Maˬkuˆ 7:37 - Akha

³⁷ Kʼoeˇ loꞈ-ehˇ ja gaˇ kʼaˇ ya gaˬ-euˬ tsawˇ haˬ dawˬ tawˆ luꞈ zahˬ dui dui leˇ-euˬ meh. Aˬ yawꞈ maꞈ ehˇ-eu, “A yawꞈ neh kʼaˇ mˇ-euˬ yawˬ jeˬ na luꞈ aˇ naˆ ni muiˬ-eu nga. Naˬ bawˬ deuˬ naˬ bawˇ gaˬ nya laˇ-awˇ, aˬ dzawˬ deuˬ dawˬ ngehˬ nya laˇ gaˇ keuˆ ni aˬ yawꞈ mˇ nya-euˬ nga.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Aqyawfmaf maq aernya paq-aer zanq duidui ler-awr aer-eu, “Aqyawf nae kharmr-euq yawqjeq navluf arnavni muiq-eu nga. Naqbawq deuq gaqnya lar-awr, aqdzawq deuq, dawq ngaeqnya lar-eu gar keuvni, aqyawf janrnya-eu nga.”

Maˬkuˆ 7:37 ပူးပေါင်းရင်းမြစ်များ

Aˇ dahˬ 1:31

Miˬyehˇ-aˬ, yawˬ ha neh mˇ gʼaˬ taˬ-euˬ gaˇ deuˬ-ahˇ haw-awˇ, nui kʼahˇ shiˇ dui dui-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, koꞈ nah tiˬ nah dzeuˇ-iˇ-euˬ meh.

Jaceuq 139:14

Nawˬ-ahˇ guˆ paˬ-ehˇ gʼeh-eu miˇ neh, nawˬ-ahˇ ngaˇ ja ceuˬ-eu ma. Nawˬ neh kʼaˇ mˇ-euˬ jeˬ zahˬ dui dui leˇ paˬ-ehˇ gʼeh-awˇ, nui ma laꞈ kʼoeˇ maˬ ngehˇ leˇ coeˇ nya.

Iˇsaˬyaˇ 29:18

Aˇ nah aˇ yamˬ kʼoeˇ keuˆ le ngeh, naˬ bawˬ deuˬ sahˬ boꞈ gui gaˇ gaˬ nya-awˇ, yaw zahˇ laꞈ kʼoeˇ jawˇ-euˬ myaˆ behꞈ deuˬ kʼawꞈ, myaˆ nuiˆ bye-awˇ mawˇ nya tehꞈ-a.

Maꞈtehˬ 9:32

Myaˆ nuiˆ mawˇ laˇ-euˬ myaˆ behꞈ kʼoeˇ nyiˬ gʼaˬ gʼoꞈ dzeuˇ-euˬ nehˬ-ehˇ, nehꞈ uˇ-eu miˇ neh dawˬ maˬ ngehˬ nya-eu aˬ dzawˬ tiˬ gʼaˬ-ahˇ, Yeˬsuˇ jawˇ gaˇ sheuˬ laꞈ-euˬ meh.

Maˬkuˆ 1:27

Tsawˇ haˬ dawˬ tawˆ luꞈ zahˬ dui dui leˇ-awˇ, tiˬ gʼaˬ tiˇ gʼaˬ heu loꞈ-ehˇ ehˇ-eu meh. “Teu aˬ joˆ-ehˇ gʼeh-eu nga. Mehˬ nehˬ tsoˆ nehˬ-eu yaw shuiꞈ tiˬ jeˬ nga loˇ. Tsawˇ haˬ teu gʼaˬ nehꞈ yaw jawꞈ deuˬ-ahˇ dawˬ biꞈ nya gaˇ keuˆ ni baoˬ ahˇ-awˇ, nehꞈ kʼoeˇ deuˬ aˬ yawꞈ-euˬ dawˬ ya naˇ haˬ-eu nga laˬ.”

Maˬkuˆ 2:12

Aˬ yawꞈ maꞈ dawˬ tawˆ luꞈ haw luꞈ ngeh, tsawˇ haˬ kʼoeˇ gʼaˬ tuˇ laˇ-awˇ, aˬ yawꞈ-euˬ gawˬ pu yaw kawˇ-ehˇ baꞈ-awˇ doˆ-iˇ-euˬ meh. Aˬ yawꞈ maꞈ dawˬ tawˆ luꞈ zahˬ dui dui leˇ-awˇ, Miˬ yehˇ-ahˇ ja ceuˬ-eu laꞈ kʼoeˇ ehˇ-eu, “Heu loꞈ-ehˇ gʼeh-eu jeˬ tiˬ jawˇ-iˬ maˬ mawˇ haw-aˬ.”

