Maˬkuˆ 9:2 - Akha

² Koꞈ nah dzeuˇ-iˇ ngeh, Beˬtuˆluˆ, Yaˬkoˆ, Yoˇhaˬ aˬ ha smˇ gʼaˬ-ahˇ tehꞈ-ehˇ Yeˬsuˇ sheuˬ-awˇ, gawˬ jawˬ yaw goˇ-ahˇ daˆ leˇ-euˬ meh. Kʼoeˇ gaˇ, aˬ ha smˇ gʼaˬ-euˬ mehˬ shi Yeˬsuˇ gʼawˇ mawˇ paˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Kof nan dzeur-euq nar-aq, Yeqsur-aq, Beqtuvluv, Yaqkov hawr-eu Yorhaq-anr taef-aer sheuq-awr, gawqjawq yawgor-anr davler-euq mae. Khoerngae, Yeqsur, aqyawf maf-euq maeqshi mawrdo parlar-euq mae.

Maˬkuˆ 9:2 ပူးပေါင်းရင်းမြစ်များ

1 Sahˬpaˬ 18:33

Kʼoeˇ naˇ, lawˇ duˬ kʼoeˇ taˆ aˬ yawꞈ miˬ dzaˬ baꞈ daˆ-awˇ, mawˇ neˇ mawˇ gaw kʼoeˇ mawˇ deuˆ tm deuˆ tm-ehˇ, miˬ dzaˬ kʼoeˇ taˆ baꞈ daˆ taˬ-euˬ meh. “Ciˬ cuˇ oeˬ siˬ-ahˇ iˇ cuꞈ tiˬ byah ni kʼawꞈ ahˇ-awˇ, lawˇ-eu jeˬ hawˇ-eu miˬ dzaˬ kʼoeˇ taˆ shehˆ shehˬ-awˬ” lehˇ aˬ yawꞈ ehˇ ngeh, aˬ yawꞈ maꞈ kʼoeˇ loꞈ-ehˇ jahˇ-euˬ meh.

1 Sahˬpaˬ 18:42

Aˬhaˆ dzaˬ-eu dawˇ-eu lehˇ doˆ-iˇ ngeh, Gaˬlaˬmeˬlaˇ gawˬ jawˬ uˬ du Eˇliˇyaˆ daˆ leˇ-awˇ, aˬ yawꞈ-euˬ aˬ kuiˇ pawˬ tsuiꞈ yaw kaˬ-ahˇ uˬ duˬ ahˇ leˇ ngeh keuˆ ni miˇ tsa awˆ byaˆ-euˬ meh.

Doˆ-iˇ 24:13

Moˇseˬ hawˇ-eu aˬ yawꞈ-euˬ gʼaˬ zaˬ Yawˇshuˆ aˬ nyaꞈ lehˬ hmˬ-awˇ, muiˬ-eu shawˇ-eu gawˬ jawˬ-ahˇ Moˇseˬ daˆ leˇ-euˬ meh.

Iˇsaˬyaˇ 33:17

Huiˬ dui dui-eu miˇ kʼahˬ-ahˇ uˆ lahˇ-eu, kʼahˬ sehˇ jaˆ-eu sahˬ paˬ-ahˇ nawˇ ya mawˇ tehꞈ-a.

Iˇsaˬyaˇ 53:2

Miˇ tsaˬ gui gaˇ duˬ ciˇ toeˬ-eu aˇ bawˇ loꞈ-ehˇ, aˬ yawꞈ-euˬ zaˬ kʼaˆ dehꞈ ziꞈ laˇ nya ni, Sahˬpaˬ Miˬyehˇ nui kʼahˇ jaˆ meh. Zaˬ kʼaˆ gʼaˬ-ahˇ aˬ dui haw tsaˬ tsoˆ paˬ-ehˇ, haw muiˬ-eu jeˬ hawˇ-eu kʼahˬ sehˇ tiˬ pawꞈ-iˬ maˬ ahˇ-a. Aˬ yawꞈ-ahˇ aˬ dui haw nahˇ paˬ-ehˇ maˬ gʼeh-a. Aˬ yawꞈ laꞈ kʼoeˇ aˬ dui ya leˇ-eu jeˬ tiˬ pawꞈ-iˬ maˬ ahˇ-a.

