Maˬkuˆ 9:17 - Akha

¹⁷ Tsawˇ haˬ aˇ maꞈ maꞈ ma laꞈ kʼoeˇ tiˬ gʼaˬ ehˇ-eu, “Saˬ laˬ-oˇ, ngaˬ li nehꞈ uˇ-awˇ dawˬ maˬ ngehˬ nya-eu miˇ neh, nawˇ jawˇ gaˇ sheuˬ laꞈ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoerngae, tsawrhaq armaf mafma-euq lafkhoer, tiq ghaq heulof-aer aerkhof naeq-euq mae, “Saqlaq-or! Ngar, ngaqli, nawr jawr-eu gar sheuqlaf-euq ma. Aqyawf-euq lafkhoer aqdzawq bidzawq-ir-eu naef ur-eu mae.

Maˬkuˆ 9:17 ပူးပေါင်းရင်းမြစ်များ

Maꞈtehˬ 12:22

Kʼoeˇ naˇ, nehꞈ uˇ-eu miˇ neh dawˬ maˬ ngehˬ doˆ nya-eu myaˆ behꞈ tiˬ gʼaˬ-ahˇ, Yeˬsuˇ jawˇ gaˇ sheuˬ laꞈ-euˬ meh. Yeˬsuˇ aˬ yawꞈ-ahˇ laˆ taˬ nehˬ ngeh, myaˆ nuiˆ mawˇ laˇ-awˇ, dawˬ kʼawꞈ ngehˬ doˆ nya laˇ-euˬ meh.

Maꞈtehˬ 17:15

“Sahˬ paˬ-oˇ, ngaˬ li-ahˇ gʼawˬ shaˬ tiˬ poˆ gaˬ nehˬ laꞈ-awˬ. Aˬ yawꞈ mawˇ bawˬ coˬ dui dui-eu baˬ da neh, tiˬ kʼehˬ maˬ taˬ ni miˬ dzaˬ hawˇ-eu iˇ cuꞈ-ahˇ coˬ ahˇ-eu meh.

Maꞈtehˬ 9:32

Myaˆ nuiˆ mawˇ laˇ-euˬ myaˆ behꞈ kʼoeˇ nyiˬ gʼaˬ gʼoꞈ dzeuˇ-euˬ nehˬ-ehˇ, nehꞈ uˇ-eu miˇ neh dawˬ maˬ ngehˬ nya-eu aˬ dzawˬ tiˬ gʼaˬ-ahˇ, Yeˬsuˇ jawˇ gaˇ sheuˬ laꞈ-euˬ meh.

Maˬkuˆ 10:13

Tsawˇ haˬ tiˬ paˆ na deuˬ, Yeˬsuˇ neh aˬ laꞈ bi baꞈ daˆ-eu gʼaˇ duˬ zaˬ yaw nyiˇ deuˬ sheuˬ-awˇ Yeˬsuˇ jawˇ gaˇ laˇ-euˬ meh. Ehˇ kʼawꞈ, zaˬ sheuˬ ha laˇ-euˬ tsawˇ haˬ kʼoeˇ deuˬ-ahˇ zaˬ lahˇ deuˬ neh dehˬ-euˬ meh.

Maˬkuˆ 5:23

Yeˬsuˇ-ahˇ aˬ yawꞈ shaˇ dui dui-awˇ ehˇ-eu, “Ngaˬ buˇ shiˇ taw tehˬ ni naˇ luꞈ-eu meh. Aˬ yawꞈ jawˇ saˇ doˆ laˇ-awˇ yaw dehꞈ ya dehꞈ ni, aˬ yawꞈ koeˇ taˆ nawˬ-euˬ aˬ laꞈ tiˬ poˆ baꞈ daˆ nehˬ laˇ-awˬ.”

Maˬkuˆ 7:26

Zaˬ miˬ zaˬ kʼoeˇ gʼaˬ-aˬ, Suˇliˆ miˇ kʼahˬ Piˇniˇshaˆ meuˬ-ahˇ dehꞈ le-euˬ Heˬlaˬsaˇ tsawˇ jeuˬ lawˇ ciꞈ zaˬ pyeuꞈ-eu meh. Aˬ yawꞈ-euˬ aˬ buˇ laꞈ kʼoeˇ uˇ-eu nehꞈ-ahˇ teh doˆ nehˬ-eu gʼaˇ duˬ, Yeˬsuˇ-ahˇ aˬ yawꞈ shaˇ-euˬ meh.

