Maˬkuˆ 9:12 - Akha

¹² Yeˬsuˇ ehˇ-eu, “Yawˬ jeˬ na luꞈ lehˬ hmˬ laˆ saˆ le-eu gʼaˇ duˬ, Eˇliˇyaˆ jeˬ huˬ ya oe tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ-awˇ, aˬ cawˬ neh bi byehˇ dzeh tehꞈ-a lehˇ, Jaˇliꞈ laꞈ kʼoeˇ aˬ jeˬ miˇ neh ehˇ taˬ ta.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoerngae, Yeqsur, aqyawf maf-anr heulof-aer aernaeq-euq mae, “Erlirya-aq, aqdirma-aer jeqhu ya’oe-awr, yawqjeq navluf-anr lavmuiqkhof taef-a. Yaerbof-euq lafkhoer Tsawrhaq-euq Zaqyo-euq garkawv heulof-aer boftaq-euq maqngeur-a lor? Aqyawf-aq, ghawqmya jeq yadaq-awr, aqcawq, aqyawf-anr yaeqbawq saerlu-aer janrlar-eu gar yadaq taef-a.

Maˬkuˆ 9:12 ပူးပေါင်းရင်းမြစ်များ

Jaceuq 74:22

Miˬyehˇ-oˇ, tuˇ laˇ-awˇ, nawˬ-euˬ gaˇ kawˆ shaˇ sawˇ geuꞈ-awˬ. Miˬyehˇ maˬ baw-eu tsawˇ haˬ deuˬ nah ga-ehˇ nawˬ-ahˇ uiˇ luꞈ gaˇ taˬ ngehˇ.

Iˇsaˬyaˇ 49:7

Aˬ cawˬ noeˬ teˬ gaˇ ya daˬ-awˇ, miˇ kʼahˬ tsawˇ jeuˬ deuˬ bye dui dui-eu gʼaˬ pyeuꞈ-eu, sahˬ paˬ sahˬ ma deuˬ-euˬ zaˬ kʼaˆ pyeuꞈ-eu gʼaˬ-ahˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu ka kʼoꞈ-eu gʼaˬ heu loꞈ-ehˇ ehˇ nehˬ-euˬ meh. “Nawˇ buˬ-iˇ gaˇ sahˬ paˬ deuˬ ya mawˇ-awˇ, tuˇ-awˇ nawˬ-ahˇ yaw zeu ya baw tehꞈ-a. Sahˬ paˬ zaˬ yo deuˬ kʼawꞈ nawˬ-ahˇ mawˇ ngeh, awˆ byaˆ-awˇ taˬ huiˬ tehꞈ-a.” Sahˬpaˬ Miˬyehˇ aˬ yawꞈ-euˬ zaˬ kʼaˆ-ahˇ tseˇ doˆ nehˬ-euˬ miˇ neh, kʼoeˇ loꞈ-ehˇ ya pyeuꞈ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ-aˬ, aˬ yawꞈ-euˬ saˇ jaˇ dawˬ-ahˇ ziꞈ-eu meh.

Iˇsaˬyaˇ 50:6

Ngaˬ-ahˇ diˬ-eu deuˬ-ahˇ ngaˇ dahˇ teˇ ciˬ daˬ nehˬ-euˬ ma. Aˬ yawꞈ maꞈ ngaˬ-euˬ mehˬ mahˬ tseuˆ doˆ niˇ gʼa ngeh, ngaˬ-euˬ baˬ ba maˬ gʼawˇ pyawˇ-aˬ. Aˬ yawꞈ maꞈ cehꞈ lehꞈ ka-awˇ duˬ kʼaˬ kʼa daˆ nehˬ laꞈ ngeh, ngaˬ-euˬ myaˆ pyawˬ maˬ ciˬ zaꞈ-aˬ.

