Maˬkuˆ 8:17 - Akha

¹⁷ Aˬ yawꞈ maꞈ kʼoeˇ loꞈ-ehˇ ja luꞈ-eu Yeˬsuˇ siˬ nya-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh kaˬ muˇ maˬ hehˇ leꞈ-euˬ gaˇ kawˆ naw maꞈ ja luꞈ te. Nymˬ-mˇ keuˆ ni naw maꞈ maˬ gʼoˆ shaw-ehˇ jawˇ te siˬ loˇ. Naw maꞈ teu naˆ naˆ-ehˇ dawˇ ga ga te loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Yeqsur garkawv khoer-anr siqnya-awr aqyawf maf-anr heulof-aer aernaeq-euq mae, “Aqjeq mirnae, nawmaf kaqmur maq yurlef-euq garkawv jaluf-eu le? Nawmaf nymq-mr keuvni maq ghovshaw-aq siq lor? Nawmaf-euq nuima ghanrcawqni ghae-eu le siq laq?

Maˬkuˆ 8:17 ပူးပေါင်းရင်းမြစ်များ

Iˇsaˬyaˇ 63:17

Aˬ jeˬ miˇ neh nawˇ nga maꞈ-ahˇ, nawˬ-euˬ gaˇ ma-ahˇ bi cah gʼawˬ laꞈ te. Aˬ jeˬ miˇ neh nga maꞈ nawˬ-ahˇ byehˇ ni, nga maꞈ-ahˇ nui ma bi gʼahˇ te. Nawˬ-euˬ gaˇ mˇ-eu deuˬ-euˬ myaˆ pyawˬ-ahˇ haw-awˇ, nawˬ-euˬ tsawˇ jeuˬ pyeuꞈ-eu tsawˇ haˬ deuˬ-ahˇ haw-awˇ, nga maꞈ jawˇ gaˇ gʼoꞈ kʼoꞈ le-awˬ.

Maꞈtehˬ 12:15

Aˬ cawˬ aˬ yawꞈ-ahˇ sehꞈ-eu lehˇ bawˬ kʼoeˬ luꞈ-eu gaˇ kawˆ Yeˬsuˇ ya siˬ ngeh, jawˇ duˬ kʼoeˇ tsahˇ-ahˇ neh yahˇ doˆ-euˬ meh. Tsawˇ haˬ gʼawˬ mya ni aˬ yawꞈ-euˬ mehˬ nah caw teh-awˇ, naˇ-eu tsawˇ haˬ dawˬ tawˆ luꞈ-ahˇ aˬ yawꞈ laˆ taˬ nehˬ-euˬ meh.

Maꞈtehˬ 15:17

Kʼaˬ meh laꞈ kʼoeˇ kʼaˇ ahˇ-iˇ-eu jeˬ baw ma laꞈ kʼoeˇ ahˇ-iˇ-awˇ, kʼoeˇ gaˇ neh tiˬ tiˇ saˇ-iˬ tiˬ tiˆ, laꞈ nyiˇ iˇ doˆ gʼeh-eu naw maꞈ maˬ siˬ nya te loˇ.

Maꞈtehˬ 16:7

Aˬ yawꞈ maꞈ yaw kaˬ ja-eu, “Aˬ dui maꞈ kaˬ muˇ maˬ hehˇ leꞈ-euˬ miˇ neh, aˬ yawꞈ teu loꞈ-ehˇ ehˇ-eu ngaˇ.”

Maˬkuˆ 16:14

Aˇ saˬ saˬ-eu poˆ, zaˬ lahˇ tseˇ tiꞈ gʼaˬ hawˬ dzaˬ dzaˬ luꞈ gaˇ Yeˬsuˇ gʼawˇ mawˇ bi mawˇ le-euˬ meh. Aˬ yawꞈ maꞈ maˬ jah ni nui ma gʼahˇ gaˇ aˬ yawꞈ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ gʼoꞈ dehꞈ laˇ-awˇ jawˇ gaˇ ya mawˇ-euˬ deuˬ neh dzawˇ nehˬ-euˬ dawˬ-ahˇ aˬ yawꞈ maꞈ maˬ jah-a.

