Maˬkuˆ 7:9 - Akha

⁹ Yeˬsuˇ aˬ yawꞈ maꞈ-ahˇ paˇ ehˇ nehˬ-eu, “Miˬyehˇ-euˬ zahˇ dawˬ kʼoꞈ dawˬ-ahˇ byehˇ dzeh-awˇ, tsawˇ haˬ zaˬ neh tawˬ ka leꞈ-euˬ zahˇ sahˇ kʼoꞈ-ahˇ naw maꞈ kʼoeˇ loꞈ-ehˇ tuˆ tehˬ taˬ nya ni, naw maꞈ yaw gahˇ zmˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Yeqsur, aqyawf maf-anr heulof-aer par aernaeq-euq mae, “Nawmaf-aq, nawmaf-euq zanroer tawqnya’ni, Miqyaer-euq zanrdawq khofdawq-anr byaerdzae-eu beu.

Maˬkuˆ 7:9 ပူးပေါင်းရင်းမြစ်များ

Jaceuq 119:126

Sahˬpaˬ Miˬyehˇ-oˇ, tsawˇ haˬ zaˬ nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ-eu miˇ neh, nawˬ-euˬ nui ma bi mawˇ yamˬ tsaˬ laˇ-euˬ meh.

Iˇsaˬyaˇ 24:5

Miˇ tsaˬ zaˬ deuˬ zahˇ dawˬ kʼoꞈ dawˬ-ahˇ byehˇ dzeh-awˇ, zahˇ sahˇ kʼoꞈ-ahˇ maˬ caw teh-ehˇ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ-ahˇ puiˬ-euˬ miˇ neh, miˇ tsaˬ tahˬ kʼawˇ-ahˇ laˆ jawꞈ dui dui-euˬ meh.

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Daˬyeˬlaˇ 11:36

“Suˇliˆ sahˬ paˬ-aˬ, yawˬ ha-ahˇ kʼaˇ loˆ laˇ-euˬ jeˬ mˇ tehꞈ-a. Miˬyehˇ dawˬ tawˆ luꞈ naˆ maˬ tseˇ aˬ yawꞈ huiˬ-awˇ, Dawˬ tawˆ kʼoeˇ taˆ huiˬ-eu Miˬyehˇ naˆ maˬ tseˇ aˬ yawꞈ huiˬ dzehˬ ma lehˇ, yawˬ haˇ yawˬ ha kʼahˬ sehˇ jehˆ tehꞈ-a. Miˬyehˇ aˬ yawꞈ-ahˇ kʼehˬ nehˬ-eu aˇ yamˬ maˬ keuˆ laˇ kʼoeˇ keuˆ ni, aˬ yawꞈ kʼoeˇ loꞈ-ehˇ jahˇ nya tehꞈ-a. Miˬyehˇ-aˬ, aˬ yawꞈ neh kʼaˇ noeˬ taˬ-euˬ loꞈ-ehˇ maˇ maˇ ni mˇ tehꞈ-a.

Daˬyeˬlaˇ 7:25

Dawˬ tawˆ kʼoeˇ taˆ huiˬ-eu Miˬyehˇ-ahˇ ceh cawˬ cawˬ-eu dawˬ ngehˬ-awˇ, Miˬyehˇ-euˬ tsawˇ haˬ deuˬ-ahˇ aˬ yawꞈ kʼehˬ nehˬ kʼaˆ nehˬ tehꞈ-a. Uˬ duˬ tahˬ-eu zahˇ sahˇ kʼoꞈ deuˬ hawˇ-eu, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ-ahˇ aˬ yawꞈ laˆ paˇ-awˇ, Miˬyehˇ-euˬ tsawˇ haˬ deuˬ aˬ yawꞈ uˆ lahˇ-eu uˬ moˆ smˇ kʼoꞈ uˬ taꞈ tiˬ paˆ ya jawˇ tehꞈ-a.

Maˬkuˆ 7:13

Kʼoeˇ loꞈ-ehˇ mehˬ-eu tsoˆ-eu laꞈ kʼoeˇ, naw maꞈ neh tawˬ ka leꞈ-euˬ zahˇ sahˇ kʼoꞈ baˬ da neh Miˬyehˇ-euˬ dawˬ byoˆ-iˇ byawˬ-iˇ ni naw maꞈ jahˇ-eu meh. Kʼoeˇ loꞈ-ehˇ duˇ-eu gʼawˬ mya jeˬ, naw maꞈ mˇ luꞈ shaˇ luꞈ-eu meh.”