Iˇsaˬyaˇ 52:14

Tsawˇ haˬ gʼawˬ mya ni aˬ yawꞈ-ahˇ ya tsawˬ guˆ-iˇ tehꞈ-a. Aˬ yawꞈ-euˬ shiˬ shaˬ cawˆ dui dui-iˇ-awˇ, tsawˇ haˬ-ahˇ tiˬ pawꞈ-iˬ maˬ duˇ leˇ-a.

Zaˬkaˬliˇ 11:13

“Pyuˇ kʼoeˇ deuˬ Uˬ duˬ tahˬ nymˇ nymˇ ma laꞈ kʼoeˇ pyuˇ jeˬ hmˬ duˬ-ahˇ dawˆ ahˇ-awˬ” lehˇ, Sahˬpaˬ Miˬyehˇ ngaˬ-ahˇ ehˇ-eu meh. Kʼoeˇ naˇ, ngaˬ-ahˇ geuˇ ni biꞈ laꞈ-euˬ gʼaˬ gaˇ poeˬ pyuˇ maˇ byaˆ kʼoeˇ smˬ tseˇ byaˆ yuˇ-awˇ, Uˬ duˬ tahˬ nymˇ nymˇ ma laꞈ kʼoeˇ pyuˇ jeˬ hmˬ duˬ-ahˇ dawˆ-euˬ ma.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Maˬlaˬkiˇ 4:6

Aˬ da hawˇ-eu zaˬ deuˬ dehꞈ taꞈ dehꞈ dzoeˇ nya ni aˬ yawꞈ jahˇ le tehꞈ-a. Kʼoeˇ loꞈ-ehˇ maˬ ngeuˇ naˇ, naw maꞈ-euˬ miˇ kʼahˬ-ahˇ ngaˇ oe-awˇ, yaˬ kʼehˇ yaˬ-awˇ laˆ cawˆ paˬ-ehˇ gʼeh nya.”

Maꞈtehˬ 16:21

Kʼoeˇ ngeh nah neh aˇ dahˬ beh-awˇ, zaˬ lahˇ deuˬ-ahˇ Yeˬsuˇ heu loꞈ-ehˇ bya cehˆ ni ehˇ nehˬ-euˬ meh. “Yeˬluˇsaˬlehˬ meuˬ-ahˇ ngaˇ le-awˇ, aˬ yuiꞈ aˬ tsu deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, ngaˬ-ahˇ gʼawˬ mya jeˬ jahˇ nehˬ laꞈ gaˇ ya daˬ dui dui-eu yaw duˬ baw meh. Aˬ cawˬ ngaˬ-ahˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ ngaˬ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 26:24

Tsawˇhaˬ-euˬ Zaˬmaˇ-aˬ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ ya shiˇ tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-ahˇ ahˬ dzaˬ-euˬ kʼoeˇ gʼaˬ ya noeˬ shaˬ dui dui tehꞈ-a. Aˬ yawꞈ maˬ dehꞈ le-euˬ law nmˇ-aˬ, aˬ yawꞈ gʼaˇ duˬ muiˬ dzehˬ tehꞈ-a.”

Maˬkuˆ 10:33

“Naˇ haˬ sheˇ. Aˬ dui maꞈ Yeˬluˇsaˬlehˬ meuˬ-ahˇ le luꞈ-eu ma. Kʼoeˇ gaˇ, Tsawˇhaˬ-euˬ Zaˬmaˇ-ahˇ, piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-euˬ aˬ laꞈ laꞈ kʼoeˇ aˬ cawˬ a nehˬ-awˇ, aˬ yawꞈ ya shiˇ ni aˬ yawꞈ maꞈ yaˇ kʼaˬ daˇ tehꞈ-a. Kʼoeˇ naˇ, Miˬyehˇ-ahˇ maˬ siˬ nya-eu aˬ cawˬ tsawˇ jeuˬ-euˬ laꞈ-ahˇ a nehˬ tehꞈ-a.

Maˬkuˆ 9:13

Naw maꞈ-ahˇ ngaˇ ehˇ nehˬ nyaˇ. Eˇliˇyaˆ oe gʼa-euˬ meh. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ, tsawˇ haˬ zaˬ deuˬ aˬ yawꞈ-ahˇ yehˬ bawˬ sehˇ lu-ehˇ kʼaˇ gʼeh mawꞈ-eu gʼeh nehˬ-euˬ meh.”

