Maˬkuˆ 8:11 - Akha

¹¹ Paˬliˬsehˇ deuˬ Yeˬsuˇ jawˇ gaˇ laˇ-awˇ, tsawˇ pyehˇ pyehˇ laˇ-euˬ meh. Aˬ yawꞈ Miˬyehˇ-euˬ tsawˇ haˬ pyeuꞈ-eu siˬ duˬ laˇ ni, kʼaˆ jeˬ-ehˇ gʼeh-eu jeˬ mˇ mehˬ laꞈ-awˬ lehˇ aˬ yawꞈ maꞈ ehˇ-eu meh. Aˬ yawꞈ maꞈ aˬ yawꞈ-ahˇ lahˇ ju kʼmˇ paꞈ mawꞈ-eu miˇ neh, kʼoeˇ loꞈ-ehˇ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoerngae, Paqliqsaer deuq, Yeqsur jawr-eu gar lar-awr danqbae-awr tsawrpyaer pyaer-eu uqtaf, aqyawf-anr tsermrhaw mawf-eu mirnae, mq-euq khoertav-euq bisiq bimawr-eu jeq janrmaeq naeqlaf laer aer-eu mae.

Maˬkuˆ 8:11 ပူးပေါင်းရင်းမြစ်များ

Doˆ-iˇ 17:2

Aˬ yawꞈ maꞈ nui ma cawˆ-eu laꞈ kʼoeˇ, Moˇseˬ-ahˇ iˬ baˇ taˬ-awˇ, “Nga maꞈ dawˇ-eu gʼaˇ duˬ iˇ cuꞈ biꞈ nehˬ laꞈ-awˬ” lehˇ ehˇ nehˬ-euˬ meh. Moˇseˬ gʼeh, “Aˬ jeˬ miˇ neh naw maꞈ ngaˬ-ahˇ iˬ baˇ taˬ te. Aˬ jeˬ miˇ neh naw maꞈ Sahˬpaˬ Miˬyehˇ-ahˇ lawˬ haw te” lehˇ aˬ yawꞈ maꞈ-ahˇ ehˇ nehˬ-euˬ meh.

Doˆ-iˇ 17:7

Jawˇ duˬ kʼoeˇ tsahˇ-ahˇ, Maˬsaˬ hawˇ-eu Meˬliˇbaˬ lehˇ kuˇ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ nui ma cawˆ-eu laꞈ kʼoeˇ, “Sahˬpaˬ Miˬyehˇ aˬ dui maꞈ nehˬ-ehˇ jawˇ nga loˇ, maˬ jawˇ nga loˇ” lehˇ aˬ yawꞈ maꞈ ehˇ-awˇ, Sahˬpaˬ Miˬyehˇ-ahˇ lawˬ haw-euˬ meh.

Maˬlaˬkiˇ 3:15

Aˬ dui neh ya mawˇ-euˬ loꞈ-ehˇ ngeuˇ naˇ, nui ma huiˬ-eu mahˇ-eu tsawˇ haˬ deuˬ guiˬ lahˬ za gahˬ ngaˇ. Haiˬ-eu tsawˇ haˬ deuˬ dehꞈ dzaˬ dui dui-eu uˬ taꞈ, Miˬyehˇ-ahˇ yaw haiˬ jeˬ mˇ haw mˇ haw-ehˇ dehꞈ kʼawꞈ, tiˬ jeˬ-iˬ maˬ guˬ leˇ nga’ lehˇ ehˇ-eu meh.”

Maꞈtehˬ 12:38

Kʼoeˇ naˇ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ Yeˬsuˇ-ahˇ ehˇ-eu, “Saˬ laˬ-oˇ, nawˇ kʼaˆ jeˬ-ehˇ gʼeh-eu jeˬ mˇ gaˇ nga maꞈ mawˇ mawꞈ nya.”

Maꞈtehˬ 19:3

Paˬliˬsehˇ tiˬ paˆ na deuˬ aˬ yawꞈ jawˇ gaˇ laˇ-awˇ, aˬ yawꞈ-ahˇ lahˇ ju kʼmˇ mawꞈ-eu miˇ neh heu loꞈ-ehˇ naˇ haˬ-euˬ meh. “Aˬ jeˬ gaˇ kawˆ baˬ da neh maˬ kaˬ, kʼaˬ dzeˇ zaˬ tiˬ gʼaˬ yawˬ ha-euˬ miˬ zaˬ-ahˇ kʼoꞈ naˇ, Zahˇ dawˬ kʼoꞈ dawˬ-ahˇ tsaˬ meh loˇ.”

