Maˬkuˆ 7:7 - Akha

⁷ Yawꞈ maꞈ ngaˬ-ahˇ uˬ duˬ tahˬ-eu, gaˇ dahˇ tsoeˬ leˇ duˬ maˬ jaˆ-a. Tsawˇ haˬ neh jahˇ-euˬ zahˇ sahˇ kʼoꞈ, ngaˬ-euˬ dawˬ geuꞈ-awˇ mehˬ-euˬ meh.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Tsawrhaq-euq zanrtaq khoftaq deuq jan-eu jeq lof-aer maeq-eu mirnae, Aqyawfmaf, ngaq-anr uqduq tanq-eu-aq, tiqjeq-iq gardanr maqtsoeq-a.’ (Isy 29:13)

Maˬkuˆ 7:7 ပူးပေါင်းရင်းမြစ်များ

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Maˬlaˬkiˇ 3:14

Naw maꞈ heu loꞈ-ehˇ ehˇ-euˬ meh. ‘Miˬyehˇ ehˇ dawˬ naˇ haˬ-eu yawꞈ ngehꞈ ngaˇ. Aˬ yawꞈ neh ehˇ-euˬ loꞈ-ehˇ mˇ-awˇ, aˬ dui neh mˇ-euˬ yaw lehˬ jeˬ gʼaˇ duˬ, Baoˬ huiˬ-eu Sahˬpaˬ Miˬyehˇ mehˬ shi noeˬ shaˬ-eu jahˇ geuꞈ-eu tiˬ jeˬ-iˬ gaˇ dahˇ maˬ tsoeˬ-aˇ.

Maꞈtehˬ 15:9

Yawꞈ maꞈ ngaˬ-ahˇ uˬ duˬ tahˬ-eu, tiˬ jeˬ-iˬ gaˇ dahˇ maˬ tsoeˬ-a. Yawꞈ maꞈ mehˬ-eu zahˇ sahˇ kʼoꞈ deuˬ, tsawˇ haˬ neh beh-euˬ zahˇ meh lehˇ, Miˬyehˇ ehˇ taˬ-euˬ jaˆ-eu meh.’ ”

Maꞈtehˬ 6:7

“Naw maꞈ guiˬ lahˬ shaˇ ngeh, lawˇ ciꞈ zaˬ deuˬ guiˬ lahˬ shaˇ-eu loꞈ-ehˇ, gaˇ dahˇ maˬ tsoeˬ-eu dawˬ gʼawˬ mya ni taˬ ngehˬ. Aˬ yawꞈ maꞈ guiˬ lahˬ gʼawˬ myahˇ ni shaˇ-eu baˬ da neh, Miˬyehˇ-ahˇ gaˬ leˇ tehꞈ-a lehˇ noeˬ-eu meh.

1 Gawˇliˬtu 15:14

Ka li-ahˇ bi gʼoꞈ dehꞈ laˇ-euˬ meh lehˇ ehˇ-eu kʼoeˇ maˬ ngeuˇ naˇ, nga maꞈ dawˬ mehˬ mehˬ-eu gaˇ dahˇ maˬ tsoeˬ-ehˇ, naw maꞈ jah-eu kʼawꞈ gaˇ dahˇ maˬ tsoeˬ-a.

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

Dawˬmehˬ 12:32

“Ngaˬ neh dawˬ kʼaˇ biꞈ taˬ-euˬ yawˬ jeˬ na luꞈ-ahˇ naw maꞈ mˇ-awˬ. Dawˬ tiˬ dawˬ tehꞈ-ehˇ kʼawꞈ, dawˆ lahˬ-eu maˬ ehˇ, yuˇ teˬ-eu maˬ ehˇ, maˬ ya jahˇ-a.