Maˬkuˆ 4:41

Ehˇ kʼawꞈ, aˬ yawꞈ maꞈ guˆ dui dui-iˇ-awˇ tiˬ gʼaˬ tiˇ gʼaˬ ehˇ-eu, “Tsawˇ haˬ teu gʼaˬ aˬ joˆ-ehˇ gʼeh-eu tsawˇ haˬ nga. Jaˬ lehˇ hawˇ-eu iˇ luˆ-ahˇ keuˆ ni aˬ yawꞈ-euˬ dawˬ naˇ haˬ-eu nga laˬ.”

Maˬkuˆ 5:42

Aˬ buˇ kʼoeˇ gʼaˬ ja pyuˬ ni tuˇ laˇ-awˇ, gaˇ ma cah-euˬ meh. Aˬ yawꞈ-euˬ aˇ kʼoꞈ tseˇ nyiꞈ kʼoꞈ byah-eu meh. Kʼoeˇ loꞈ-ehˇ pyeuꞈ laˇ-euˬ gaˇ ya mawˇ ngeh, aˬ yawꞈ maꞈ zahˬ leˇ jiˇ-euˬ meh.

Maˬkuˆ 6:51

Kʼoeˇ naˇ, aˬ yawꞈ maꞈ dziˬ luꞈ-eu lawˬ laꞈ kʼoeˇ aˬ yawꞈ uˇ-iˇ ngeh, jaˬ lehˇ baw-eu naˬ leˇ-euˬ meh. Zaˬ lahˇ deuˬ zahˬ dui dui leˇ-euˬ meh.

Maˬkuˆ 7:36

Gaˇ kawˆ kʼoeˇ aˬ cawˬ tiˬ gʼaˬ-ahˇ-iˬ maˬ ya ja nehˬ-eu gʼaˇ duˬ, tsawˇ haˬ kʼoeˇ deuˬ-ahˇ Yeˬsuˇ dawˬ biꞈ-euˬ meh. Ehˇ kʼawꞈ, aˬ yawꞈ ngehˬ-ehˇ laˆ tsoeˬ naˇ, aˬ yawꞈ maꞈ ngehˬ-ehˇ ja byah gʼeh-euˬ meh.

Maˬkuˆ 8:1

Aˇ nah aˇ yamˬ yaw kʼaˆ-ehˇ maˬ myahˇ laˇ mi naˆ-ehˇ, tsawˇ haˬ aˇ maꞈ tiˬ maꞈ paˇ uiˬ laˇ-euˬ meh. Tsawˇ haˬ koeˇ deuˬ dzaˬ-eu tiˬ jeˬ-iˬ maˬ jaˆ-ehˇ pyeuꞈ laˇ ngeh, Yeˬsuˇ zaˬ lahˇ deuˬ-ahˇ kuˇ-awˇ, heu loꞈ-ehˇ ehˇ nehˬ-euˬ meh.

Luˇkaꞈ 23:41

Aˇ nyaꞈ-aˬ, mˇ bahˬ-euˬ miˇ neh oꞈ-eu geuˇ-eu loꞈ-ehˇ ya daˬ luꞈ-eu ma. Ehˇ kʼawꞈ, tsawˇ haˬ heu gʼaˬ tiˬ jeˬ-iˬ mˇ bahˬ taˬ-euˬ maˬ jaˆ-a.”

Gʼaˬkʼehˇ 14:11

Pawˇluˆ kʼoeˇ loꞈ-ehˇ mˇ-euˬ gaˇ tsawˇ haˬ aˇ maꞈ ya mawˇ ngeh, “Miˬ yehˇ kʼoeˇ deuˬ tsawˇ haˬ loꞈ-ehˇ pyeuꞈ le-awˇ, aˬ dui jawˇ gaˇ zaꞈ le-euˬ ngaˇ” lehˇ, aˬ yawꞈ maꞈ-euˬ Luˇgawˇni dawˬ-ahˇ neh guˇ-eu meh.