Maˬkuˆ 8:35 - Akha

³⁵ Aˬ jeˬ miˇ neh ehˇ naˇ, yawˬ ha-euˬ dehꞈ-eu jeˬ-ahˇ ka kʼoꞈ-eu lehˇ leh jeh-eu tsawˇ haˬ aˬ geu gʼaˬ maˬ kaˬ, dehꞈ-eu jeˬ-ahˇ smˬ-iˇ tehꞈ-a. Ehˇ kʼawꞈ, ngaˬ-euˬ gʼaˇ duˬ hawˇ-eu laˬ kʼaˬ cehˇ-eu guiˬ lahˬ dawˬ gʼaˇ duˬ yawˬ ha-euˬ dehꞈ-eu jeˬ smˬ-euˬ tsawˇ haˬ aˬ geu gʼaˬ maˬ kaˬ, dehꞈ-eu jeˬ za tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Aqjeq mirnae aernar-aq, aqsur ghaq maqkaq, yawqha-euq daefzir bibuq-ir mawf nar-aq, daefzir yasmq taef-a. Aerkhawf, aqsur ghaq maqkaq, ngaq-euq gharduq hawr-eu guiqlanq dawq-euq gharduq yawqha-euq daefzir bismq nar-aq, daefzir za taef-a.

Maˬkuˆ 8:35 ပူးပေါင်းရင်းမြစ်များ

Dawˬ tsoˆ 3:6

Byaˇ tawꞈ-eu yamˬ baw-eu loꞈ-ehˇ, dehˬ dzeh-eu yamˬ kʼawꞈ baw-eu meh. Jeˬ hmˬ-eu yamˬ baw-eu loꞈ-ehˇ, biˬ dzeh-eu yamˬ kʼawꞈ baw-eu meh.

Maꞈtehˬ 10:22

Naw maꞈ ngaˬ-ahˇ gʼoe-eu baˬ da neh, tsawˇ haˬ dawˬ tawˆ luꞈ naw maꞈ-ahˇ muiˇ tehꞈ-a. Ehˇ kʼawꞈ, aˇ saˬ saˬ ngeh keuˆ ni ziꞈ-eu tsawˇ haˬ-aˬ, ka kʼoꞈ-eu jeˬ za tehꞈ-a.

Maꞈtehˬ 10:39

Yawˬ ha-euˬ saꞈ laˇ dehꞈ-eu jeˬ za nya ni leh jeh-eu tsawˇ haˬ aˬ geu gʼaˬ maˬ kaˬ, saꞈ laˇ dehꞈ-eu jeˬ-ahˇ smˬ-iˇ-awˇ, ngaˬ-euˬ gʼaˇ duˬ yawˬ ha-euˬ saꞈ laˇ dehꞈ-eu jeˬ smˬ-iˇ-euˬ tsawˇ haˬ aˬ geu gʼaˬ maˬ kaˬ, saꞈ laˇ dehꞈ-eu jeˬ za tehꞈ-a.

Maꞈtehˬ 16:25

Aˬ jeˬ miˇ neh ehˇ naˇ, yawˬ ha-euˬ dehꞈ-eu jeˬ-ahˇ ka kʼoꞈ-eu lehˇ leh jeh-eu tsawˇ haˬ aˬ geu gʼaˬ maˬ kaˬ, dehꞈ-eu jeˬ-ahˇ ya smˬ-iˇ tehꞈ-a. Ehˇ kʼawꞈ, ngaˬ-euˬ gʼaˇ duˬ yawˬ ha-euˬ dehꞈ-eu jeˬ smˬ-euˬ tsawˇ haˬ aˬ geu gʼaˬ maˬ kaˬ, dehꞈ-eu jeˬ za tehꞈ-a.

Maꞈtehˬ 19:29

Ngaˬ-euˬ mehˬ nah caw teh laˇ-eu gʼaˇ duˬ, yawˬ ha-euˬ nymˇ, mehˇ nmˇ, dmˇ ma, aˬ da, aˬ ma, aˬ buˇ aˬ li, myawˬ dahˬ yaˇ dahˬ, heu deuˬ dawˬ tawˆ luꞈ-ahˇ byehˇ dzeh yaꞈ-euˬ tsawˇ haˬ aˬ geu gʼaˬ maˬ kaˬ, yawˬ ha neh kʼaˇ byehˇ yaꞈ-euˬ jeˬ tiˬ yaˇ bymˇ paˇ za dzehˬ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.

