Maˬkuˆ 8:22 - Akha

²² Kʼoeˇ naˇ, Behˬdzeˇdaˬ meuˬ-ahˇ aˬ yawꞈ maꞈ iˇ keuˆ-euˬ meh. Tsawˇ haˬ tiˬ deuˬ Yeˬsuˇ jawˇ gaˇ myaˆ behꞈ tiˬ gʼaˬ sheuˬ laꞈ-awˇ, tiˬ poˆ toeˬ ciˆ nehˬ-eu gʼaˇ duˬ, Yeˬsuˇ-ahˇ shaˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoernar-aq, aqyawf, Baeqdzerdaq-anr irkeuv-euq mae. Tsawrhaq tiqdeuq myavbaef tiq ghaq-anr sheuqlaf-awr, aqyawf-anr bi toeqcivni Yeqsur-anr tanqshar-eu mae.

Maˬkuˆ 8:22 ပူးပေါင်းရင်းမြစ်များ

Maꞈtehˬ 11:21

“Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ jawˇ-euˬ maˬ siˬ.

Maꞈtehˬ 14:36

Aˬ yawꞈ-euˬ pehˇ kʼahˬ pehˇ dahˬ-ahˇ tehꞈ-ehˇ kʼawꞈ bi toeˬ ciˆ laꞈ lehˇ aˬ yawꞈ maꞈ shaˇ-awˇ, kʼaˇ ya toeˬ ciˆ-euˬ deuˬ naˇ gawˇ taˬ leˇ jiˇ-euˬ meh.

Maꞈtehˬ 8:15

Aˬ yawꞈ-euˬ aˬ laꞈ-ahˇ Yeˬsuˇ toeˬ ciˆ ngeh, pyaˬ-eu taˬ leˇ-awˇ, tuˇ laˇ-awˇ, Yeˬsuˇ gʼaˇ duˬ dzaˬ dzaˬ dawˇ dawˇ laˆ dawˆ nehˬ-euˬ meh.

Maꞈtehˬ 8:3

Yeˬsuˇ aˬ laꞈ cawˬ ja-awˇ, tsawˇ haˬ kʼoeˇ gʼaˬ-ahˇ toeˬ ciˆ-awˇ, “Ngaˇ mˇ mawꞈ ma. Muiˬ laˇ shawˇ laˇ-awˬ” lehˇ ehˇ ngeh, tsawˇ haˬ kʼoeˇ gʼaˬ-euˬ coiˬ doi naˇ gawˇ tiˬ poˆ tehꞈ-ehˇ taˬ tsehˆ leˇ-euˬ meh.

Maꞈtehˬ 9:29

Kʼoeˇ naˇ, aˬ yawꞈ nyaꞈ-euˬ myaˆ nuiˆ-ahˇ Yeˬsuˇ toeˬ ciˆ-awˇ, “Naw nyaꞈ jah-eu loꞈ-ehˇ pyeuꞈ laˇ luꞈ-uˇ” lehˇ ehˇ nehˬ-euˬ meh.

Maˬkuˆ 2:3

Kʼoeˇ ngeh, tsawˇ haˬ oeˬ gʼaˬ kuiˇ shiˇ laꞈ shiˇ shiˇ-euˬ tsawˇ haˬ tiˬ gʼaˬ-ahˇ Yeˬsuˇ jawˇ gaˇ baꞈ ha laˇ-euˬ meh.

Maˬkuˆ 3:10

Aˬ jeˬ miˇ neh ehˇ naˇ, tsawˇ haˬ gʼawˬ mya ni-ahˇ aˬ yawꞈ naˇ gawˇ laˆ taˬ nehˬ haw-euˬ miˇ neh, naˇ-eu tsawˇ haˬ dawˬ tawˆ luꞈ, aˬ yawꞈ-ahˇ toeˬ ciˆ-eu lehˇ tahˬ tahˬ-ehˇ oe luꞈ-eu meh.

Maˬkuˆ 6:45

Yeˬsuˇ tsawˇ haˬ aˇ maꞈ-ahˇ bi gʼoꞈ-iˇ luꞈ ngeh, aˬ yawꞈ-euˬ zaˬ lahˇ deuˬ-ahˇ tiˬ poˆ tehˬ-ehˇ lawˬ laꞈ kʼoeˇ bi uˇ-iˇ-awˇ, lah nui baˬ-ahˇ jaˆ-eu Behˬdzeˇdaˬ meuˬ-ahˇ bi iˇ tawˬ-euˬ meh.

Luˇkaꞈ 10:13

“Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kawˆ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ nuiˇ luꞈ-eu maˬ siˬ.

Luˇkaꞈ 9:10

Gʼaˬ kʼehˇ deuˬ gʼoꞈ laˇ-awˇ, aˬ yawꞈ maꞈ neh mˇ yaꞈ shaˇ yaꞈ-euˬ gaˇ kawˆ Yeˬsuˇ-ahˇ dzawˇ nehˬ laˇ-euˬ meh. Aˬ yawꞈ maꞈ-ahˇ aˬ yawꞈ sheuˬ ceuˆ doˆ-awˇ, Behˬdzeˇdaˬ meuˬ-ahˇ sheuˬ gʼeh-euˬ meh.

Yoˇhaˬ 1:44

(Piˇliˇpuˆ-aˬ, Aˬdehˬlehˬ hawˇ-eu Beˬtuˆluˆ aˬ nyaꞈ nmˇ jawˇ-eu Behˬdzeˇdaˬ meuˬ-ahˇ jawˇ-eu meh.)

Yoˇhaˬ 12:21

Heˬlaˬsaˇ tsawˇ haˬ kʼoeˇ deuˬ, Gaˬliˬlehˇ miˇ kʼahˬ Behˬdzeˇdaˬ meuˬ-ahˇ jawˇ-euˬ Piˇliˇpuˆ jawˇ gaˇ iˇ-awˇ, “Saˬ laˬ-oˇ, nga maꞈ Yeˬsuˇ-ahˇ mawˇ mawꞈ nya” lehˇ ehˇ nehˬ-euˬ meh.