Maˬkuˆ 7:36 - Akha

³⁶ Gaˇ kawˆ kʼoeˇ aˬ cawˬ tiˬ gʼaˬ-ahˇ-iˬ maˬ ya ja nehˬ-eu gʼaˇ duˬ, tsawˇ haˬ kʼoeˇ deuˬ-ahˇ Yeˬsuˇ dawˬ biꞈ-euˬ meh. Ehˇ kʼawꞈ, aˬ yawꞈ ngehˬ-ehˇ laˆ tsoeˬ naˇ, aˬ yawꞈ maꞈ ngehˬ-ehˇ ja byah gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ Khoernar-aq, garkawv heu tiqghaq-anr-iq maqya ja’naeqni, Yeqsur, aqyawf maf-anr dawq bif-euq mae. Aerkhawf, aqyawf, dawq ngaeq-aer bif nar-aq, aqyawfmaf ngaeq-aer jabyan ghae-euq mae.

Maˬkuˆ 7:36 ပူးပေါင်းရင်းမြစ်များ

Maꞈtehˬ 8:4

Kʼoeˇ naˇ, aˬ yawꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Gaˇ kawˆ heu tsawˇ haˬ tiˬ gʼaˬ-ahˇ-iˬ maˬ ja mehˬ ni yahˇ-awˬ. Ehˇ kʼawꞈ, piˇ ma jawˇ gaˇ iˇ-awˇ, nawˬ-euˬ gʼawˇ mawˇ-ahˇ bi pyehˆ tseˇ duˬ-awˬ. Kʼoeˇ naˇ, nawˬ-euˬ naˇ gawˇ taˬ leˇ-euˬ gaˇ kawˆ aˬ cawˬ bi siˬ duˬ-eu gʼaˇ duˬ, Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ lawˇ-eu shehˇ-eu jeˬ mˇ-iˇ-awˬ.”

Maˬkuˆ 3:12

Aˬ yawꞈ aˬ suˇ gʼaˬ pyeuꞈ-eu gaˇ kawˆ aꞈ cawˬ-ahˇ maˬ ehˇ mehˬ-eu gʼaˇ duˬ, nehꞈ yaw jawꞈ kʼoeˇ deuˬ-ahˇ Yeˬsuˇ yaw kʼaˆ kʼaˆ-ehˇ dawˬ biꞈ-euˬ meh.

Maˬkuˆ 5:43

Gaˇ kawˆ kʼoeˇ aˬ cawˬ maˬ bi siˬ ni yahˇ-eu gʼaˇ duˬ, aˬ yawꞈ maꞈ-ahˇ Yeˬsuˇ yaw kʼaˆ kʼaˆ-ehˇ ehˇ nehˬ-euˬ meh. Kʼoeˇ naˇ, “Aˬ buˇ-ahˇ tiˬ jeˬ paˬ bi dzaˬ-awˬ” lehˇ, aˬ yawꞈ maꞈ-ahˇ Yeˬsuˇ ehˇ nehˬ-euˬ meh.

Maˬkuˆ 7:35

Tiˬ poˆ tehꞈ-ehˇ tsawˇ haˬ kʼoeˇ gʼaˬ naˬ bawˇ gaˬ nya laˇ-euˬ uˬ taꞈ, mehˬ laˇ juˆ laˇ-awˇ, dawˬ ngehˬ lawˆ nya laˇ-euˬ meh.

Maˬkuˆ 7:37

Kʼoeˇ loꞈ-ehˇ ja gaˇ kʼaˇ ya gaˬ-euˬ tsawˇ haˬ dawˬ tawˆ luꞈ zahˬ dui dui leˇ-euˬ meh. Aˬ yawꞈ maꞈ ehˇ-eu, “A yawꞈ neh kʼaˇ mˇ-euˬ yawˬ jeˬ na luꞈ aˇ naˆ ni muiˬ-eu nga. Naˬ bawˬ deuˬ naˬ bawˇ gaˬ nya laˇ-awˇ, aˬ dzawˬ deuˬ dawˬ ngehˬ nya laˇ gaˇ keuˆ ni aˬ yawꞈ mˇ nya-euˬ nga.”

Maˬkuˆ 8:26

Kʼoeˇ naˇ, tsawˇ haˬ kʼoeˇ gʼaˬ-ahˇ “Pu-ahˇ taˬ uˇ leˇ de” lehˇ ehˇ nehˬ-awˇ bi gʼoꞈ-iˇ-euˬ meh.

Maˬkuˆ 9:9

Aˬ yawꞈ maꞈ gawˬ jawˬ-ahˇ neh zaꞈ ka le luꞈ geh, Yeˬsuˇ aˬ yawꞈ maꞈ-ahˇ dawˬ biꞈ-awˇ ehˇ-eu, “Tsawˇ haˬ-euˬ Zaˬmaˇ shiˇ-awˇ, Miˬyehˇ neh maˬ bi gʼoꞈ dehꞈ laˇ kʼoeˇ keuˆ ni, naw maꞈ neh kʼaˇ ya mawˇ-euˬ jeˬ, tiˬ gʼaˬ-ahˇ-iˬ taˬ ja nehˬ.”