Maˬkuˆ 8:6 - Akha

⁶ Kʼoeˇ ngeh, tsawˇ haˬ aˇ maꞈ-ahˇ miˇ tsa nuiˇ-eu gʼaˇ duˬ aˬ yawꞈ dawˬ biꞈ-euˬ meh. Kaˬ muˇ kʼoeˇ shiꞈ yaˆ aˬ yawꞈ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Koeˇ naˇ, kaˬ muˇ kʼoeˇ ngawˬ pyehˬ-awˇ, aˬ yawꞈ-euˬ zaˬ lahˇ deuˬ-ahˇ biꞈ-awˇ, tsawˇ haˬ aˇ maꞈ-ahˇ bi biˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Khoernar-aq, Yeqsur, tsawrhaq armaf mafma-anr mirtsa nuir-awq laer dawq bif-awr, kaqmur khoer shif siq yur-awr, Miqyaer-euq guiqlanq-anr jaceuq-awr ngawqpyaeq-euq mae. Khoernar-aq, zaqlanr deuq-anr ciqnaeq-awr aqyawf maf-euq maeqshi bi ciqtaq-euq mae. Zaqlanr deuq khawf tsawrhaq armaf mafma-euq maeqshi ciqtaq naeq-ir-euq mae.

Maˬkuˆ 8:6 ပူးပေါင်းရင်းမြစ်များ

Maꞈtehˬ 26:26

Aˬ yawꞈ maꞈ ciꞈ hawˬ dzaˬ luꞈ ngeh, Yeˬsuˇ kaˬ muˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, kaˬ muˇ kʼoeˇ ngawˬ pyehˬ-awˇ, “Heu-aˬ, ngaˬ-euˬ gʼawˇ mawˇ ma. Yuˇ-awˇ dzaˬ-awˬ” lehˇ ehˇ-awˇ biˇ nehˬ-euˬ meh.

Maˬkuˆ 8:20

Yeˬsuˇ ehˇ-eu, “Ngaˇ kaˬ muˇ shiꞈ yaˆ ngawˬ pyehˬ-awˇ tsawˇ haˬ oeˬ heˇ gʼaˬ-ahˇ bi dzaˬ ngeh poˆ, maˬ dzaˬ jiˇ coeˇ-ehˇ dzeˇ laˇ-euˬ aˇ jehꞈ deuˬ naw maꞈ neh gʼoˆ uiˬ-euˬ kʼoeˇ, kʼaˆ puˬ aˇ myaˆ puˬ byah laˇ-euˬ ta.” Aˬ yawꞈ maꞈ ehˇ-eu, “Shiꞈ puˬ byah laˇ-euˬ meh.”

Maˬkuˆ 8:5

Yeˬsuˇ ehˇ-eu, “Naw maꞈ kaˬ muˇ aˇ myaˆ yaˆ ahˇ te.” Aˬ yawꞈ maꞈ ehˇ-eu, “Shiꞈ yaˆ ahˇ-eu tehꞈ ma.”

Maˬkuˆ 8:7

Aˬ yawꞈ maꞈ ngaˬ shaˬ shaˬ zaˬ heu myaˆ mawˇ paˇ ahˇ-eu meh. Kʼoeˇ-euˬ gʼaˇ duˬ, Miˬyehˇ-euˬ guiˬ lahˬ-ahˇ Yeˬsuˇ paˇ ja ceuˬ-awˇ, aˬ yawꞈ-euˬ zaˬ lahˇ deuˬ-ahˇ kʼehˇ-awˇ, tsawˇ haˬ aˇ maꞈ-ahˇ ngaˬ shaˬ kʼoeˇ paˇ bi biˇ nehˬ-euˬ meh.

Luˇkaꞈ 12:37

Baw leˬ gʼaˬ gʼoꞈ laˇ ngeh, maˬ yuꞈ kʼaˆ ni loꞈ luꞈ-eu zaˬ kʼaˆ deuˬ guiˬ lahˬ huiˬ tehꞈ-a. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Baw leˬ gʼaˬ joꞈ paꞈ paꞈ-awˇ, aˬ yawꞈ-euˬ gʼawˇ mawˇ hawˬ byawˇ laˆ dawˆ nehˬ-awˇ, aˬ yawꞈ maꞈ-ahˇ hawˬ jeh-ahˇ nuiˇ-awˇ bi dzaˬ tehꞈ-a.

