Maˬkuˆ 8:33 - Akha

³³ Ehˇ kʼawꞈ, Yeˬsuˇ aˬ yawꞈ-euˬ zaˬ lahˇ deuˬ-ahˇ nahˇ gʼoꞈ gʼoꞈ haw-awˇ, Beˬtuˆluˆ-ahˇ dehˬ-awˇ ehˇ-eu, “Saˬdaˬ-oˇ, cehˆ-awˬ. Nawˬ-euˬ nui noeˬ teu-aˬ, Miˬyehˇ-euˬ nui noeˬ maˬ ngeuˇ nga. Tsawˇ haˬ zaˬ-euˬ nui noeˬ nga.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Yeqsur, zaqlanr deuq-anr nanrghof ghofhaw-awr, Beqtuvluv-anr daeq-eu, “Naef Saqdaq-or! Ngaq-euq narkhan paw caev-awq. Aqjeq mirnae aernar-aq, nawr-aq, Miqyaer sharnoeq-eu lof-aer maqngeur-eu, tsawrhaqzaq lof-aer sharnoeq-eu nga.”

Maˬkuˆ 8:33 ပူးပေါင်းရင်းမြစ်များ

2 Saˬmeuˬlaˆ 19:22

Ehˇ kʼawꞈ, Aˬbiˇshaiˇ hawˇ-eu aˬ yawꞈ-euˬ aˇ doˆ Yoˇbaˬ-ahˇ Daˬbiˇ ehˇ nehˬ-eu, “Naw nyaꞈ-ahˇ aˬ jeˬ taꞈ ta. Iˬ nah naw nyaꞈ ngaˬ-ahˇ laˆ bahˬ-eu gʼeh te loˇ. Nymˬ-mˇ ngaˇ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ-eu ma. Iˇsaˬleˬlaˆ tsawˇ haˬ tiˬ gʼaˬ-iˬ maˬ ya bi sehꞈ-a.”

Yawˇbaˆ 2:10

Yawˇbaˆ ehˇ-eu, “Nawˇ tsawˇ uˬ-euˬ dawˬ ngehˬ luꞈ te loˇ. Miˬyehˇ aˬ dui-ahˇ muiˬ-eu jeˬ biꞈ laꞈ ngeh aˬ dui ha geuꞈ-euˬ maˬ ngeuˇ loˇ. Shaˬ-eu zahˬ-eu jeˬ bi keuˆ le ngeh jawˇ tehꞈ-ehˇ aˬ dui maˬ ha geuꞈ ni byehˇ nya ta loˇ.” Yawˇbaˆ-aˬ, kʼoeˇ naˆ naˆ-ehˇ gʼeh-eu jeˬ-ahˇ ya daˬ luꞈ kʼawꞈ, Miˬyehˇ-ahˇ iˬ baˇ taˬ-eu dawˬ tiˬ dawˬ-iˬ maˬ ngehˬ-a.

Jaceuq 141:5

Tsawˇ muiˬ deuˬ neh gʼawˬ shaˬ gaˬ-awˇ dehˬ-euˬ dawˬ doeˇ-ahˇ ya daˬ kʼawꞈ, haiˬ-eu tsawˇ haˬ deuˬ neh taˬ bi taˬ huiˬ nehˬ laꞈ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ yaw haiˬ jeˬ piˬ-iˇ byoˆ-iˇ nya ni, aˬ myah luꞈ ngaˇ guiˬ lahˬ shaˇ luꞈ-eu ma.

Uˬ duˬ 19:17

“Aˬ cawˬ kʼoeˇ taˆ nui ma taˬ laˆ jaˆ. Ehˇ kʼawꞈ, aˬ cawˬ baˬ da neh yawˬ ha laꞈ kʼoeˇ iˬ baˇ maˬ ya doˆ laˇ ni, aˬ cawˬ nehˬ-ehˇ jahˇ tsaˬ geuꞈ-awˬ.

