Maˬkuˆ 7:34 - Akha

³⁴ Kʼoeˇ naˇ, Yeˬsuˇ mˬ-ahˇ gʼawˇ leuˇ-awˇ, saꞈ saꞈ ma gʼawˇ ka-eu laꞈ kʼoeˇ, “Iˇ paˬ daˬ” lehˇ ehˇ-eu meh. Dawˬ tsuiꞈ-aˬ, “Pah laˇ-awˬ” lehˇ ehˇ mawꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Khoernar-aq, Yeqsur mq paw haw-awr, saf safma ghawrdav-awr nae, “Irpaqdaq” laer aqyawf-anr aernaeq-euq mae. Dawqtsuif-aq, “Panlar-awq” laer aermawf-eu mae.

Maˬkuˆ 7:34 ပူးပေါင်းရင်းမြစ်များ

Doˆ-iˇ 2:23

Aˇ kʼoꞈ aˇ la myahˇ laˇ ngeh jawˇ, Iˇjiˇtuˆ miˇ kʼahˬ-ahˇ uˆ lahˇ-eu sahˬ paˬ ziˇ jiˇ-euˬ meh. Ehˇ kʼawꞈ, Iˇsaˬleˬlaˆ tsawˇ haˬ deuˬ shaˬ dui zahˬ dui dui-eu laꞈ kʼoeˇ, aˬ cawˬ zaˬ kʼaˆ ya geuꞈ luꞈ-awˇ, caw ba le-awˬ lehˇ guˇ guˇ-ehˇ ngoeˇ luꞈ-eu meh. Aˬ yawꞈ maꞈ ngoeˇ luꞈ-eu teˇ saˇ Miˬyehˇ-ahˇ gaˬ leˇ-euˬ meh.

Iˇsaˬyaˇ 53:3

Aˬ dui aˬ yawꞈ-ahˇ maˬ haw nahˇ-ehˇ byehˇ dzeh-euˬ ma. Shaˬ zahˬ dawˬ tawˆ luꞈ-ahˇ aˬ yawꞈ awˆ daˬ-euˬ meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ haw cawˬ nehˬ-a. Tiˬ jeˬ-iˬ gaˇ dahˇ maˬ tsoeˬ-eu tsawˇ haˬ loꞈ-ehˇ, aˬ yawꞈ-ahˇ aˬ dui yaw zeu maˬ baw-aˬ.

Maˬkuˆ 1:41

Aˬ yawꞈ-ahˇ Yeˬsuˇ gʼawˬ shaˬ haw gaˬ-awˇ, aˬ laꞈ cawˬ ja-awˇ toeˬ ciˆ nehˬ-eu laꞈ kʼoeˇ, “Ngaˇ jahˇ nehˬ mawꞈ-eu ma. Muiˬ laˇ shawˇ laˇ-awˬ” lehˇ ehˇ nehˬ-euˬ meh.

Maˬkuˆ 15:34

Uˬ ciꞈ uˬ taw naˬ liˬ smˇ laꞈ byah laˇ ngeh, Yeˬsuˇ yaw kʼaˆ-ehˇ guˇ-awˇ, “Eˇ liˇ, Eˇliˇ, laˬ maˬ saˬ baˇ taˬ niˬ” lehˇ ehˇ-eu meh. Dawˬ tsuiꞈ-aˬ, “Ngaˬ-euˬ Miˬyehˇ-oˇ, ngaˬ-euˬ Miˬyehˇ-oˇ, aˬ jeˬ miˇ neh ngaˬ-ahˇ byehˇ dzeh nehˬ laꞈ te” lehˇ ehˇ mawꞈ-eu meh.