Maˬkuˆ 9:31

Aˬ jeˬ miˇ neh ehˇ naˇ, aˬ yawꞈ-euˬ zaˬ lahˇ deuˬ-ahˇ aˬ yawꞈ heu loꞈ-ehˇ mehˬ nehˬ luꞈ-eu meh. “Tsawˇhaˬ-euˬ Zaˬmaˇ-aˬ, aˬ yawꞈ-ahˇ sehꞈ-eu deuˬ-euˬ aˬ laꞈ laꞈ kʼoeˇ aˬ cawˬ neh bi a nehˬ-awˇ bi sehꞈ tehꞈ-a. Ehˇ kʼawꞈ, smˬ nah byah laˇ naˇ, aˬ yawꞈ paˇ gʼoꞈ dehꞈ laˇ tehꞈ-a.”

Luˇkaꞈ 1:76

Ngaˬ-euˬ aˬ li pyeuꞈ-eu nawˬ-ahˇ, Huiˬ dui Mahˇ dui dui-eu gʼaˬ-euˬ ngehˬ zaˬ tmˇ zaˬ lehˇ kuˇ tehꞈ-a. Sahˬpaˬ iˇ-eu gaˇ ma mehˬ hu, nawˇ jeˬ huˬ ya iˇ huˬ taˬ-awˇ, gaˇ ma shaˇ dahˇ nehˬ-eu laꞈ kʼoeˇ,

Luˇkaꞈ 23:11

Heˬloˆ hawˇ-eu aˬ yawꞈ-euˬ yehˇ deuˬ Yeˬsuˇ-ahˇ yehˬ bawˬ sehˇ lu-ehˇ ehˇ-awˇ naˬ gʼa-euˬ meh. Kʼoeˇ loꞈ-ehˇ jahˇ gʼaˬ ngeh, sahˬ paˬ sahˬ ma deuˬ dm-eu muiˬ dui dui-eu mehˬ tsoeˬ bi dm-awˇ, sahˬ paˬ Piˇlaˆ jawˇ gaˇ bi sheuˬ kʼoꞈ gʼeh-euˬ meh.

Luˇkaꞈ 23:39

Kʼoeˇ gaˇ bi taꞈ tehˬ taˬ-euˬ tsawˇ haˬ yaw haiˬ kʼoeˇ tiˬ gʼaˬ Yeˬsuˇ-ahˇ yehˬ bawˬ sehˇ lu-ehˇ ehˇ-eu, “Nawˇ Ka li maˬ ngeuˇ loˇ. Yawˬ haˇ yawˬ ha ka kʼoꞈ-awˇ, nga nyaꞈ-ahˇ kʼawꞈ ka kʼoꞈ nehˬ laꞈ-awˬ tawˇ.”

Gʼaˬkʼehˇ 1:6

Zaˬ lahˇ deuˬ tiˬ gaˇ uiˬ leˇ-awˇ Yeˬsuˇ-ahˇ ya tahˬ dzoeˇ ngeh heu loꞈ-ehˇ naˇ haˬ-euˬ meh. “Sahˬpaˬ-oˇ, nymˬ-mˇ poˆ jawˇ Miˇ kʼahˬ heu kʼahˬ Iˇsaˬleˬlaˆ tsawˇ jeuˬ-ahˇ nawˇ biꞈ kʼoꞈ-eu lehˇ gʼeh-eu ma loˇ.”

Gʼaˬkʼehˇ 4:11

Jaˇliꞈ laꞈ kʼoeˇ, ‘Naw maꞈ nymˇ tsoˆ gaˇ maˬ geuꞈ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh.’ lehˇ ehˇ taˬ-euˬ kʼoeˇ-aˬ, Yeˬsuˇ-ahˇ ehˇ mawꞈ-eu meh.