Maꞈtehˬ 21:23

Yeˬsuˇ Uˬ duˬ tahˬ nymˇ nymˇ ma-ahˇ gʼoꞈ uˇ leˇ-awˇ mehˬ luꞈ tsoˆ luꞈ ngeh, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ aˬ yawꞈ jawˇ gaˇ laˇ-awˇ ehˇ-eu, “Nawˇ aˬ gaˇ-euˬ baoˬ-ahˇ gʼoe-awˇ teu loꞈ-ehˇ mˇ te. Aˬ suˇ gʼaˬ neh nawˬ-ahˇ baoˬ biꞈ laꞈ taˬ.”

Maꞈtehˬ 22:15

Kʼoeˇ naˇ, Paˬliˬsehˇ deuˬ doˆ-iˇ-awˇ, Yeˬsuˇ dawˬ bi ngehˬ bahˬ ni, dawˬ lahˇ ju kʼmˇ-eu gʼaˇ duˬ bawˬ dzaˬ-euˬ meh.

Maꞈtehˬ 22:18

Ehˇ kʼawꞈ, aˬ yawꞈ maꞈ yaw doeˇ jahˇ mawꞈ-eu nui ma laꞈ gʼoꞈ ahˇ gaˇ Yeˬsuˇ siˬ nya-awˇ ehˇ-eu, “Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, aˬ jeˬ miˇ neh naw maꞈ ngaˬ-ahˇ lahˇ ju kʼmˇ paꞈ-eu lehˇ leh jeh te.

Maꞈtehˬ 22:23

Kʼoeˇ ngeh nah, shiˇ-euˬ tsawˇ haˬ deuˬ maˬ gʼoꞈ dehꞈ laˇ nya-aˇ lehˇ ehˇ-eu Saˬduˬgehˇ deuˬ Yeˬsuˇ jawˇ gaˇ laˇ-awˇ, heu loꞈ-ehˇ naˇ haˬ-euˬ meh.

Maˬkuˆ 12:15

Nga maꞈ doˆ nehˬ-eu tsaˬ meh loˇ. Maˬ tsaˬ-a loˇ.” Ehˇ kʼawꞈ, aˬ yawꞈ maꞈ nui ma laꞈ kʼoeˇ aˬ joˆ-ehˇ noeˬ-awˇ dawˬ ngehˬ luꞈ-eu Yeˬsuˇ mawˇ jiˇ-awˇ ehˇ-eu, “Aˬ jeˬ miˇ neh naw maꞈ ngaˬ-ahˇ lahˇ ju kʼmˇ-eu lehˇ leh jeh te. Pyuˇ mehˇ byaˆ tiˬ byaˆ hehˇ laꞈ-awˬ. Ngaˇ haw la.”

Maˬkuˆ 2:16

Aˬ caw neh iˬ baˇ zaˬ lehˇ myahˇ-awˇ bi sawˇ dzeh taˬ-euˬ tsawˇ haˬ deuˬ hawˇ-eu kawˬ taꞈ-eu tsawˇ haˬ deuˬ nehˬ-ehˇ Yeˬsuˇ hawˬ dzaˬ taꞈ gaˇ, Zahˇ dawˬ kʼoꞈ dawˬ mehˬ-eu saˬ laˬ deuˬ pyeuꞈ-eu Paˬliˬsehˇ deuˬ ya mawˇ ngeh, “Aˬ jeˬ miˇ neh kʼoeˇ loꞈ-ehˇ gʼeh-eu tsawˇ haˬ deuˬ nehˬ-ehˇ aˬ yawꞈ dzaˬ taꞈ dawˇ taꞈ ta” lehˇ, Yeˬsuˇ-euˬ zaˬ lahˇ deuˬ-ahˇ aˬ yawꞈ maꞈ naˇ haˬ-euˬ meh.

Maˬkuˆ 9:16

Zaˬ lahˇ deuˬ-ahˇ Yeˬsuˇ naˇ haˬ-eu, “Naw maꞈ aˬ yawꞈ maꞈ nehˬ-ehˇ aˬ jeˬ gaˇ kawˆ pyehˇ luꞈ te.”