Maˬkuˆ 9:16

Zaˬ lahˇ deuˬ-ahˇ Yeˬsuˇ naˇ haˬ-eu, “Naw maꞈ aˬ yawꞈ maꞈ nehˬ-ehˇ aˬ jeˬ gaˇ kawˆ pyehˇ luꞈ te.”

Maˬkuˆ 9:18

Nehꞈ kʼoeˇ mawˇ aˬ yawꞈ-ahˇ kʼaˇ uˇ-iˇ ngeh, miˇ tsa ciˬ tahˬ ciˬ tuˆ nehˬ-eu meh. Kʼoeˇ naˇ, kʼaˬ meh-ahˇ buiˇ meuꞈ doˆ le-awˇ, seuˬ teuꞈ teuꞈ-ehˇ, gʼawˇ mawˇ gʼahˇ cawˬ ni pyeuꞈ-iˇ-eu meh. Nehꞈ kʼoeˇ mawˇ teh doˆ nehˬ laꞈ lehˇ, nawˬ-euˬ zaˬ lahˇ deuˬ-ahˇ ngaˇ shaˇ-euˬ kʼawꞈ, aˬ yawꞈ maꞈ maˬ teh doˆ nehˬ laꞈ nya-a.”

Maˬkuˆ 9:25

Aˬ yawꞈ maꞈ jawˇ gaˇ tsawˇ haˬ aˇ maꞈ cehˆ laꞈ luꞈ gaˇ Yeˬsuˇ ya mawˇ ngeh, nehꞈ kʼoeˇ mawˇ-ahˇ dawˬ biꞈ-awˇ ehˇ nehˬ-eu, “Aˬ dzawˬ bi dzawˬ-iˇ-awˇ naˬ bawˬ bi bawˬ-iˇ-eu nehꞈ-oˇ, aˬ li teu li laꞈ kʼoeˇ neh doˆ le-awˬ. Aˬ kaˇ naˇ, aˬ yawꞈ laꞈ kʼoeˇ tiˬ jawˇ-iˬ taˬ paˇ uˇ-iˇ lehˇ nawˬ-ahˇ ngaˇ dawˬ biꞈ-eu ma.”

Luˇkaꞈ 11:14

Tsawˇ haˬ-ahˇ dawˬ maˬ ngehˬ nya ni aˬ dzawˬ bi dzawˬ-iˇ-eu nehꞈ tiˬ mawˇ-ahˇ Yeˬsuˇ teh doˆ luꞈ-eu meh. Nehꞈ kʼoeˇ mawˇ teh doˆ gʼaˬ ngeh, aˬ dzawˬ dzawˬ-iˇ-euˬ tsawˇ haˬ kʼoeˇ gʼaˬ dawˬ ngehˬ nya laˇ-euˬ meh. Tsawˇ haˬ aˇ maꞈ kʼoeˇ gaˇ zahˬ dui dui leˇ-euˬ meh.

Luˇkaꞈ 9:38

Tsawˇ haˬ aˇ maꞈ laꞈ kʼoeˇ Yeˬsuˇ-ahˇ tiˬ gʼaˬ guˇ guˇ-ehˇ ehˇ-eu, “Saˬ laˬ-oˇ, ngaˬ li-ahˇ tiˬ poˆ haw nehˬ laꞈ lehˇ shaˇ-eu ma. Ngaˇ zaˬ heu tiˬ gʼaˬ jawˇ-eu tehꞈ ma.

Yoˇhaˬ 4:47

Yeˬsuˇ Yuˇdaˆ miˇ kʼahˬ-ahˇ neh Gaˬliˬlehˇ miˇ kʼahˬ-ahˇ oe keuˆ-euˬ gaˇ kawˆ yaw huiˬ yaw mahˇ kʼoeˇ gʼaˬ ya gaˬ ngeh, Yeˬsuˇ jawˇ gaˇ le-awˇ, Yeˬsuˇ-ahˇ Gaˬbeˬneˬoˬ meuˬ-ahˇ oe-awˇ, shiˇ leˇ luꞈ-eu aˬ yawꞈ-euˬ aˬ li-ahˇ laˆ taˬ nehˬ laꞈ lehˇ shaˇ leˇ-euˬ meh.