Luˇkaꞈ 24:30

Aˬ yawꞈ nyaꞈ nehˬ-ehˇ hawˬ jawˬ jawˬ leˇ ngeh, aˬ yawꞈ kaˬ muˇ yuˇ-awˇ dawˬ ngehˬ gʼeh nehˬ-euˬ meh. Kʼoeˇ naˇ, ngawˬ pyehˬ-awˇ aˬ yawꞈ nyaꞈ-ahˇ biˇ nehˬ-euˬ meh.

Yoˇhaˬ 2:5

Kʼoeˇ ngeh, “Ngaˬ li kʼaˇ ehˇ-eu loꞈ-ehˇ mˇ-awˬ” lehˇ, zaˬ kʼaˆ deuˬ-ahˇ Yeˬsuˇ-euˬ aˬ ma ehˇ nehˬ-euˬ meh.

Yoˇhaˬ 6:23

Ehˇ kʼawꞈ, Sahˬpaˬ Yeˬsuˇ neh Miˬyehˇ-euˬ guiˬ lahˬ-ahˇ ja ceuˬ-awˇ aˬ yawꞈ maꞈ kaˬ muˇ dzaˬ-euˬ jawˇ duˬ kʼoeˇ tsahˇ-euˬ dawˬ peh, Deˬbeˬliˇ meuˬ-ahˇ neh lawˬ tiˬ deuˬ oe-euˬ meh.

Lormav 14:6

Aˇ nah tiˬ nah na-ahˇ lah-eu daw-eu tsawˇ haˬ-aˬ, Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ lah-eu daw-eu meh. Yawˬ jeˬ na luꞈ dzaˬ-eu tsawˇ haˬ kʼawꞈ, Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ dzaˬ-eu meh. Aˬ jeˬ miˇ neh ehˇ naˇ, aˬ yawꞈ Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˇ dzaˬ-eu meh. Yawˬ jeˬ na luꞈ maˬ dzaˬ-eu tsawˇ haˬ kʼawꞈ, Sahˬpaˬ Miˬyehˇ-ahˇ taˬ huiˬ-eu miˇ neh maˬ dzaˬ-eu meh. Kʼoeˇ-euˬ gʼaˇ duˬ Sahˬpaˬ miˬyehˇ-euˬ guiˬ lahˬ-ahˇ aˬ yawꞈ ja ceuˬ-eu meh.

Gawˇlawˇsehˇ 3:17

Naw maꞈ kʼaˇ mˇ kʼaˇ shaˇ kʼaˇ ngehˬ kʼaˇ tmˇ-eu jeˬ laꞈ kʼoeˇ, Sahˬ paˬ Yeˬsuˇ-euˬ tsawˇ myahˇ uˬ moˆ Aˬ da Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ mˇ-awˬ.

1 Saˬmeuˬlaˆ 9:13

Naw nyaꞈ meuˬ-ahˇ le uˇ ngeh, gawˬ duˇ-ahˇ laˆ dawˆ taˬ-euˬ dzaˬ byawˇ dzaˬ leˇ-eu lehˇ aˬ yawꞈ maˬ le mi naˆ-ehˇ, aˬ yawꞈ-ahˇ ya mawˇ tehꞈ-a. Aˬ yawꞈ maˬ le keuˆ kʼoeˇ keuˆ ni, tiˬ gʼaˬ-iˬ maˬ dzaˬ maˬ dawˇ ni dawˬ luꞈ tehꞈ-a. Aˬ jeˬ miˇ neh ehˇ naˇ, lawˇ-eu shehˇ-eu jeˬ-ahˇ aˬ yawꞈ dawˬ ngehˬ ya gʼeh nehˬ-eu meh. Kʼoeˇ sawˇ miˇ tsa hawˇ-eu, kuˇ taˬ-euˬ tsawˇ haˬ deuˬ dzaˬ dahˬ dawˇ dahˬ beh-eu meh. Nymˬ-mˇ yaw kawˇ-ehˇ le gʼeh leꞈ-awˬ. Naw nyaꞈ aˬ yawꞈ-ahˇ ja pyuˬ ni ya tahˬ puˬ tehꞈ-a.”