Maˬkuˆ 8:2 - Akha

² “Tsawˇ haˬ heu deuˬ-ahˇ ngaˇ gʼawˬ shaˬ gaˬ dui dui nya. Aˬ yawꞈ maꞈ ngaˬ nehˬ-ehˇ jawˇ luꞈ-eu smˬ nah byah laˇ-awˇ, dzaˬ-euˬ tiˬ jeˬ-iˬ ma paˇ jaˆ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² “Ngar, tsawrhaq heudeuq-anr ghawqshaqgaq mir-a. Aqyawfmaf, ngaq naeq-aer heugar jawrluf-eu smq nan byanlar-awr, tiqjeq-iq dzaq-eu maqpar anr-eu ngar-a.

Maˬkuˆ 8:2 ပူးပေါင်းရင်းမြစ်များ

1 Sahˬpaˬ 19:6

Aˬ yawꞈ jawˬ jawˬ-ehˇ haw ngeh, aˬ yawꞈ-euˬ uˬ duˬ dawˬ peh, kaˬ muˇ tiˬ siˬ hawˇ-eu iˇ cuꞈ iˇ puˬ tiˬ siˬ jaˆ gaˇ ya mawˇ-euˬ meh. Dzaˬ gʼaˬ dawˇ gʼaˬ-awˇ, aˬ yawꞈ tiˬ poˆ paˇ yuꞈ-euˬ meh.

Jaceuq 103:13

Aˬ da zaˬ-ahˇ gaˬ-euˬ loꞈ-ehˇ, aˬ yawꞈ-ahˇ taˬ huiˬ-eu tsawˇ haˬ deuˬ-ahˇ Sahˬpaˬ Miˬyehˇ gaˬ-eu meh.

Jaceuq 145:15

Yaw dehꞈ kʼaˇ dehꞈ-eu jeˬ dawˬ tawˆ luꞈ nawˬ-ahˇ noeˬ tmˬ luꞈ-awˇ, aˬ yawꞈ maꞈ kʼaˇ mehꞈ ngeh nawˇ bi dzaˬ bi dawˇ-eu meh.

Jaceuq 145:8

Sahˬpaˬ Miˬyehˇ-aˬ, gʼoeˇ-eu gaˬ-eu jeˬ byah-awˇ, gʼawˬ shaˬ gaˬ nya-eu uˬ taꞈ, yaw awˇ laꞈ-ehˇ nui ma maˬ pehˇ-ehˇ, gʼoeˇ-eu gaˬ-eu jeˬ maˬ tsehˆ leˇ-a.

Miˇkaˬ 7:19

Nga maꞈ-ahˇ nawˇ gʼawˬ shaˬ tiˬ poˆ paˇ gaˬ nehˬ laꞈ tehꞈ-a. Nga maꞈ-euˬ iˬ baˇ-ahˇ nawˇ tsawˬ nawˬ nawˬ-awˇ, iˬ ma laˆ shaˆ dawˬ dah sha ha dzeh tehꞈ-a.

Maꞈtehˬ 14:14

Yeˬsuˇ lawˬ laꞈ kʼoeˇ neh doˆ laˇ-awˇ, tsawˇ haˬ aˇ maꞈ maꞈ ma-ahˇ ya mawˇ ngeh, aˬ yawꞈ maꞈ-ahˇ gʼawˬ shaˬ haw gaˬ dui dui-awˇ, naˇ-eu tsawˇ haˬ deuˬ-ahˇ laˆ taˬ nehˬ-euˬ meh.

Maꞈtehˬ 20:34

Aˬ yawꞈ nyaꞈ-ahˇ Yeˬsuˇ gʼawˬ shaˬ haw gaˬ-awˇ, myaˆ nuiˆ-ahˇ toeˬ ciˆ nehˬ ngeh, aˬ yawꞈ nyaꞈ-euˬ myaˆ nuiˆ tiˬ poˆ tehꞈ-ehˇ mawˇ laˇ-awˇ, aˬ yawꞈ-euˬ mehˬ nah caw teh gʼeh-euˬ meh.

Maꞈtehˬ 9:36

Tsawˇ haˬ aˇ maꞈ-ahˇ aˬ yawꞈ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu yaw sahˇ maˬ baw-eu yawˇ deuˬ loꞈ-ehˇ, guˆ-awˇ gʼaˬ baˬ luꞈ-eu meh.

Maˬkuˆ 1:41

Aˬ yawꞈ-ahˇ Yeˬsuˇ gʼawˬ shaˬ haw gaˬ-awˇ, aˬ laꞈ cawˬ ja-awˇ toeˬ ciˆ nehˬ-eu laꞈ kʼoeˇ, “Ngaˇ jahˇ nehˬ mawꞈ-eu ma. Muiˬ laˇ shawˇ laˇ-awˬ” lehˇ ehˇ nehˬ-euˬ meh.