Maꞈtehˬ 14:13

Yoˇhaˬ-euˬ gaˇ kawˆ Yeˬsuˇ ya gaˬ ngeh, jawˇ duˬ kʼoeˇ tsahˇ-ahˇ neh doˆ-iˇ-awˇ, ciˬ cuˇ ni gʼeh-eu jawˇ duˬ-ahˇ tiˬ gʼaˬ tehꞈ-ehˇ iˇ-euˬ meh. Aˬ yawꞈ iˇ-euˬ gaˇ kawˆ tsawˇ haˬ aˇ maꞈ ya siˬ ngeh, aˬ yawꞈ maꞈ jawˇ-eu meuˬ deuˬ-ahˇ neh doˆ laˇ-awˇ, aˬ yawꞈ-euˬ mehˬ nah kuiˇ zoˬ caw teh-iˇ-euˬ meh.

Maˬkuˆ 14:33

Beˬtuˆluˆ, Yaˬkoˆ, Yoˇhaˬ, aˬ ha smˇ gʼaˬ-ahˇ aˬ yawꞈ sheuˬ gʼeh-euˬ meh. Aˬ yawꞈ noeˬ shaˬ dui dui-awˇ, nui ma laꞈ kʼoeˇ shaˬ zahˬ mˇ dui dui luꞈ-eu meh.

Maˬkuˆ 16:12

Aˬ yawꞈ maꞈ laꞈ kʼoeˇ nyiˬ gʼaˬ, meuˬ-ahˇ neh pu paw iˇ luꞈ ngeh, Yeˬsuˇ aˬ yawꞈ-euˬ gʼawˇ mawˇ bi beu gaˇ laˇ-euˬ laꞈ kʼoeˇ, aˬ yawꞈ nyaꞈ jawˇ gaˇ doˆ le-euˬ meh.

Maˬkuˆ 5:37

Kʼoeˇ naˇ, Beˬtuˆluˆ hawˇ-eu, Yaˬkoˆ, Yoˇhaˬ aˬ nyaꞈ nmˇ maˬ ngeuˇ naˇ, aˬ cawˬ tiˬ gʼaˬ-iˬ aˬ yawꞈ mehˬ nah maˬ bi caw teh laˇ ni bi jawˇ yaꞈ-euˬ meh.

Luˇkaꞈ 6:12

Aˇ nah aˇ yamˬ kʼoeˇ laꞈ kʼoeˇ, Yeˬsuˇ gawˬ jawˬ-ahˇ daˆ leˇ-awˇ guiˬ lahˬ shaˇ-euˬ meh. Uˬ ciꞈ miˇ lah-ehˇ Miˬyehˇ-ahˇ guiˬ lahˬ shaˇ bya-euˬ meh.

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Lormav 12:2

Miˇ tsaˬ zaˬ deuˬ dehꞈ-eu loꞈ-ehˇ maˬ dehꞈ ni, naw maꞈ-euˬ nui ma poˆ laˆ laˆ doˆ-awˇ, naw maꞈ-euˬ laꞈ kʼoeˇ paw Miˬyehˇ neh yaw shuiꞈ bi jahˇ paˇ-awˬ. Kʼoeˇ loꞈ-ehˇ jahˇ naˇ, Miˬyehˇ-euˬ nui kʼahˇ-ahˇ naw maꞈ siˬ nya laˇ tehꞈ-a. Muiˬ-eu jeˬ, aˬ yawꞈ nui ma tsaˬ-eu jeˬ hawˇ-eu, byah dui dui-eu jeˬ-ahˇ naw maꞈ siˬ nya laˇ tehꞈ-a.

2 Gawˇliˬtu 13:1

Nymˬ-mˇ jawˇ poˆ naw maꞈ jawˇ gaˇ ngaˇ oe-eu lehˇ gʼeh-eu heu-aˬ, smˬ poˆ tiˬ poˆ ma. “Aˬ cawˬ-ahˇ yaˇ kʼaˬ ja ngeh tsawˇ kaˬ nyiˬ gʼaˬ smˇ gʼaˬ ya bi jawˇ meh” lehˇ Jaˇliꞈ laꞈ kʼoeˇ ehˇ taˬ-euˬ jaˆ-eu meh.

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.