Maˬkuˆ 2:8

Aˬ yawꞈ maꞈ kʼoeˇ loꞈ-ehˇ shaˇ noeˬ luꞈ-eu gaˇ kawˆ Yeˬsuˇ tiˬ poˆ tehꞈ-ehˇ siˬ nya-awˇ, heu loꞈ-ehˇ ehˇ nehˬ-euˬ meh. “Naw maꞈ-euˬ nui ma laꞈ kʼoeˇ aˬ jeˬ miˇ neh teu loꞈ-ehˇ noeˬ luꞈ te. Kuiˇ shiˇ laꞈ shiˇ shiˇ-eu tsawˇ haˬ heu gʼaˬ-ahˇ aˬ joˆ-ehˇ ehˇ nehˬ-eu awˬ dzehˬ ta.

Maˬkuˆ 3:5

Tsawˇ haˬ kʼoeˇ deuˬ-ahˇ Yeˬsuˇ haw-awˇ nui ma pehˇ-eu meh. Ehˇ kʼawꞈ, aˬ yawꞈ maꞈ nui ma gʼahˇ-awˇ lehˬ dui dui gaˇ aˬ yawꞈ gʼawˬ shaˬ gaˬ-euˬ meh. Kʼoeˇ naˇ, tsawˇ haˬ kʼoeˇ gʼaˬ-ahˇ “Aˬ laꞈ cawˬ ja-awˬ” lehˇ Yeˬsuˇ ehˇ nehˬ-awˇ, aˬ yawꞈ aˬ laꞈ caw ja ngeh, laꞈ shiˇ shiˇ-eu taˬ leˇ-euˬ meh.

Maˬkuˆ 6:52

Aˬ jeˬ miˇ neh ehˇ naˇ, tsawˇ haˬ ngaˬ heˇ gʼaˬ-ahˇ bi dzaˬ-euˬ gaˇ kawˆ kʼoeˇ aˬ yawꞈ maꞈ noeˬ maˬ doˆ-a. Aˬ yawꞈ maꞈ-euˬ nui ma kaꞈ duiˬ ni gʼeh-eu meh.

Maˬkuˆ 8:16

Zaˬ lahˇ deuˬ yaw kaˬ ehˇ-eu, “Aˬ dui maꞈ kaˬ muˇ maˬ hehˇ ahˇ leꞈ-euˬ miˇ neh, aˬ yawꞈ teu loꞈ-ehˇ ehˇ-eu jeˬ ngaˇ.”

Luˇkaꞈ 24:25

Kʼoeˇ ngeh jawˇ, aˬ yawꞈ nyaꞈ-ahˇ Yeˬsuˇ ehˇ nehˬ-eu, “Dawˇ ga-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh kʼaˇ ehˇ taˬ-euˬ dawˬ tawˆ luꞈ-ahˇ jah tuˆ leꞈ-eu gʼaˇ duˬ, aˇ naˆ naˆ-ehˇ ga-eu nya.

Yoˇhaˬ 16:30

Tsawˇ haˬ tiˬ gʼaˬ dawˬ maˬ ngehˬ doˆ laˇ mi naˆ-ehˇ, aˬ yawꞈ-euˬ nui ma laꞈ kʼoeˇ kʼaˇ noeˬ luꞈ-eu yawˬ jeˬ na luꞈ nawˇ siˬ nya meh lehˇ, nymˬ-mˇ nga maꞈ siˬ duˬ-eu ma.”

Yoˇhaˬ 21:17

Yeˬsuˇ aˬ yawꞈ-ahˇ smˬ poˆ tiˬ poˆ paˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, nawˇ ngaˬ-ahˇ gaˬ ma loˇ.” “Nawˇ ngaˬ-ahˇ gaˬ ma loˇ” lehˇ Yeˬsuˇ aˬ yawꞈ-ahˇ smˬ poˆ naˇ haˬ keuˆ laꞈ-euˬ miˇ neh, Beˬtuˆluˆ nui ma maˬ saˇ-ehˇ, heu loꞈ-ehˇ ehˇ kʼoꞈ nehˬ-euˬ meh. “Sahˬpaˬ-oˇ, nawˇ yawˬ jeˬ na luꞈ siˬ nya meh. Ngaˇ nawˬ-ahˇ aˇ naˆ ni gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Ngaˬ-euˬ yawˇ deuˬ-ahˇ bo saˆ-awˬ.

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.