Maˬkuˆ 9:19 - Akha

¹⁹ Aˬ yawꞈ maꞈ-ahˇ Yeˬsuˇ ehˇ nehˬ-eu, “Jah-eu nui ma maˬ ahˇ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ ngaˇ aˇ myah keuˆ ni ya jawˇ ta. Naw maꞈ-ahˇ ngaˇ aˇ myah keuˆ ni ya oˇ ta. Aˬ li kʼoeˇ li-ahˇ heu gaˇ sheuˬ laꞈ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Yeqsur aerkhof naeq-eu, “Nuijan maqanr-eu heuzir-euq tsawrhaq-or! Ngar, nawmaf naeq-aer aqmyan keuvni yajawr-eu la? Ngar, nawmaf naeq-aer aqmyan keuvni parya or-eu la siq? Aqyawf, ngar jawr-eu gar sheuqlaf-awq.”

Maˬkuˆ 9:19 ပူးပေါင်းရင်းမြစ်များ

Jaceuq 78:22

Aˬ jeˬ miˇ neh ehˇ naˇ, aˬ yawꞈ maꞈ aˬ yawꞈ-ahˇ maˬ jah-ehˇ, aˬ yawꞈ ka kʼoꞈ nehˬ laꞈ tehꞈ-a lehˇ maˬ jah-a.

Bawˇtsahˬ 14:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ heu deuˬ aˇ myah keuˆ ni ngaˬ-ahˇ byehˇ dzeh-eu lehˇ gʼeh ta. Aˬ yawꞈ maꞈ-ahˇ zahˬ leˇ paˬ-ehˇ gʼeh-eu jeˬ gʼawˬ mya poˆ mˇ mehˬ gʼaˬ-euˬ kʼawꞈ, ngaˬ-ahˇ maˬ jah-ehˇ aˬ yawꞈ maꞈ aˬ myah keuˆ ni jawˇ-eu gʼeh ta.

Bawˇtsahˬ 14:22

tsawˇ haˬ heu deuˬ laꞈ kʼoeˇ tiˬ gʼaˬ-iˬ miˇ kʼahˬ kʼoeˇ kʼahˬ laꞈ kʼoeˇ uˇ keuˆ leˇ ngeh keuˆ ni maˬ ya dehꞈ keuˆ-eu jeˬ kʼawꞈ, yaw duˬ baw tehꞈ-a. Ngaˬ-euˬ yaw shehꞈ kʼahˬ sehˇ laꞈ kʼoeˇ ngaˇ jawˇ luꞈ-eu jeˬ-ahˇ maˬ ehˇ, Iˇjiˇtuˆ miˇ kʼahˬ laꞈ kʼoeˇ hawˇ-eu bawˇ tsahˬ bawˇ dahˇ laꞈ kʼoeˇ ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-ahˇ maˬ ehˇ, aˬ yawꞈ maꞈ ya mawˇ gʼaˬ-euˬ kʼawꞈ, ngaˬ-euˬ oˇ oꞈ nya-eu nui ma-ahˇ aˬ yawꞈ maꞈ tiˬ poˆ saˇ-iˬ tiˬ poˆ lawˬ haw-awˇ, ngaˬ-euˬ ehˇ dawˬ-ahˇ maˬ naˇ haˬ geuꞈ-a.

Bawˇtsahˬ 14:27

“Tsawˇ haˬ yaw haiˬ heu deuˬ aˇ myah keuˆ ni ngaˬ-ahˇ iˬ baˇ taˬ-eu gʼeh ta. Aˬ yawꞈ maꞈ iˬ baˇ taˬ-eu laꞈ kʼoeˇ toˇ luꞈ-eu dawˬ deuˬ-ahˇ ngaˇ gaˬ dehˆ-euˬ ma.

Maꞈtehˬ 17:17

Yeˬsuˇ ehˇ-eu, “Jah-eu nui ma maˬ ahˇ-eu naˬ lehˬ lehˬ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ aˇ myah keuˆ ni ngaˇ pa ya jawˇ ta. Aˇ myah keuˆ ni paˇ ya oˇ ta. Aˬ li kʼoeˇ li-ahˇ heu gaˇ sheuˬ laꞈ-awˬ.”

Maˬkuˆ 16:14

Aˇ saˬ saˬ-eu poˆ, zaˬ lahˇ tseˇ tiꞈ gʼaˬ hawˬ dzaˬ dzaˬ luꞈ gaˇ Yeˬsuˇ gʼawˇ mawˇ bi mawˇ le-euˬ meh. Aˬ yawꞈ maꞈ maˬ jah ni nui ma gʼahˇ gaˇ aˬ yawꞈ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ gʼoꞈ dehꞈ laˇ-awˇ jawˇ gaˇ ya mawˇ-euˬ deuˬ neh dzawˇ nehˬ-euˬ dawˬ-ahˇ aˬ yawꞈ maꞈ maˬ jah-a.