Maˬkuˆ 7:3

(Paˬliˬsehˇ deuˬ hawˇ-eu Yuˇdaˆ tsawˇ haˬ deuˬ-aˬ, aˬ poeˬ aˬ bawˇ deuˬ neh mehˬ ka leꞈ-euˬ zahˇ sahˇ kʼoꞈ mehˬ nah caw teh-eu meh. Zahˇ sahˇ kʼoꞈ jaˆ-eu loꞈ-ehˇ aˬ laꞈ maˬ dzuiꞈ shawˇ gʼaˬ kʼoeˇ keuˆ ni, aˬ yawꞈ maꞈ maˬ dzaˬ maˬ dawˇ kʼmˬ-a.

Maˬkuˆ 7:5

Kʼoeˇ miˇ neh, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ Yeˬsuˇ-ahˇ ehˇ-eu, “Aˬ jeˬ miˇ neh nawˬ-euˬ zaˬ lahˇ deuˬ aˬ poeˬ aˬ bawˇ neh mehˬ ka leꞈ-euˬ zahˇ sahˇ kʼoꞈ-ahˇ maˬ caw teh-ehˇ, maˬ shawˇ-eu aˬ laꞈ neh dzaˬ ta dawˇ ta.”

Lormav 3:31

Heu loꞈ-ehˇ ehˇ-eu baˬ da neh Zahˇ dawˬ kʼoꞈ dawˬ-ahˇ aˬ dui byehˇ dzeh-eu ma lehˇ ehˇ mawꞈ ta loˇ. Maˬ ngeuˇ. Maˬ byehˇ dzeh-eu uˬ taꞈ, ziꞈ dah ni tuˆ tehˬ taˬ-eu ma.

2 Gawˇliˬtu 11:4

Naw maꞈ jawˇ gaˇ kʼaˇ laˇ-eu tsawˇ haˬ-ahˇ naw maꞈ ha geuꞈ-awˇ, nga maꞈ neh mehˬ-euˬ Yeˬsuˇ maˬ ngeuˇ-eu Yeˬsuˇ yawˬ gʼaˬ yawˬ-euˬ gaˇ kawˆ mehˬ gaˇ naˇ haˬ-eu laꞈ kʼoeˇ, nga maꞈ neh naw maꞈ-ahˇ biꞈ-euˬ Yaw sahˇ Miˬyehˇ hawˇ-eu Laˬ kʼaˬ cehˇ-eu Guiˬ lahˬ dawˬ-ahˇ beu gaˇ dui dui-eu yaw sahˇ yawˬ gʼaˬ yawˬ hawˇ-eu laˬ kʼaˬ cehˇ-eu guiˬ lahˬ dawˬ yawˬ jeˬ yawˬ-ahˇ naw maꞈ laˬ kʼaˬ cehˇ taˆ ni ha geuꞈ-euˬ meh.

Gaˬlaˬtiˆ 1:14

Ngaˬ nehˬ-ehˇ aˇ kʼoꞈ tiˬ kawˆ loꞈ-ehˇ jaˆ-eu Yuˇdaˆ tsawˇ haˬ deuˬ naˆ maˬ tseˇ, Yuˇdaˆ tsawˇ haˬ uˬ duˬ tahˬ-eu zahˇ sahˇ kʼoꞈ-ahˇ ngaˇ caw teh-euˬ ma. Aˬ dui-euˬ aˬ poeˬ aˬ bawˇ deuˬ neh tawˬ ka leꞈ-euˬ deuˬ-ahˇ, aˬ yawꞈ maꞈ naˆ maˬ tseˇ ngaˇ nui ma keuˆ dui dui-euˬ ma.

Gaˬlaˬtiˆ 2:21

Miˬyehˇ gʼawˬ shaˬ gaˬ-eu guiˬ lahˬ-ahˇ ngaˇ maˬ byehˇ dzeh. Ehˇ kʼawꞈ, Zahˇ dawˬ kʼoꞈ dawˬ baˬ da neh tsawˇ haˬ zaˬ Miˬyehˇ-ahˇ tsaˬ leˇ tsahˇ leˇ nya meh lehˇ ngeuˇ naˇ, Ka li shiˇ-euˬ-aˬ, tiˬ jeˬ-iˬ gaˇ dahˇ maˬ tsoeˬ gaˇ duˇ meh.

2 Teˇsaˬloˇni 2:4

Tsawˇ haˬ zaˬ uˬ duˬ kʼaˇ tahˬ-eu yaw sahˇ hawˇ-eu miˬ yehˇ deuˬ-ahˇ aˬ yawꞈ muiˇ-awˇ, kʼoeˇ deuˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ-eu geuꞈ tehꞈ-a. Miˬyehˇ-euˬ Uˬ duˬ tahˬ nymˇ nymˇ ma-ahˇ keuˆ ni aˬ yawꞈ uˇ leˇ-awˇ nuiˇ-eu laꞈ kʼoeˇ, yawˬ haˇ yawˬ ha Miˬyehˇ tsaˬ geuꞈ tehꞈ-a.