Maˬkuˆ 8:38 - Akha

³⁸ Bahˬ dui muˆ dui dui-awˇ iˬ baˇ myaˬ dui dui-eu ziˇ heu ziˇ laꞈ kʼoeˇ, tsawˇ haˬ tiˬ gʼaˬ na, ngaˬ-ahˇ maˬ ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ ehˇ, shaꞈ dawˇ naˇ, Tsawˇhaˬ-euˬ Zaˬ maˇ kʼawꞈ, aˬ yawꞈ Aˬda-euˬ yaw shehꞈ kʼahˬ sehˇ dm-awˇ muiˬ-eu shawˇ-eu mˬ taˆ gʼaˬ kʼehˇ deuˬ nehˬ-ehˇ zaꞈ le ngeh, tsawˇ haˬ kʼoeˇ gʼaˬ-ahˇ shaꞈ dawˇ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁸ Aqsur ghaq maqkaq, banq-awr joe-eu hawr-eu iqbax mrluf-eu heuzir-euq tsawrhaq-euq maeqshi, ngar hawr-eu ngaq-euq dawq-euq baqda’nae shafdawr nar-aq, aqyawf Tsawrhaq-euq Zaqyo khawf, aqyawf-euq Aqda-euq yawshaef khanqsaer-euq lafkhoer, shawr-eu mqtav ghaqkhaer deuq naeq-aer zafkale ngae, tsawrhaq khoerghaq-euq baqda’nae shafdawr taef-a.”

Maˬkuˆ 8:38 ပူးပေါင်းရင်းမြစ်များ

Daˬyeˬlaˇ 7:10

Kʼoeˇ gaˇ neh miˬ dzaˬ lawˇ gawˆ yoeˇ ka luꞈ-eu meh. Aˬ yawꞈ-euˬ myawˬ kʼehˇ gʼoˆ-eu aˇ heˇ aˇ muiˇ gʼaˬ jawˇ-awˇ, aˬ yawꞈ-euˬ mehˬ shi yawꞈ luꞈ-eu tsawˇ haˬ aˇ lam aˇ lam byah -eu meh. Yaˇ kʼaˬ daˇ-eu gʼaˬ yaˇ kʼaˬ daˇ dahˬ beh-awˇ, sahˬ boꞈ deuˬ dehˬ pah-euˬ meh.

Daˬyeˬlaˇ 7:13

Uˬ ciꞈ paw yaw sahˇ laꞈ kʼoeˇ ngaˇ kʼoeˇ loꞈ-ehˇ ya mawˇ luꞈ ngeh, tsawˇ haˬ zaˬ-ahˇ duˇ-eu tiˬ gʼaˬ ngaˇ mawˇ-euˬ ma. Aˬ yawꞈ-euˬ tiˬ jawˬ mˬ dmˇ tsahˇ lahˇ taˬ-awˇ oe-awˇ, mˬ bymˬ miˇ bymˬ bymˬ ngeh neh jawˇ luꞈ-eu gʼaˬ-euˬ mehˬ shi yawꞈ leˇ-euˬ meh.

Zaˬkaˬliˇ 14:5

Gawˬ jawˬ-ahˇ nyiˬ paˆ biˇ paˆ-euˬ gʼaˬ lawˬ kʼoeˇ caw caw-ehˇ, naw maꞈ cehˆ dzeuˇ nya tehꞈ-a. Aˇ hu Yuˇdaˆ miˇ kʼahˬ-ahˇ sahˬ paˬ Awˇziˇ uˆ lahˇ luꞈ ngeh miˇ luˆ luˆ laˇ-awˇ, naw maꞈ-euˬ aˬ poeˬ aˬ bawˇ deuˬ cehˆ-euˬ loꞈ-ehˇ, naw maꞈ kʼawꞈ ya cehˆ tehꞈ-a. Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, mˬ taˆ gʼaˬ kʼehˇ dawˬ tawˆ luꞈ sheuˬ-awˇ oe tehꞈ-a.

