Maˬkuˆ 7:31 - Akha

³¹ Kʼoeˇ naˇ, Duˇlu gahˬ kaˬ-ahˇ neh Yeˬsuˇ doˆ-iˇ-awˇ, Siˇdoˬ meuˬ-ahˇ neh Meuˬ tseˇ meuˬ miˇ kʼahˬ lehˇ kuˇ-eu paw iˇ gʼeh-awˇ, Gaˬliˬlehˇ lah-ahˇ iˇ doˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Khoernar-aq, Yeqsur, Durlu mirkhanq-anr nae dov-ir-awr, Sirdoq mirkhanq-anr nae Deqgaqborlir mirkhanq-anr irpav-awr, Gaqliqlaer lan-anr irkeuv-euq mae.

Maˬkuˆ 7:31 ပူးပေါင်းရင်းမြစ်များ

Maꞈtehˬ 11:21

“Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ jawˇ-euˬ maˬ siˬ.

Maꞈtehˬ 4:18

Yeˬsuˇ Gaˬliˬlehˇ lah lah dzeˇ iˇ luꞈ ngeh, ngaˬ shaˬ poˆ-eu tsawˇ haˬ pyeuꞈ-eu Beˬtuˆluˆ lehˇ kuˇ-eu Siˇmoˬ hawˇ-eu Aˬdehˬlehˬ aˬ nyaꞈ nmˇ lah laꞈ kʼoeˇ za dzeh luꞈ gaˇ ya mawˇ-euˬ meh.

Maꞈtehˬ 4:25

Gaˬliˬlehˇ miˇ kʼahˬ, Meuˬ tseˇ meuˬ-euˬ miˇ kʼahˬ, Yeˬluˇsaˬlehˬ meuˬ, Yuˇdaˆ miˇ kʼahˬ, Yawˇdaˬ lawˇ baˬ nui baˬ paw jaˆ-eu miˇ kʼahˬ, heu deuˬ laꞈ kʼoeˇ jawˇ-eu tsawˇ haˬ deuˬ aˬ yawꞈ mehˬ nah caw teh-euˬ meh. Aˬ yawꞈ mehˬ nah caw teh-eu tsawˇ haˬ aˇ maꞈ kʼoeˇ maꞈ myaˬ dui dui-eu meh.

Maˬkuˆ 5:20

Kʼoeˇ naˇ, tsawˇ haˬ kʼoeˇ gʼaˬ Meuˬ tseˇ meuˬ miˇ kʼahˬ lehˇ kuˇ-eu miˇ kʼahˬ doe ni iˇ-awˇ, aˬ yawꞈ gʼaˇ duˬ Yeˬsuˇ aˇ naˆ ni mˇ nehˬ-euˬ gaˇ kawˆ ja mehˬ-iˇ-euˬ meh. Gaˇ kawˆ kʼoeˇ kʼaˇ yaˬ gaˬ-euˬ tsawˇ haˬ dawˬ tawˆ luꞈ zahˬ dui dui leˇ-euˬ meh.

Maˬkuˆ 7:24

Kʼoeˇ naˇ, Yeˬsuˇ kʼoeˇ gaˇ neh doˆ-iˇ-awˇ, Duˇlu meuˬ dawˬ peh jaˆ-eu miˇ kʼahˬ-ahˇ iˇ gʼeh-euˬ meh. Aˬ yawꞈ nymˇ tiˬ nymˇ-ahˇ uˇ-iˇ-awˇ, aˬ yawꞈ kʼoeˇ gaˇ jawˇ-eu gaˇ kawˆ tsawˇ haˬ tiˬ gʼaˬ-iˬ maˬ bi siˬ mawꞈ-a. Ehˇ kʼawꞈ, aˬ yawꞈ maˬ jawˇ zaꞈ nya-a.

Maˬkuˆ 7:30

Aˬ yawꞈ iˇ kahˇ-ahˇ gʼoꞈ-iˇ ngeh, aˬ yawꞈ-euˬ aˬ buˇ yuꞈ zaˇ kʼoeˇ taˆ yuꞈ luꞈ-awˇ, nehꞈ kʼoeˇ mawˇ aˬ diˇ aˬ maˇ doˆ-iˇ dzeuˇ-euˬ gaˇ ya mawˇ-euˬ meh.