Maˬkuˆ 5:41

Aˬ buˇ kʼoeˇ gʼaˬ-euˬ aˬ laꞈ-ahˇ Yeˬsuˇ nyehꞈ tehˬ-awˇ, “Daˬ liˇ daˬ guˇ miˇ” lehˇ ehˇ nehˬ-euˬ meh. Dawˬ tsuiꞈ-aˬ, “Aˬ buˇ zaˬ-oˇ, tuˇ-awˬ lehˇ ngaˇ nawˬ-ahˇ ehˇ-eu ma” lehˇ ehˇ mawꞈ-eu meh.

Maˬkuˆ 6:41

Kʼoeˇ naˇ, kaˬ muˇ kʼoeˇ ngaˬ siˬ hawˇ-eu ngaˬ shaˬ kʼoeˇ nyiˬ mawˇ-ahˇ Yeˬsuˇ yuˇ-awˇ, mˬ paw gʼawˇ leuˇ-awˇ Miˬyehˇ-euˬ guiˬ lahˬ-ahˇ ja ceuˬ-euˬ meh. Aˬ yawꞈ kaˬ muˇ ngawˬ pyehˬ-awˇ, gʼaˬ kʼehˇ deuˬ-ahˇ biꞈ nehˬ-awˇ, tsawˇ haˬ aˇ maꞈ-ahˇ bi biˇ nehˬ-euˬ meh. Ngaˬ shaˬ kʼoeˇ nyiˬ mawˇ kʼawꞈ, tsawˇ haˬ dawˬ tawˆ luꞈ-ahˇ aˬ yawꞈ bi biˇ oꞈ nehˬ-euˬ meh.

Maˬkuˆ 7:35

Tiˬ poˆ tehꞈ-ehˇ tsawˇ haˬ kʼoeˇ gʼaˬ naˬ bawˇ gaˬ nya laˇ-euˬ uˬ taꞈ, mehˬ laˇ juˆ laˇ-awˇ, dawˬ ngehˬ lawˆ nya laˇ-euˬ meh.

Maˬkuˆ 8:12

Ehˇ kʼawꞈ, Yeˬsuˇ saꞈ saꞈ ma gʼawˇ ka-awˇ ehˇ-eu, “Heu ziˇ-euˬ tsawˇ haˬ deuˬ aˬ jeˬ miˇ neh zahˬ leˇ paˬ-ehˇ gʼeh jeˬ-ahˇ mawˇ mawꞈ-eu maˬ siˬ. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Heu ziˇ-ahˇ dehꞈ luꞈ-eu tsawˇ haˬ deuˬ-ahˇ zahˬ leˇ paˬ-ehˇ gʼeh-eu jeˬ maˬ bi mawˇ lehˇ ngaˇ ehˇ-eu ma.”

Luˇkaꞈ 18:42

Yeˬsuˇ aˬ yawꞈ-ahˇ ehˇ nehˬ-eu, “Myaˇ nuiˆ mawˇ laˇ-awˬ. Nawˬ-euˬ jah-eu nui ma nawˬ-ahˇ bi taˬ leˇ-euˬ meh.”

Luˇkaꞈ 19:41

Aˬ yawꞈ meuˬ dawˬ peh le keuˆ-awˇ, meuˬ-ahˇ ya mawˇ ngeh, meuˬ-euˬ gʼaˇ duˬ tsawˇ ngoeˇ ngoeˇ-awˇ,

Luˇkaꞈ 7:14

Aˬ yawꞈ le-awˇ, seuˆ yoꞈ-ahˇ toeˬ ciˆ ngeh, seuˆ yoꞈ baꞈ luꞈ-eu tsawˇ haˬ deuˬ naˬ leˇ-euˬ meh. “Aˬ nyiˇ-oˇ, tuˇ laˇ-awˬ lehˇ nawˬ-ahˇ ngaˇ ehˇ-eu ma” lehˇ, shiˇ-euˬ kʼoeˇ gʼaˬ-ahˇ Yeˬsuˇ ehˇ nehˬ-euˬ meh.

