Maˬkuˆ 9:23 - Akha

²³ Yeˬsuˇ ehˇ-eu, “Gʼeh nya naˇ lehˇ aˬ jeˬ miˇ neh ehˇ te. Jah-eu tsawˇ haˬ gʼaˇ duˬ yawˬ jeˬ na luꞈ pyeuꞈ laˇ nya meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Yeqsur, aqyawf-anr aernaeq-eu, “Nawr jannya nar-aq, jan-eu tsawrhaq-euq gharduq-aq, yawqjeq navluf pyeuflar nya-eu mae.”

Maˬkuˆ 9:23 ပူးပေါင်းရင်းမြစ်များ

2 Laˬsaˬbaˬ 20:20

Yawˬ nah yawˬ uˬ shawˬ yaw naꞈ-ehˇ, Teˬkawˬ meuˬ dawˬ peh jaˆ-eu bawˇ tsahˬ bawˇ dahˇ-ahˇ aˬ yawꞈ maꞈ iˇ-euˬ meh. Aˬ yawꞈ maꞈ doˆ-iˇ ngeh, aˬ yawꞈ maꞈ-ahˇ Yeˬhawˇshaˬpaˇ heu loꞈ-ehˇ ehˇ nehˬ-euˬ meh. “Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ gʼoe-awˇ, nui ma ziꞈ dah ni taˬ-awˬ. Aˬ yawꞈ-euˬ gʼaˇ duˬ ngehˬ dah-eu gʼaˬ neh ehˇ-euˬ dawˬ-ahˇ naw maꞈ jah-awˬ. Kʼoeˇ loꞈ-ehˇ jah naˇ, naw maꞈ gʼaˬ leˇ tehꞈ-a.”

Maꞈtehˬ 14:29

Kʼoeˇ naˇ, “Oe-awˬ tawˇ” lehˇ Yeˬsuˇ ehˇ ngeh, Beˬtuˆluˆ lawˬ laꞈ nyiˇ doˆ-iˇ-awˇ, iˇ cuꞈ kʼoeˇ taˆ cah cah-ehˇ Yeˬsuˇ jawˇ gaˇ iˇ-euˬ meh.

Maꞈtehˬ 17:20

Yeˬsuˇ ehˇ-eu, “Naw maꞈ jah-eu maˬ loꞈ-eu miˇ neh meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, gawˬ jawˬ heu jawˬ-ahˇ kʼoeˇ paw dzeˇ jiˆ-iˇ-awˬ lehˇ ehˇ nehˬ ngeh, jiˆ-iˇ tehꞈ-a. Naw maꞈ maˬ jahˇ nya-eu tiˬ jeˬ-iˬ maˬ baw-aˇ.”

Maˬkuˆ 11:23

Tsawˇ haˬ aˬ geu gʼaˬ maˬ kaˬ, nui ma poˆ poˆ laˆ laˆ-ehˇ maˬ gʼeh ni, yawˬ ha neh kʼaˇ ehˇ-euˬ loꞈ-ehˇ pyeuꞈ laˇ tehꞈ-a lehˇ maˇ maˇ ni jah-eu laꞈ kʼoeˇ, gawˬ jawˬ heu jawˬ-ahˇ ‘Tsawˬ diˇ leˇ-awˇ iˬ ma laˆ shaˆ-ahˇ ga puꞈ-iˇ-awˬ’ lehˇ ehˇ nehˬ naˇ, aˬ yawꞈ neh kʼaˇ ehˇ-euˬ loꞈ-ehˇ pyeuꞈ laˇ tehꞈ-a lehˇ, naw maꞈ-ahˇ ngaˇ maˇ jawˆ ni ehˇ-eu ma.

Maˬkuˆ 9:22

Miˬ dzaˬ-ahˇ bi coˬ puiˆ-awˇ, iˇ cuꞈ-ahˇ bi coˬ duiˆ-eu laꞈ kʼoeˇ, aˬ yawꞈ ya shiˇ ni nehꞈ teu mawˇ gʼawˬ mya poˆ leh jeh-euˬ meh. Gʼeh nya naˇ, nga nyaꞈ da zaˬ-ahˇ gʼawˬ shaˬ gaˬ-eu laꞈ kʼoeˇ, tiˬ poˆ caw ba nehˬ laꞈ-awˬ lehˇ shaˇ-eu ma.”

Maˬkuˆ 9:24

Kʼoeˇ ngeh, aˬ da kʼoeˇ gʼaˬ ngoeˇ ngoeˇ-ehˇ ehˇ-eu, “Ngaˇ aˬ diˇ jah ma. Ehˇ kʼawꞈ, jah-eu maˬ loꞈ nya. Jah-eu myaˬ laˇ ni ngehˬ gʼeh nehˬ laꞈ-awˬ.”

Luˇkaꞈ 17:6

Sahˬpaˬ Yeˬsuˇ ehˇ-eu, “Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, boeˬ dzaˇ aˇ bawˇ heu bawˇ-ahˇ, ‘Nawˬ-euˬ duˬ ciˇ dawˬ tawˆ luꞈ gʼawˇ doˆ gʼeh-awˇ, iˬ ma laˆ shaˆ-ahˇ dehꞈ-iˇ-awˬ’ lehˇ ehˇ nehˬ ngeh, boeˬ dzaˇ heu bawˇ naw maꞈ-euˬ dawˬ naˇ haˬ tehꞈ-a.

Yoˇhaˬ 11:40

Yeˬsuˇ aˬ yawꞈ-ahˇ ehˇ nehˬ-eu, “Nawˇ jah naˇ, Miˬyehˇ-euˬ yaw shehꞈ kʼahˬ sehˇ-ahˇ ya mawˇ tehꞈ-a lehˇ, ngaˇ nawˬ-ahˇ ehˇ-euˬ maˬ ngeuˇ-a loˇ.”

Gʼaˬkʼehˇ 14:9

Aˬ yawꞈ nuiˇ-awˇ, Pawˇluˆ dawˬ ngehˬ gaˇ naˇ haˬ luꞈ-eu meh. Aˬ yawꞈ-aˬ, taˬ leˇ nya ni jah-eu nui ma ahˇ luꞈ gaˇ Pawˇluˆ ya mawˇ-euˬ miˇ neh, aˬ yawꞈ-ahˇ haw tsoˆ-awˇ,

HeˬByehˇ 11:6

Jah-eu jeˬ maˬ ahˇ naˇ, tsawˇ haˬ tiˬ gʼaˬ-iˬ Miˬyehˇ nui kʼahˇ shiˇ ni maˬ dehꞈ nya-a. Aˬ jeˬ miˇ neh ehˇ naˇ, Miˬyehˇ jawˇ gaˇ kʼaˇ laˇ-eu tsawˇ haˬ yawˬ gʼaˬ na luꞈ, Miˬyehˇ aˬ diˇ jawˇ-eu gaˇ kawˆ hawˇ-eu, aˬ yawꞈ-ahˇ kʼaˇ poˆ-eu tsawˇ haˬ-ahˇ aˬ yawꞈ guiˬ lah biꞈ-eu gaˇ kawˆ ya jah meh.