Maꞈtehˬ 12:39

Yeˬsuˇ ehˇ-eu, “Ziˇ heu ziˇ-ahˇ dehꞈ luꞈ-eu tsawˇ haˬ deuˬ aˇ naˆ ni haiˬ-awˇ dehꞈ cawˆ taˬ-euˬ nga. Kʼaˆ jeˬ-ehˇ gʼeh-eu jeˬ mˇ mehˬ laꞈ lehˇ, naw maꞈ ngaˬ-ahˇ ehˇ te loˇ. Miˬyehˇ gʼaˇ duˬ ngehˬ dah-eu Yawˇnaˆ-euˬ gaˇ kawˆ kʼoeˇ hmˬ maˬ ngeuˇ naˇ, kʼaˆ jeˬ-ehˇ gʼeh-eu yawˬ hmˬ yawˬ naw maꞈ-ahˇ ngaˇ maˬ mehˬ nehˬ.

Maꞈtehˬ 13:41

Tsawˇhaˬ-euˬ Zaˬmaˇ-aˬ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ pyehˬ gʼeh leꞈ-awˇ, aˬ cawˬ iˬ baˇ mˇ ni jahˇ-eu tsawˇ haˬ dawˬ tawˆ luꞈ hawˇ-eu, yaw haiˬ jeˬ kʼaˇ mˇ-eu tsawˇ haˬ dawˬ tawˆ luꞈ-ahˇ, aˬ yawꞈ-euˬ Miˇ kʼahˬ laꞈ kʼoeˇ neh bi sheuˬ doˆ uiˬ tehꞈ-a.

Maꞈtehˬ 16:27

Tsawˇhaˬ-euˬ Zaˬmaˇ-aˬ, aˬ yawꞈ Aˬda-euˬ yaw shehꞈ kʼahˬ sehˇ dm-awˇ, aˬ yawꞈ-euˬ mˬ taˆ gʼaˬ kʼehˇ deuˬ nehˬ-ehˇ zaꞈ le-awˇ, tsawˇ haˬ yawˬ gʼaˬ yawˬ na luꞈ-ahˇ, yawˬ ha neh kʼaˇ mˇ taˬ-euˬ loꞈ-ehˇ tsoeˬ kʼoꞈ nehˬ le tehꞈ-a.

Maꞈtehˬ 16:28

Heu gaˇ jawˇ luꞈ-eu tsawˇ haˬ tiˬ paˆ na deuˬ maˬ shiˇ dzeuˇ mi naˆ-ehˇ, Tsawˇhaˬ-euˬ Zaˬmaˇ sahˬ paˬ geuꞈ-awˇ oe gaˇ ya mawˇ tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.”

Maꞈtehˬ 16:4

Iˬ nah aˇ yamˬ-ahˇ dehꞈ luꞈ-eu tsawˇ haˬ deuˬ, zahˇ sahˇ kʼoꞈ maˬ baw ni aˇ naˆ ni haiˬ-eu nga. Kʼaˆ jeˬ-ehˇ gʼeh-eu jeˬ mˇ mehˬ nehˬ laꞈ lehˇ, naw maꞈ ngaˬ-ahˇ ehˇ-eu meh. Yawˇnaˆ-euˬ gaˇ kawˆ zahˬ leˇ paˬ-ehˇ gʼeh-eu kʼoeˇ maˬ ngeuˇ naˇ, naw maꞈ-ahˇ ngaˇ nui jeˬ maˬ mehˬ nehˬ.” Kʼoeˇ naˇ, aˬ yawꞈ maꞈ jawˇ gaˇ neh aˬ yawꞈ doˆ-iˇ-euˬ meh.

Maꞈtehˬ 24:30

Kʼoeˇ ngeh, Tsawˇhaˬ-euˬ Zaˬmaˇ oe luꞈ-eu gaˇ kawˆ mˬ kʼoeˇ taˆ bi siˬ bi mawˇ tehꞈ-a. Tsawˇhaˬ-euˬ Zaˬmaˇ mˬ dmˇ dziˬ-awˇ, baoˬ hawˇ-eu yaw shehꞈ kʼahˬ sehˇ tiˬ byah ni oe luꞈ gaˇ ya mawˇ ngeh, miˇ tsaˬ zaˬ deuˬ ngoeˇ tehꞈ-a.

Maꞈtehˬ 25:31

“Tsawˇhaˬ-euˬ Zaˬmaˇ mˬ taˆ gʼaˬ kʼehˇ deuˬ sheuˬ-awˇ, Sahˬ paˬ loꞈ-ehˇ zaꞈ le ngeh, aˬ yawꞈ-euˬ dzoeˬ dzaˬ nuiˇ mahˬ kʼoeˇ taˆ nuiˇ le tehꞈ-a.