Maˬkuˆ 8:36

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ-ahˇ za jiˇ-euˬ kʼawꞈ, saꞈ laˇ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta.

Luˇkaꞈ 17:33

Yawˬ ha-euˬ saꞈ laˇ dehꞈ-eu jeˬ za nya ni kʼaˇ leh jeh-eu tsawˇ haˬ aˬ geu gʼaˬ maˬ kaˬ, saꞈ laˇ dehꞈ-eu jeˬ smˬ-iˇ tehꞈ-a. Ehˇ kʼawꞈ, yawˬ ha-euˬ saꞈ laˇ dehꞈ-eu jeˬ smˬ-euˬ tsawˇ haˬ-aˬ, saꞈ laˇ dehꞈ-eu jeˬ za tehꞈ-a.

Luˇkaꞈ 9:24

Aˬ jeˬ miˇ neh ehˇ naˇ, yawˬ ha-euˬ saꞈ laˇ dehꞈ-eu jeˬ-ahˇ ka kʼoꞈ-eu lehˇ kʼaˇ leh jeh-eu tsawˇ haˬ aˬ geu gʼaˬ maˬ kaˬ, saꞈ laˇ dehꞈ-eu jeˬ-ahˇ smˬ-iˇ tehꞈ-a. Ehˇ kʼawꞈ, ngaˬ-euˬ gʼaˇ duˬ yawˬ ha-euˬ saꞈ laˇ dehꞈ-eu jeˬ smˬ-iˇ-euˬ tsawˇ haˬ aˬ geu gʼaˬ maˬ kaˬ, saꞈ laˇ dehꞈ-eu jeˬ za tehꞈ-a.

Gʼaˬkʼehˇ 20:24

Ehˇ kʼawꞈ, ngaˬ-euˬ gʼawˇ mawˇ heu-aˬ, tiˬ jeˬ-iˬ maˬ poeˬ maˬ lawˬ-a lehˇ ngaˇ noeˬ jiˇ taˬ-euˬ ma. Ngaˇ ya mˇ-eu saˬ saˬ naˬ gaˇ heu mˇ jiˇ-awˇ, Sahˬpaˬ Yeˬsuˇ neh ngaˬ-ahˇ biꞈ taˬ-euˬ Miˬyehˇ gʼawˬ shaˬ gaˬ-eu jeˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ heu mˇ luiˆ yaꞈ nya ni noeˬ tsoˆ taˬ-euˬ ma.

Gʼaˬkʼehˇ 21:13

Ehˇ kʼawꞈ, aˬ yawꞈ ehˇ-eu, “Aˬ jeˬ miˇ neh naw maꞈ ngoeˇ ngoeˇ-ehˇ ngaˬ-euˬ nui ma tsawˬ paˆ-iˇ ni jahˇ nehˬ laꞈ te. Yeˬluˇsaˬlehˬ meuˬ-ahˇ aˬ cawˬ neh bi paꞈ-eu tehꞈ-ehˇ maˬ ngeuˇ ni, Sahˬpaˬ Yeˬsuˇ-euˬ gʼaˇ duˬ kʼoeˇ gaˇ shiˇ dah gaˇ keuˆ ni ngaˇ leh hmˬ taˬ-euˬ ma.”

Gʼaˬkʼehˇ 9:16

Ngaˬ-euˬ tsawˇ myahˇ gʼaˇ duˬ kʼehˬ-eu kʼaˆ-eu jeˬ-ahˇ aˬ yawꞈ aˇ naˆ ni ya daˬ paˬ-ehˇ jaˆ-eu gaˇ kawˆ, aˬ yawꞈ-ahˇ ngaˇ bi mawˇ ma.”