Maˬkuˆ 5:19

Ehˇ kʼawꞈ, Yeˬsuˇ aˬ yawꞈ-ahˇ ehˇ nehˬ-eu, “Iˇ kahˇ-ahˇ nawˬ-euˬ tsawˇ jeuˬ tsawˇ ca jawˇ gaˇ gʼoꞈ-iˇ-awˇ, Sahˬpaˬ Miˬyehˇ neh nawˬ-euˬ gʼaˇ duˬ aˇ naˆ ni mˇ nehˬ laꞈ-euˬ gaˇ kawˆ hawˇ-eu, nawˬ-ahˇ aˇ naˆ ni gʼawˬ shaˬ gaˬ-euˬ gaˇ kawˆ dzawˇ nehˬ-iˇ-awˬ.”

Maˬkuˆ 6:32

Kʼoeˇ ngeh, aˬ yawꞈ maꞈ tehꞈ-ehˇ lawˬ dziˬ-awˇ, ciˬ cuˇ ni gʼeh-eu jawˇ duˬ-ahˇ doˆ-iˇ-euˬ meh.

Maˬkuˆ 6:34

Yeˬsuˇ lawˬ laꞈ nyiˇ doˆ le-awˇ, tsawˇ haˬ aˇ maꞈ maꞈ ma-ahˇ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu gʼaˬ maˬ jawˇ-eu yawˇ yawˇ maꞈ-ahˇ duˇ-eu meh. Kʼoeˇ ngeh, aˬ yawꞈ maꞈ-ahˇ gʼawˬ mya jeˬ mehˬ nehˬ tsoˆ nehˬ-euˬ meh.

Maˬkuˆ 8:3

Aˬ yawꞈ maꞈ-ahˇ tiˬ jeˬ-iˬ maˬ bi dzaˬ ni bi gʼoꞈ-iˇ naˇ, gaˇ pehˇ gʼoꞈ-iˇ luꞈ ngeh, gʼaˬ juˬ dui dui-iˇ tehꞈ-a. Aˬ jeˬ miˇ neh ehˇ naˇ, tiˬ paˆ na deuˬ gaˇ mahˇ kaˬ gaˇ neh laˇ-euˬ meh.”

Maˬkuˆ 9:22

Miˬ dzaˬ-ahˇ bi coˬ puiˆ-awˇ, iˇ cuꞈ-ahˇ bi coˬ duiˆ-eu laꞈ kʼoeˇ, aˬ yawꞈ ya shiˇ ni nehꞈ teu mawˇ gʼawˬ mya poˆ leh jeh-euˬ meh. Gʼeh nya naˇ, nga nyaꞈ da zaˬ-ahˇ gʼawˬ shaˬ gaˬ-eu laꞈ kʼoeˇ, tiˬ poˆ caw ba nehˬ laꞈ-awˬ lehˇ shaˇ-eu ma.”

Luˇkaꞈ 15:20

Kʼoeˇ naˇ, aˬ yawꞈ tsawˬ tuˇ laˇ-awˇ, aˬ yawꞈ-euˬ aˬ da jawˇ gaˇ gʼoꞈ leˇ-euˬ meh. “Aˬ yawꞈ gaˇ mahˇ kaˬ gaˇ gʼoꞈ laˇ luꞈ ngeh neh, aˬ yawꞈ-euˬ aˬ da aˬ yawꞈ-ahˇ haw mawˇ-awˇ, gʼawˬ shaˬ gaˬ dui dui-eu miˇ neh cehˆ coeˬ coeˬ gʼeh-awˇ, aˬ yawꞈ-ahˇ byaˇ cuꞈ-awˇ ha-eu laꞈ kʼoeˇ, mehˬ cuˇ cuˇ nehˬ-euˬ meh.

Luˇkaꞈ 7:13

Miˬ coeˬ miˬ ma kʼoeˇ gʼaˬ-ahˇ Sahˬpaˬ Yeˬsuˇ ya mawˇ ngeh, gʼawˬ shaˬ haw gaˬ-awˇ, “Taˬ ngoeˇ” lehˇ ehˇ nehˬ-euˬ meh.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.

HeˬByehˇ 5:2

Aˬ yawꞈ kʼawꞈ, gʼaˬ baˬ duˬ gʼawˬ mya ni jaˆ-eu loꞈ-ehˇ, maˬ siˬ nya-ehˇ mˇ lehˬ shaˇ lehˬ-euˬ deuˬ kʼoeˇ taˆ nui ma nahˬ yu ni taˬ nya-eu meh.