Maˬkuˆ 8:7 - Akha

⁷ Aˬ yawꞈ maꞈ ngaˬ shaˬ shaˬ zaˬ heu myaˆ mawˇ paˇ ahˇ-eu meh. Kʼoeˇ-euˬ gʼaˇ duˬ, Miˬyehˇ-euˬ guiˬ lahˬ-ahˇ Yeˬsuˇ paˇ ja ceuˬ-awˇ, aˬ yawꞈ-euˬ zaˬ lahˇ deuˬ-ahˇ kʼehˇ-awˇ, tsawˇ haˬ aˇ maꞈ-ahˇ ngaˬ shaˬ kʼoeˇ paˇ bi biˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqyawfmaf ngaqshaq yawzaq khawf heumyav mawr anr-eu mae. Yeqsur, Miqyaer-euq guiqlanq-anr jaceuq-awr, zaqlanr deuq-anr parkhaer-awr tsawrhaq armaf mafma-euq maeqshi bi ciqtaq-euq mae.

Maˬkuˆ 8:7 ပူးပေါင်းရင်းမြစ်များ

Maꞈtehˬ 14:19

Tsawˇ haˬ aˇ maꞈ-ahˇ, daˬ zawˬ deh kʼoeˇ taˆ nuiˇ-eu gʼaˇ duˬ, Yeˬsuˇ dawˬ biꞈ-euˬ meh. Kʼoeˇ naˇ, kaˬ muˇ kʼoeˇ ngaˬ yaˆ hawˇ-eu ngaˬ shaˬ kʼoeˇ nyiˬ mawˇ aˬ yawꞈ yuˇ-awˇ, mˬ paw gʼawˇ leuˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, kaˬ muˇ kʼoeˇ deuˬ aˬ yawꞈ ngawˬ pyehˬ-awˇ, zaˬ lahˇ deuˬ-ahˇ biꞈ nehˬ-awˇ, tsawˇ haˬ aˇ maꞈ-ahˇ bi biˇ nehˬ-euˬ meh.

Maˬkuˆ 8:6

Kʼoeˇ ngeh, tsawˇ haˬ aˇ maꞈ-ahˇ miˇ tsa nuiˇ-eu gʼaˇ duˬ aˬ yawꞈ dawˬ biꞈ-euˬ meh. Kaˬ muˇ kʼoeˇ shiꞈ yaˆ aˬ yawꞈ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Koeˇ naˇ, kaˬ muˇ kʼoeˇ ngawˬ pyehˬ-awˇ, aˬ yawꞈ-euˬ zaˬ lahˇ deuˬ-ahˇ biꞈ-awˇ, tsawˇ haˬ aˇ maꞈ-ahˇ bi biˇ nehˬ-euˬ meh.

Luˇkaꞈ 6:41

“Yawˬ ha-euˬ myaˆ nuiˆ-ahˇ tsmˬ-eu diˬ tm-ahˇ maˬ shaˇ sawˇ-ehˇ, nawˬ-euˬ mehˇ nmˇ-euˬ myaˆ nuiˆ-ahˇ tsmˬ-eu myaˆ pawꞈ pawꞈ zaˬ tiˬ hmˬ-ahˇ aˬ jeˬ miˇ neh toeˬ ceh te. Yawˬ ha-euˬ myaˆ nuiˆ-ahˇ diˬ tm tsmˬ luꞈ-eu maˬ mawˇ nya gaˇ, ‘Nawˬ-eu myaˆ nuiˆ-ahˇ ahˇ-eu myaˆ pawꞈ ngaˇ pehˆ doˆ nehˬ nyaˇ’ lehˇ, nawˬ-euˬ mehˇ nmˇ-ahˇ nawˇ aˬ joˆ-ehˇ ehˇ leˇ coeˇ-eu nya.

Yoˇhaˬ 21:5

“Zaˬ guˬ deuˬ-oˇ, ngaˬ shaˬ dzeh mi maˬ loˇ” lehˇ Yeˬsuˇ naˇ haˬ ngeh, “Maˬ dzeh mi-aˬ” lehˇ aˬ yawꞈ maꞈ ehˇ kʼoꞈ nehˬ-euˬ meh.