Maˬkuˆ 9:18

Nehꞈ kʼoeˇ mawˇ aˬ yawꞈ-ahˇ kʼaˇ uˇ-iˇ ngeh, miˇ tsa ciˬ tahˬ ciˬ tuˆ nehˬ-eu meh. Kʼoeˇ naˇ, kʼaˬ meh-ahˇ buiˇ meuꞈ doˆ le-awˇ, seuˬ teuꞈ teuꞈ-ehˇ, gʼawˇ mawˇ gʼahˇ cawˬ ni pyeuꞈ-iˇ-eu meh. Nehꞈ kʼoeˇ mawˇ teh doˆ nehˬ laꞈ lehˇ, nawˬ-euˬ zaˬ lahˇ deuˬ-ahˇ ngaˇ shaˇ-euˬ kʼawꞈ, aˬ yawꞈ maꞈ maˬ teh doˆ nehˬ laꞈ nya-a.”

Maˬkuˆ 9:20

Aˬ li kʼoeˇ li-ahˇ Yeˬsuˇ jawˇ gaˇ sheuˬ laꞈ-awˇ, nehꞈ kʼoeˇ mawˇ Yeˬsuˇ-ahˇ ya mawˇ-eu nehˬ-ehˇ tiˬ poˆ tehꞈ-ehˇ, aˬ li kʼoeˇ li-ahˇ shaˬ guˬ shaˬ caˆ bi gʼeu laˇ-awˇ, mahˬ poˆ poˆ poˆ-ehˇ, kʼaˬ meh-ahˇ buiˇ meuꞈ paˬ paˬ-ehˇ bi teuˆ-euˬ meh.

Luˇkaꞈ 24:25

Kʼoeˇ ngeh jawˇ, aˬ yawꞈ nyaꞈ-ahˇ Yeˬsuˇ ehˇ nehˬ-eu, “Dawˇ ga-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh kʼaˇ ehˇ taˬ-euˬ dawˬ tawˆ luꞈ-ahˇ jah tuˆ leꞈ-eu gʼaˇ duˬ, aˇ naˆ naˆ-ehˇ ga-eu nya.

Luˇkaꞈ 9:41

Yeˬsuˇ ehˇ-eu, “Jah-eu nui ma maˬ ahˇ-eu naˬ lehˬ lehˬ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ ngaˇ aˇ myah keuˆ ni paˇ ya jawˇ ta. Naw maꞈ-ahˇ ngaˇ aˇ myah keuˆ ni paˇ ya oˇ ta. Nawˬ li-ahˇ heu gaˇ sheuˬ laꞈ-awˬ.”

Yoˇhaˬ 12:27

“Ngaˬ-euˬ nui ma shaˬ zahˬ naꞈ dui dui nya. A joˆ-ehˇ ehˇ paˬ maˬ siˬ miˇ-a. ‘Aˬ da-oˇ, aˇ yamˬ heu yamˬ ngaˬ-euˬ kʼoeˇ taˆ taˬ bi keuˆ le laꞈ’ lehˇ ehˇ naˇ muiˬ-eu maˬ siˬ. Ehˇ kʼawꞈ, heu-euˬ gʼaˇ duˬ ngaˇ oe-euˬ jeˬ pyeuꞈ-eu ma. Kʼoeˇ miˇ neh, shaˬ zahˬ heu ngaˇ ya pi meh.

Yoˇhaˬ 20:27

Kʼoeˇ ngeh, Toˇmaˆ-ahˇ aˬ yawꞈ ehˇ nehˬ-eu, “Nawˬ-euˬ laꞈ noeˇ neh toeˬ haw-awˇ ngaˬ-euˬ aˬ laꞈ-ahˇ haw duˬ laˇ sheˇ. Kʼoeˇ naˇ, nawˬ-euˬ aˬ laꞈ cawˬ ja-awˇ, ngaˬ-euˬ byaˇ gʼaˇ-ahˇ sawˆ haw-awˇ, poˆ poˆ laˆ laˆ-ehˇ maˬ paˇ noeˬ ni jah-awˬ.”

Dawˬmehˬ 32:20

Kʼoeˇ naˇ, aˬ yawꞈ ngehˬ-euˬ dawˬ-aˬ, ‘Yawꞈ maꞈ-ahˇ ngehˬ maˬ paˇ gʼeh ma. Nui ma gʼahˇ-awˇ saˇ jaˇ puiˬ-eu, aˬ jeˬ keuˆ le nga lehˇ haw ma.