jah-eu laꞈ kʼoeˇ Miˬyehˇ-euˬ guiˬ lahˬ yaw dzahˇ baˬ da neh ka kʼoꞈ-eu jeˬ za-euˬ meh. Naw maꞈ leh jeh-awˇ mˇ-eu baˬ da neh za-euˬ maˬ ngeuˇ-a. Miˬyehˇ neh biꞈ-euˬ laꞈ sawˬ pyeuꞈ-eu meh.

Piˇliˇpiˆ 1:29

Aˬ jeˬ miˇ neh ehˇ naˇ, Ka li neh naw maꞈ-ahˇ biꞈ taˬ-euˬ muiˬ dui dui-eu guiˬ lahˬ kʼoeˇ-aˬ, aˬ yawꞈ-ahˇ jah-eu jeˬ tehꞈ-ehˇ maˬ ngeuˇ-ehˇ, aˬ yawꞈ gʼaˇ duˬ shaˬ zahˬ ya mˇ-eu jeˬ kʼawꞈ ahˇ-eu meh.

2 Teˇsaˬloˇni 1:11

Kʼoeˇ miˇ neh, naw maꞈ gʼaˇ duˬ nga maꞈ aˬ myah luꞈ guiˬ lahˬ shaˇ-eu ma. Miˬyehˇ neh naw maꞈ-ahˇ bi dehꞈ bi jawˇ-eu lehˇ kuˇ taˬ-euˬ aˇ tiˆ-ahˇ naw maꞈ dehꞈ nya jawˇ nya ni, aˬ dui-euˬ Miˬyehˇ-ahˇ shaˇ-eu ma. Yaw muiˬ jeˬ mˇ mawꞈ-eu naw maꞈ-euˬ nui kʼahˇ dawˬ tawˆ luꞈ hawˇ-eu, naw maꞈ jah-eu miˇ neh mˇ luꞈ-eu gaˇ-ahˇ, aˬ yawꞈ-euˬ baoˬ-ahˇ gʼoe-awˇ aˬ yawꞈ bi byah laˇ luꞈ-uˇ.

2 Teˇsaˬloˇni 1:3

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ gʼaˇ duˬ nga maꞈ Miˬyehˇ guiˬ lahˬ-ahˇ maˬ ja ceuˬ-ehˇ tiˬ kʼehˬ-iˬ maˬ jawˇ coeˇ nya. Naw maꞈ-euˬ jah-eu jeˬ huiˬ laˇ tehˇ tehˬ-awˇ, naw maꞈ yaw kaˬ tiˬ gʼaˬ tiˇ gʼaˬ gʼoeˇ-eu gaˬ-eu jeˬ myaˬ laˇ luꞈ-eu miˇ neh, nga maꞈ Miˬyehˇ-euˬ guiˬ lahˬ-ahˇ ja ceuˬ paˬ-ehˇ gʼeh-eu meh.

2 Tiˆmoˇseˬ 1:4

Nawˇ myaˆ biˇ ya doˆ gaˇ noeˬ mawˇ-awˇ, nawˬ-ahˇngaˇ mawˇ mawꞈ dui dui-eu ma. Nawˬ-ahˇ mawˇ naˇ, ngaˇ laˬ kʼaˬ ya cehˇ dui dui tehꞈ-a.

HeˬByehˇ 12:17

Aˇ nah hawˇ-eu aˬ da neh dawˬ ngehˬ gʼeh nehˬ-euˬ guiˬ lahˬ-ahˇ Iˇsawˇ geuꞈ mawꞈ-eu gaˇ kawˆ naw maꞈ siˬ nya meh. Ehˇ kʼawꞈ, aˬ yawꞈ-ahˇ byehˇ dzeh nehˬ gaˇ ya daˬ-euˬ meh. Aˬ jeˬ miˇ neh ehˇ naˇ, aˬ yawꞈ myaˆ biˇ doˆ doˆ-ehˇ aˇ naˆ ni leh jeh-euˬ kʼawꞈ, aˬ yawꞈ neh mˇ dzeuˇ-euˬ jeˬ-ahˇ maˬ paˇ laˆ paˇ nya meh.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.