Maˬkuˆ 9:10 - Akha

¹⁰ Yeˬsuˇ neh dawˬ biꞈ-euˬ loꞈ-ehˇ aˬ yawꞈ maꞈ naˇ haˬ geuꞈ-euˬ meh. Ehˇ kʼawꞈ, aˬ yawꞈ maꞈ yaw kaˬ ja-eu, “Shiˇ-awˇ gʼoꞈ dehꞈ laˇ-eu lehˇ ehˇ-eu teu aˬ jeˬ-ahˇ ehˇ mawꞈ-eu nga.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoermirnae, zaqlanr deuq dawq khoerdawq nuima-euq lafkhoer shardawv taq-euq mae. Shir-awr ghofdaef lar-eu laer aer-eu khoer aqjeq-anr aermawf-eu nga laer aqyawf maf-euq yawkaq jaluf-eu mae.

Maˬkuˆ 9:10 ပူးပေါင်းရင်းမြစ်များ

Aˇ dahˬ 37:11

Aˬ yawꞈ-euˬ aˇ doˆ deuˬ aˬ yawꞈ-ahˇ myaˆ naˆ laˇ taˬ-euˬ meh. Ehˇ kʼawꞈ, aˬ yawꞈ-euˬ aˬ da-aˬ, aˬ yawꞈ neh yuꞈ maˆ maˆ-euˬ gaˇ kawˆ-ahˇ shaˇ noeˬ shaˇ noeˬ-ehˇ jawˇ-eu meh.

Maꞈtehˬ 16:22

Beˬtuˆluˆ neh Yeˬsuˇ-ahˇ gaˇ dzeˇ paw sheuˬ doˆ gʼeh-awˇ ehˇ-eu, “Sahˬ paˬ-oˇ, Miˬyehˇ nawˬ-euˬ kʼoeˇ taˆ kʼoeˇ loꞈ-ehˇ gʼeh-eu jeˬ maˬ bi keuˆ le kʼmˬ-aˇ.”

Maˬkuˆ 9:11

Aˬ yawꞈ maꞈ Yeˬsuˇ-ahˇ naˇ haˬ-eu, “Eˇliˇyaˆ jeˬ huˬ oe tehꞈ-a lehˇ, aˬ jeˬ miˇ neh Zahˇ dawˬ kʼoꞈ dawˬ mehˬ-eu saˬ laˬ deuˬ ehˇ ta.”

Maˬkuˆ 9:32

Ehˇ kʼawꞈ, aˬ yawꞈ kʼoeˇ loꞈ-ehˇ mehˬ-eu aˬ yawꞈ maꞈ maˬ gʼoˆ shaw nya-ehˇ, aˬ yawꞈ-ahˇ maˬ naˇ haˬ peuˬ ni jawˇ-euˬ meh.

Maˬkuˆ 9:9

Aˬ yawꞈ maꞈ gawˬ jawˬ-ahˇ neh zaꞈ ka le luꞈ geh, Yeˬsuˇ aˬ yawꞈ maꞈ-ahˇ dawˬ biꞈ-awˇ ehˇ-eu, “Tsawˇ haˬ-euˬ Zaˬmaˇ shiˇ-awˇ, Miˬyehˇ neh maˬ bi gʼoꞈ dehꞈ laˇ kʼoeˇ keuˆ ni, naw maꞈ neh kʼaˇ ya mawˇ-euˬ jeˬ, tiˬ gʼaˬ-ahˇ-iˬ taˬ ja nehˬ.”

Yoˇhaˬ 12:16

Pyeuꞈ laˇ-euˬ gaˇ kawˆ kʼoeˇ-euˬ dawˬ tsuiꞈ-ahˇ, aˇ dahˬ beh ngeh zaˬ lahˇ deuˬ maˬ siˬ nya-a. Ehˇ kʼawꞈ, Yeˬsuˇ gʼoꞈ dehꞈ laˇ-awˇ yaw shehꞈ kʼahˬ sehˇ za gʼaˬ ngeh, Jaˇliꞈ laꞈ kʼoeˇ ehˇ taˬ-euˬ kʼoeˇ aˬ yawꞈ-ahˇ ehˇ-euˬ jeˬ pyeuꞈ-awˇ, aˬ yawꞈ maꞈ Yeˬsuˇ-ahˇ ha-euˬ kʼoeˇ-aˬ, Jaˇliꞈ laꞈ kʼoeˇ ehˇ taˬ-euˬ dawˬ byah laˇ ni mˇ-euˬ jeˬ pyeuꞈ-eu gaˇ kawˆ, aˬ yawꞈ maꞈ siˬ duˬ-euˬ meh.

Gʼaˬkʼehˇ 17:18

Iˇbiˇguˇlu zahˇ mehˬ-eu saˬ laˬ deuˬ hawˇ-eu, Saˬdawˇiˇ zahˇ mehˬ-eu saˬ laˬ deuˬ kʼawꞈ, aˬ yawꞈ nehˬ-ehˇ ja sawˇ haw-euˬ meh. Aˬ yawꞈ maꞈ tiˬ paˆ na deuˬ ehˇ-eu, “Yaw gahˇ jahˇ geuꞈ-eu dawˇ ga teu gʼaˬ aˬ jeˬ ehˇ-eu nga teu.” Tiˬ paˆ na deuˬ-aˬ, “Yawˬ kʼahˬ yaw miˇ yawˬ-ahˇ-euˬ miˬ yehˇ deuˬ-euˬ gaˇ kawˆ mehˬ-eu tsawˇ haˬ ngeuˇ-eu jeˬ nga” lehˇ ehˇ-eu meh. Yeˬsuˇ-euˬ gaˇ kawˆ hawˇ-eu gʼoꞈ dehꞈ laˇ-eu jeˬ gaˇ kawˆ Pawˇluˆ dawˬ mehˬ mehˬ-eu miˇ neh, aˬ yawꞈ maꞈ kʼoeˇ loꞈ-ehˇ ehˇ-eu meh.