Yoˇhaˬ 11:33

Maˬ liˇ ngoeˇ luꞈ-awˇ, Maˬliˇ nehˬ-ehˇ laˇ-euˬ tsawˇ haˬ deuˬ kʼawꞈ ngoeˇ luꞈ gaˇ Yeˬsuˇ ya mawˇ ngeh, aˬ yawꞈ-euˬ nui ma-ahˇ zaw dui dui leˇ-euˬ meh.

Yoˇhaˬ 11:35

Yeˬsuˇ myaˆ biˇ doˆ le-euˬ meh.

Yoˇhaˬ 11:38

Yeˬsuˇ nui ma-ahˇ paˇ zaw dui dui leˇ-awˇ, lmˬ bymˇ-ahˇ iˇ-euˬ meh. Lmˬ bymˇ kʼoeˇ-aˬ, lo kʼahˬ pyeuꞈ-awˇ, mehˬ kʼehˬ-ahˇ kʼaˬ lo ngawˬ tsoeˬ taˬ-euˬ meh.

Yoˇhaˬ 11:41

Kʼoeˇ ngeh, aˬ yawꞈ maꞈ kʼaˬ lo ngawˬ dzeh-euˬ meh. Yeˬsuˇ mˬ paw gʼawˇ leuˇ-awˇ ehˇ-eu, “Aˬda-oˇ, ngaˬ-euˬ shaˇ dawˬ-ahˇ nawˇ naˇ haˬ nehˬ laꞈ-eu miˇ neh nawˬ-euˬ guiˬ lahˬ-ahˇ ja ceuˬ-eu ma.

Yoˇhaˬ 11:43

Aˬ yawꞈ kʼoeˇ loꞈ-ehˇ ehˇ gʼaˬ ngeh, “Laˬzaˬluˇ-oˇ, doˆ le-awˬ” lehˇ yaw kʼaˆ-ehˇ guˇ-euˬ meh.

Yoˇhaˬ 17:1

Yeˬsuˇ kʼoeˇ loꞈ-ehˇ ngehˬ gʼaˬ tmˇ gʼaˬ ngeh, mˬ paw gʼawˇ leuˇ-awˇ heu loꞈ-ehˇ ehˇ-eu meh. “Aˬda-oˇ, aˇ yamˬ keuˆ le-euˬ meh. Zaˬ maˇ baˬ da neh nawˬ-euˬ yaw shehꞈ kʼahˬ sehˇ-ahˇ aˬ cawˬ mawˇ nya ni, nawˬ-euˬ Zaˬmaˇ-ahˇ yaw shehꞈ kʼahˬ sehˇ biꞈ laꞈ-awˬ.

Gʼaˬkʼehˇ 9:34

Beˬtuˆluˆ aꞈ yawꞈ-ahˇ ehˇ nehˬ-eu, “Ehˇneˬ-oˇ, Yeˬsuˇ Ka li nawˬ-ahˇ bi muiˬ laˇ-euˬ meh. Tuˇ-awˇ nawˬ-euˬ yuꞈ zaˇ laˆ luiˆ-awˬ.” Kʼoeˇ ngeh, Ehˇneˬ ja pyuˬ ni tuˇ laˇ-euˬ meh.

Gʼaˬkʼehˇ 9:40

Beˬtuˆluˆ-aˬ, aˬ yawꞈ maꞈ dawˬ tawˆ luꞈ-ahˇ laꞈ nyiˇ bi doˆ-iˇ jiˇ-awˇ, pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ meh. Kʼoeˇ naˇ, shiˇ taˬ-euˬ gʼawˇ mawˇ jaˆ gaˇ ciˬ pyawˇ-awˇ, “Daˬbiˇtaˆ-oˇ, tuˇ-awˬ”lehˇ ehˇ nehˬ-euˬ meh. Aˬ yawꞈ myaˆ nuiˆ byeh haw laˇ-awˇ, Beˬtuˆluˆ-ahˇ mawˇ ngeh, tuˇ-awˇ nuiˇ-euˬ meh.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.