Gawˇlawˇsehˇ 2:22

Zahˇ sahˇ kʼoꞈ kʼoeˇ deuˬ-aˬ, tiˬ poˆ zmˬ shaw naˇ gaˇ dahˇ tiˬ pawꞈ-iˬ maˬ paˇ tsoeˬ-eu jeˬ loꞈ-ehˇ tehꞈ meh. Kʼoeˇ-aˬ, tsawˇ haˬ zaˬ neh taˬ taˬ-euˬ mehˬ-eu tsoˆ-eu zahˇ sahˇ kʼoꞈ tehꞈ meh.

Tiˇtuˆ 3:9

Ehˇ kʼawꞈ, gaˇ dahˇ maˬ tsoeˬ-eu jeˬ-ahˇ tsawˇ pyehˇ pyehˇ-eu, tsuiꞈ gui gui-ehˇ pyehˇ-eu, ceh dzaˬ-eu, Zahˇdawˬ kʼoꞈ dawˬ gaˇ kawˆ ja dzaˬ-eu, heu deuˬ-ahˇ yahˇ-awˬ. Heu-aˬ, gaˇ dahˇ maˬ tsoeˬ-eu uˬ taꞈ, guiˬ lahˬ maˬ baw-a.

Yaˬkoˆ 1:26

Tsawˇ haˬ tiˬ gʼaˬ na uˬ duˬ tahˬ-eu zahˇ sahˇ kʼoꞈ-ahˇ yaw muiˬ paˬ-ehˇ caw teh luꞈ ma lehˇ noeˬ luꞈ ta loˇ. Yawˬ haˬ-euˬ kʼaˬ meh mehˬ boeˬ-ahˇ yawˬ ha maˬ gʼaˬ leˇ naˇ, aˬ yawꞈ-euˬ uˬ duˬ tahˬ-eu zahˇ sahˇ kʼoꞈ kʼoeˇ aˬ yawꞈ gʼaˇ duˬ gaˇ dahˇ maˬ tsoeˬ-eu uˬ taꞈ, yawˬ haˇ yawˬ ha jaˬ myawꞈ myawꞈ gaˇ duˇ-eu meh.

Yaˬkoˆ 2:20

A dzawˬ aˇ gah deuˬ-oˇ, mˇ-eu shaˇ-eu jeˬ maˬ ahˇ-eu jah-eu jeˬ-aˬ yawꞈ ngehꞈ meh lehˇ bi mehˬ duˬ mawꞈ-eu nya loˇ.

Panmaeq 22:18

Sahˬ boꞈ heu taꞈ laꞈ kʼoeˇ ahˇ-eu mehˬ hu paw pyeuꞈ laˇ-eu gaˇ kawˆ Miˬyehˇ gʼaˇ duˬ ngehˬ dah taˬ-euˬ dawˬ heu deuˬ-ahˇ kʼaˇ ya gaˬ-euˬ tsawˇ haˬ yawˬ gʼaˬ na luꞈ, yaw kʼaˆ kʼaˆ-ehˇ yahˇ-eu gʼaˇ duˬ, ngaˇ Yoˇhaˬ heu loꞈ-ehˇ ehˇ-eu ma. Tsawˇ haˬ tiˬ gʼaˬ dawˬ tiˬ dawˬ na dawˆ lahˬ naˇ, aˬ yawꞈ ya daˬ-eu kʼehˬ-eu kʼaˆ-eu jeˬ uˬ taꞈ, sahˬ boꞈ heu taꞈ laꞈ kʼoeˇ ehˇ taˬ-euˬ kʼehˬ-eu kʼaˆ-eu jeˬ Miˬyehˇ aˬ yawꞈ-ahˇ paˇ ciˬ pi tehꞈ-a.

1 Saˬmeuˬlaˆ 12:21

Maˬ ngeuˇ-eu miˬ yehˇ deuˬ-euˬ mehˬ nah naw maꞈ taˬ caw teh. Kʼoeˇ deuˬ-aˬ, gaˇ dahˇ maˬ tsoeˬ-eu miˬyehˇ deuˬ pyeuꞈ-awˇ, naw maꞈ-ahˇ maˬ caw ba nehˬ nya, maˬ ka kʼoꞈ nehˬ nya-a.