Maꞈtehˬ 15:23

Ehˇ kʼawꞈ, Yeˬsuˇ dawˬ tiˬ dawˬ-iˬ maˬ ngehˬ cawˬ nehˬ-a. Kʼoeˇ ngeh, aˬ yawꞈ-euˬ zaˬ lahˇ deuˬ aˬ yawꞈ jawˬ gaˇ laˇ-awˇ ehˇ-eu, “Tsawˇ haˬ teu gʼaˬ-ahˇ tiˬ poˆ teh dzeh sheˇ. Aˬ yawꞈ aˬ dui maꞈ-euˬ mehˬ nah caw teh caw teh-ehˇ, maˬ naˬ leˇ ni toˆ-ehˇ guˇ guˇ-ehˇ cah luꞈ-eu meh.”

Maꞈtehˬ 16:23

Yeˬsuˇ Beˬtuˆluˇ jawˇ paw ciˬ pyawˇ-awˇ ehˇ nehˬ-eu, “Saˬdaˬ-oˇ, ngaˇ jawˇ gaˇ neh doˆ-iˇ-awˬ. Nawˇ-aˬ, ngaˬ-ahˇ laˆ tsoeˬ-eu gʼaˬ meh. Nawˇ teu loꞈ-ehˇ ehˇ-eu teu, Miˬyehˇ neh bi noeˬ doˆ-euˬ jeˬ maˬ ngeuˇ-a. Tsawˇ haˬ neh bi noeˬ doˆ-euˬ jeˬ meh.”

Maꞈtehˬ 4:10

Kʼoeˇ ngeh jawˇ, Yeˬsuˇ ehˇ-eu, “Saˬdaˬ-oˇ, doˆ-iˇ-awˬ. ‘Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ tehꞈ-ehˇ nawˇ uˬ duˬ ya tahˬ-awˇ, aˬ yawꞈ-euˬ nui kʼahˇ tehꞈ-ehˇ ya mˇ meh’ lehˇ, Jaˇ liꞈ laꞈ kʼoeˇ boꞈ taˬ-euˬ meh.”

Maˬkuˆ 3:34

Aˬ yawꞈ-euˬ tiˬ jawˬ nuiˇ luꞈ-eu tsawˇ haˬ deuˬ jawˇ paw aˬ yawꞈ ciˬ pyawˇ doe-awˇ ehˇ-eu, “Haw-awˬ. Tsawˇ haˬ heu deuˬ ngaˬ ma hawˇ-eu ngaˬ-euˬ mehˇ nmˇ deuˬ ma.

Maˬkuˆ 3:5

Tsawˇ haˬ kʼoeˇ deuˬ-ahˇ Yeˬsuˇ haw-awˇ nui ma pehˇ-eu meh. Ehˇ kʼawꞈ, aˬ yawꞈ maꞈ nui ma gʼahˇ-awˇ lehˬ dui dui gaˇ aˬ yawꞈ gʼawˬ shaˬ gaˬ-euˬ meh. Kʼoeˇ naˇ, tsawˇ haˬ kʼoeˇ gʼaˬ-ahˇ “Aˬ laꞈ cawˬ ja-awˬ” lehˇ Yeˬsuˇ ehˇ nehˬ-awˇ, aˬ yawꞈ aˬ laꞈ caw ja ngeh, laꞈ shiˇ shiˇ-eu taˬ leˇ-euˬ meh.

Luˇkaꞈ 22:61

Kʼoeˇ ngeh, Sahˬpaˬ Yeˬsuˇ zeuˆ pyawˇ leꞈ-awˇ, Beˬtuˆluˆ-ahˇ haw-euˬ meh. “Nymˇ ciꞈ ya poeˇ maˬ doeˇ laˇ mi naˆ-ehˇ, ngaˬ-ahˇ maˬ siˬ lehˇ smˬ poˆ keu ni nawˇ pyehˇ tehꞈ-a” lehˇ, Sahˬpaˬ Yeˬsuˇ neh aˬ yawꞈ-ahˇ ehˇ nehˬ-euˬ dawˬ kʼoeˇ dawˬ-ahˇ Beˬtuˆluˆ noeˬ doˆ leˇ-euˬ meh.