Maꞈtehˬ 26:64

Yeˬsuˇ ehˇ-eu, “Nawˇ ehˇ luꞈ ngaˇ tawˇ. Ehˇ kʼawꞈ, naw maꞈ dawˬ tawˆ luꞈ-ahˇ ngaˇ heu loꞈ-ehˇ ehˇ-eu ma. Aˬ kaˇ naˇ, Tsawˇhaˬ-euˬ Zaˬmaˇ-aˬ, Baoˬ huiˬ-eu Miˬyehˇ-euˬ aˇ maˇ paw nuiˇ luꞈ gaˇ maˬ ehˇ, mˬ taˆ mˬ dmˇ dziˬ-awˇ oe gaˇ maˬ ehˇ, naw maꞈ ya mawˇ tehꞈ-a.”

Maꞈtehˬ 8:20

Tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Byaˬ hiˇ-aˬ bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇ haˬ-euˬ Zaˬmaˇ -aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

Maˬkuˆ 13:26

Kʼoeˇ naˇ, Tsawˇhaˬ-euˬ Zaˬ maˇ mˬ dmˇ dziˬ-awˇ, baoˬ yaw shehꞈ kʼahˬ sehˇ tiˬ byah ni oe gaˇ ya mawˇ tehꞈ-a.

Maˬkuˆ 14:62

Yeˬsuˇ ehˇ-eu, “Ngeuˇ ma. Tsawˇhaˬ-euˬ Zaˬmaˇ-aˬ, Baoˬ huiˬ-eu Miˬyehˇ-euˬ aˇ maˇ paw nuiˇ luꞈ gaˇ maˬ ehˇ, mˬ dmˇ dziˬ-awˇ zaꞈ ka le gaˇ maˬ ehˇ, naw maꞈ yawˬ gʼaˬ na luꞈ ya mawˇ tehꞈ-a.”

Maˬkuˆ 8:37

Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ nya meh.

Luˇkaꞈ 19:26

Aˬ yawꞈ ehˇ-eu, ‘Ngaˇ naw maꞈ-ahˇ ehˇ nehˬ nyaˇ. Jaˆ-eu tsawˇ haˬ yawˬ gʼaˬ na luꞈ-ahˇ paˇ biꞈ lahˬ nehˬ tehꞈ-a. Maˬ jaˆ-eu tsawˇ haˬ-aˬ, maˬ jaˆ kʼaˇ jaˆ-eu dawˬ tawˆ luꞈ bi yuˇ jiˇ tehꞈ-a.

Luˇkaꞈ 9:26

Tsawˇ haˬ tiˬ gʼaˬ na, ngaˬ-ahˇ maˬ ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ ehˇ, shaꞈ dawˇ naˇ, Tsawˇhaˬ-euˬ Zaˬmaˇ kʼawꞈ, aˬ yawꞈ Aˬda-euˬ yaw shehꞈ kʼahˇ sehˇ dm-awˇ muiˬ-eu shawˇ-eu mˬ taˆ gʼaˬ kʼehˇ deuˬ nehˬ-ehˇ zaꞈ le ngeh, tsawˇ haˬ kʼoeˇ gʼaˬ-ahˇ shaꞈ dawˇ tehꞈ-a.

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 1:51

Kʼoeˇ naˇ, aˬ ha maꞈ-ahˇ aˬ yawꞈ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Mˬ pah le-awˇ, Miˬyehˇ-euˬ mˬ taˆ gʼaˬ kʼehˇ deuˬ Tsawˇ haˬ-euˬ Zaˬ maˇ kʼoeˇ taˆ tsawˬ toeˬ tsawˬ daˆ-ehˇ yaˇ gaˇ gaˇ tawꞈ le gaˇ naw maꞈ ya mawˇ tehꞈ-a.”

