Maˬkuˆ 7:28 - Akha

²⁸ Aˬ yawꞈ ehˇ-eu, “Sahˬpaˬ-oˇ, hawˬ jeh uˬ moˆ jawˇ-eu aˬ kuiˬ deuˬ kʼawꞈ, zaˬ neh dzaˬ dzeh dawˇ dzeh-euˬ deuˬ-ahˇ gʼoˆ dzaˬ-eu meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Khoerngae, aqma khoerghaq aerkhof-eu, “Sanqpaq-or, ngeur mae. Aerkhawf, hawqje-euq uqmov jawr-eu aqkuiq khawf, zaq nae dzaqdzae-euq jeq-anr ghovdzaq-eu mae.”

Maˬkuˆ 7:28 ပူးပေါင်းရင်းမြစ်များ

Jaceuq 145:16

Nawˇ aˬ yawꞈ maꞈ-ahˇ bi dzaˬ bi dawˇ dehˆ-awˇ, dawˬ tawˆ luꞈ-ahˇ kʼaˇ loˬ-eu jeˬ biꞈ nehˬ-eu meh.

Iˇsaˬyaˇ 45:22

“Miˇ tsaˬ tsawˇ haˬ dawˬ tawˆ luꞈ-oˇ, Nymˬ-mˇ ngaˇ jawˇ gaˇ gʼoꞈ laˇ-awˬ. Naw maꞈ-ahˇ ngaˇ ka kʼoꞈ nehˬ ma. Miˬyehˇ ngaˇ tiˬ gʼaˬ jawˇ-eu tehꞈ ma.

Iˇsaˬyaˇ 49:6

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ-oˇ, ngaˇ nawˬ-ahˇ, huiˬ dzehˬ-eu gaˇ paˇ bi mˇ ma. Dzeuˇ-iˇ-euˬ Iˇsaˬleˬlaˆ tsawˇ haˬ-ahˇ sheuˬ kʼoꞈ doˆ-awˇ, aˬ yawꞈ maꞈ dehꞈ doˆ dzaˬ laˇ ni ya mˇ-eu gaˇ tehꞈ-ehˇ maˬ ngeuˇ, mˬ dzeˇ miˇ dzeˇ keuˆ ni ka kʼoꞈ-eu jeˬ za ni, nawˬ-ahˇ miˇ tsaˬ-euˬ yaw shehꞈ paˇ bi geuꞈ-eu ma.”

Maꞈtehˬ 15:27

Zaˬ miˬ zaˬ kʼoeˇ gʼaˬ ehˇ-eu, “Sahˬ paˬ-oˇ, nawˇ ehˇ-eu tsaˬ meh. Ehˇ kʼawꞈ, aˬ kuiˬ-aˬ, yaw sahˇ gʼaˬ-euˬ hawˬ jeh-ahˇ neh ga le-euˬ dzaˬ ngehˬ dawˇ dzeh deuˬ-ahˇ ya gʼoˆ dzaˬ-eu tehꞈ-ehˇ kʼawꞈ, nui kʼahˇ shiˇ meh.”

Maꞈtehˬ 5:45

Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

Maˬkuˆ 7:27

Ehˇ kʼawꞈ, Yeˬsuˇ aˬ yawꞈ-ahˇ ehˇ nehˬ-eu, “Zaˬ deuˬ-ahˇ tiˬ dehˆ jeˬ huˬ bi dzaˬ kaˇ-euˇ. Zaˬ dzaˬ-eu dzaˇ yuˇ-awˇ aˬ kuiˬ-ahˇ dzeh nehˬ-eu maˬ tsaˬ-aˇ.”

Maˬkuˆ 7:29

Kʼoeˇ ngeh, Yeˬsuˇ aˬ yawꞈ-ahˇ ehˇ nehˬ-eu, “Nawˇ teu loꞈ-ehˇ ehˇ gʼaˬ-euˬ miˇ neh, gʼoꞈ-iˇ-awˬ. Nawˬ buˇ-ahˇ uˇ-eu nehꞈ doˆ-iˇ gʼaˬ-euˬ gaˇ nawˇ ya mawˇ tehꞈ-a.”

Lormav 10:12

Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ tseˇ paˆ ni, dawˬ tawˆ luꞈ ahˇ leˇ jiˇ-eu meh. Miˬyehˇ-aˬ, dawˬ tawˆ luꞈ-euˬ Sahˬpaˬ pyeuꞈ-awˇ, aˬ yawꞈ-ahˇ kʼaˇ kuˇ-eu tsawˇ haˬ-ahˇ guiˬ lahˬ tiˬ byah ni biꞈ nehˬ-eu meh.

Lormav 3:29

Maˬ ngeuˇ naˇ, Miˬyehˇ-aˬ, Yuˇdaˆ tsawˇ haˬ deuˬ-euˬ Miˬyehˇ tehꞈ-a loˇ. Aˬ cawˬ tsawˇ jeuˬ-euˬ Miˬyehˇ maˬ ngeuˇ-a loˇ. Ngeuˇ meh. Yuˇdaˆ tsawˇ haˬ maˬ ngeuˇ-eu deuˬ-euˬ Miˬyehˇ kʼawꞈ ngeuˇ meh.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.