Luˇkaꞈ 4:8

Yeˬsuˇ aˬ yawꞈ-ahˇ ehˇ kʼoꞈ nehˬ-eu, “‘Nawˬ-euˬ Miˬyehˇ pyeuꞈ-eu SahˬpaˬMiˬyehˇ-ahˇ tehꞈ-ehˇ nawˇ uˬ duˬ ya tahˬ-awˇ, aˬ yawꞈ-euˬ nui kʼahˇ tehꞈ-ehˇ ya mˇ meh’ lehˇ, Jaˇliꞈ laꞈ kʼoeˇ ehˇ taˬ-euˬ meh.”

Luˇkaꞈ 9:55

Yeˬsuˇ aˬ yawꞈ nyaꞈ jawˇ paw ciˬ pyawˇ-awˇ dehˬ-euˬ meh.

1 Gawˇliˬtu 5:5

Sahˬpaˬ Miˬyehˇ yaˇ kʼaˬ daˇ-eu Aˇ nah keuˆ le ngeh, tsawˇ haˬ kʼoeˇ gʼaˬ-euˬ saꞈ laˇ ka kʼoꞈ-eu jeˬ za nya-eu gʼaˇ duˬ, aˬ yawꞈ-euˬ gʼawˇ mawˇ-ahˇ nehꞈ Saˬdaˬ-euˬ aˬ laꞈ laꞈ kʼoeˇ a nehˬ-awˇ bi laˆ cawˆ-awˬ.

Piˇliˇpiˆ 3:19

Aˬ yawꞈ maꞈ-aˬ, shiˬ buiˇ lah ma-ahˇ aˇ saˬ ya saˬ-iˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ shiˬ shaˬ jiˇ nui kʼahˇ-aˬ, aˬ yawꞈ maꞈ-euˬ miˬyehˇ meh. Aˬ yawꞈ maꞈ-aˬ, yawˬ ha shaꞈ dawˇ paˬ-ehˇ gʼeh-eu jeˬ-ahˇ maˬ shaꞈ dawˇ ni jahˇ gʼeh haw-awˇ, miˇ tsaˬ shiˬ shaˬ jiˇ-ahˇ taꞈ-eu jeˬ tehꞈ-ehˇ shaˇ noeˬ luꞈ-eu meh.

1 Tiˆmoˇseˬ 5:20

Tsawˇ haˬ dawˬ tawˆ luꞈ noeˬ guˆ-awˇ yahˇ nya laˇ ni, iˬ baˇ mˇ-euˬ tsawˇ haˬ-ahˇ dawˬ tawˆ luꞈ-euˬ mehˬ shi dehˬ-awˬ.

Tiˇtuˆ 1:13

Kʼoeˇ loꞈ-ehˇ ehˇ taˬ-euˬ kʼoeˇ tsaˬ-eu meh. Kʼoeˇ miˇ neh, aˬ yawꞈ maꞈ jah-eu ziꞈ laˇ nya ni yaw kʼaˆ kʼaˆ-ehˇ dehˬ-awˇ mehˬ nehˬ-awˬ.

1 Beˬtuˆluˆ 4:1

Ka li-euˬ shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ-aˬ, naw maꞈ kʼawꞈ aˬ yawꞈ noeˬ-eu loꞈ-ehˇ noeˬ nya ni lehˬ hmˬ taˬ-awˬ. Aˬ jeˬ miˇ neh ehˇ naˇ, shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ tsawˇ haˬ-aˬ, iˬ baˇ-ahˇ ziˇ tsehˆ-euˬ meh.

1 Yoˇhaˬ 2:15

Miˇ tsaˬ heu hawˇ-eu miˇ tsaˬ kʼoeˇ taˆ jaˆ-eu jeˬ-ahˇ gaˬ-eu nui ma taˬ bi ahˇ. miˇ tsaˬ heu-ahˇ gaˬ-eu tsawˇ haˬ-aˬ, Aˬda Miˬyehˇ-ahˇ maˬ gaˬ nya-a.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.