1 Gawˇliˬtu 9:23

Laˬ kʼaˬ cehˇ-eu Guiˬ lahˬ dawˬ-ahˇ taꞈ-eu guiˬ lahˬ-ahˇ ngaˇ jiˇ za nya ni, Laˬ kʼaˬ cehˇ-eu Guiˬ lahˬ dawˬ gʼaˇ duˬ kʼoeˇ deuˬ dawˬ tawˆ luꞈ ngaˇ mˇ-euˬ ma.

2 Gawˇliˬtu 12:10

Kʼoeˇ miˇ neh, gʼaˬ baˬ-eu jeˬ, yehˬ bawˬ sehˇ lu-ehˇ gʼeh nehˬ laꞈ-eu jeˬ, shaˬ-eu zahˬ-eu jeˬ, kʼehˬ-eu kʼaˆ-eu jeˬ, nui ma shaˬ zahˬ ya mˇ-eu jeˬ, heu deuˬ-ahˇ Ka li gʼaˇ duˬ ngaˇ laˬ kʼaˬ cehˇ cehˇ-ehˇ daˬ-eu ma. Aˬ jeˬ miˇ neh ehˇ naˇ, ngaˇ gʼaˬ baˬ-eu kʼoeˇ-aˬ, gʼaˬ kʼaˆ-eu jeˬ pyeuꞈ-eu ma.

2 Tiˆmoˇseˬ 1:8

Kʼoeˇ miˇ neh, aˬ dui-euˬ Sahˬpaˬ Yeˬsuˇ gʼaˇ duˬ saˇ kiˇ kamˬ-eu taˬ shaꞈ dawˇ. Ka li-euˬ gʼaˇ duˬ tawˬ-ahˇ bi paꞈ ahˇ-euˬ gʼaˬ pyeuꞈ-eu ngaˬ-ahˇ kʼawꞈ taˬ shaꞈ dawˇ. Ehˇ kʼawꞈ, Miˬyehˇ neh nawˬ-ahˇ gʼaˬ biꞈ nehˬ taˬ-euˬ loꞈ-ehˇ, Laˬ kʼaˬ cehˇ-eu Guiˬ lahˬ dawˬ gʼaˇ duˬ shaˬ-eu zahˬ-eu jeˬ-ahˇ nawˬ-euˬ shaˬ bymˇ nawˇ daˬ-awˬ.

HeˬByehˇ 11:35

Jah-eu jeˬ baˬ da neh, zaˬ miˬ zaˬ deuˬ shiˇ dzeuˇ-euˬ yawˬ ha-euˬ aˬ yuiꞈ aˬ nyiˇ deuˬ-ahˇ bi gʼoꞈ dehꞈ laˇ nya-euˬ meh. Tiˬ deuˬ-aˬ, muiˬ dzehˬ-eu gʼoꞈ dehꞈ laˇ-eu jeˬ-ahˇ za nya ni, bi buˬ bi law-iˇ-eu jeˬ-ahˇ maˬ ha geuꞈ-ehˇ bi kʼehˬ bi kʼaˆ sehꞈ leꞈ-euˬ meh.

Panmaeq 12:11

Aˬ dui-euˬ aˬ yuiꞈ aˬ nyiˇ Ka li zaˬ deuˬ-aˬ, Yawˇzaˬ-euˬ shiˬ hawˇ-eu aˬ yawꞈ maꞈ mehˬ luꞈ-eu yaw tsaˬ yaw dawˇ jeˬ baˬ da neh aˬ yawꞈ-ahˇ gʼaˬ leˇ-euˬ meh. Aˬ yawꞈ maꞈ-aˬ, gʼawˇ mawˇ shiˇ dah peuˬ-eu meh.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.

Panmaeq 7:14

“Ngaˇ maˬ siˬ nya nya. Nawˇ siˬ nya meh” lehˇ ngaˇ ehˇ kʼoꞈ nehˬ-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ heu deuˬ-aˬ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ daˬ dzeuˇ laꞈ-euˬ tsawˇ haˬ deuˬ meh. Aˬ yawꞈ maꞈ-euˬ pehˇ kʼahˬ pehˇ mahˇ-ahˇ Yawˇ zaˬ-euˬ shiˬ neh pyuˇ deuˬ ni tsiˬ shawˇ taˬ-euˬ meh.