Yoˇhaˬ 12:34

Tsawˇ haˬ aˇ maꞈ ehˇ-eu, “Nga maꞈ-euˬ Zahˇ dawˬ kʼoꞈ dawˬ laꞈ kʼoeˇ, Meˬsiˇya mˬ maˬ maˬ byaˆ zaˇ ziˇ dehꞈ meh lehˇ ehˇ taˬ-euˬ meh. Tsawˇ haˬ-euˬ Zaˬmaˇ-ahˇ bi kʼahˬ tuˇ tehꞈ-a lehˇ nawˇ aˬ joˆ-ehˇ ehˇ nya te. Tsawˇ haˬ-euˬ Zaˬmaˇ kʼoeˇ aˬ suˇ gʼaˬ-a.”

Yoˇhaˬ 5:27

Zaˬmaˇ-ahˇ yaˇ kʼaˬ daˇ-eu baoˬ biꞈ taˬ-euˬ meh. Aˬ jeˬ miˇ neh ehˇ naˇ, aˬ yawꞈ-aˬ Tsawˇhaˬ-euˬ Zaˬmaˇ meh.

Gʼaˬkʼehˇ 10:22

Aˬ ha smˇ gʼaˬ ehˇ-eu, “Guiˇ maꞈ-ahˇ uˆ lahˇ-eu yaw huiˬ yaw mahˇ pyeuꞈ-eu Gawˬneˬliˇ neh nga maꞈ-ahˇ kʼehˇ leꞈ-euˬ meh. Aˬ yawꞈ-aˬ, Miˬyehˇ-ahˇ uˬ duˬ tahˬ-eu tsawˇ haˬ yaw muiˬ tiˬ gʼaˬ pyeuꞈ-awˇ, Yuˇdaˆ tsawˇ haˬ dawˬ tawˆ luꞈ aˬ yawꞈ-ahˇ yaw zeu baw-eu meh. Nawˬ-ahˇ aˬ yawꞈ-euˬ nymˇ-ahˇ kuˇ ahˇ-awˇ, nawˬ neh ngehˬ-euˬ tmˇ-euˬ dawˬ-ahˇ naˇ haˬ-eu gʼaˇ duˬ, Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ-ahˇ ehˇ le-euˬ meh.”

Gʼaˬkʼehˇ 5:41

Gʼaˬ kʼehˇ deuˬ Baꞈ dzah-ahˇ neh gʼoꞈ doˆ le ngeh, laˬ kʼaˬ cehˇ-eu meh. Aˬ jeˬ miˇ neh ehˇ naˇ, Yeˬsuˇ gʼaˇ duˬ shaꞈ dawˇ-eu jeˬ-ahˇ daˬ geuˇ-eu tsawˇ haˬ lehˇ, aˬ yawꞈ maꞈ-ahˇ Miˬyehˇ sawˇ nehˬ-euˬ aˬ yawꞈ maꞈ siˬ nya-eu meh.

Lormav 1:16

Laˬ kʼaˬ cehˇ-eu Guiˬ lahˬ dawˬ-ahˇ ngaˇ nui ma huiˬ dui dui luꞈ ma. Laˬ kʼaˬ cehˇ-eu Guiˬ lahˬ dawˬ-aˬ, jah-eu tsawˇ haˬ dawˬ tawˆ luꞈ-ahˇ ka kʼoꞈ nehˬ-eu Miˬyehˇ-euˬ baoˬ pyeuꞈ-eu meh. Yuˇdaˆ tsawˇ haˬ-ahˇ neh dahˬ beh-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ keuˆ ni ka kʼoꞈ-eu meh.

Gaˬlaˬtiˆ 6:14

Ngaˇ tehꞈ law nmˇ-aˬ, aˬ dui-euˬ Sahˬpaˬ Yeˬsuˇ Ka li-euˬ laꞈ yaꞈ gaˇ kawˆ tehꞈ-ehˇ kʼahˬ sehˇ jehˆ ma. Laꞈ yaꞈ baˬ da neh, miˇ tsaˬ heu-ahˇ taꞈ-eu jeˬ ngaˬ-euˬ gʼaˇ duˬ yaw shiˇ-ahˇ duˇ-awˇ, ngaˇ kʼawꞈ miˇ tsaˬ-ahˇ taꞈ-eu jeˬ-euˬ gʼaˇ duˬ yaw shiˇ-ahˇ duˇ-eu ma.