Luˇkaꞈ 10:25

Kʼoeˇ naˇ, Zahˇ dawˬ kʼoꞈ dawˬ mehˬ-eu saˬ laˬ tiˬ gʼaˬ tuˇ laˇ-awˇ, aˬ yawꞈ-ahˇ lawˬ haw mawꞈ-eu miˇ neh, heu loꞈ-ehˇ ehˬ-eu meh. “Saˬ laˬ-oˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, ngaˇ aˬ jeˬ ya mˇ ta.”

Luˇkaꞈ 11:16

Tiˬ paˆ na deuˬ-aˬ, aˬ yawꞈ-ahˇ lawˬ haw-eu laꞈ kʼoeˇ, “Mˬ taˆ-euˬ zahˬ leˇ paˬ-ehˇ gʼeh-eu jeˬ jahˇ mehˬ nehˬ laꞈ sheˇ” lehˇ ehˇ-eu meh.

Yoˇhaˬ 4:48

Yeˬsuˇ aˬ yawꞈ-ahˇ ehˇ nehˬ-eu, “Kʼaˆ jeˬ-ahˇ gʼeh-eu bi siˬ bi mawˇ-eu jeˬ hawˇ-eu zahˬ leˇ paˬ-ehˇ gʼeh-eu jeˬ maˬ ya mawˇ naˇ, naw maꞈ maˬ jah-a.”

Yoˇhaˬ 6:30

Aˬ yawꞈ maꞈ ehˇ-eu, “Nga maꞈ nawˬ-ahˇ jah laˇ ni nawˇ zahˬ leˇ paˬ-ehˇ gʼeh-eu aˬ geu jeˬ mˇ mehˬ nmˇ. Nawˇ aˬ geu jeˬ mˇ mehˬ-eu gʼeh te.

Yoˇhaˬ 7:48

Aˬ yuiꞈ aˬ tsu deuˬ hawˇ-eu Paˬliˬsehˇ deuˬ laꞈ kʼoeˇ aˬ yawꞈ-ahˇ jah-eu tsawˇ haˬ tiˬ gʼaˬ na mawˇ haw teˬ loˇ.

Yoˇhaˬ 8:6

Aˬ yawꞈ maꞈ Yeˬsuˇ-ahˇ lahˇ ju kʼmˇ paꞈ-awˇ, yaˇ kʼaˬ ja mawꞈ-eu miˇ neh, kʼoeˇ loꞈ-ehˇ ehˇ-eu meh. Ehˇ kʼawꞈ, Yeˬsuˇ awˆ kʼoꞈ taˬ-awˇ, laꞈ noeˇ neh miˇ tsaˬ-ahˇ kawˆ boꞈ kawˆ boꞈ-ehˇ jawˇ-eu meh.

Gʼaˬkʼehˇ 5:9

Ehˇ kʼawꞈ, Beˬtuˆluˆ ehˇ-eu, “Aˬ jeˬ miˇ neh naw nyaꞈ dzeˇ zaˬ nui ma tiˬ siˬ tehꞈ-ehˇ taˬ-awˇ SahˬpaˬMiˬyehˇ-euˬ Yaw sahˇ-ahˇ lawˬ haw te. Nawˬ-euˬ kʼaˬ dzeˇ zaˬ-ahˇ baꞈ pahˬ-iˇ-euˬ tsawˇ haˬ deuˬ nymˬ-mˇ gʼoˆ kʼehˬ-ahˇ gʼoꞈ uˇ laˇ luꞈ meh. Aˬ yawꞈ maꞈ nawˬ-ahˇ paˇ ya baꞈ doˆ gʼeh tehꞈ-a.”

1 Gawˇliˬtu 10:9

Aˬ yawꞈ maꞈ tiˬ paˆ na deuˬ Miˬyehˇ-ahˇ lawˬ haw-euˬ loꞈ-ehˇ aˬ dui maˬ ya lawˬ haw-a. Aˬ yawꞈ maꞈ kʼoeˇ loꞈ-ehˇ lawˬ haw-euˬ miˇ meh aˇ lawˇ neh bi toˆ sehꞈ-euˬ meh.

Dawˬmehˬ 6:16

“Maˬsah lehˇ kuˇ-eu jawˇ duˬ-ahˇ naw maꞈ mˇ-euˬ loꞈ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˬ haw-eu jeˬ naw maꞈ taˬ paˇ mˇ.