Dawˬmehˬ 33:2

Siˇnaˆ gawˬ jawˬ jawˬ ma-ahˇ neh, Sahˬpaˬ Miˬyehˇ oe gʼeh leꞈ-awˇ, Eˬdoˬ miˇ kʼahˬ-euˬ mˬ taˆ-ahˇ, nahˇ ma loꞈ-ehˇ yawˬ doˆ laˇ-awˇ, Paˬlaˬ gawˬ jawˬ uˬ du jawˇ-awˇ, yawˬ tsawˇ-ahˇ yaw shehꞈbya-euˬ meh. Mˬ taˆ gʼaˬ kʼehˇ aˇ heˇ aˇ muiˇ, aˬ yawꞈ-euˬ tiˬ jawˬ jawˇ luꞈ-awˇ, aˬ yawꞈ aꞈ laꞈ aˇ maˇ laꞈ-ahˇ, doꞈ-eu miˬ lmˇ yuˇ luꞈ-eu meh.

1 Teˇsaˬloˇni 2:19

Ehˇ kʼawꞈ, nga maꞈ-euˬ noeˬ tmˬ duˬ, nga maꞈ-euˬ laˬ kʼaˬ cehˇ duˬ hawˇ-eu, Sahˬpaˬ Yeˬsuˇ oe ngeh aˬ yawꞈ mehˬ shi nga maꞈ gʼaˬ leˇ-euˬ gaˇ kawˆ kʼahˬ sehˇ jehˆ duˬ-aˬ, aˬ cawˬ maˬ ngeuˇ. Naw maꞈ ma.

1 Teˇsaˬloˇni 3:13

Aˬ dui-euˬ Sahˬpaˬ Yeˬsuˇ aˬ yawꞈ-euˬ tsawˇ haˬ dawˬ tawˆ luꞈ nehˬ-ehˇ oe ngeh, aˬ dui-euˬ Aˬda Miˬyehˇ mehˬ shi naw maꞈ iˬ baˇ taˬ kʼaˇ maˬ za-eu muiˬ-eu shawˇ-eu tsawˇ haˬ pyeuꞈ ni, aˬ yawꞈ naw maꞈ-ahˇ kʼoeˇ loꞈ-ehˇ gʼaˬ biꞈ lahˬ nehˬ luꞈ-uˇ.

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

2 Tiˆmoˇseˬ 1:16

Awˬneˬsiˬpawˬ-euˬ nymˇ jiˇ-ahˇ Sahˬpaˬ Yeˬsuˇ gʼawˬ shaˬ gaˬ nehˬ luꞈ-uˇ. Aˬ jeˬ miˇ neh ehˇ naˇ, aˬ yawꞈ ngaˬ-euˬ nui ma-ahˇ gʼawˬ mya poˆ laˬ kʼaˬ bi cehˇ laꞈ-euˬ meh.

2 Tiˆmoˇseˬ 1:8

Kʼoeˇ miˇ neh, aˬ dui-euˬ Sahˬpaˬ Yeˬsuˇ gʼaˇ duˬ saˇ kiˇ kamˬ-eu taˬ shaꞈ dawˇ. Ka li-euˬ gʼaˇ duˬ tawˬ-ahˇ bi paꞈ ahˇ-euˬ gʼaˬ pyeuꞈ-eu ngaˬ-ahˇ kʼawꞈ taˬ shaꞈ dawˇ. Ehˇ kʼawꞈ, Miˬyehˇ neh nawˬ-ahˇ gʼaˬ biꞈ nehˬ taˬ-euˬ loꞈ-ehˇ, Laˬ kʼaˬ cehˇ-eu Guiˬ lahˬ dawˬ gʼaˇ duˬ shaˬ-eu zahˬ-eu jeˬ-ahˇ nawˬ-euˬ shaˬ bymˇ nawˇ daˬ-awˬ.

HeˬByehˇ 11:16

Kʼoeˇ naˆ maˬ tseˇ muiˬ dzehˬ-eu mˬ taˆ miˇ kʼahˬ-ahˇ aˬ yawꞈ maꞈ noeˬ tsoˆ taˬ-euˬ meh. Kʼoeˇ miˇ neh, tsawˇ haˬ kʼoeˇ deuˬ Miˬyehˇ-ahˇ aˬ yawꞈ maꞈ-euˬ Miˬyehˇ ma lehˇ kuˇ gaˇ Miˬyehˇ maˬ shaꞈ dawˇ-a. Aˬ jeˬ miˇ neh ehˇ naˇ, aˬ yawꞈ maꞈ gʼaˇ duˬ meuˬ tiˬ meuˬ aˬ yawꞈ lehˬ hmˬ taˬ-euˬ meh.

HeˬByehˇ 11:26

Ka li-euˬ gʼaˇ duˬ daˬ ga-eu jeˬ-ahˇ ya daˬ-eu-aˬ, Iˇjiˇtuˆ miˇ kʼahˬ laꞈ kʼoeˇ kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ naˆ maˬ tseˇ poeˬ dui lawˬ dui dui ma lehˇ aˬ yawꞈ jah duˬ taˬ-euˬ meh. Aˬ jeˬ miˇ neh ehˇ naˇ, aˬ kaˇ za-eu laꞈ sawˬ-ahˇ aˬ yawꞈ noeˬ tsoˆ taˬ-euˬ meh.

HeˬByehˇ 13:13

Kʼoeˇ miˇ neh, aˬ dui kʼawꞈ, pu pu dzeˇ aˬ yawꞈ jawˇ gaˇ iˇ-awˇ, shaꞈ dawˇ-eu jeˬ-ahˇ tiˬ kawˆ loꞈ-ehˇ caw daˬ kaˇ-euˇ.

Yaˬkoˆ 4:4

Miˬyehˇ-ahˇ saˇ jaˇ maˬ ziꞈ-eu tsawˇ haˬ deuˬ-oˇ, miˇ tsaˬ heu-ahˇ cawˬ cawˬ taꞈ-eu jeˬ-aˬ, Miˬyehˇ-ahˇ muiˇ-eu jeˬ pyeuꞈ-eu meh lehˇ naw maꞈ maˬ siˬ nya te loˇ. Miˇ tsaˬ heu-ahˇ cawˬ kʼaˇ cawˬ taꞈ mawꞈ-eu tsawˇ haˬ-aˬ, Miˬyehˇ-ahˇ muiˇ-eu tsawˇ haˬ pyeuꞈ laˇ ni mˇ gaˇ duˇ-eu meh.

1 Yoˇhaˬ 2:23

A jeˬ miˇ neh ehˇ naˇ, Zaˬmaˇ-ahˇ kʼaˇ byehˇ dzeh-eu tsawˇ haˬ-aˬ, Aˬda Miˬyehˇ-ahˇ byehˇ dzeh gaˇ duˇ-awˇ, Zaˬmaˬ-ahˇ kʼaˇ ha geuꞈ-eu tsawˇ haˬ-aˬ, Aˬda Miˬyehˇ-ahˇ ha geuꞈ gaˇ duˇ-eu meh.

1 Yoˇhaˬ 2:28

Ngaˇ gaˬ dui dui-eu zaˬ deuˬ-oˇ, Ka li zaꞈ le-eu Aˇ nah keuˆ le-awˇ, aˬ yawꞈ-ahˇ bya cehˆ ni ya mawˇ ngeh, aˬ dui-euˬ nui ma maˬ ya baˬ-ehˇ, aˬ yawꞈ-ahˇ shaꞈ dawˇ-eu baˬ da neh cehˆ zaꞈ cehˆ zaꞈ-ehˇ maˬ ya shaˬ ni, nymˬ-mˇ naw maꞈ aˬ yawꞈ-euˬ laꞈ kʼoeˇ jawˇ-awˬ.

Panmaeq 14:10

Miˬyehˇ-euˬ nui ma pehˇ-eu kʼmˬ maˬ laꞈ kʼoeˇ, taˆ dui dui-eu Miˬyehˇ nui ma pehˇ-eu aˬ gaꞈ dzaˇ uiˇ ya dawˇ tehꞈ-a. Kʼoeˇ loꞈ-ehˇ gʼeh-eu tsawˇ haˬ dawˬ tawˆ luꞈ, muiˬ-eu shawˇ-eu mˬ taˆ gʼaˬ kʼehˇ deuˬ hawˇ-eu Yawˇzaˬ-euˬ mehˬ shi, miˬ dzaˬ hawˇ-eu miˬ dzaˇ dzaˇ shuiˇ neh kʼehˬ nehˬ gaˇ ya daˬ tehꞈ-a.